Post: #1
Title: عشان مصداقية المنبر ، لم يتم اخلاء السلاح الطبى و الحركة عادية
Author: هجو الأقرع
Date: 03-02-2012, 02:33 PM
Parent: #0
إشارة الى بوست الزميل هجو مختار ان السلاح الطبى ، تم اخلاءه و ان عددا كبير من الاطباء و غيره من الجرحى ، المهم الاخوان شيخ العرب العوض المسلمى اكد ان الامور طبيعية بل تحدث الى بعض المسئولين هنالك ، و كذلك الاخ محمد حامد جمعة برضو من داخل المستشفى او ومن داخل السلاح الطبى اكدا ان الامور عادية ، و ان هنالك عدد 2 سيارة اسعاف واقفة فى هدوء و سكينه ، و لا اثر لاى امر طارئ ، و بوردابى اخر فى طريقة للمكان.
إذا ثبت غير ذلك فاننى سوف اعتذر عن ما ذكرته هنا .
|
Post: #2
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: هجو الأقرع
Date: 03-02-2012, 02:37 PM
Parent: #1
طبعا مع كامل تقديرى و احترامى للاخ هجو
و عليه برضو نشكر الاخوان عوض المسلمى
و الاستاذ محمد حامد جمعة ، اللهم احفظ
البلاد و العباد من كل سوء.
على المستوى الشخصى الخبر مزعج فكان الاتصال
بالاخوان و لحسن الحظ كانا قرب المكان
|
Post: #3
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: Mohamed Suleiman
Date: 03-02-2012, 02:47 PM
Parent: #2
إنت عارف يا هجو الأقرع .... نفيك ده البجي بعد 24 ساعة من خبر الأخ هجو مختار ... بالضبط زي نفي الصوارمي الذي أصبح الآن نفيه يعني ثبوت ما يريد نفيه ......
دي واحدة ..
التانية ... كان نفيك ده مفروض يكون في البوست داك زاتو ...... ليحصل بعد ذلك مسألة الإثبات من ناقل الخبر ... و دحضك أنت بالحجة و البرهان
لكن كونو تنفي هنا زي نفي ناس علاءالدين لوجود مظاهرات بعد حدوثها ... شئ ربما يطعن في مصداقيتك ....
و بعد ده كللللّو ...
تبقي الحقيقة ...... مليشيات الحكومة في كردفان تلقت هزائم منكرة ... و نحن هنا لا نتحدث عن مباراة ودّية في كرة قدم.
|
Post: #6
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: هجو الأقرع
Date: 03-02-2012, 03:00 PM
Parent: #3
الاخ الكريم محمد سليمان سلام من الله ورحمة
يا اخى ، السلام سنه ، ليس بيننا لا سامح
الله اى شىء ، يا محمد اقول لك لا امس و لا اليوم
كانت الامور عادية. يا محمد سليمان اخلاء السلاح
الطبى ليس بالامر الساهل كان الخرطوم كلها عرفت
اقول لك لا امس و لا اليوم الامور عاديه، يا شيخنا
نفى الموضوع لابد من فتح بوست لانو مهم.
كما ان البوست بني على اخر مداخلة للاخ هجو
يعنى تاريخ اليوم و بفارق بسيط ، و بالرغم من انه اورد
الخبر ، إلا انه ظل يتساءل عن وضع السلاح
الطبى .
|
Post: #4
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: Mohamed Suleiman
Date: 03-02-2012, 02:48 PM
Parent: #2
عفوا للتكرار
.
|
Post: #5
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: محمد حامد جمعه
Date: 03-02-2012, 02:54 PM
Parent: #4
الحديث عن اخلاء السلاح الطبى كذب كذب ، اكتب هذه السطور وقد عدت قبل دقائق من المسشتفى العسكرى كنت هناك فى عيادة مريض ، وكل الحركة عادية ... الاخلاء كذبة كبيرة
|
Post: #7
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: هجو الأقرع
Date: 03-02-2012, 03:04 PM
Parent: #5
شكرا اخى الكريم الاستاذ محمد حامد جمعة
جمعة مباركة للجميع ، اللهم جنبنا الفتن
ما ظهر منها و ما بطن.
|
Post: #8
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: Tragie Mustafa
Date: 03-02-2012, 03:17 PM
Parent: #7
الحبيب ابو محمد
سلامات....
اريتك يا الحبيب كان جبته لينا مصادر غير ديل!!
ياهم نفس الجماعه الكانوا بجونا ينفوا المظاهرات!
طيب خد دي مني:
هنالك عشرات العيانين كانوا عندهم مواعيد مع اخصائين
محدده من زمن وكانوا بقوائم الانتظار!
ذهبوا لمواعيدهم تم الاعتذار لهم ودون تحديد مواعيد آخرى بانه
أغلب الاخصائين تم تسفيرهم للعمليات!!عارف ليه؟!تم تسفيرهم\ولم يحضروا الجرحى؟!
لانه الاعداد كبيره وعارفين لن يخلوا الامر من تسرب الحقيقيه للمواطنين انه اللواء كامل
تم ضربه6000 جندي وضابط....الطلعوا منهم احياء لا يفوقوا ال 400!!
والبقية قلتى ومصابين؟!
المسلمي شنو البنيفي
ود جمعه شنو البيأكد النفي!!
انت الاطباء و الممرضين و الفنين ديل قالهم مقطوعين من شجره؟!
ما كل زول ودع اهله وقال ماشي للعمليات؟!
بنك الدم فاضي!!
اها الدم كله تم نقل لمناطق للعلميات!
ولا زال الاطباء يصرخون الحقونا بدم زياده!!
والباقي تلقاهوا...هنا....
اها جيش البشير ده خليتا جاكي وصل (ام روابه)يا ترى اليوم وصل وين؟!
|
Post: #9
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: العوض المسلمي
Date: 03-02-2012, 03:26 PM
Parent: #8
سلام اخي و الف تحية لضيوفك
واسأل تراجي منذ متي وجدتني كاذبا ؟؟
|
Post: #10
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: هجو الأقرع
Date: 03-02-2012, 04:20 PM
Parent: #9
Quote: المسلمي شنو البنيفي
ود جمعه شنو البيأكد النفي!!
انت الاطباء و الممرضين و الفنين ديل قالهم مقطوعين من شجره؟!
ما كل زول ودع اهله وقال ماشي للعمليات؟!
|
الاخت الكريمة ام حازم سلام من الله ورحمة
حاشا لله ان يكون الاخ العوض المسلمى كاذبا
و برضو حاشالله ان يكون اخى محمد حامد كاذبا ، برضو يا
تراجى العجلة مش كويسه ، و حقو تتريسى قبل انزال
الكلام.
اسف اخوانى العوض و محمد لما اصابكم من كلام
الاخت تراجى.
و الله ما شهدت لكم هنا إلا كل خير ، وحتى خارج
المنبر انعم بكم من رجال و اخوان اعزاء.
|
Post: #11
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: الشفيع وراق عبد الرحمن
Date: 03-02-2012, 06:40 PM
Parent: #10
هجو، جمعة، المسلمي
ما معقول يا جماعة البتسوو فيهو ده
خلوهم يمرحو شوية
طاما تراجي قالت في 5600 قتلوا وجرحوا، لازم يكون في 5600 جرحوا وقتلوا
الكضب لزومو شنو؟
يا محمد سليمان
ابشرك
ربعك سكوهم الى عمق الجنوب، ات ما سامع الولولة ولّ شنو؟
دهـ اسمه (الدواس)
نظفنا دارفور من دنس العملاء والمرتزقة، وقريبا كردفان
تحياتي لكم جميعاً
|
Post: #12
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: Haju Muktar
Date: 03-02-2012, 11:37 PM
Parent: #11
سميي المكاشفي ابوعمر
انا ما بكذب لانو دي ما شيمة المكاشفيه
انا مابقول ابوي الشيخ قال شنو لكن بتعرف
تعال رد لي في البوست بتاعي واقفل البوست بتاعك
نتلاقي يا حبيب
|
Post: #13
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: حذيفه ابراهيم الكباشي
Date: 03-03-2012, 00:10 AM
Parent: #12
| Quote: تم ضربه6000 جندي وضابط....الطلعوا منهم احياء لا يفوقوا ال 400!! |
ديل رشوهم بي بف باف ولا شنو؟
.......
|
Post: #14
Title: Re: عشان مصداقية المنبر ، لم يتم اخلاء السلاح الطبى و الحركة عادية
Author: Tragie Mustafa
Date: 03-03-2012, 04:26 AM
هجو سلامات
اها...عايز...تطلع الفيلم شخصي....
نبقى...في المسلمي كذاب و محمد جمعه كذاب؟!
اليس هم انفسهم
بورداب الخرطوم الكل يوم بينفوا المظاهرات ولا ناس ثانين؟!
|
|