على ذمة الجزيرة.. الخرطوم: قوات جوبا تهاجم مناطق بجنوب كردفان

اتهمت القوات المسلحة جيش دولة جنوب السودان بالهجوم على مناطق بولاية جنوب كردفان
المصدر قناة الجزيرة

الجزيرة اذاعت بيان للصوارمي قال فيه ان الحرب قد بدات فعلا
وان جيش دولة الجنوب هاجمت عند الساعة السادسة صباحا على
منطقة بحيرة الابيض (ليست الابيض عاصمة شمال كردفان)
الصوارمي قال ان المعارك لا زالت تدور حتى الآن (الساعة 6 مساء)
الصوارمي قال ان (1500) من جنود جيش دولة الجنوب هاجمت المنطقة التي
تقع على اكثر من 20 كيلومترا شمال حدود 56

المسلمي الكاشي مدير الجزيرة بالخرطوم قال ان الحركات المسلحة
اعلنت انها شنت الهجوم وليس دولة الجنوب
الحركات لم تعلن استيلائها على منطقة بحيرة الابيض
القوات المسلحة لم تؤكد انها لازالت تسيطر على المنطقة

المسلمي دعا المجتمع الدولي للتدخل ووقف الحرب بين البلدين

سلام يا علي ميرغني

Quote: المسلمي دعا المجتمع الدولي للتدخل ووقف الحرب بين البلدين

بصفتو شنو بيدعي المجتمع الدولي لوقف الحرب بين البلدين
ومن اين تثبت ان حكومة الجنوب قامت بالهجوم
ولا اعتمد على كلام الصوارمي بس وبنى عليهو النداء بتاعو دا
البنعرفو انو كاعلامي مفروض ينقل الخبر محايدا
يعني ينقل كلام الصوارمي او الحكومة السودانية وبهنا مهتو كمراسل بتنتهي


المسلمي د اوعى يكون قاري اعلام ؟

Quote: المسلمي الكاشي مدير الجزيرة بالخرطوم قال ان الحركات المسلحة اعلنت انها شنت الهجوم وليس دولة الجنوب

المسلمي تحدث بصفتو مدير مكتب الجزيرة بالخرطوم وليس مخبر صحفي تنتهي افاداته بانتهاء الخبر
وهو اعطى تحليل موجز للخبر وارجع للحتة الفوق دي تجد انو المسلمي اورد تبني الحركات المسلحة للهجوم

Quote: دعا المجتمع الدولي للتدخل ووقف الحرب بين البلدين

البلدين دي من عندك ولا من عند المسلمي ؟
لو ما قالها يبقى انت ظلمتو
ولو قالا يبقى هو اخذ جانب احد طرفي النزاع وده بنفي عنو صفة الصحفي
يعني بيتحول لي ناطق باسم الحكومة السودانية
بعدين مدير مكتب الجزيرة دي ما عندها اي مكان من الاعراب هنا
وما بتديهو اي حصانة من انو يخرق المهنية

اعتقد انه اذا كانت دعوة المسلمي من اجل ايقاف
الحرب وتدخل المجتمع الدولي من اجل المدنين وحمايتهم
فان هذا من اوجب واجبات العمل الصحفي الصحافة مهنة ذات رسالة
انسانية في المقام الاول

ان اول من بشر بالحرب للاسف هو الرئيس المفترض عندما اعلن في المجلد انهم جاهزين بصناديق الزخيرة

العدو الاول للسودانين هو مهووس الحرب والدمار
هاتو منطقة واحدة في السودان سلمت من هذا القتل حتى المساجد في العاصمة حدث فيها
القتل لاول مرة في تاريخ السودان في عهد هذا الرجل البائس

كلامك صاح...
يبدو اني ظلمت الرجل لانو دعا لوقف الحرب بين الطرفين
وهي دبلوماسية منو لان كلمة الطرفين يمكن ان تفسر البلدين
او طرفي الحرب بغض النظر عن من هما
لك شكري على التوضيح

سلام

الحرب بين الحركات والجيش السوداني وليست دولة الجنوب والجيش السوداني

الحرب و تطورها سببها ثور الله الانطح عمر البشير الرفض اتفاق نافع الحلو
وقصر نظره وغباءه فى عدم الوصول مع قادة المناطق الاثنين المتاخمة للجنوب لاتفاق سياسى

Quote: دعا لوقف الحرب بين الطرفين

وكلنا بندعو معاهو وهي حرب ليس فيها مستفيد فالكل خاسر
فعلا (الاطراف) محايدة اكثرة

يا علي ميرغني المسلمي الكاشي ده كان لابد وين
وساكت لما الجبخانه مدوره في اهلنا النوبه
والدارفورين وناس النيل الازرق وناس ابيي!!


حسه عرف يوجه ويطالب بوقف الحرب؟!
الناس الكانت بتموت دي بشر ولا فاكرنهم حطب للنار؟!

ارجو الراجيكم عشان ثاني تستكتوا وتتفرجوا على مذابح السودانين!

التاريخ: 26/2/2012م

قوات الجبهة الثورية السودانية تحطم احلام البشير فى بحيرة اللبيض

استطاع الجيش الشعبى لتحرير السودان-شمال بالاشتراك مع قوات العدل والمساواة السودانية فى صباح اليوم 26/2/2012م من تدمير اكبر قوة لنظام المؤتمر الوطنى فى بحيرة اللبيض القريبة من الجاو بولاية جنوب كردفان/جبال النوبة وكبدتها خسائر كبيرة فى الارواح والاليات والمعدات العسكرية وتشتيت افرادها البالغ عددها 6000 فرد و تم تحرير بحيرة اللبيض تماما من دنس قوات المؤتمر الوطنى.

هذا وقد تم الاستيلاء على عدد ثلاثة دبابة، اكثر من 200 مدفع دوشكا ، 7 هاون 120مم ، اكثر من 30 مدافع مختلف من اس بى جى ، 106، بى-10 واكثر من 200 عربية مختلفة ،وكميات من الاسلحة الخفيفة والذخائر والدانات جارى حصرها حتى لحظة كتابة هذا البيان ويؤكد ما ذكرناه فى البيان السابق ان امدادنا العسكرى نتلقاه من قوات المؤتمر الوطنى.

هذه اول عملية مشتركة لقوات الجبهة الثورية السودانية بعد اعلانها للهيكلة وتعتبر رسالة وانذار اول لنظام الخرطوم وان المرحلة المقبلة سوف تشهد انتصارات كبيرة ضد قوات ومليشيات المؤتمر الوطنى فى الجبهات المختلفة ووقتها لا ينفع البكاء والدموع التى يذرفها الصوارمى خالد سعد وطروجى فى مرمى النيران.

أرنو نقوتلو لودى

الناطق الرسمى للحركة الشعبية لتحرير السودان

حتى لو هاجم الثوار مدينة دنقلا غدا فان النظام في الخرطوم سيقول ان دولة جنوب السودان هاجمت دنقلا...
امس كانوا يعلقون شماعاتهم وفشلهم باسرائيل واليوم على جنوب السودان..

تحية لثوار الجبهة المتحدة...اضربوهم بيد من حديد...اجعلوا مصير البشير نفس مصير القذافي...

الصوارمي وقناة الجزيره وجهان لعمله واحده

Quote: على ذمة الجزيرة..

الحالة السودانية كشفت دور الجزيرة الازدواجي ...
لذلك لا ذمة علي الجزيرة

يجب تسمية الاشياء بمسمياتها ... لا يوجد شئ اسمه الجيش السوداني ...كل ما هناك هو كتائب المؤتمر الوطني كحزب يسيطر علي الحكم في الخرطوم ...او مليشيات البشير ...والصوارمي هو ناطق رسمي لتلك المليشيات ...



مليشيات البشير او كتائبه تحارب في مناطق توجد بها شعوب سودانية مطلبها الحرية والحياة الكريمة