أمثلة لأفظع افعال المسيحيين واليهود ... بقلم أمين سالم ...

مش انت قلت بتنتقدهم على أساس افعالهم وليس على أساس دينهم؟

نقتبس ليك من "دردشتك":

Quote: ya Tabarak Criticize someone for his action وربنى وين انا قلت for their religion ما تقولنى كلام انا ما قولتو

وقلت:

Quote: ?Why are you always on the attack ?Why are you always degrading Muslim scholars ?Why do you always bring the extreme materials ?, You do not attack Christians or Jews even if they make the most horrible things, why is that ?Can you tell us about the systematic child abuse in churches around Europe and America ?Can you tell us about the suffering of people in Gaza and elsewhere in Palestine ?Recently, in American church they have burned the holy Quran why you have not mentioned it in your daily posts I can go on with the endless questions and I have asked you those questions knowingly that I will not get a "convincing answer"but i hope that it may bring to your attention to how are your posts reflecting the islamophobic part of you . If you do not like Islam convert to any other religion as it would elleviate the hatred against (Al Wahabya).in particular and Islam in general

تعال انتقدهم على الـ most horrible things القلتها ... قال ماجاب سيرة ريليجن قال ...




... المهم .....

___________________________________________________________

المداخلة أعلاه من هنا: Re: فتوي من وهابي تحلل لبس الطاقية ام رفرف (فيديو) الله لا يم


اتفضل انتقد الفظائع يا أمين سالم ... معاك أحلى مايك:

أمين..
السلام عليكم
ياخوي الزول الما".."المهم" دا مصاب بداء
إنفصام الشخصية في تعامله مع الإسلام.. هذا الداء ناتج عن ظنه-المسكين- بأن
هناك فصل بين الدين والدولة في الاسلام- وتراه في هذا -زي أبو الدقيق-!! يشاكل ضلّو!!
هو"المهم.." دا يقسم القسم المغلظ ان الدين هكذا..!!
هو داير من جهة يكون علماني مستنير للطيش..ومن جهة أخرى داير يكون "عارف/وذاكر/ متمسح بالقبور..ومن أهل الدثور...
لدرجة أنه "ينده" مشايخه الحيين والميتين وكمان معاهم جون قرنق!!!..شفت الانفصال-آسف- الانفصام دا كيف؟

هذا التناقض يسبب له جربا فكريا مستمرا..لسان حال جربه يقول إياك ان تقول
إن الاسلام صبغة شاملة، أوان الشريعة لاتعرف فصل الدين عن الدولة..الدين مسجد وصلاة وشعائر خاااصة بس Full Stop !!
..و"من اعترض انطرد" هذا على المستوى العلماني..أما على المستوى الدروشي "العرفاني /وحدة الوجود.."
فسيلبس لك جلباب الدروشة ويجيك نازل بعصاية وابريق فوق راسك..سيحدثك عن أن هؤلاء أهل الله..وأن العبادة فيها تطهير للنفس من كل شوب...إلخ
واحيانا سيكون المطلوب منك ان تصبر.. لأنه يتفوه بكلام أقرب لكلام المخبولين والمجانين والحيارى..
والله صحي..
دي حالات مرضية مزمنة ...تحتاج لجلسات تعافي عدييييييييييل من الأمراض دي:

http://www.google.com.sa/url?sa=t&rct=j&q=%D8...cEXq2Xtjn0yd2eTWLY3Q
تحياتي..والله يعينك على الزول دا

و عليكم السلام و رحمة الله تعالى وبركاته شبخ عماد

نورت لبنا البوست

تعرف لولا مداخلتك دى ما كنت حاعبر الجاهل دا.........................زريتو فى كم كلمه انجليزيه وهو كونو "المترجم المخضرم" اتغاظ......... فقام فتح البوست دا فاكر روحو ممكن يلف بى يمين و شمال...........لكن هيهات

لدى رجاء با شبخنا خلى الزول دا هنا بخرمج براهو ..........اتا عن نفسى ما حتداخل معاهو تانى فى البوست دا خاتفرج واضحك...............الزول دا لااااابوق ومعقد

يا تبارك (بعد اذنك يا امين)

المرة دي ضربت في العراضة
في بوست عن الناس الكورتهم (فكت)
الكلام المدوره بالاحمر ما عنده ايتها علاقة بما تحاول اثباته


ودي فرصة نعيد ليك نفس السؤال بس بي صيغة تانية:
هل يا تبارك انت عندك مشكلة مع (الاسلام) كدين أو كما يطبق الان؟
CC لصبري الشريف
وسؤال: هل تقرأ لصبري الشريف، وهل تعجبك كتاباته؟

Quote: (بعد اذنك يا امين)

اتفضل طوالى يا الشفيع البوست بوستك..............بس اعذرنى لو طنشت الزول دا لانو مورمنى ورم

هل تصدق انو الزول دا قال عن بوستات صبرى انها pro-Islam الجماعة ديل عندهم فهم غريب عن الدين

اقرا دا Re: فتوي من وهابي تحلل لبس الطاقية ام رفرف (فيديو) الله لا يم

سلامات يا الشفيع

Quote: هل يا تبارك انت عندك مشكلة مع (الاسلام) كدين أو كما يطبق الان؟

يطبق وين؟

في الدولة ام في العقيدة!؟
















------

جمعك بين طبارك الذي ليس في يده مكتبة .. وصبري مجحف
لا رابط هناك!

ودا بالضبط البقول فيو تبارك ..
العقيدة فردية .. وكل شاة معلّقة من عرقوبا
اما الاسلام الايدولوجية فدي بدعتكم انتو ديل!



على العوم لو قعدت وعملت لي بوست ما بعد (الاخير) ح يكون عن (الهوس اللاديني)
وقطع شك تبارك ما نموذج .. كلو كلو
من زاوية شوفي شايفو اقرب ليكم .. وفي نفس الوطكت ابعد ما يكون عن (الهوس الديني)

Quote: في الدولة ام في العقيدة!؟

يا قيقا سلام
السؤال بسيط فعليك الله ما تدخلنا في تعقيدات

Quote: اقرب ليكم

هو (نحنا) واقفين وين ذاتو؟


-------------------

Quote: مكتبة

في مكتبات (تمنح)، لا اعرف بمعايير او بدونها
وأخرى (تُشتَرى)

----------------------

Quote: من زاوية شوفي شايفو اقرب ليكم .. وفي نفس الوكت ابعد ما يكون عن (الهوس الديني)

معنى كده نحنا بعيييدييين من (الهوس الديني)، مالم تدخل فيها (من حيث يرى (المراقب) والحالة الزمكانية)

مريت على المداخلة فقط يا أمين، وبصراحة لم اطلع على كامل البوست، واكتفيت

Quote: قبل أن (تهجم) على مسيحي ويهودي يجب أن تفهم أنهم ليسوا سواء وأن الهدى هدى الله وهو يهدي من يشاء بفضله ... مما يعني أن المهتدي والمتّقي ليس بالضرورة المسلم ... وإن الله يحب المتقين ... والضال ليس بالضرورة المسيحي أو اليهودي ... وأن (الهجوم) على الآخرين بناءاً على هذا التعميم يعتبر كراهية غير مبررة ... وبطّل شفتنة .... لأنو انت ما محتاج يشرحوا ليك حاجات بديهية زي دي ... انت مثال أنو في كتابي كان داير يحرق القرآن وفي كتابي آخر أنقذ القرآن من يدّو دا ما كفّاك؟ ربنا دا خلق الناس مختلفة اختلاف الطواقي ام رفرف ... اقرأ سورة "الروم" يا ابني عشان تتعلم حاجة ...

غايتو من ما قمنا علمونا انه اليهود هم (المغضوب عليهم) والنصارى هم (الضالين)، وده ثابت باحاديث (صحيحة)
غايتو يا امين، بطل (شفتنة) وأمشي أقرا سورة الروم، إمممكن تتعلم حاجة
... المهم ...

Quote: معنى كده نحنا بعيييدييين من (الهوس الديني)، مالم تدخل فيها (من حيث يرى (المراقب) والحالة الزمكانية)

شفيئ يا رااااااااقل!!؟
انتو مصنع الهوس الديني، الخلق حالة الهوس اللاديني دي!

محنتونا في ي ي ي راسنا دا

لا للسلطة ولا للجاه ..
وردد الايكو : آه .. آه!!
وكاد ان يخرج لسانو عديييل كدا!

يا شفيع البجي بي (الله) حبابو الف .. بس ينكرب و يبقى قدر الكلمة دي
ما يطلع حرامي
ويوزع الظلم في الطرقات بسم الله
ياخي البعرف الله بخافو .. بل اكثر الناس البتخاف الله هي البتعرفو حق اليقين و عين اليقين!

اها البطلع من الدين دا بسبب النموذج البقدموهو الناس الباعت الآخرة بالدنيا .. واتخذوا دينهم هزواً.. الدقونا لي صرتا وعاملين فيها وكلاء حصريين لله وبطلعوا سارقين ديل ذنبهم على منو!؟

في ذمتكم الهوس الديني و اللاديني انتو ديل .. وانكربوا عاد .. دنيا و آخرة
عيبوا لي الاعتدال ياخي!؟







-------

سؤال في الدين .. ممكن :

شكراً

Quote: غايتو من ما قمنا علمونا انه اليهود هم (المغضوب عليهم) والنصارى هم (الضالين)، وده ثابت باحاديث (صحيحة) غايتو يا امين، بطل (شفتنة) وأمشي أقرا سورة الروم، إمممكن تتعلم حاجة ... المهم ...

ما معنى "ابراهيم كان حنيفاً مسلماً"؟
و ما معنى (دين) و (الاسلام)؟

سيدنا ابراهيم و نوح و كتيرين غيرهم، كانوا مسلمين طبعاً كما اخبر الحق سبحانه و تعالى

وجهتو عليه الكشافات و الكاميرات ....؟؟؟؟؟؟



و بعدين.....

تبارك يا الشفيع صاحب مدرسة في الفكر الاسلامي عديل كده.
كدي تابعو برواقة و شوف هو بقول في شنو. حتلقاهو consistent على طول الخط و دي هي السمة التي تميز اصحاب
المدارس الفكرية. بس هو برضو مفروض يروق و يطرح كلامو كلو او ع الأقل الملامح العامة و الخطوط العريضة عشان يمهد للحوار.

Quote: تبارك يا الشفيع صاحب مدرسة في الفكر الاسلامي عديل كده.

سيف
ده كلام (غريب)
ننتظر لنرى

Quote: انتو مصنع الهوس الديني

أفو يا قيقا، بلعت كلامك بالسرعة دي؟؟؟؟؟

Quote: ما معنى "ابراهيم كان حنيفاً مسلماً"؟ و ما معنى (دين) و (الاسلام)؟ سيدنا ابراهيم و نوح و كتيرين غيرهم، كانوا مسلمين طبعاً كما اخبر الحق سبحانه و تعالى

انا مع الراي القائل بان جميع الرسل والانبياء كانوا (مسلمين)، هذا الراي قال به الجمهوريون، وربما غيرهم
سؤال الدين والاسلام ما واضح

Quote: تبارك يا الشفيع صاحب مدرسة في الفكر الاسلامي عديل كده. كدي تابعو برواقة و شوف هو بقول في شنو. حتلقاهو consistent على طول الخط و دي هي السمة التي تميز اصحاب المدارس الفكرية. بس هو برضو مفروض يروق و يطرح كلامو كلو او ع الأقل الملامح العامة و الخطوط العريضة عشان يمهد للحوار.

والله يا سيف انا ليّ زمن متخوف من مسألة اقدم طرح متكامل دي ... لأنو متخوف من حكاية مدرسة فكرية أو طائفة دينية أو أي نوع من انواع المسؤولية الجماعية ... مسؤوليتي الفردية بالتلتلة؛ كمان تجيب ليها مدرسة فكرية؟

عموماً الفكرة فكرة منهجية التناول ... يعني ما شيتاً من برة الدين أو فكرة جديدة ... بس طريقة تناول جديدة ... وهي طريقة ضرورية في تسلسل تاريخ الإنسان مع الدين، لو ما مرقت منّي بتمرق من غيري لأنو Its about time زي ما بيقولوا ... هي فكرة تعقّل الدين للطيش من ناحية معرفية باعتبار انو الـ Functionality بتاعة الدين تتجاوز العقل بمراحل ...

بى منهجية التناول دي وصلت شبكة من النقاط المعرفية الإنسانية بى روابط منطقية وواقعية تساعد في تفسير التناقض الإنساني دا ... كل نقطة من النقاط المعرفية انما هي نافذة تفتح على أفق معرفي لا محدود ... منهجيات تناول المعرفة في التاريخ البشري يمكن حصرها وتحديدها وستجد أن الدين نفسه هو منهج تناول معرفي ليس إلا ... وبالتالي يمكن تطوير منهجية التناول المعرفي ككل بصورة تشمل رؤية دينية مختلفة ... على طريقة ابن رشد مثلاً ... انتاج خطابات بديلة ما معانا ... عشان كدا لو لقيت طريقة طرح ما فيها "مدرسة فكرية إسلامية جديدة" بطرح طوالي ....

القصة في انو البوست دا مفرود لينتقد شكسبيرنا (على وزن عثمانهم) فظائع المسيحيين واليهود التي دعا لانتقادها .... (بس ما يقول غلف)



... المهم ....