Post: #1
Title: وظائف لمتخصصين في التدريب بليبيا والسعوديه
Author: مدثر محمد عمر
Date: 02-22-2012, 10:55 PM
سلام..
في وظايف جيدة للناس المتخصصين في التدريب في كل من ليبيا والسعوديه في شركه عالمية.. مهم الزول يكون عندو خبرة لا تقل عن 10 سنوات بيعرف يحلل الاحتيجات التدريبية وبيتكلم لغه انجليزية بطلاقه والاخيرين ديل هم الشرطين الاساسيين ... يعني لو زول لغتو الانجليزية نص نص احسن ما يقدم ..يفضل الزول برضو يكون عندو خبرة سابقه في احد توكيلات او مصنعي السيارات..
بالنسبه لليبيا الناس بيتكلمو عن انو الاوضاع الأمنيه مستقره لكن برجو انو الزول يسال بشكل جيد لانو انا ما عندي معلومات شخصيه دقيقه والوصلتني دي وصلتني بشكل مهني قد ما يكون دقيق لو قيمناه على المستوى الشخصي...ممكن الناس ترسل لي السيفي بتاعه في ايميلي الخاص لو عندهم رغبه
|
Post: #2
Title: Re: وظائف لمتخصصين في التدريب بليبيا والسعوديه
Author: الامين موسى البشاري
Date: 02-22-2012, 11:32 PM
Parent: #1
مدثر
سلام .. يا ريت تفاصيل أكثر شوية
تدريب في شنو؟ اقصد مجال التدريب يعني
حاولت اتصل بالتلفون الموجود في البروفايل
دون فائدة...........
تحياتي
|
Post: #3
Title: Re: وظائف لمتخصصين في التدريب بليبيا والسعوديه
Author: مدثر محمد عمر
Date: 02-23-2012, 09:39 AM
Parent: #2
سلام يا الامين..
عايزين مدير تدريب من اي Industry لكن لو اشتغل قبل كده في Automobile Industry بكون احسن ومدربين Soft Skills
عدلت رقم التلفون..
تحياتي لك
|
Post: #4
Title: Re: وظائف لمتخصصين في التدريب بليبيا والسعوديه
Author: بدر الدين اسحاق احمد
Date: 02-23-2012, 10:17 AM
Parent: #3
مزيد من التفاصيــل وتشكر على هذا البوســت ..
مجال صناعة التدريب واسع جداً ..
الشهادات المطلوبــة شنو ؟ ومن ويــن ؟
هل شهادات اكاديمية فى مجال التدريب ؟
ام شهادات تدريبية من دورات مختلفة ؟
الخبرات فى مجال وتخصص تحديد الاحتياجات التدريبية ام فى مجال التدريب مثل مدير ادارة تدريب فى مؤسسة / مدير مركز تدريبى
_________
|
Post: #5
Title: Re: وظائف لمتخصصين في التدريب بليبيا والسعوديه
Author: مدثر محمد عمر
Date: 02-23-2012, 10:53 AM
Parent: #4
بدر الدين... ازيك ياخ..
الوظايف في شركتي نيسان ورينو للسيارات.. بالنسبة لمدير التدريب الخلفيه الاكاديمية للمتقدم ما بتفرق مادام خبرتو في مجال ادارةالتدريب وخريج جامعي... الخبرة السابقه في مجال السيارات ميزة اضافية لكنها ليست ضرورية.. الضرورية هي المقدرة على ادارة العملية التدريبية بما فيها تحديد الاحتياجات التدريبية للموظفين ووضع الخطط التدريبية ومتابعة تنفيذها والتاكد من انتقال المعرفة او المهارة المطلوبة وربما المقدرة على تقديم بعض ورش العمل في المجال الاداري والمهارات الدقيقه مثل التخطيط ،الاشراف ،خدمة العملاء ، القياده ..الخ ..الدورات السابقه في التدريب تدعم المتقدم
بالنسبه لي المدربين مطلوب ناس عندهم خبرة في التدريب علي المبيعات ، المعرفه بالمنتجات يتم تدريب المتقدم عليها ... لو كان المتقدم من خلفيه دراسية زي الميكانيكا بيكون امثل لكن ما ضروري.. لو الزول اشتغل قبل كده في شركة عربات برضو بيكون فرصتو احسن.. لو زول عايز اي تفاصي اضافية
تلفوني :0096892454089
|
Post: #6
Title: Re: وظائف لمتخصصين في التدريب بليبيا والسعوديه
Author: أمجد الزين
Date: 02-23-2012, 11:12 AM
Parent: #5
سلام مدثر
ومتابعين معاك
بس بدور اسألك لو عندهم فرص لمهندسين اتصالات
وتشكر كتير
|
Post: #7
Title: Re: وظائف لمتخصصين في التدريب بليبيا والسعوديه
Author: مدثر محمد عمر
Date: 02-25-2012, 05:37 AM
Parent: #6
سلام يا باشمهندس
والله مافي وظايف في الاتصالات لكن انت رسل لي السي في بتاعك وانا بحاول ليك في حتات تانيه وكل زول بي رزقو ياخ يمكن الله يسهل ليك حاجه.
|
|