Re: ومن شاء فليكفر .. (Re: عبدالوهاب علي الحاج)

يا معلم قريت كلامك وسؤالك يسأل منك الخير في المكتب وكنت مشغول قلت اجي ارد ليك واسالمك بعدين
اها كست ليه كداااا فا ما لقيتو و اخوك اليومين ديل ماسكو ليك فتر عجيب غلبني افتشو فقلت النجيب ردي عليك هنا

في البداية يا وهبة ياخي ان شا الله البركة فينا وفيكم وجبر الله كسركم في مجدي ووردي و جميع من سبقونا
ثم مشتاقين ياخ كيفك وكيف اخبارك و صحتك و كيف الاولاد ان شا الله جميعكم بخير
قريت ليك اليومين الفاتو ديل كم مداخلة كدا و فكرت لتألقك فيهن و شايفك تحاور الميدان كلو من اقصى اليمين ودفرح لأقصى اليسار بكور و طه مرورا بيسار الوسط
في سري قلت ما شاء الله وهبة دا زي العجب كورتو في الراس قدر ما يقيف و يقيف يرجع الميدان قونو في جيبو

المهم بركة الشفناك واطمنا عليك يا حاج
اخوك مزنوق في الشغل زنقة البروف في بوست عثماننا الأخير
بالإضافة لإني اليومين ديل حاسي باعراض وسامة البعد الأربعين القالها حمد
فما تقطع ياخ وادينا اخبارك بالله

هي بالله نسيت
اسمع يا عمك سمّي و خش الرابط دا برجلك اليمين
تنظير و حموودي وآخرين ...

وقول ما شاء الله
هههههههههههه

مشكور يا ود البشرى على البوست والترحيب

Quote: هي بالله نسيت

لو انت نسيت انا البنسيني شنو ؟
انت قايل عودتي الطارئة دي لشنو ؟
ما لعينة بوستيك دا تنظير و حموودي وآخرين ...
وبوست آخر للمدعو اب تفة سابقا أبو جضوم حالياً
حقيقة شعرت بقلق كبير على الانصرافية في البورض
الانصرافية التي أسسنا لها ودعمناها بالغالي والنفيس في بورض من لا بورض له هذا
معقولة اجي القى ليك ابو جضوم معلقين ليهو بوست في المانشيتات فوق
ولم افق من صدمة بوست ابو جضوم بعد كم يوم ... القى ليك بكري معلق ليك واحد انت ذاتك .
الانصرافية في خطر يا جدعان ..
_____________
اتمنينا ملاقاتك في الضحية كما وعدت
ود الصايم قال لي الوالد كان معاك بهناك
وما ظنيتو يجي.
_____
اهلي شندي دا بعوقنا الليلة
الله لا كسب الارباب ولا قزّ فيهو بركة
الزول دا قابلنا مقابلة صعبة

____
حقيقة الزمن بقى شحيح ومنزوع البركة
المهم لن انقطع ما وسعتني الحيلة
تحياتي للعيال

وهبة تلفونو خارج الخدمة دائما ما يدقسك في عيد الضحية وتعتمد عليه..


تحياتي لوهبة وبعودتك البورد نور زهور و زينة..

بالجد يا ود البشرى ياخي ما ترجع لاسابيع البورد
زمان نجي نقراها ونعرش على كدا

مودتي لكم جميعا يا رهط

يا وهبتنا دقيقة دقيقة
متين اب تفة اتعلّق لو بوست
غايتو إلاّ يكون خبر وفاة او عزاء او نعي ودا رفع استثنائي لا يعتد به
غير كدا ابتفة لا يستوفي الشروط التي تنطبق علينا انا و تاج السر الملك ههههههههههههههههههه

فعلا الوالد و الوالدة معانا بي جاي لكن جايين كلنا بعد اسبوعين ان شاء الله
انا ما عندي اجازة قلعت اربعة خمسة يوم قلع
الفترة قصيرة لكن لازم نلاقيك فيها ان شاء الله

اووو بيان كيفك وكيف احوالك
يا حليل الاسابيع و مزاج الاسابيع
زي ما شايفة اهو الواحد بخش البورد بقى آخر الليل مع الجري و الزنقة و الأسابيع دايرة بال رايق و متابعة
ربك يسهل بس
كيف الاسرة عساكم جميعا بخير

حباب وهبة

عامل لينا فراغ روحي ودستوري

في هذا المكان


يا ودالبشري عليك باغراء وهبة

بمواصلة الحضور للمنبر

Quote: بمواصلة الحضور للمنبر

خلي ياخي تاني ما بقدر يجي بعد الكذب بقى ممنهج بمصادره


ياخي فرحتا بشوفتك شديد والله واتشرفت بحضورك

سلام ود البشرى ووهبة ..

ويا وهبة يا خي أعفي لي .. ما عزيتك في أخونا المرحوم مجدي ..

ربنا يرحمو ويرحمنا جميعا ..


يا ود البشرى ..

Quote: الفترة قصيرة لكن لازم نلاقيك فيها ان شاء الله

مع انو جيتك شترا لا عيد لا رمضان لا مولد ..

لكن بالله برضو خلينا نقابلك لمن تجي بالسلامة انشاء الله ..!!

Quote: متين اب تفة اتعلّق لو بوست غايتو إلاّ يكون خبر وفاة او عزاء او نعي ودا رفع استثنائي لا يعتد به غير كدا ابتفة لا يستوفي الشروط التي تنطبق علينا انا و تاج السر الملك ههههههههههههههههههه

بهت ابتفة

بوست (اخواني) او شئ من هذا القبيل















------

انا دا ذاتو علقوا لي لمن زهجت ..
وملاسي عمل معلقة فيو!!
والله صحي

بعد الغياب مرحب فقد عاد العزيز وهبة

وخليت ناسك في السهلة

وعرفنا انو مكانك اصبح شاغرا

بعد تنكب ود البشري الرمادية وتقطعت السبل بحمودي


واستاسدت علينا بغاث الطير

تاني ما تطول الغيبة


وتحياتي لود البشري ورفيقه حمودي

Quote: انا دا ذاتو علقوا لي لمن زهجت .. وملاسي عمل معلقة فيو!! والله صحي

أها يا ود البشرى
مش قلت ليك الانصرافية في البورد ليست بخير
ودا غير امتلاك امين محمد سليمان لمكتبة هههههه تصدق ؟
مكتبة عديل كدا
______
ابتفة رفعوا ليهو بوست زي ما قال ليك قيقراوي
بعنوان "وداعا شقيقاتي وأشقائي" ودا كان بمناسبة انضمام الاتحاديين للحكومة
قيقراوي ازيك ياخ ومشتاقين
تصدق لحدي الآن ما قادر اركب صوتك "الوادع" مع شخصيتك اول مرة عملية تركيب تاخد معاي زمن قدر دا
______
نجاة محمود الكوزة الظلامية
معقولة تجي الخرطوم ولا تلفون ساي
عجبني ليك العاملو فيك معاوية عبيد
______
ناذر يا فردة
وينك ياخ
والبركة فيك في مجدي ووردي
والدنيا ياهو حالها
_____
خلي يا اصلي
الشوق بحر
الجماعة امبارح اترشوا
ههههههههههههههههههه
والله متكيف كيف
اذهب عني زهج تعادل شندي
_________
الكوز عمر صديق
وينك مختفي كدا ؟
++ عدت للمنبر هذه المرة كمعارض ++
ارجوا الراجيكم ساي
رش لمن تعرفوا حاجة
خخخخخخخخخخ

Quote: ابتفة رفعوا ليهو بوست زي ما قال ليك قيقراوي بعنوان "وداعا شقيقاتي وأشقائي" ودا كان بمناسبة انضمام الاتحاديين للحكومة قيقراوي ازيك ياخ ومشتاقين تصدق لحدي الآن ما قادر اركب صوتك "الوادع" مع شخصيتك اول مرة عملية تركيب تاخد معاي زمن قدر دا

ايوا تلك ..
بوست ابتفة كان [وداعا شقيقاتي وأشقائي]


















--------

تعرف استشهدت بحادثة "صوتك ما خبيث" دي في معرض اتهام مسحوب لي بالخباثة
قلت ليو عادي ياخ .. لست الاول .. ولن تكون الاخير

سبقك شيخنا الوهابي همسلف!

اوووووووه اذن انه عبد الوهاب الحاج الشهير بوهبة وفي مقولة اخري الشهير بعمك
تعازينا يا وهبة في الفقد الجلل
ونرحب نحن كرهط بقدومك
ويبدو اننا موعودين بعودة جلسات القرفصاء ...

ومادام عودتك هذه المرة في زي مناضل كيبوردي فياريت ترش لينا ود البششششششري ده
رش تقيل لانو التقارير الاسفيرية العندي ياعمك بتقول انو الرمادية بتاعتو كفتها ميلت شمال خط الاستواء كثيييييييير
فوجب ضبط ضوئيات هذه الرمادية حتي تعود الي الحظيرة
وسنتاوق

Quote: نجاة محمود الكوزة الظلامية معقولة تجي الخرطوم ولا تلفون ساي عجبني ليك العاملو فيك معاوية عبيد

يا زول جيت علقت لي بوست هنا لما لقيت كلكم زايغين وتلفوناتكم خارج الخدمة او مغلقة

اها مشكورين والله كتاب وقراء ضربوا لي وانت عملت غمران

بكرة معاوية بقبل عليك الزول دا ما مضمون ..
المزعلني مسرق ناس البشير مليارات وانا ميتين دولار
.

وهبة شخصياً.
إزيك يا راجل
وكيف الأهل والأولاد..
بالله شفت سيرتك جابت ناس لذيذين كيف..
ياخ بالله تانى ماتغيب
عشان نعرف نستمتع بهذا الرهط..
ـــــــــــــــــ
ود البشرى سلامات وعساك بخير
ــــــــــــــــــ
كل المارين سلامات

وسنكثر من المتاوقة (علمات أخونا كيكى الله يطراه بالخير)

اهلا بالشباب ناذر و خلي و بيان و عمر و قيقرا و كيكي و ابو الزهور

يا قيقرا كلامي ستيل فاليد بوست اشقائي مع السلامة لأبتفة برضو بوست ينعى فيه ابو تفة عضويته في الإتحادي يبقى بوست زيو وزي بوستات اخبار العزاء وكدا
انا مصر ابو تفة لا يستوفي المعايير زيي و الملك ههههههههههههههه

ان شاء الله بتصل عليك يا ناذر اول ما اصل

يا أبوحتوت "وداعا شنو وشنو" داك زيو وزي النعي ؛)

أبو اللمين يا كيكي
ألف مبروك يا صاحب ويتربى في عزك ..

وهبه، تباً لك يا جقروته، ومن ثمّ مشتاقين ؛)

قيقا مشتاقين ياخ..

ألف مرحب بظهور الأخ الحبيب ( الحبوب) وهبة.
من الذين تشرفت بلقائه عند آل المسلمي في " لمة " عيد الأضحى ، وأسرني بلطفه ورقته .
التحية له ولك يا ود البشرى .

Quote: ومادام عودتك هذه المرة في زي مناضل كيبوردي فياريت ترش لينا ود البششششششري ده رش تقيل لانو التقارير الاسفيرية العندي ياعمك بتقول انو الرمادية بتاعتو كفتها ميلت شمال خط الاستواء كثيييييييير فوجب ضبط ضوئيات هذه الرمادية حتي تعود الي الحظيرة وسنتاوق

يا كيكي إنت في رماديتو الهينة دي؟ يا زول سرتو ذاتها كـلبها بقى حامي الحلة تنوم ؛)
__
يا أبوحتوت، كتبت ليك إنو بوست الوداع زيو وزي النعي، قبل ما أقرأ مداخلتك الأخيرة، لذا عليك اللعنة وتباً لك..

Quote: قيقا مشتاقين ياخ..

والله مسكين الشوق لو زي شوقك يا ابتفة

بما لا قبل لكم به .. شفت كيف!؟

فاقدنك .. وفاقداك ساحات بل (الاعدقاء) ياخي
وين الحي بيك!؟

Quote: لذا عليك اللعنة وتباً لك..

دي الأصلية ولاّ الليلت الـ إم بي سي
غايتو للضمان كدا كان الأصلية الله يسامحك و كان التانية: ليه ياخ؟ مالك عليّ