المرحوم وردى والقروش والغرور وجعفر عباس

جعفر عباس
ستظل سرادق العزاء منصوبة في بيوت وقلوب الأجيال الثلاثة التي عاصرت وردي، ونهلت من عصارة موهبته الموسيقية الاستثنائية، ولكن أبناء وبنات العقود والقرون المقبلة لن يحسوا ب»الحزن القديم»، بل بالفرح والزهو لكون بلادهم أنجبت شخصا مثل وردي، عبر بموسيقاه الحدود السياسية والجغرافية والطبقية والعمرية، وترك لهم ثروة يباهون بها بقية الأمم في زمن جميل قادم حتما، يسترد فيه الوطن بهاءه على كافة الصعد.. سيتذكرون أيضا باعتزاز شديد أمراً لم ينتبه إليه معظم من عاصروا وردي، وهو أنه كان أول من نال جائزة بابلو نيرودا (الشاعر التشيلي الضخم الحائز على جائزة نوبل للأدب) العالمية للأغنية الوطنية، تقديرا لتسخيره موهبته لإعلاء قيم السلام والعدالة والديمقراطية، منذ أكتوبر 1964، ومناطحته نظام نميري بالكلمة المنغومة، وكان نيرودا نفسه مناضلا جسورا ضد الأنظمة الدكتاتورية في تشيلي وإسبانيا وغيرها وعانى مثل وردي من قسوة المنافي، وقد عشت مع وردي عامين متصلين في لندن التي جاءها طالبا اللجوء السياسي في عام 1995، وكانت الحكومة وقتها تتحدث عن المعارضين الذين «يعيشون في الفنادق الفاخرة ولا يعرفون شيئا عن معاناة المواطنين».. وكان وردي يقيم في لندن في بيت في منطقة ميدافيل، من النوع الذي كلما هممت بدخوله، قفزت الى لسانك «اللهم إني أعوذ بك من الخبث والخبائث» من فرط بؤس حال المسكن، وكنت مع آخرين دائم الزن والنق فيه بأن يعود الى القاهرة ليتواصل مع جمهوره في المهاجر العربية ويعيش من ثم عيشة «لائقة».
بعض من يعرفون خصوصية علاقتي بوردي كانوا يقولون لي: صاحبك ده بيحب القروش! وكان ردي دائما: وهل أنت تكره القروش؟ مسألة حب وردي ل»القروش» فرية لقيت الرواج بين كثيرين، ولا تختلف عن فرية ان الشايقية بخلاء، وأن النوبيين «نُص ديانة».. وردي كان أكثر خلق الله سبهللية في التعامل مع المال.. بعد 17 سنة كمطرب من الدرجة الأولى، حفلاته كاملة العدد، تم طرد وردي من البيت الذي كان يستأجره لعجزه عن سداد الأجرة، لأن فترة السجن في أوائل السبعينيات حرمته من كسب الرزق، وكدح بعدها لسنوات، وأسعفه «حبه للقروش»، في بناء بيت في الكلاكلة، واقتادني ذات مرة إلى منطقة «شقلة» في أطراف الحاج يوسف، ليريني قطعة أرض «عشوائية» اشتراها، وفكر في تشييد بيت فيها، وسمع مني «فاصل ردح» لامني عليه لاحقا، لأن الأرض طارت من ملكيته، بينما هلافيت مغنواتية هذا الزمان يبتنون بيوتا في الأحياء ذات الشنة والرنة، بعد دخول السوق بثلاث او خمس سنوات، وبعد نحو 50 سنة من تسيّده للساحة الفنية نجح في بناء بيت في المعمورة،
ويعرف العازفون الذين لازموا مسيرته على مدى عقود (عربي ومحمدية وعلي ميرغني وبريس وعبد الرحمن وجعفر حرقل وغيرهم) أنه كان يتسلم المقابل المادي نظير حفل غنائي ما ويتوزعه معهم بالتساوي.. وشرب بسبب ذلك مقلبا عندما استدعاه رئيس دولة في غرب أفريقيا لإحياء حفل زفاف بنته، وحمل وردي معه من السودان نحو ألف دولار، ودخل عليه في الفندق موفد من القصر الرئاسي وسلمه شنطة، ثم طلب منه التوقيع على إيصال باستلام «5 ملايين» فما كان من وردي إلا أن جمع العازفين ووزع عليهم الدولارات التي كانت معه: يللا.. امشوا بحبحوا!!! ثم جاءه صديق سوداني مقيم في ذلك البلد الغرب أفريقي، وحكى له وردي عن الملايين الخمسة وسأله عن كيفية تحويلها الى دولارات، فكان ان فاجأه الصديق بأن تلك الملايين تساوي نحو خمسمائة دولار.. ولحسن حظه منحوه بضعة ملايين أخرى بعد الحفل، «غطت خسارته»
وردي كان شديد الاعتداد بالنفس، وكان صريحا في آرائه لدرجة القطامة (وهناك من سمى ذلك غرورا)، هل كان غرورا قوله إن ابنه عبد الوهاب ليس مطربا بل موسيقيا متمكنا؟ وكل من عرف وردي عن كثب يعرف عنه نقيض كل تلك الاستنتاجات الظالمة، فقد كان إنسانا بسيطا وعاش ومات بروح التربال المحسي، وكاذب أشِرٌ من يزعم أن وردي تنازل ولو للحظة واحدة عن انحيازه التام لقضايا وهموم المواطن العادي، لأنه اقترب او ابتعد عن تنظيم سياسي ما.. فقد كان قوي العود والوعي السياسي، ومارس قطامته المعهودة بالتعبير عن رأيه في حال الوطن، ورفضه للحال المائل، دون تزويق أو لولوة أمام كبار المسؤولين منذ عهد نميري إلى عهد البشير

يا سلام احكى

تحياتى
صدق ابو الجعافر وما ينعرفه ايضا يقربه للاساطير
نم قرير العين ابو الورود
kofi

يا سلام يا مدثر !

ريحتنا راحة تامة ،، وده كان عشمنا في الله ، وحسن ظننا فيه..


فلقد صدقت الرؤيا !


إلى الفردوس الأعلى



تحياتي لك وللأستاذ المبدع الرائع المرح جعفر عباس

شكراً مدثر كنة

شكراً أبو الجعافر بوضعك النقاط فوق الحروف فأمثال الراحل وردي لا يعرفون المراوغة ... عاش صنديداً ومات صنديداً رحمه الله

Quote: وأسعفه «حبه للقروش»، في بناء بيت في الكلاكلة، واقتادني ذات مرة إلى منطقة «شقلة» في أطراف الحاج يوسف، ليريني قطعة أرض «عشوائية» اشتراها، وفكر في تشييد بيت فيها، وسمع مني «فاصل ردح» لامني عليه لاحقا، لأن الأرض طارت من ملكيته، بينما هلافيت مغنواتية هذا الزمان يبتنون بيوتا في الأحياء ذات الشنة والرنة، بعد دخول السوق بثلاث او خمس سنوات، وبعد نحو 50 سنة من تسيّده للساحة الفنية نجح في بناء بيت في المعمورة،

بعيدا عن وردى .. وبعيدا عن صحة المعلومات الوارده من خطأها
عندى سؤال لى ابو الجعافر
لييه دايما غنى الزول او فقره عند السودانيين مربوط بملكيته لبيت
او فخامته ؟؟
يعنى قياس غنى الشخص او فقره بكون بى عدد بيوتو وفخامتها ..
تتكلم عن قروش زول طوالى يقولوا ليك بيت ما عنده !!!













ــــــــــ
اى نعم دى الثقافة السايدة لكن
معقول فى السودان دا كلو ما نلقى زول ثقافته غيير ؟؟

Quote: Quote: وأسعفه «حبه للقروش»، في بناء بيت في الكلاكلة، واقتادني ذات مرة إلى منطقة «شقلة» في أطراف الحاج يوسف، ليريني قطعة أرض «عشوائية» اشتراها، وفكر في تشييد بيت فيها، وسمع مني «فاصل ردح» لامني عليه لاحقا، لأن الأرض طارت من ملكيته، بينما هلافيت مغنواتية هذا الزمان يبتنون بيوتا في الأحياء ذات الشنة والرنة، بعد دخول السوق بثلاث او خمس سنوات، وبعد نحو 50 سنة من تسيّده للساحة الفنية نجح في بناء بيت في المعمورة، بعيدا عن وردى .. وبعيدا عن صحة المعلومات الوارده من خطأها عندى سؤال لى ابو الجعافر لييه دايما غنى الزول او فقره عند السودانيين مربوط بملكيته لبيت او فخامته ؟؟ يعنى قياس غنى الشخص او فقره بكون بى عدد بيوتو وفخامتها .. تتكلم عن قروش زول طوالى يقولوا ليك بيت ما عنده !!! لا يعرف العشق الا من يكابده اتزلطوا من الايجار! يعنى زول زى وردى لمن يبني ليهو بيت فى اخر عمره وتساعده فى بناءه زوجته علوية الرشيدى ويرفع عليه المقاول قضية تعثر سيعرف الجميع ان وردى كان اخر همه المال! جنى ــــــــــ اى نعم دى الثقافة السايدة لكن معقول فى السودان دا كلو ما نلقى زول ثقافته غيير ؟؟

سلام للجميع
مقال منصف شكرا ابوالجعافر

____________________________________________
يا دينا بلاهى ما تعذبينى بغصة البيوت دى
(الغين مقصودة)

Quote: يا سلام احكى

أبراهومه
وردى حكايه لم تكتمل
وردى حكايه لن تنتهى
والأمبراطور لن يموت فى دواخلنا

Quote: تحياتى صدق ابو الجعافر وما ينعرفه ايضا يقربه للاساطير نم قرير العين ابو الورود

الاخ خليل
بل هو أسطوره وهو الذى صاغ وجداننا فكيف لنا أن
نتصور هذا العالم دون وردى

Quote: يا سلام يا مدثر ! ريحتنا راحة تامة ،، وده كان عشمنا في الله ، وحسن ظننا فيه.. فلقد صدقت الرؤيا ! إلى الفردوس الأعلى تحياتي لك وللأستاذ المبدع الرائع المرح جعفر عباس

مامون
مثل وردى لن يبعثه الله الا الى الفردوس الاعلى
فقد أهدى الينا الفرح وزرع فى شفاهنا البسمه
ووحد بيننا والتحيه الى ابن عمتى جعفر
فهو مبدع أخر
عاش المنافى والغربة
يزرع الامل والبسمه فى شفاه الأخرين

Quote: شكراً مدثر كنة شكراً أبو الجعافر بوضعك النقاط فوق الحروف فأمثال الراحل وردي لا يعرفون المراوغة ... عاش صنديداً ومات صنديداً رحمه الله

شلبى
مايؤسف حقاً أن يقال عن وردى أنه قد طلب من البشير أن يصفح عنه
لماذا يطلب منه ذلك عاش وردى شامخاً عفيف النفس
يحترم مبادئة
عاش وهوعاشقاً لفنه ومعجبيه
وعاشقاً للوطن ولترابه
عندما طلب من القذافى أن يمجده
رحل من ديار القذافى بلاعوده

Quote: بعيدا عن وردى .. وبعيدا عن صحة المعلومات الوارده من خطأها عندى سؤال لى ابو الجعافر لييه دايما غنى الزول او فقره عند السودانيين مربوط بملكيته لبيت او فخامته ؟؟ يعنى قياس غنى الشخص او فقره بكون بى عدد بيوتو وفخامتها .. تتكلم عن قروش زول طوالى يقولوا ليك بيت ما عنده !!! اى نعم دى الثقافة السايدة لكن معقول فى السودان دا كلو ما نلقى زول ثقافته غيير ؟؟

دينا
ماأورده جعفر عباس من معلومات صحيحه وهو من الرجال الذين يحترمون تاريخ أصدقائهم
فقد أوفى للكثير من الرجال وأعطاهم حقهم وأخرهم الخاتم عدلان
وفى جعبه الرجل الكثير عن وردى سيتم نشره لاحقاً

سؤالك تم أحالته لاى ابو الجعافر

شكراً هلوله

Quote: اتزلطوا من الايجار! يعنى زول زى وردى لمن يبني ليهو بيت فى اخر عمره وتساعده فى بناءه زوجته علوية الرشيدى ويرفع عليه المقاول قضية تعثر سيعرف الجميع ان وردى كان اخر همه المال! جنى

جنى
صدقت
رجل ٌ بقامه وردى أن كان همه بناء بيت لفعل ذلك من قبل
ولكن هم وردى الكبير كان فنه وجماهيره
وردى لم يتعثر فى بناء مسكن له فقط
فقد تعثر كثيراً فى تسديد أيجاز المنزل الذى كان يسكنه بالشجره
وبسبب ذلك طلب منه أخلاء المسكن

Quote: يا دينا بلاهى ما تعذبينى

بت المجمر
عذاب دينا هين
كيف نحتمل عذاب فراقك ياوردى
رحمك الله ياوردى

Quote: لا يعرف العشق الا من يكابده

لووووب ياجنى حللللوة وملعوبة
سكتتتنا ,,,,


يا سهام المجمر بى فصاحتك دى كلها ما عندك بيت ؟
عايزة عشان لما تموتى نقول فقرانه وكدا ؟؟

كنه يا كنه

Quote: دينا ماأورده جعفر عباس من معلومات صحيحه وهو من الرجال الذين يحترمون تاريخ أصدقائهم فقد أوفى للكثير من الرجال وأعطاهم حقهم وأخرهم الخاتم عدلان وفى جعبه الرجل الكثير عن وردى سيتم نشره لاحقاً سؤالك تم أحالته لاى ابو الجعافر شكراً هلوله

دينا ولا هلولللللله ؟؟؟
اثبت على واحده .. ولا دا نظام اسكتى وكدا ..
تصدق لما رديت عليك ما كنت عارفاك ..
لكن بعد ردك دا قلت دا منو ابو العريف دا ..
لقيتك الزول بتاع الاشاعة والكذبه الكبيرة بتاعت موت وردى !
القطعتو من راسك وجهجهت بيهو الناس ...
اها الكلام الفوق دا لما يجى من زول بتاع اشاعات زيك
مش بتكون ريحتنى خااااالص من الرد ؟؟








ـــــــــــــ
لكن لسه ما قلت كان غرضك شنو من الكذبه ديك تحديدا ؟؟
باقى الكذب ما مهم ...

Quote: دينا ولا هلولللللله ؟؟؟ اثبت على واحده .. ولا دا نظام اسكتى وكدا .. تصدق لما رديت عليك ما كنت عارفاك .. لكن بعد ردك دا قلت دا منو ابو العريف دا .. لقيتك الزول بتاع الاشاعة والكذبه الكبيرة بتاعت موت وردى ! القطعتو من راسك وجهجهت بيهو الناس ... اها الكلام الفوق دا لما يجى من زول بتاع اشاعات زيك مش بتكون ريحتنى خااااالص من الرد ؟؟ لكن لسه ما قلت كان غرضك شنو من الكذبه ديك تحديدا ؟؟ باقى الكذب ما مهم ...

سلام
تسكتى على أيه
هو أنتى ماسكه على حاجه
وبعدين تردى على ولاماتردى أنتى أخر همى

وليس فى بقي مداخلتك مايستحق الرد عليه