Post: #1
Title: ليـــه كدا يا شــركة مُوبـايــلــي .... !! ؟؟
Author: Hisham Ibrahim
Date: 02-26-2012, 12:54 PM
تتصل السودان بالناس هناكـ
يجيك جرس مافي زول يرد ..
ترجع تجيكـ رساله تم خصم مبلغ كدا ...
حتى لو كان هلالات .! برضو دا قلع عيني عينك ...
وما معقول شركة تجيب منها حقك من وين ...
حسبنا الله ونعم الوكيل عـــليكم ..
|
Post: #2
Title: Re: ليـــه كدا يا شــركة مُوبـايــلــي .... !! ؟؟
Author: Hisham Ibrahim
Date: 02-26-2012, 12:59 PM
Parent: #1
مرات بكون عندنا رصيد شويه ..
عاوزين نكلم بيهو مكالمه أشبه بي المس كول ..
تلحسها موبايلي ونقعد نفتش في الدرون ...
نحنا ما مازي مغتربين زمان ،، نحنا ماشين بيها على الفرنش ذاتو ..
فما تحرجونا وكدا وتقلعونا في هلالاتنا دي ...
وجبل الكُحل بهدنو المراويد ...
طبعاً المثل دا ناس الإمارات ما يكونوا عارفنو
لكن شركة موبيلي دي في هرمها فوق في كمية من السودانيين النُضاف الزمان كان السودان بيصدرهـم للخارج ...
نناشد العدل في الخدمة وعدم القُمار ..
نحنا ديل كفانا البتقلعوا الحكومة عيني عينك دا عبر مواعينها التي لا تشبع ... ( حُفرها )
|
Post: #3
Title: Re: ليـــه كدا يا شــركة مُوبـايــلــي .... !! ؟؟
Author: Mohammed Ahmed Saeed
Date: 02-26-2012, 04:04 PM
Parent: #2
هشام
تحياتى
هشام يا اخوى دا ما من موبايلى دا من بلاوينا نحن البى هناك منذ اكثر من اسبوعين هنالك مشكلة فى الاتصال مع السودان وخصوصا أم تى أن و شبكة سودانى لحدما شبكة زين ممكن الاتصال عليها احيانا .
ناس موبايلى جاهزين ربنا يهدى ناس قريعتى راحت البى هناك ويعرفوا اعملوا ليهم اتيام O&M
|
Post: #4
Title: Re: ليـــه كدا يا شــركة مُوبـايــلــي .... !! ؟؟
Author: محمد عبد الماجد الصايم
Date: 02-26-2012, 09:00 PM
Parent: #3
يا معلم .. ما أظن القصة من موبايلي
قبل أسبوعين كان عندي ظرف في السودان خلاني أتصل
يمكن زي 50 مرة للسودان خلال ساعتين .. الخط شبكـ
فيها يمكن في تلاتة مرات بس .. الخط بفتح قبل ما يصل
للرقم المطلوب (سوداني وخليكـ سوداني)!
التلاتة مكالمات ما اتعدت العشرة دقائق
الفاتورة زادت زي 79 ريـال!!
|
Post: #5
Title: Re: ليـــه كدا يا شــركة مُوبـايــلــي .... !! ؟؟
Author: Zomrawi Alweli
Date: 02-26-2012, 09:51 PM
Parent: #4
الاغرب من دا كلو تعالو اسمعو القصة دي
اليوم اتصلت بالكلاكلة صنفعت عشان قالو خالي تعبان من الم في الظهر
لم اتمكن في المرة الاولي... وانتظرت واتصلت برضو ما جا الرد..
قلت خالي دا لواام خلاس ولو ما اتصلت يا ويلي!!! نعمل شنو طيب
قلت نجرب محل اتصالات
اخدتي مكاني في الزنزانة الهاتفية واتصلت فجاءني صوت لا يسمع صوتي وياتيني صوت انثوي بلهجة مصرية
تقول اهو القرس بيرن وانا اكورك الووووو قرس ايه يا بت انتي مين؟؟؟ برضها ما سامعاني ولكني انا اسمع وهي تكرر يا ماما في قرس بيرن مافيش حد بتكلم اقفلت السماعة بعد ان تأكدت ان مكالمتي قد تحولت بقدرة قادر الى مصر.. اتصلت للمرة الثانية في نفس الرقم فيأتيني خالي الوو .. وحمدت الله ولكنني دفعت قيمة المكالمتين في نفس الرقم ولكن (مكلمة لمصر ومكالمة للسودان)
(( زمان كان عمنا عندو محل بتاع اتصالات يسمى الكول بوكس))
يقوم يدور عمنا يدور في المنفلة بتاع التلفون (((( الو الو الو كرمة .... الوووووووووو يا كرمة يجي الرد ايوا معاك كرمة ))))
والمسافة لا تبعد اكثر من 12 كيلو على ما اظن المهم من كرمة يتم تحويل المكالمة لدنقلا ومن دنقلا عبر الاثير يصل الصوت
الى الطرف الثاني في الخرطوم (((( منو معاي؟؟؟ معااك ابوفاطمة ولد اختك المفعوص عايز يكلمك)))
الووو يا خالي انت ليه ما رسلت لي هدوم العيد وقروش الرحلة للشيخ منور ...؟؟ كل اصحابي رسلو ليهم القروش والهدوم
حاضر برسل ليك مع شمس الدين انشاء الله في السفرية الجاية. وتنتهي المكالمة ويقيد عمنا في دفتر الديون الخاص بعائلة زمراوي
(( يوم 21 اكتوبر 1964 قيمة مكالمة للخرطوم)) ويعتبر هذا الاتصال بمثابة حدث تاريخي نحكي لكل من اقابله انا تصلت بالخرطوم
|
Post: #7
Title: Re: ليـــه كدا يا شــركة مُوبـايــلــي .... !! ؟؟
Author: Hisham Ibrahim
Date: 02-27-2012, 07:24 AM
Parent: #4
Quote: قبل أسبوعين كان عندي ظرف في السودان خلاني أتصل
يمكن زي 50 مرة للسودان خلال ساعتين .. الخط شبكـ
فيها يمكن في تلاتة مرات بس .. الخط بفتح قبل ما يصل
للرقم المطلوب (سوداني وخليكـ سوداني)!
التلاتة مكالمات ما اتعدت العشرة دقائق
الفاتورة زادت زي 79 ريـال!! |
وإنت شاهد تاني يا حبيب على كلامنا انا وسعيد ،
ربناا يخفف علينا الفواتير ،، ويحشر الحرامية في ستين داهية ..
|
Post: #6
Title: Re: ليـــه كدا يا شــركة مُوبـايــلــي .... !! ؟؟
Author: Hisham Ibrahim
Date: 02-27-2012, 07:19 AM
Parent: #3
| Quote: هشام يا اخوى دا ما من موبايلى دا من بلاوينا نحن البى هناك |
والله يا سعيد انا برضو قُلت كدا ،
بعملوها الوهم الهناك ديل ..
مودتي
|
Post: #8
Title: Re: ليـــه كدا يا شــركة مُوبـايــلــي .... !! ؟؟
Author: Hisham Ibrahim
Date: 02-27-2012, 07:28 AM
Parent: #6
Quote: وحمدت الله ولكنني دفعت قيمة المكالمتين في نفس الرقم ولكن
(مكلمة لمصر ومكالمة للسودان) |
يا زمراوي ياخي ديل حراميه وعندهم حول في الأسلاكـ ..!
لا نمحينا ولا تبلينا ، وفي رواية حوالينا ولا علينا ..
مودتي .
|
Post: #9
Title: Re: ليـــه كدا يا شــركة مُوبـايــلــي .... !! ؟؟
Author: Mamoun Zain
Date: 02-27-2012, 07:51 AM
Parent: #8
حدثت لي هذه المشكلة مراراً وتكراراً فى الايام القليلة الماضية فقمت بالاتصال برقم موبايلي -خمات العملاء للاستفسار - وطبعاً خدمات العملاء فى السعودية معروفة ، لا يمكن يحلوا لك مشكلة - مطلقاً ..
قلت لهم بأن رصيدي الكان 109 ريال أصبح 30 ريال رغم أنني لم أجر اتصال واحد صحيح .. كانت معظم الاتصالات لا يرد عليها فى السودان ، فقالوا لي بأن اتصل بعد 24 ساعة ريثما يتم تحديث المعلومات فى الجهاز فقمت بالاتصال بعد 40 ساعة ، فقالوا لي أتصل بعد 24 ساعة أخري لأن المعلومات فى الجهاز لم تتحدث بعد ... وهكذا يقومون بالتسويف حتى تزهج وتترك الامر .. وفعلاً تركت الأمر وقلت حسبي الله ونعم الوكيل
|
Post: #10
Title: Re: ليـــه كدا يا شــركة مُوبـايــلــي .... !! ؟؟
Author: محمد عبد الماجد الصايم
Date: 02-27-2012, 07:58 AM
Parent: #9
يا هشام .. أنا خطي STC
عشان كـدا أتوقع المشكلة في السودان!!
|
Post: #11
Title: Re: ليـــه كدا يا شــركة مُوبـايــلــي .... !! ؟؟
Author: Hisham Ibrahim
Date: 02-27-2012, 08:20 AM
Parent: #10
Quote: حدثت لي هذه المشكلة مراراً وتكراراً فى الايام القليلة الماضية
فقمت بالاتصال برقم موبايلي -خمات العملاء للاستفسار - وطبعاً خدمات العملاء فى
السعودية معروفة ، لا يمكن يحلوا لك مشكلة - مطلقاً .. |
وكمان يُخصم من رصيدكـ لمن تتصل على خدمات العملاء ،،
غايتو البسوا فينا ناس هنا ، وناس هناكـ تديهوا العدو
الله يعين يا مامون اخوي ..
|
Post: #12
Title: Re: ليـــه كدا يا شــركة مُوبـايــلــي .... !! ؟؟
Author: Hisham Ibrahim
Date: 02-27-2012, 08:25 AM
Parent: #11
| Quote: يا هشام .. أنا خطي STC |
يعني الحـسـس عام ،،!!
عاوزين نكلمهم بالمصاريف يمشوا يشيلوها يا ود الصايم ،
نمشي بي كُرعينا والا كيف ..؟
|
Post: #13
Title: Re: ليـــه كدا يا شــركة مُوبـايــلــي .... !! ؟؟
Author: محمد عبد الماجد الصايم
Date: 02-27-2012, 08:35 AM
Parent: #12
| Quote: عاوزين نكلمهم بالمصاريف يمشوا يشيلوها يا ود الصايم ، |
لا حولتن يا هشام إت من زمن بمشوا يشيلوا المصاريف؟
ياخ الخدمات دي اتطوّرت بشكل كبير .. هسي بقت المصاريف
تصل حدي عندهم في البيت ياخ!!
|
Post: #14
Title: Re: ليـــه كدا يا شــركة مُوبـايــلــي .... !! ؟؟
Author: Hisham Ibrahim
Date: 02-27-2012, 12:50 PM
Parent: #13
الحكاية إتضح إنها من هناك ( الحُفره ديكـ )
الله لا كسبهم ،ن بس برضو حقو يراعو إنو نحنا إشتراك موبايلي وكدا ..
إنشاء الله بالساحق والماحق والبلاء المتلاحق ...
ندعو عليهم يقوم ربنا يستجيب يحشروا لينا تاني ،،، !
|
|