فيديو برزنتيشن لقصيدة (بت حلال) محمد ابوالقاسم تم التسجيل والمكساج في استوديوهات نغم مهندس صوت صاحب اللمسات السحرية مصعب خلف الله تأليف موسيقي وتنفيذ صورة البوستر المصور الصديق متوكل كمال الرائع خواض بوستر ديزاين المتميزة ولاء دينجرس قيرل فيديو برزنتيشن الفنان كيمو ديزاين صور الفيديو برزنتيشن المصور الرائع صديق زكي
Post: #3 Title: Re: بـــــــــــــــــــــــت حــــــــــــــــــــــــــلال Author: محمد ابو القاسم Date: 02-29-2012, 01:17 PM Parent: #2
تسلم والله يا خضر يا جميل يا انسااان ... تحياتي يا راائع شكرا علي التعديل مع ودي وسلامي
Post: #4 Title: Re: بـــــــــــــــــــــــت حــــــــــــــــــــــــــلال Author: محمد ابو القاسم Date: 03-04-2012, 01:01 AM Parent: #3
بت حلال بت حلال زي كشة جلد ضرست سنون دهشة عيون فكرة عرس تجبرك تمشي عليها تطلب اديها ....وتخطوبا وسرحت في لمة رجال لابسين عمم طالبين اديك كنت قايل عقدي في ساعت العصر رصاص اقد قلب الحزن
والناس تبارك بي فرح زي التقول ساعة نصر مبروك عليك ست البنات انشاء الله يبقالك عمار بيت مال وكمان ..عيال دي يا ناس بت رجال .. دي يا ناس بت حلال حورية ...وامان دي زي زغرودة تحلم بالرحط مفنوسة في جواي كلام املاء الورق ريحة بخورا وصندلا دلوكة تبشر بالعديل سيرة تبشر بالهنا وفجاء.... وفجأه ماتت في جواي انتهي زمن الحنان اندثر صوتا الطروب اتمحي الود اللكان كلو من زيف الوعود كل من قسوة ظروفي وحظي المكندك بالفراق كلو من غدر الزمن كلو من بيع المشاعر بالقروش بيع الموده من غير تمن ما الفقر ماهو عيب.. عيب الببيع بيتو لزول فاكر انو بسترا بس ما عارف انو ظالمة وبجبرا وتنسي زولا كانت تريدو و تعشقو شان مظاهر من وهم امكن ازول واصبح عدم قرشو البسد نور النجم وحلفتها .... وحلفتها ما تقولي لي انسي الجواك اقفل الابواب وراك عشمي فيك ....حدوا السما صبرت بيك حزني القديم استرني من خوفي الاليم اتبني مرة عشقي ليك خليهو يسرح في جواك يمشي زي افلاك معاك لكنو ما صادف هواك زي زي ذنبا عظيم استغفرتي منو.... بالرحيل
بت حلال ... درتها وحبيتا جد ختيتا لي زمن الجفاف زفرت مطر.... تنزلت رزاز حكرتها بين رموشي... ومقلتي جوة في عيني انا بس خوفي من اكتب رثاك ادفن هواك بعد ما شلتك فرح منساب جوة في دمي انا فارفتها وانا دايرة واصلي عارفك ما حتبقي لي لانو فرحي ما بتم ما كنت قايل بتمشي وتفوتي من سكتي وعافي ليك كل القسا الجبتيهو لي كل الحنين المات وراك امشي خلاص ما باقي ليك جواي شي امشي خلاص انشاء الله يقدر يسعدك ...ويقدرك ويشكر الله كل صبح انو اداك انتي ليو بس اتذكري ...وخليك كمان متاكدة اني ما قصرت فيك او مرة وحدة قسيت عليك عافي ليك واعفي لي ليك دربك وبرضو لي وتمتد الرؤيا بعد الرؤيا الي الابد محمد ابوالقاسم محمد 15\10\20
Post: #5 Title: Re: بـــــــــــــــــــــــت حــــــــــــــــــــــــــلال Author: محمد ابو القاسم Date: 03-04-2012, 10:56 AM Parent: #4
