Post: #1
Title: القومة لك يا ( جدي ) وانت مشارك اساسي في تهريب سلاطين باشا .........
Author: ود الباوقة
Date: 02-26-2012, 05:23 PM
Parent: #0
وقد كتب سلاطين كتابه المسمي السيف والنار في السودان وترجمه العلامه عبد الله الطيب
الي العربيه واخرون ان عمليه تهريب سلاطين قادها ثلاثه من الزعماء احدهم محمد ود الفحل
زعيم قبيله الفحلاب الميرفاب غرب بربر وابراهيم محمد حمزه الانقريابي زعيم الانقرياب بالباوقه
وقد ذكر صاحب كتاب المستهدي في سيره الامام المهدي ان الانقرياب شاركوا في حروب
المهديه في بربر بقياده ابراهيم ابراهيم محمد حمزه وقد انقلب ابراهيم ضد المهديه
كحال كثير من الزعماء السودانيون الذين لم تعجبهم سياسيه الخليفه
كمادبوا زعيم الرزيقات وفل الله ود سالم زعيم الكبابيش
|
Post: #2
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: ود الباوقة
Date: 02-26-2012, 05:26 PM
Parent: #1
Quote: ان الانقرياب شاركوا في حروب
المهديه في بربر بقياده ابراهيم ابراهيم محمد حمزه |
هييييييييييييييع
كع
عفيت منك
|
Post: #5
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: Al-Shaygi
Date: 02-26-2012, 05:31 PM
Parent: #2
Quote:
القومة لك يا ( جدي ) وانت مشارك اساسي في تهريب سلاطين باشا .......
|
يعني خيانة الوطن وراثية....
هل تعلم أن التقارير التي رفعها سلاطين باشا بعد هروبه كانت السبب المباشر في التعجيل بإعادة إحتلال السودان؟؟
(طبعاً ده تاريخ ما كوار)..
يعني تفتخر بأن جدك ساهم في إعادة إحتلال السودان...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #8
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: Mohamad Shamseldin
Date: 02-26-2012, 05:41 PM
Parent: #2
خلاص نحن أحفاد الشيخ عجيب .. بعد ان قسمنا بسيف "الجم جم" و بالدنقر و بالطاقيه و بعقد الهيكلي الما بنعد... قررنا توجه صوت لوم لجدكم لمساعدته هذا الخواجه الذي قام الخليفه بقطع غلفتو سابقا بحجه إنو نجس
|
Post: #22
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: حمزاوي
Date: 02-27-2012, 06:51 AM
Parent: #2
| Quote: يعني خيانة الوطن وراثية.... |
هييييييييييييييع
كععععععععع
أردم
|
Post: #3
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: ماجد حسون
Date: 02-26-2012, 05:28 PM
Parent: #1
هاهاهاهاها تاريكم كده من زمان؟
صحى العرق دساس
|
Post: #4
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: ود الباوقة
Date: 02-26-2012, 05:30 PM
Parent: #3
Quote: هاهاهاهاها تاريكم كده من زمان؟
صحى العرق دساس |
حسون
اول شيء اعرف السبب بعدين تعال اضحك
تضحك بلاهن يعجبك خلاهن
|
Post: #6
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: ود الباوقة
Date: 02-26-2012, 05:33 PM
Parent: #4
حبوبتي طوالي ام النصر محمد حمزة
والبطل ابراهيم محمد حمزة
اخوان ولا د ام ابو
هييييييييييع
كع
|
Post: #9
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: محمد إبراهيم علي
Date: 02-26-2012, 05:42 PM
Parent: #6
جدك بنعفي ليهو الزمزغة العملا دي بس بشرط واحد
انو يكون هو الطهر سلاطين باشا
ود الباوقة شبكتك اتملت اقوان كفاك
يا زول مالك بتجي سايق وطافي نورك
|
Post: #7
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: معاوية عبيد الصائم
Date: 02-26-2012, 05:35 PM
Parent: #3
باوقيشن ....بتين اخر مرة جاتك ملاريا ؟
وما استخدمت ............لعلاج الملاريا ؟
وهل طلعت فى الراس ؟
ثم اختشى واتبخر ب (جلد) صبرة
واطلع (عنقريبك) انخمد ....اها وات
يالعشا ب (مندى) هربت منو؟
|
Post: #10
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: صديق الموج
Date: 02-26-2012, 05:42 PM
Parent: #7
| Quote: يالعشا ب (مندى) هربت منو؟ |
معاوية يا معارضة
ود الباوقة ده حا يهرب البشير من اوكامبو
انت قايل ناس الجنائية بلقوه تانى بعد يخش فى الحفر ديك
هيييييييييييع عفيت منك ود الباوقة
بس اوع توديه المزرعه والله معاوية حافظة شتله شتله ياود الباوقة،،،،
|
Post: #11
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: Hassan Makkawi
Date: 02-26-2012, 06:15 PM
Parent: #10
| Quote: يا زول مالك بتجي سايق وطافي نورك |
تعليق خرافى يا محمد إبراهيم.......
باوقة
تعال أشرح سريع.....
الجماعة ناويين ( يفرتقوا كربريترك )
|
Post: #12
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: محمد إبراهيم علي
Date: 02-26-2012, 06:33 PM
Parent: #11
| Quote: الجماعة ناويين ( يفرتقوا كربريترك ) |
هسي عليك الله يا حسن دي ما سواقة زول مطفي النور
سلاطين باشا شنو كمان البفتخرو بتهريبو
ولا كمان زي ما قال جدي ودالموج : ود الباوقة ده بعرض في خدماتو للبشير
وبقول ليهو نحن التهريب وارثنو جدا عن جد
واتوقع ان ينضم ودالباقة الى قائمة البؤساء بتاعة عمر فضل المولى
الحبيب البائس ملاسي
والحبيبة البائسة تراجي
|
Post: #13
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: محمد أبوالعزائم أبوالريش
Date: 02-26-2012, 07:20 PM
Parent: #12
| Quote: يا زول مالك بتجي سايق وطافي نورك |
يا زول طافي شنو .. ومنوّر شنو؟
عليك أمان الله .. زولك ده بيجي مغمض ووشو في الواطة زي التور المقدّم قرونو .... كان طفا .. كان نوّر ...... ما بيشوف
|
Post: #14
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: Hassan Makkawi
Date: 02-26-2012, 07:29 PM
Parent: #12
Quote: سلاطين باشا شنو كمان البفتخرو بتهريبو
|
يا بوحميد
إمكن راقدلو فوق راى.....
ننتظر عودة ود الباوقة وربك يستر...
|
Post: #15
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: معاوية عبيد الصائم
Date: 02-26-2012, 07:35 PM
Parent: #14
اين هرب المهرب المرتقب لتهريب الهارب من العدالة المدعو عمر البشير...؟؟؟
غايتو يا باوقيشن دخلت روحك فى شرم (خرم) ...
بعدين لازم لازم تجيب مصدر للقصة دى !!!
|
Post: #16
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: معاوية عبيد الصائم
Date: 02-26-2012, 07:45 PM
Parent: #14
Quote: إمكن راقدلو فوق راى.....
|
راى شنو يا مكاوى؟
باوقيشن بكون رقد فى صحن مندى لحم
ونسى قصة جدو دى!!!
اظهر ايها (البطينى) كمل (الوهمة)؟؟؟
|
Post: #17
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: Hassan Makkawi
Date: 02-26-2012, 08:01 PM
Parent: #16
باوقة أظهر ياخ...
الناس ديل لبسوا أبرولاتم وشالوا مفاتيحم ومفكاتهم
ومتلهمين ( كبوتك )
أوعة الكربريتر
_________________
عنكوليب بس...
آآآآخ يا بطنى من الضحك
|
Post: #18
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: Haju Muktar
Date: 02-26-2012, 08:01 PM
Parent: #16
ود الباوقه جدك طلع بلف
جدك يهرب الباشا
وحزبك يهرب البترول
البوست ده دفعوا ليك فيهو كم عشان تبهدل جدك
بعدين يا ناس معاويه ود الباوقه ما هرب هو هسع في مهمة تامين الطريق للمزرعه
|
Post: #19
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: جدو
Date: 02-26-2012, 08:30 PM
Parent: #18
في الجيش في تعليق مناسب لحالتك دي يا ود الباوقة..
بقولوا فلان وقعت منو
دحين انت هسع انبهلت منك عديل
كدي غايتو حاول باصرها زي ما قال ليك مكاوي
ينكن تلفق..
بقول ينكن..
ما معروف
|
Post: #20
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: ود الباوقة
Date: 02-26-2012, 11:20 PM
Parent: #19
.
|
Post: #21
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: المسافر
Date: 02-27-2012, 05:34 AM
Parent: #20
Quote:
خلاص نحن أحفاد الشيخ عجيب .. بعد ان قسمنا بسيف "الجم جم" و بالدنقر و بالطاقيه و بعقد الهيكلي الما بنعد... قررنا توجه صوت لوم لجدكم لمساعدته هذا الخواجه الذي قام الخليفه بقطع غلفتو سابقا بحجه إنو نجس |
هو ذلك وأحفاد الشيخ إدريس إنقر كانوا بسيفهم " الدوكري " المسلول حتى آخر الحروب التي شارك فيها بني جلدتهم براياتهم لم تتراجع ويؤيد ذلك فناء كتائبهم في القلابات يوم التطاحن العظيم والنصر الذي لم يجد من يصفه وكذلك كانوا في كرري وقد أبلغوا الخليفة عبد الله أنهم يعارضونه ولكنهم سوف سيدخلون المعركة لأنها معركة البلد ...
ما ذكره أخونا عمر عن ما ورد في بعض الكتب لا ينطبق مع الحقيقة المروية شفاهة من شهود الواقعة...
والحقيقة المروية شفاهة من جدتنا التي شاهدت سلاطين شخصياً أنهم ومن معه نزلوا ضيوفاً عليه ، وأغلبهم كانوا أجانب وليسوا سودانيين، نزلوا ليلاً وخرجوا صباحاً ، وطلبوا دليلاً لكي يوصلهم إلى مكان معين في الصحراء كان لديهم مدد ... العمدة إبراهيم لم يكن مهرباً ... ولم يكن متآمراً .. بل كان من القوة والحجة في وجه الخليفة عبد الله بأن ذكره بأن سلاطين خرج من داره بخيلها وسلاحها وحرسها ورجالها وإن كان هناك لوم فليلوم نفسه ولا يحمل غيره ذنباً لم يذنبوه ... فهو ليس قطاع طريق وليس حارساً في عسكر الخليفة.
إن تهريب سلاطين لم يكن من تخطيط السودانيين ، ومروره بدار العمدة إبراهيم لم يكن متفقاً عليه أو تآمراً على البلد ، والإنقرياب لما طغى الخليفة واستباح قائده محمود وأحمد ديار الجعليين قاتلوه بالسيوف مع الجعليين في معركة الحوش الكبير بالفاضلاب ... وصدوه بعد أن هلك جم فرسانه... هذا تاريخ مروي ومعروف وليس افتراء سودت به صحائف...
|
Post: #23
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: عبدالرحمن الحلاوي
Date: 02-27-2012, 06:55 AM
Parent: #21
Quote: هو ذلك وأحفاد الشيخ إدريس إنقر كانوا بسيفهم " الدوكري " المسلول حتى آخر الحروب التي شارك فيها بني جلدتهم براياتهم لم تتراجع ويؤيد ذلك فناء كتائبهم في القلابات يوم التطاحن العظيم والنصر الذي لم يجد من يصفه وكذلك كانوا في كرري وقد أبلغوا الخليفة عبد الله أنهم يعارضونه ولكنهم سوف سيدخلون المعركة لأنها معركة البلد ...
ما ذكره أخونا عمر عن ما ورد في بعض الكتب لا ينطبق مع الحقيقة المروية شفاهة من شهود الواقعة...
والحقيقة المروية شفاهة من جدتنا التي شاهدت سلاطين شخصياً أنهم ومن معه نزلوا ضيوفاً عليه ، وأغلبهم كانوا أجانب وليسوا سودانيين، نزلوا ليلاً وخرجوا صباحاً ، وطلبوا دليلاً لكي يوصلهم إلى مكان معين في الصحراء كان لديهم مدد ... العمدة إبراهيم لم يكن مهرباً ... ولم يكن متآمراً .. بل كان من القوة والحجة في وجه الخليفة عبد الله بأن ذكره بأن سلاطين خرج من داره بخيلها وسلاحها وحرسها ورجالها وإن كان هناك لوم فليلوم نفسه ولا يحمل غيره ذنباً لم يذنبوه ... فهو ليس قطاع طريق وليس حارساً في عسكر الخليفة.
إن تهريب سلاطين لم يكن من تخطيط السودانيين ، ومروره بدار العمدة إبراهيم لم يكن متفقاً عليه أو تآمراً على البلد ، والإنقرياب لما طغى الخليفة واستباح قائده محمود وأحمد ديار الجعليين قاتلوه بالسيوف مع الجعليين في معركة الحوش الكبير بالفاضلاب ... وصدوه بعد أن هلك جم فرسانه... هذا تاريخ مروي ومعروف وليس افتراء سودت به صحائف... |
أشكرك يا المسافر جزيل الشكر ..فقد أبنت الصورة التي نعرفها وسمعناها شفاهة من أهلنا في شأت الإنقرياب والأدركوجاب ..بوست غير موفق يا باوقة ..أين حاتم الياس وسكنجو والقاص الأديب عبداللغني كرم الله ..أرجو من كاتب البوست أن يطلع على تاريخ مشيخة العبدلاب للدكتور محمد صالح محي الدين أو الرجوع للمانجلك زين العابدين جماع أو الشيخ أونسة عثمان أونسة خير من يفيده في ذلك ..فحقائق التاريخ غير قابلة للمساومات السياسية !!
|
Post: #24
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: عبدالعزيز حسين عبدالرحيم
Date: 02-27-2012, 07:20 AM
Parent: #23
والباوقة خلينا من جدك كدي تعال شوف لينا الكلام الخطير دا وانا بظن أنك ما شفته هنا
هل صار ( رفاعي عبدالعاطي حجر) أقرب للوطني ..؟؟؟!!!
أخونا محمد الشيخ قال الكلام دا
Quote: كسرة: الأخ عبد العزيز
بالمناسبة رأيك في معاوية عبيد تجاه ود الباوقة غير صحيح
وممكن تسأل ود الباوقة شخصيا أو معاوية عبيد أن استطعت لذلك سبيلا.
أكيد مودتي اللجميع |
ممكن ترجع لي راي القلته في اول مداخله لي في البوست وهو طبعاً راي سلبي نفاه محمد الشيخ هنا المهم ردينا عليه بالكلام دا
Quote: الكلام القلته دا خطير خطير شديد وكلام مهم من المفترض ما يكون في اشارة تحت الكلام دا دا مفروض يتفتح ليه بوست عديل وقضية تستحق النقاش
الكلام دا قاله لي معاوية نعم مره اتكلمت مع معاوية انو ظلم ودالباوقة وانو ودالباوقة زول مسكين وطلبت منه يخليه في حال قال لي يا أخي ودالباوقة دا صاحبي وعلاقتي معاه ممتازة ومتواصل معاه والبوستات دي مكايدة بيني وبينه افتكرت معاوية كضاب كدأبه دائما وما اهتميت بالموضوع بعد داك شكيت في صحة كلام معاويه لمن شفت تراخي ودالباوقة في موضوع الاتهامات ومطاردات معاوية هسع انت بتجيب ليك كلام يأكد صحة كلام معاويه
في شنو ؟؟ البلعب علينا منو ؟ البدقسنا منو ؟ البشيلنا الخرج منو ؟
ورونا تعال انت يا محمد الشيخ ورينا الحاصل شنو ؟
وريني الخطأ في كلامي الفوق دا شنو ؟
نادي ودالباوقة خليه يورينا نحنا الاتضامنا معاه ووقفنا معاه لمن اتعرض للأفتراءات يوضح لينا هل كلام معاوية صحيح أنه علاقتهم مع بعض طيبة وهم اصدقاء وبمارسوا علينا نفاق محض يتسلو بيه
وكت انت عارف الكلام دا ليه ما اتكلمت ليه ماشرحت انو الناس قاعدة تتدقس
|
بدأ محمد الشيخ يتنصل من الكلام ويلف ويدور قام قال
Quote: يا عبد العزيز انت عايز تصل لي شنو
العلاقة بين ود الباوقة ومعاوية عبيد والصراع السياسي معروف للقاصي والداني وكل اهل البورد يعرفون وانت كذلك.
علاقتهم الشخصية شيء آخر يخصهم ودونك ردود ود الباوقة على العضو السيدح في أحد البوستات عندما دخل الأمر في العلاقات الخاصة أو الأسرية
ويمكن ان تتابع خيوط البوستات الأجتماعية وآخرها بوست نجاح ابنة معاوية.
يعني لماذا يحاول بعض الزملاء خلق الأزمات بين بعضهم على خلفية الخلافات السياسية؟
انا قلت ماقلته حسب معرفتي بمعاوية عبيد ورأيه في ود الباوقة الأجتماعي انو اخو اخوان لكن ود الباوقة السياسي عندو زي الواطة دي.
كذلك ود الباوقة يعرف أن معاوية من أسرة كريمة وقالها كتيرا ولكن معاوية السياسي في نظره اكعب من الواطة دي.
واذا كنت تعتقد انهم بيلعبو علينا ومدقسننا قبل كدى برضو البشير وقرنق دقسوكم؟؟؟؟؟؟!!!
اذن ماهو الأكتشاف الخطير الذي يستحق ان نفتح ليهو بوست؟؟. |
قمنا ردينا عليه قلنا ليه
Quote: نشوف الإشارة الاشرت ليها أنت زي البتقول لي أنو معاوية وودالباوقة البيناتهم عامره وزيت وخل والبحصل في البورد دا وهمه ساي
طيب يا محمد نحنا يوم جينا البورد دا لقينا معاوية بتهم ودالباوقة في شرفه ونزاهته طوالي قمنا على معاوية ومسحنا بيه الأرض ود الباوقة كان رد فعله ضعيف لأنو بالمنطق لو زول اتوجه ليه الأتهام دا من شقيقة النازل معاه من بطن واحد ما كان حايسكت
فجاءة نكتشف أنو ودالباوقة علاقته كويسة وجيدة مع معاوية نفهم شنو في صديق ولا قريب بتهم صديقة ولا قريبة الاتهام دا ماممكن منطقياً طوالي نفكر أنو معاوية وودالباوقة متفقين على الموضوع يعني ممكن يكونو متغدين او متعشين مع بعض في بيت ودالباوقة يتفقو على الموضوع دا يقوم معاوية يكتب الكلام دا من كمبيوتر معاوية ويقعدوا يضحكوا في التعليقات وهم بشربوا في الشاي
او ممكن تلفون لي اي واحد فيهم كيف الحال الاولاد حمد لله سلامه الولد اسمعني ياخ الايام دي قبضوك في كضب خلاص افتح ليك بوست اتهمني وعيك عاك وبعد داك المؤامره تمر علينا ساي دا التفكير المنطقي الممكن يتفهم من كلام معاويه ومن اشارتك
مافي صديق ولا قريب بعمل في صديقة كدا إلا يكونو متأمرين
هل ودالباوقة غواصة يعني بدعي انو مؤتمر وطني وهو متؤاطي مع معاويه في مؤامرات ما تستغرب التفكير المنطقي بمشي للحتات دي
خلي ودالباوقة يجي يشرح لينا ويورينا صحه الكلام دا
أما مسالة العائلات والاسر وأظنك ما متابع البوستات يا أخي مافي زول انا انت ودالباوقة معاوية احمد موسى رفاعي كل الناس سوى بعض الشوذ الجهله وديل بفضحوا نفسهم هم فقط من يصارع بالاسر والاهل اما نحن فبعدين من كدا ونحترم اهل واسر كل مخالفينا مادام ولا علاقة لنا بهم
اتمني ودالباوقة يجي ماري بي جاي يوضح ليناكلام معاوية دا واشاراتك انت يتفهموا بي ياتو منطق
طبعاً معاوية ما مطلوب لانو كضاب وهو زاتو ما حا يجي لاني بي جاي بخاف مني رغم مداخلتي الواحده دي
|
واصل برضه اللفلفه وقال ورمى الموضوع في الظنون لمن قال
Quote: يا عبد العزيز
ربنا يرضى عليك تسأل أحمد موسى عن رايي الشخصي في كتاباته بل وانطباعاته
لو بفتكر انو انا من الناس البحاولوا يهاجموه ظنا منهم اني متخيلو جاء هنا لينال من الرفاعي انا اكون متلوم وكمان سافي التراب.
انت يا عبد العزيز دائما بتفتكر انك بتقرأ أفكار الناس ثم تحاسبهم بها وفي رأي الشخصى انك بتقوم باسقاط أفكارك وربما امنياتك على الأخرين ثم تحاسبهم بها.
ما قلته انا عن ود الباوقة ومعاوية ليس موضوع البوست طبعا ولكني قلت كل الذي أعرفه أو أظن اني أعرفه وليس لدي جديد
ويمكنك طلب المزيد منهما اذ انهما يطالعان في هذا البوست ولديهما من كوتة المداخلات ما يفيض.
مع ودي |
المهم ردينا عليه وقلنا ليه
Quote: ياريت لو قلت الكلام دا لي زول غيري كان مرره ساي لكن أنا الكلام دا اتقال لي مره وهسع انت جيت أكدته وما تتراجع من كلامك ولو كان ظن ساي قايلو لي ليه عاوزني اسوي شنو بي ظنك عاوز تصرفني من موضوع ودالباوقة ومعاوية بي ظن من عندك
بعدين أنتبه لي أنو الموضوع يا محمد الشيخ ما سياسي شخصي وشخصي محض أتهام ودالباوقة كان في شخصه ما كان في المؤتمر الوطني
يا محمد الشيخ الفكرة بقت واضحه أنت ومعاويه بتقولوا انو علاقة معاوية وودالباوقة متواصله وماعندهم مشاكل
لو كان دا الحقيقة نعرف حاجه ونكتل مروءتنا وتاني قبل ما نجي ننصر لينا زول مظلوم في البورد دا نقول خليهم يمكن اصحاب ومتفقين يدقسونا وكان تاني شفت معاوية بسوي لي ودالباوقة دا الكاكا نقول خليهم اصحاب وعارفين بسوو شنو
لو كان كلام دا الحقيقة يبقى ياهو البمحق المروءة في الناس
ننتظر ودالباوقة يجي يورينا صحه الكلام دا أو ينفيه وأتمني يجي وما يخذلنا كمان ويخلينا نمشي بي ظنونا بعيد
|
اها يا ود الباوقه دا الموضوع وأنت ماشفته وبما أن الأتهامات كانت هنا في البورد دا ونحنا دخلنا طرف فيها فعاوزين نعرف الحاصل شنو يا ودالباوقة ؟
تعال ورينا الكلام البقولوه الناس ديل صحي ولا كمان دا نوع من شغل الكضب والترقيع
محمد الشيخ عمل رايح وبربار كالعادة لابد وما بقدر يقول كلمة في حضرتنا وهسع من البوست دا حا يزوغ فرجاء رد علينا انت وفهمنا
وليك الأحترام والود حتى اللحظه
|
Post: #25
Title: Re: القومة لك يا ( جدي ) وانت مشارك اساسي في تهريب سلاطين باشا .......
Author: ود الباوقة
Date: 02-27-2012, 07:22 AM
Parent: #24
Quote: اها يا ود الباوقه دا الموضوع وأنت ماشفته وبما أن الأتهامات كانت هنا في البورد دا ونحنا دخلنا طرف فيها فعاوزين نعرف الحاصل شنو يا ودالباوقة ؟
تعال ورينا الكلام البقولوه الناس ديل صحي ولا كمان دا نوع من شغل الكضب والترقيع
محمد الشيخ عمل رايح وبربار كالعادة لابد وما بقدر يقول كلمة في حضرتنا وهسع من البوست دا حا يزوغ فرجاء رد علينا انت وفهمنا |
الاخ عبد العزيز
معاوية عبيد لم التقيه في حياتي
ولا تواصل لي معه البتة
هذا كل ما عندي
ولك الشكر
|
|