Post: #1 Title: هاتفنى قير تور من جوبا Author: خالد المحرب Date: 03-02-2012, 07:12 AM Parent: #0
فى اتصال من مدينة جوبا الرقم قريب على بهذا المفتاح الو اهلا ياشيخ العرب معاك قير من جوبا كيف احوالك واولادك انشاء الله بخير فرحت جدا وحزنت فى نفس الوقت اخونا قير كان نائب القنصل فى سفارة المليون ميل فى الرياض استضفته فى بيتى وتحدثنا واتونسنا وكان الحضور اهلى وعشيرتى بالرياض فنعم الرجل
Post: #2 Title: Re: هاتفنى قير تور من جوبا Author: Mahmoud Mustafa Mahmoud Date: 03-02-2012, 07:20 AM Parent: #1
يا سلاااااااااااام يا شيخ العرب...
دي لوحة ممكن تخلي الواحد يبكي هسي دي...
تحياتي لك وجمعتكم مباركة..
..
.
Post: #3 Title: Re: هاتفنى قير تور من جوبا Author: خالد المحرب Date: 03-02-2012, 07:26 AM Parent: #2
Quote: ي لوحة ممكن تخلي الواحد يبكي هسي دي...
تحياتي لك وجمعتكم مباركة..
..
اهلا اخى محمد مصطقى الله يبارك فى ايامك ياسيدى فعلا نحن كنا نتمنى ان يكون البلد هو البلد الذى لقيناهو مما قمنا بغض النظر عن الاختلاف بين النخب السياسيه نحن كشعب تربطنا علاقه لايمكن ان تنحل ابدا
Post: #4 Title: Re: هاتفنى قير تور من جوبا Author: خالد المحرب Date: 03-02-2012, 07:49 AM Parent: #3
قير تور عضو فى المنبر وعندما خلصنا من الكلام سالته مالك ماقاعد اشوفك فى المنبر قال مشغول فقلت له انا سوف افتح بوست بهذه المناسبه قال لى دى مناسبه زاتا انا اجى اقول كلام كتير فوعدنى بالدخول اليوم فى هذا البوست
Post: #5 Title: Re: هاتفنى قير تور من جوبا Author: Mahmoud Mustafa Mahmoud Date: 03-02-2012, 08:12 AM Parent: #4
مرحباً به..
وشكراً لك مرة تانية عشان إنت زول تجمع ولا تفرق
..
.
Post: #6 Title: Re: هاتفنى قير تور من جوبا Author: الامين موسى البشاري Date: 03-02-2012, 09:33 AM Parent: #5
Quote: معاك قير من جوبا كيف احوالك واولادك انشاء الله بخير فرحت جدا وحزنت فى نفس الوقت اخونا قير كان نائب القنصل فى سفارة المليون ميل فى الرياض استضفته فى بيتى وتحدثنا واتونسنا وكان الحضور اهلى وعشيرتى بالرياض فنعم الرجل
يا ســلام يا شيخ العرب التقيته مباشرة وتعاملت معه عدة مرات بحكم وظيفته في السفارة هو من القلائل جدا الذين يجبرونك على احترامهم ليت كل دبلوماسينا مثله قصدته في معاملة تتعلق بجوازي في السفارة اتم مهمته الرسمية معي كما ينبغي....... وبعدها قدمت له نفسي وتعرفت عليه بصراحة زول جميل يدخل قلبك بدون استئذان
تمنياتي له بالتوفيق وهنيئاً للجنوب بأمثاله
Post: #7 Title: Re: هاتفنى قير تور من جوبا Author: خالد المحرب Date: 03-02-2012, 09:50 AM Parent: #6
Quote: التقيته مباشرة وتعاملت معه عدة مرات بحكم وظيفته في السفارة هو من القلائل جدا الذين يجبرونك على احترامهم ليت كل دبلوماسينا مثله قصدته في معاملة تتعلق بجوازي في السفارة اتم مهمته الرسمية معي كما ينبغي....... وبعدها قدمت له نفسي وتعرفت عليه بصراحة زول جميل يدخل قلبك بدون استئذان
تمنياتي له بالتوفيق وهنيئاً للجنوب بأمثاله
انا زيك اخى البشارى لم اعرفه فى السودان تعرفت علبه فى السفاره اول حاجه ارتحت بانو فى جنوبى فى السفاره دا شى كويس فى فهمى تعرفت عليه قدمت له نفسى شلت تلفونه قدمت ليه دعوه ما تردد ابدا سعدنا به ايما سعاده
Post: #9 Title: Re: هاتفنى قير تور من جوبا Author: خالد المحرب Date: 03-02-2012, 12:54 PM Parent: #8
Quote: شيخ العرب كيف امورك والاولاد وامهم
بلغه منا السلام
تحياتي
زاتوووو
الزول الجميل سلامك يصل للاسره شكرا ياسيدى
Post: #10 Title: Re: هاتفنى قير تور من جوبا Author: فيصل عثمان الحسن Date: 03-02-2012, 02:23 PM Parent: #9
شيخ العرب جمعتك مباركة , قاتل الله السياسة ياخ , تعرف مشكلتنا نحن فى السودان ما أدينا نفسنا فرصة عشان نعرف بعضنا كويس , وطبعا للاعلام والدولة دور كبير فى ذلك , اخوتنا فى جنوب الوطن يعلم الله أنهم كنوز من الود والمحبة الصادقة , لدي صديق وزميل مهنة يشهد الله أنه لم يبارح مخيلتى وهو الحبيب جدا لقلبى اللواء شرطة أقوير الجاك مبيور , هذا الرجل الراقى تزاملت واياه فى كلية الشرطة خلال العامين 1981 , 1982 , وخلال السنتين كنا نسكن فى عنبر واحد وسريرين متجاورين , لم نختلف مطلقا بل عند الحوجة كان يخدم أحدنا الآخر وبمنتهى الأريحية والصدق , واستمرت علاقتنا بعد التخرج الى ان غادرت السودان الى منفاي , كم أشتاق لسماع أخبار ذلك الصديق وأظنه هو الآخر يبحث عن اخبارى , أكثر ما يحزننى ان عدت للسودان فأنى لن أجد صديقى أقوير ولن اجد ذلك الوطن الذى كان يجمعنا , تحياتى لك وللعزيز قير تور وأدام الله بيننا التواصل الانسانى ولعنة الله على كل من تسبب فى معاناتنا وشرزمة وطننا.
Post: #11 Title: Re: هاتفنى قير تور من جوبا Author: Medhat Osman Date: 03-02-2012, 03:41 PM Parent: #10
Wardi in southern Sudan.وردي . عشة كلمينا ميري ذكرينا.جنوب السودان
Post: #12 Title: Re: هاتفنى قير تور من جوبا Author: Tragie Mustafa Date: 03-02-2012, 03:56 PM Parent: #11
الفاضل شيخ العرب خالد المحرب وكل الاحباء العبروا من هنا... وايضا للحبيب قير تور
شكرا يا فيصل الحسن وفعلا محزن ما حدث بيننا؟! ومحزن انه غالبية اهل الشمال الطيبه زيكم يا فيصل و خالد المحرب... وغيرهم ايضا لم يتاح للآخرين معرفتهم....
Quote: شيخ العرب جمعتك مباركة , قاتل الله السياسة ياخ , تعرف مشكلتنا نحن فى السودان ما أدينا نفسنا فرصة عشان نعرف بعضنا كويس , وطبعا للاعلام والدولة دور كبير فى ذلك , اخوتنا فى جنوب الوطن يعلم الله أنهم كنوز من الود والمحبة الصادقة , لدي صديق وزميل مهنة يشهد الله أنه لم يبارح مخيلتى وهو الحبيب جدا لقلبى اللواء شرطة أقوير الجاك مبيور , هذا الرجل الراقى تزاملت واياه فى كلية الشرطة خلال العامين 1981 , 1982 , وخلال السنتين كنا نسكن فى عنبر واحد وسريرين متجاورين , لم نختلف مطلقا بل عند الحوجة كان يخدم أحدنا الآخر وبمنتهى الأريحية والصدق , واستمرت علاقتنا بعد التخرج الى ان غادرت السودان الى منفاي , كم أشتاق لسماع أخبار ذلك الصديق وأظنه هو الآخر يبحث عن اخبارى , أكثر ما يحزننى ان عدت للسودان فأنى لن أجد صديقى أقوير ولن اجد ذلك الوطن الذى كان يجمعنا , تحياتى لك وللعزيز قير تور وأدام الله بيننا التواصل الانسانى ولعنة الله على كل من تسبب فى معاناتنا وشرزمة وطننا.
يا فيصل لا تصمتوا وتتركوا القبحاء يتحدثون! فالنحرص ان ننثر الجمال و المحبه....فان الوطن يتمزق بين يدينا!
Post: #13 Title: Re: هاتفنى قير تور من جوبا Author: Elbagir Osman Date: 03-02-2012, 05:00 PM Parent: #12
العزيز المحرب
تحياتي لك
ومن خلالك لقير تور
أحساسي بإنتمائي عبر عنه في بوست آخر عضو المنبر عبد الكريم (أظن البعض يناديه بكيكي.. العضو الخاتي صورة الجلكين أبو كدوس)
فقد استخدم تعبر "السودان الكبير"
ووجدت أن ذلك يعبر عني
فأنا أنتمي للسودان الكبير
وآظن ذلك ينطبق عليك أيضا
وعلى غالبية السودانيين في الشمال والجنوب
فلنحافظ على تلك الروابط ولنقويها
حتى يقضي الشعب أمرا كان مفعولا بعد التخلص من "من يفصلنا"
Quote: وارجو ان يعود جميع الاخوة اعضاء المنبر من الجنوب الحبيب الذين ابتعدوا كرها او طوعا للكتابة في المنبر..فهذه المساحة لنا نحن الذين
الشكر والتقدير للجميع الاخوة السودانيين شمالا ... نحن في جمهورية جنوب السودان، برغم انفصال السياسي فان الموقع الجغرافي توحدنا... لنا اصدقاء وزملاء في الشمال لن ننساهم سنظل نمد جسور التواصل مهما كان الظروف والاحوال بين الدولتين.. الأخ قير تور من خيرة الكوادر الجنوبيةالمؤهلةالذين تلقوا تعاليمهم في مدارس وجامعات السودان الكبير.. تحيات جوك
Post: #16 Title: Re: هاتفنى قير تور من جوبا Author: خالد المحرب Date: 03-02-2012, 11:13 PM Parent: #15
Quote: ل عند الحوجة كان يخدم أحدنا الآخر وبمنتهى الأريحية والصدق , واستمرت علاقتنا بعد التخرج الى ان غادرت السودان الى منفاي , كم أشتاق لسماع أخبار ذلك الصديق وأظنه هو الآخر يبحث عن اخبارى , أكثر ما يحزننى ان عدت للسودان فأنى لن أجد صديقى أقوير ولن اجد ذلك الوطن الذى كان يجمعنا , تحياتى لك وللعزيز قير تور وأدام
تحياتى لك ولصديقك واتمنى ان تكون مداخلتك دى سبب فى الوصول الى صديقك اقوير انا سعدت جدا بك من خلال هذه المداخله اللطيفه
Post: #22 Title: Re: هاتفنى قير تور من جوبا Author: فيصل عثمان الحسن Date: 03-03-2012, 01:31 AM Parent: #12
Quote: شكرا يا فيصل الحسن وفعلا محزن ما حدث بيننا؟! ومحزن انه غالبية اهل الشمال الطيبه زيكم يا فيصل و خالد المحرب... وغيرهم ايضا لم يتاح للآخرين معرفتهم....
الغالية أم حازم وسند ربنا يجبر خاطرك ياخ , تصدقى ياتراجى أن الكثير من أبناء دفعتنا من جنوبنا الحبيب والبالغ عددهم 28 ضابط شرطة ورغم الانفصال مازالوا يرسلون مساهماتهم فى مال الزمالة الخاص بدفعتنا , ياتو منطق وياتو فهم وياتو سياسة دى البتخلينا نفرط فى اخوة بكل ذلك البهاء والنقاء والحس الانسانى العالى , عندما يتحرر الوطن من ربقة هذا النظام الفاشى يلزمنا عمل مسيرة راجلة تنطلق من الخرطوم الى جوبا لعلنا نضمد جراح غائرة تسبب فيها العنصريون ذوى الأفئدة التالفة والأفق السقيم.
Quote: يا فيصل لا تصمتوا وتتركوا القبحاء يتحدثون! فالنحرص ان ننثر الجمال و المحبه....فان الوطن يتمزق بين يدينا!
وحياتك يا عزيزة ما صامتين ولا حنصمت وسنعمل مع المخلصين من ابناء الشمال والجنوب لتعود للوطن عافيته , وزى ما قال أخونا محمد خليل يا ريت يعود كل الاحباب من ابناء الجنوب الذين توقفوا عن الكتابة فى هذا المنبر ويساهموا فى كل ما من شانه أن يزيل ما فعله ساسة الغفلة ونبى سويا وطن يشبهنا او على الأقل ننعم بجيرة حسنة وتواصل انسانى نورثه لصغارنا . شكرا يا محرب ويا قير تور على هذه النافذة .
Post: #17 Title: Re: هاتفنى قير تور من جوبا Author: خالد المحرب Date: 03-02-2012, 11:20 PM Parent: #11
شكرا اخى مدحت واسال ان يرحم وردى ويشفى صاحب القصيده محجوب شريف اشكرك على هذا التواصل اخى العزيز
Post: #18 Title: Re: هاتفنى قير تور من جوبا Author: خالد المحرب Date: 03-02-2012, 11:26 PM Parent: #17
Quote: لفاضل شيخ العرب خالد المحرب وكل الاحباء العبروا من هنا... وايضا للحبيب قير تور
اختنا ام حازم الله يديك العافيه شكرا على الكلام الجميل مرورك اسعدنى
Post: #19 Title: Re: هاتفنى قير تور من جوبا Author: خالد المحرب Date: 03-02-2012, 11:41 PM Parent: #18
Quote: العزيز المحرب
تحياتي لك
ومن خلالك لقير تور
أحساسي بإنتمائي عبر عنه في بوست آخر عضو المنبر عبد الكريم (أظن البعض يناديه بكيكي.. العضو الخاتي صورة الجلكين أبو كدوس)
فقد استخدم تعبر "السودان الكبير"
ووجدت أن ذلك يعبر عني
فأنا أنتمي للسودان الكبير
اخى الباقر شكرا لك وانت تعبر عن ما بداخلك تجاه والوطن وشعبه من نمولى الى حلفا دا احساس جميل ومريح لك منى التحيه والاحترام
Post: #20 Title: Re: هاتفنى قير تور من جوبا Author: خالد المحرب Date: 03-02-2012, 11:46 PM Parent: #19
Quote: وارجو ان يعود جميع الاخوة اعضاء المنبر من الجنوب الحبيب الذين ابتعدوا كرها او طوعا للكتابة في المنبر..فهذه المساحة لنا نحن الذين
نحبكم من اعماق قلوبنا فلا تحرمونا وصالكم.
لك وله فائق التقدير
الاخ محمد خليل احييك واحى فيك الروح الجميله وكلماتك الصادقه دام الود بيننا
Post: #21 Title: Re: هاتفنى قير تور من جوبا Author: خالد المحرب Date: 03-02-2012, 11:52 PM Parent: #20
Quote: الشكر والتقدير للجميع الاخوة السودانيين شمالا ... نحن في جمهورية جنوب السودان، برغم انفصال السياسي فان الموقع الجغرافي توحدنا... لنا اصدقاء وزملاء في الشمال لن ننساهم سنظل نمد جسور التواصل مهما كان الظروف والاحوال بين الدولتين.. الأخ قير تور من خيرة الكوادر الجنوبيةالمؤهلةالذين تلقوا تعاليمهم في مدارس وجامعات السودان الكبير.. تحيات جوك
اخونا جوك نعم الانفصال سياسى ولكن السودان موحد بشعبه وسوف يعود موحدا مره اخرى انشاء الله كوطن وتكتمل الخريطه وتعود لوضعها الطبيعى شكرا لك وانا ناوى اسجل اول زياره لمدينة جوبا اها دايرين منكم الاستقبال
Post: #23 Title: Re: هاتفنى قير تور من جوبا Author: خالد المحرب Date: 03-03-2012, 01:41 AM Parent: #21
Quote: شكرا يا محرب ويا قير تور على هذه النافذة .
اخى فيصل سعدنا بك ابو مازن ايما سعاده والتحيه عبرك الى اسرتك اخى الكريم رجعت لى البروفايل عرفت انك مقيم بسويسرا وعندك مازن وشذا ربنا يخليهم ليك ووالدتهم دا سبب التعديل
Post: #24 Title: Re: هاتفنى قير تور من جوبا Author: فيصل عثمان الحسن Date: 03-03-2012, 02:04 AM Parent: #23
Quote: اخى فيصل سعدنا بك ابو مازن ايما سعاده والتحيه عبرك الى اسرتك اخى الكريم رجعت لى البروفايل عرفت انك مقيم بسويسرا وعندك مازن وشذا ربنا يخليهم ليك ووالدتهم
أخى الفاضل شيخ العرب خالد المحرب , انا الأسعد بالتواصل مع رجل كريم فى قامتكم مهموم بوطنه ووفى لعلاقاته الانسانية ربى يحفظك واسرتك الكريمة من كل مكروه ويديم المودة بيننا أكيد تقديرى واحترامى .
Post: #25 Title: Re: هاتفنى قير تور من جوبا Author: د.نجاة محمود Date: 03-03-2012, 03:09 AM Parent: #24
سلامات يا شيخ العرب
بلغ عنا قير المحبة والمودة التي تعبر كل الحدود السياسية وتهزمها وسيكون دائما في قلوبنا المحبة له.
Post: #26 Title: Re: هاتفنى قير تور من جوبا Author: خالد المحرب Date: 03-03-2012, 04:35 AM
Quote: ت يا شيخ العرب
بلغ عنا قير المحبة والمودة التي تعبر كل الحدود السياسية وتهزمها وسيكون دائما في قلوبنا المحبة له
كلامك دا يا د كتوره بلسم طبعا انطباع ناس كتار مصنفه كوزه وانا اعرف انك زوله حقانيه وبس .. ودا السبب بين فهم المعارضه وفهم ناس الحكومه انا فى راى حتى لا اعمم البعض منهم يجانب الصواب لك منى كل الاحترام
Post: #27 Title: Re: هاتفنى قير تور من جوبا Author: Al-Shaygi Date: 03-03-2012, 04:47 AM Parent: #26
Quote: هاتفنى قير تور من جوبا
أبو أحمد والله ده خبر جميل جداً أنه نسمع أخبار طيبة عن أخونا قير تور فقد عاش بيننا سنوات مرت كلمح البصر، كان فيها الأخ والصديق قبل أن يكون نائب القنصل أنه خير من مر على هذا المنصب خلال العقدين الماضيين
آمل شاكراً أن ترسل لي الرقم كبطاقة أعمال على جوالي لأتصل به ...
Post: #28 Title: Re: هاتفنى قير تور من جوبا Author: خالد المحرب Date: 03-03-2012, 04:54 AM Parent: #27
Quote: مل شاكراً أن ترسل لي الرقم كبطاقة أعمال على جوالي لأتصل به ...
حاضر حظك كويس انى ما طلعت بسبب الغبار رسلت ليك ت قير
Post: #29 Title: Re: هاتفنى قير تور من جوبا Author: محمد علي البصير Date: 03-03-2012, 09:02 AM Parent: #28
Quote: شيخ العرب جمعتك مباركة , قاتل الله السياسة ياخ , تعرف مشكلتنا نحن فى السودان ما أدينا نفسنا فرصة عشان نعرف بعضنا كويس , وطبعا للاعلام والدولة دور كبير فى ذلك , اخوتنا فى جنوب الوطن يعلم الله أنهم كنوز من الود والمحبة الصادقة , لدي صديق وزميل مهنة يشهد الله أنه لم يبارح مخيلتى وهو الحبيب جدا لقلبى اللواء شرطة أقوير الجاك مبيور , هذا الرجل الراقى تزاملت واياه فى كلية الشرطة خلال العامين 1981 , 1982 , وخلال السنتين كنا نسكن فى عنبر واحد وسريرين متجاورين , لم نختلف مطلقا بل عند الحوجة كان يخدم أحدنا الآخر وبمنتهى الأريحية والصدق , واستمرت علاقتنا بعد التخرج الى ان غادرت السودان الى منفاي , كم أشتاق لسماع أخبار ذلك الصديق وأظنه هو الآخر يبحث عن اخبارى , أكثر ما يحزننى ان عدت للسودان فأنى لن أجد صديقى أقوير ولن اجد ذلك الوطن الذى كان يجمعنا , تحياتى لك وللعزيز قير تور وأدام الله بيننا التواصل الانسانى ولعنة الله على كل من تسبب فى معاناتنا وشرزمة وطننا.
والله كلام يشق القلب يا جنابو فيصل
وراجع ليك يا شيخ العرب
Post: #30 Title: Re: هاتفنى قير تور من جوبا Author: محمد علي البصير Date: 03-03-2012, 09:51 AM Parent: #29
ربنا يديك العافية يا شيح العرب زعيم الدبلوماسية الشعبية في أنقى وأبهى صورها ـ بيتك دائماً مفتوح للضيوف
في أحد الأيام رافقت شقيقي لإنهاء بعض المعاملات بالسفارة ن ومن حسن حظنا أن قير تور كان قد عيين للتو في الإدارة القنصلية
تحينت الفرصة حينما كنت أجلس على مقربة من مكتب القنصل في إنتظار إستلام جوازات أسرة شقيقي ـ للحديث مع قير تور ولم يكن مشغول في هذا الوقت ، وكانت لدى رغبة لأن أناقش معه بعض
أرائه التي كنت أطلع عليها في عموده الراتب بجريدة السوداني في ذلك الوقت ، وقد كنت أحرص على قرأته بجانب أعمدة زهير السراج وعثمان ميرغني ، وصلاح عووضة بجانب هويدا سر الختم ،
قابلني الرجل بمنتهى الأريحية ، وتقبل بصدر رحب كل ما أثرته معه ، ولكن نسبة لأن موقع الأخ قير تور لا يسمح له بالإسهاب في الحديث ، منحني كرته الشخصي على أمل أن نستمر نقاشنا ولو من خلال الهاتف
ولكن وبمرور الوقت كنت كلما هممت بالإتصال اتراجع محدثاُ نفسي أن الرجل ربما يكون مشغولاً ، حتى غادر موقعه
قير شخص جميل جمال كل من عرفت من جنوبنا الحبيب
منقو قل لا عاش من يفصلنا
فدعونا نررد مع منقو لا عاش المؤتمر الوطني أكثر مما عاش وهو يفصلنا
وعودة شطرى الوطن لسودان واحد .. وإن طال السفــــــــر
Post: #32 Title: Re: هاتفنى قير تور من جوبا Author: علي الكرار هاشم Date: 03-05-2012, 07:25 AM Parent: #31
شيخ العرب اخونا خالد لك التحية وعبرك للاخ قير تور نرسل السلام والله فيك الخير ... والراجل فعلا يستحق ان نذكره دائما عرفته في سفارتنا بالرياض فكان نعم السفير ونعم الاخلاق اتمني له التوفيق أينما حل
Post: #33 Title: Re: هاتفنى قير تور من جوبا Author: ود الباوقة Date: 03-05-2012, 07:41 AM Parent: #32
Quote: شيخ العرب اخونا خالد لك التحية وعبرك للاخ قير تور نرسل السلام والله فيك الخير ... والراجل فعلا يستحق ان نذكره دائما عرفته في سفارتنا بالرياض فكان نعم السفير ونعم الاخلاق اتمني له التوفيق أينما حل
بس خلاص
Post: #34 Title: Re: هاتفنى قير تور من جوبا Author: عفاف أبو حريرة Date: 03-05-2012, 08:36 AM Parent: #33
Quote: بس خلاص
الموسف انه فعلا بس خلاص ياود الباوقه ما انتم عاملين زي الشيطان ضربتونا في ايدنا ورميتو اللقمه من خشمنا عشان تاكلو انتم ونحنا لينا الله (وبس خلاص) عارف ياود الباوقه من الله خلاني اسمع في قثاء السياسه دي ما حصل سمعته ارزن ولا اجمل ولا اصدق من قير تور ده والكلام ده كان في ندوه نظمها بورداب الرياض الزول ده اسم علي فعل فعلا زي قير العربيه وانتم لاخليتو لينا قير ولا دركسون عشان كدي السودان بقي زي الثعان الضهرو مقطوع اريتكم كان خلتونا لي ناس قير ديل كان نجحو ونجحونا معاهم والمال تلته ولاكتلته ونحنا اسي علي باب الله لا مال وكمان وطن مبتور الله يرجع لي الخريطه رهبته ويشفي الضهر المكسور ويلم شملنا مع اخوه يشهد الله اننا بنحبهم
Post: #35 Title: Re: هاتفنى قير تور من جوبا Author: التيجاني عبد الباقي Date: 03-05-2012, 09:28 AM Parent: #34
قير تور كاتب وصحفي واخ عزيز عرفناه في الرياض دبلوماسي غاية الانضباط واعتقد انه من منطقة ابيي اذا صح ذلك فهو من الشمال مرحبا به
له التحية واتمنى له التوفيق ولاسرته الكريمة وفي تلك الندوة التى اقامها بورداب الرياض حزنت لان الاخوة خانهم التعبير في ذكر اسمه وحذف لقبه الدبلوماسي رغم انه بوردابي معروف فله العتبي حتى يرضي واتمنى ان يتحدث هنا الاستاذ قيرتور عن تجربته في التعليم في مدينة العلم رفاعة وذكرياته . الوحدة ليست اشواق وانما نوايا وافعال جعلها اهل السياسة وقود لكاريزما فاشلة شغلونا بالوحدوى والانفصالي حتى كان الي كان .
شكرا شيخ العرب ولك الود دائما
تيجانى
Post: #36 Title: Re: هاتفنى قير تور من جوبا Author: عبد اللطيف السيدح Date: 03-05-2012, 12:32 PM Parent: #35
قير تور الدبلوماسي الودود الانيق
وليت كل صفوة الجنوب من امثالك
تحياتنا له عبرك ياشيخ العرب
Post: #37 Title: Re: هاتفنى قير تور من جوبا Author: خالد العطا Date: 03-05-2012, 02:30 PM Parent: #36
الاخ شيخ العرب
تحياتي
Quote: فوعدنى بالدخول اليوم فى هذا البوست
نحن في انتظاره الاخ قير تور كنت من المتابعين لعموده الصحفي
وهو شخص مهذب ترى ذلك من خلال حروف كلماته
اتمنى له التوفيق اينما حل ورحل
Post: #38 Title: Re: هاتفنى قير تور من جوبا Author: توفيق عبد المجيد Date: 03-05-2012, 03:39 PM Parent: #27
اتمنى ان يدخل البوست من يعرف عنوان زميل الدراسة الشاب العصامي المهذب (مثيانق شول دور ) علمت قبل الانفصال انه يعمل في UN
كنت قد تواصلت معه بالهاتف ولكنى فقدت هاتفه
عموما تحياتنا ليه عبر من يعرفه اذا كان بالسودان او بدولة الجنوب
Post: #39 Title: Re: هاتفنى قير تور من جوبا Author: أحمد الشايقي Date: 03-05-2012, 05:04 PM Parent: #38
الأخ شيخ العرب ود المحرب,
قير تور شاب مهذب وخلوق ومجتهد في عمله ولأول مرة قابلته في السفارة شعرت بتفانيه في عمله ومعاملته المتساوية لكل المراجعين
أمر انفصال جنوب السودان أمر محزن جداً وسنظل نعاني منه طويلاً
أحمد الشايقي
Post: #40 Title: Re: هاتفنى قير تور من جوبا Author: يوسف السماني يوسف Date: 03-05-2012, 08:41 PM Parent: #39
الاخ ابواحمد تحياتي وللاسرة
اسمح لي قبل ان استرسل في موضوع الاخ والزميل قير تور اني ارد علي مداخلة الاخ التجاني عبدالباقي .
Quote: حزنت لان الاخوة خانهم التعبير في ذكر اسمه وحذف لقبه الدبلوماسي
هذا الكلام مغلوط ياالتجاني لاني كنت في المنصة ادير ندوة البورداب التي ذكرتها وقد رحبت بالاخ قير تور ولم احذف لقبة او اسمة كما ذكرت ولكنه صحح لي اسمه الذي ينطق بالكسرة وقال متضايقا ان كثيرون ينطقونه بالفتحة . وهذا ما لزم توضيحة .
تحياتي للأخ العزيز قير تور الذي جمعتني به لقاءات وحوار كثيرة قبل الانفصال وبعده وهو رجل خلوق ومهذب في حواراته بالرغم من كراهيتنا للمؤتمر الوطني ودبلوماسيه ولكن قير تور فرض علينا احترامه بالرغم من اختلافنا معه , كنا نلتقي بدار رابطة الصالحية لنحضر المباريات ونتناقش ونتحاور بقلب مفتوح , ونشرب الشاي مع الأخ والصديق أنجلو الذي يمثل نموذج للتعايش والتمازج بين أبناء السودان , انجلوا مازال ملتقي كل أبناء السودان السابق بكل اثنياته وتجده يمازح صديق الموج ويعاكس سمير عبدا لمطلب ويتجمع حوله الكل يضحك ويمزح كأنهم إخوة أبناء أم واحدة . والأخ قير تور كاتب ودبلوماسي ورياضي مطبوع نادر ما يغيب عن مباريات رابطة الصالحية, التقيت بالرياض بعد عودتي من السودان قبل ثلاثة شهور صدفة بأحدي الأماكن لبيع الكسرة السودانية أثناء انتظاري للكسرة فإذا بقير تور يحضر لشراء الكسرة أيضاء إذا بنا نتعانق وقلت له مازحا أكيد جابوك سفير ضحك وقال لي حضرت لانجاز بعض المهام وكان علي عجلة من أمرة واخبرني ان نلتقي عند الأخ أنجلو ووعدته ولكن مشاغل الغربة حينما ذهبت لأنجلو وجدت قير قد قادر الرياض لجوبا, تحياتي للأخ قير تور ولكل الأصدقاء والأحباء في جنوبنا الحبيب وسيظل حبل الود موصول معهم ولا تفصله الحواجز السياسية المفتعلة . شكرا الأرباب أبو احمد علي البوست ونتمنى طله أخونا قير تور ومداخلته بالبوست والتحية لكل المتداخلين المهمومين بمد جسور التواصل مع جنوبنا الحبيب وتحية خاصة لجنابو فيصل والنماذج المشرفة من رجال الشرطة السودانية .
Post: #41 Title: Re: هاتفنى قير تور من جوبا Author: عماد موسى محمد Date: 03-05-2012, 11:13 PM Parent: #40
الأخ المحترم/المحرب السلام عليكم شكرا على الخيط الأخوي الرائع الذي يحاول أن "يشبك" ما انفرط من "خيوط انفصال مزّقتهاالأطماع الدولية، والتبعية الفكرية، والأنانية السياسية ..إلخ فانفرط البلدإلى قسمين -(وربنا يستر ما تصير أربعة..) قير تور-نحسبه- رجل مهذب وخلوق.. ومثله كثير من أبناء الجنوب، الذين كما أظن-ولم نيئس من هذا -أنه يمكن الوصول مع منصفيهم كشباب وقادة لخطوط التقاء تحفظ للوطن وحدته-رغم الاختلافات ..هذا الذي يجري والذي جرى-عبر نيفاشا- و"الكلفتة" التي بعدها.. شيئ غير طبيعي..ترتّبت عليه أضرار كبيرة مسّت دين الناس وحياة الناس وروابطها ووشائجها وقراباتها ومعاشها ومراعيها ومواردها..إلخ ..الشمال والجنوب الآن يخسران بسبب هذا الانفصال.. لكن...عسى أن يكون في هذا الذي جرى دروسا للجميع للتفكر في آثار فصل عضو كامل عن جسد واحد فأيهما ترسو سفينته بسلام في هذا البحر المتلاطم من"الشدّ والجذب"، والكيد والكيد المضاد؟ والتسبب في استجلاب القوى الدولية الباحثة عن مصالحها- لتحشر أنفها في الصراع المقيم..إلخ وهبني ربي -يا أخي خالد- إخوة وأصدقاء من الجنوب..والله ثم والله-أفضّلهم على إخواني في الدم وأشقائي.. درسناسويامعهم..خالطناهم..خبرناهم.. أحبابناهم، تبادلنا معهم ما يجمعنا من خير نقدمه للناس..فوجدناهم كشمس مشرقة أطلّت على ناس بعد ليل بهيم.. أوكغيث أينما هطل نفع،...وااأسفاه على فراق محمد دينق، عبدالله أكوج،حامدين شاكرين..إلخ وما هذه أدمُعي****ولا ذا الذي أُضمر ولكن أُداري الدموع****وأستر ما أسترُ مخافة قول الوشاة****مثلك لايصبرُ قير تور..لك احترامي ومودتي التي لاتعلمها،لأنك لم ترني، وأنا رأيتك من خلال حروفك الرفيعة التي رفعتك بتواضعك ، وشهادة الأخيار لك.. تحياتي للجميع
Post: #42 Title: Re: هاتفنى قير تور من جوبا Author: فيصل عثمان الحسن Date: 03-06-2012, 01:13 AM Parent: #40
Quote: والله كلام يشق القلب يا جنابو فيصل
عزيزى محمد على البصير تحياتى وتقديرى , فصل جنوب الوطن عن شماله عمل أخرق وغبى بل هو تعدى سافر على انسانيتنا وحقنا فى التواصل مع اخوة لنا تعايشنا واياهم لعقود من الزمان وكان من المأمول أن تزول الحواجز بقدر بسيط من الجهد والحصافة التى يفتقدها ساسة الغفلة الذين أججوا نيران العنصرية العرقيةوالدينية رغم ان الاسلام الذى يتشدقون به نهى عنها ولفظها , غدرنا يا صديقى أن نكون تحت رحمة ساسة أقل من طموحاتنا وأحلامنا ومن المؤكد أنهم سيوردونا موارد الهلاك ان لم نهب ونقتلعهم من أرض السودان الطاهرة .
Quote: وتحية خاصة لجنابو فيصل والنماذج المشرفة من رجال الشرطة السودانية .
ولك آلاف التحايا عزيزى يوسف السمانى , متابع تماما لكل كتاباتك فى الشأن الوطنى وأتمنى أن نلتقى فى رحاب الوطن الحبيب بعد زوال هذا الكابوس الجاثم على صدورنا , أكيد تقديرى ومحبتى .
Post: #43 Title: Re: هاتفنى قير تور من جوبا Author: خالد المحرب Date: 03-06-2012, 04:11 AM Parent: #42