Post: #1 Title: يقظة شعب وسقط الانقاذ Author: محمد حسن بوشى Date: 02-27-2012, 01:39 AM
غايتو كل يوم وكل ساعه تمر بأكدو لي انو نظام الانقاذ اللقب المناسب معاهو هو ؛ النظام السابق ؛ انا متأكد انو في ناس حيقولو لي انت متفائل شديد ؛ ايوه بالجد انا متفائل جدا ومتاكد تماما انو كل الحسابات الموضوعيه بتأكد انو النظام عمرو انتهي ؛ مافي زول بقدر ينكر انو المجتمع وخاصه المجتمع الشبابي فيهو تغيرات كبيره وتحولات في المفاهيم وطريقة التفكير والاهتمامات ؛واكيد كلنا ملاحظين مثلا للزول الكان قبل سنتين ماشغال بالسياسه ولا بالوطن كيف سياسات النظام والجوع والغلاء والعطاله خلتو يتفاعل مع القضيه الوطنيه ؛ يعني النظام اجتهد في هذا الجيل ايما اجتهاد عشان يفرغو من محتواهو وبالمقابل بالغ النظام في تجاهل عقل الشعب واكثر في عدم احترام مشاعره و اهانة كرامته ؛؛ بس اكيد الشي لما يزيد عن حدو بنقلب ضدو ؛؛ مش كده ؟؟
فيا شباب الشعب هيا ؛؛ وانطلق ياموكبي ؛ وارفع الصوتا قويا ؛؛ عاش صوت الشعبي ؛؛
بوشي
Post: #2 Title: Re: يقظة شعب وسقط الانقاذ Author: Ali Sirelkhatim Date: 02-27-2012, 01:52 AM Parent: #1
الحبيب محمد حسن بوشى بعد ما فقدنا الامل فى هذا الجيل ..شوفنا الفيديو بتاعك فى اليوتوب وماقلته لنافع ..خليتنا نعرف انه حوا واااالده شكرا ليك يا محمد ياخى وانت رجل والرجال قليل
الف مرحب بيك
Post: #3 Title: Re: يقظة شعب وسقط الانقاذ Author: Ali Sirelkhatim Date: 02-27-2012, 03:30 AM Parent: #2
Post: #4 Title: Re: يقظة شعب وسقط الانقاذ Author: شمس الدين ساتى Date: 02-27-2012, 04:44 AM Parent: #3
Quote: الحبيب محمد حسن بوشى بعد ما فقدنا الامل فى هذا الجيل ..شوفنا الفيديو بتاعك فى اليوتوب وماقلته لنافع ..خليتنا نعرف انه حوا واااالده شكرا ليك يا محمد ياخى وانت رجل والرجال قليل
الف مرحب بيك
شرحوا ... سلامات يا قريبى
Post: #5 Title: Re: يقظة شعب وسقط الانقاذ Author: حمزاوي Date: 02-27-2012, 05:02 AM Parent: #4
ود اختي بوشي مسكاقمي لا بد من صنعاء وان طال السفر ولكن يبدوا اننا على مشارف صنعاء واصبحنا نشاهد انوارها
عافيلقو سلاملقو
سلمجي
Post: #6 Title: Re: يقظة شعب وسقط الانقاذ Author: هشام هباني Date: 02-27-2012, 05:24 AM Parent: #5
الاخ العزيز البطل بوشي
تحياتي والف مراحب بك و احييك واحيي موقفك البطولي الذي اثلج صدورنا واكد لنا ان الدنيا لا زالت بخير ووجودك بيننا شرف لهذا المنبر واضافة نوعية لقوى التغيير الوطني ولا املك في هذه اللحظات الا ان احييك بهده الاغنية الوطنية الخالدة في الاعتزاز بالفروسية والشجاعة السودانية التى جسدتها بموقف بطولي تاريخى افرح الاهل واغاظ الاعداء.