لعنـاية السودانيين بلندن... تمليك أراضي بالخرطوم

لعناية السودانيين بالمملكة المتحدة وإيرلندا تمليك أراضي بالخرطوم

(التمليك ليس محصورآ على سودانيي لندن فقط ولكن حاولنا إختصار العنوان)...

مصلحة الأراضي تريد أن تعرف (كخطوة أولى) إذا ما كانت هناك رغبة لسوداني بريطانيا بشراء أراضي بالخرطوم

وعندها ستقرر الخطوة القادمة, وهذا البوست سيذهب إليها مباشرة إذا ما كانت هناك تجاوبات من السودانيين

هنا...

كتبت كلام كتير واضفت الرد لكن لم اجد المداخلة

المنبر مشبح يشبحشينة متشبحة بالمشابح...

على كل الاسماء غير مطلوبة إنما المتابعة والتشجيع وإبداء الرغبة لأن عدم التجاوب يعجز المسؤلين عن المواصلة

لا أستطيع كتابة كل ما كتبته سابقآ ولكن إذا كان هناك تجاوب ساعمل لإيصال البوست للمسؤلين, بمعنى إذا علم

الأعضاء أو القراء بتجاوب كبير في مناطقهم إعلامنا عن ذلك عبر البوست دون الحوجة لذكر الأسماء...

السلام اخ اشرف

الكيزان فلسوا وصاروا يبيعوا الاراضي
لعلنا نتعظ من تجارب الاخوه بالخليج
دا مسلسل مستمر هناك من سنين عديده للنهب والغش
للاسف الشديد
ونحن نسمع قصص للعديد من الاخوه
الذين دفعوا عصاره
اغترابهم
ولم يجنوا سوي السراب
الرجاء من الاخوه توخي الحذر

من حق أى سودانى معارض أو مؤيدى الإنقاذ التملك فى بلده لأنها ليست حكرا على مؤيدى الإنقاذ والبلد مش بلدهم لوحدهم .
وهذا الكلام ذكرته اليوم لأخى أشرف عندما ألتقيت به فى مدرسة الأولاد.
وذكرت له أن الحكومة تخشى من تمليك السودانين فى إنجلترا أنها تعلم إن الأغلبية من جالية إنجلترا وإيرلندا محسوبين على المعارضة.

أذكر قصة حدثت فى مصر منذ عامين وقت إنتخابات رئيس الجمهورية فقامت السفارة السودانية فى مصر بلإعلان عن فرصة التملك( رشوة) وسط الجالية وفعلا جأت لجنة قبل الإنتخابات وسجلوا أسماءهم على وعد بعودة اللجنة بالعقود بعد الإنتخابات وللأن فص ملح وداب على رأى المصرين يعنى غشت الجالية السودانية فى مصر لكى تغريهم على التصويت .
خطوة مشكورة يا أشرف

Quote: من حق أى سودانى معارض أو مؤيدى الإنقاذ التملك فى بلده لأنها ليست حكرا على مؤيدى الإنقاذ والبلد مش بلدهم لوحدهم . وهذا الكلام ذكرته اليوم لأخى أشرف عندما ألتقيت به فى مدرسة الأولاد. وذكرت له أن الحكومة تخشى من تمليك السودانين فى إنجلترا أنها تعلم إن الأغلبية من جالية إنجلترا وإيرلندا محسوبين على المعارضة. أذكر قصة حدثت فى مصر منذ عامين وقت إنتخابات رئيس الجمهورية فقامت السفارة السودانية فى مصر بلإعلان عن فرصة التملك( رشوة) وسط الجالية وفعلا جأت لجنة قبل الإنتخابات وسجلوا أسماءهم على وعد بعودة اللجنة بالعقود بعد الإنتخابات وللأن فص ملح وداب على رأى المصرين يعنى غشت الجالية السودانية فى مصر لكى تغريهم على التصويت . خطوة مشكورة يا أشرف

سلام يا نبيل وشكرآ للتشجيع

بالطبع البلد ملك الجميع ولا يعقل أن ترفض الشراء حتى لا يغنى منك الآخرون
وفي رأيي كل المعارضة على الكيزان أبناء بلد ولا يصح التفريق بينهم بإعطاء بعضهم والرفض للآخرين

بالمناسبة يا نبيل ناس الاراضي ديل جونا من قبل مع قروب كبير يضم ممثلي فلل سارية واصحاب املاك اخرى
وبتذكر فيلا سارية كانت ب 400 مليون الوكت داك لكن السعر الان تضاعف لكن لم نشترى منهم
لأن سارية بالنسبة لي بعيدة عم وسط الخرطوم وكده بحس اني مغترب في بلدي
لكن المرة دي لو ناس الاراضي جو انشاء الله يكون معاهم مشاريع اخري مما في السابق


خرمة

لو سمعت بناس حوالينك عنهم الرغبة ورينا اعدادهم مشكورآ وتسلم يا نبيل

سلام يا معز شايب كيف أخبارك

Quote: الكيزان فلسوا وصاروا يبيعوا الاراضي لعلنا نتعظ من تجارب الاخوه بالخليج دا مسلسل مستمر هناك من سنين عديده للنهب والغش للاسف الشديد ونحن نسمع قصص للعديد من الاخوه الذين دفعوا عصاره اغترابهم ولم يجنوا سوي السراب الرجاء من الاخوه توخي الحذر

شكرآ للتحذير والواحد بكون حذر حنى لا تضيع حقوقه ولكن لا الواحد بفكر في مصلحته وحقوقه
قبل أن يفكر في أن الكيزان يفقروا أو يغنوا

أششششششششششششششششرف

ابعد من المواضيع الزى كده لانوا الناس فقدت مصداقية الكيزان من مشروع سندس

والعاقل لا يلدغ من جحر مرتين

المغتربين ديل مساكين ياخ

يلمها النمل ويطاها الفيل كفاية غربتن ياخى

العاوز يشترى يسافر السودان ويطلع شهادة بحث جديدة عمرها 24 ساعة ويشترى من المالك مباشرة

اوعاااك يا اشرف تدخل فى مسؤليات مثل هذه

الردحى دا زاتوا فترنا منوا وماعندنا نفس ليه

شكرآ يا وضاحة على النصيحة الأخوية وكلامك على العين والراس انتي تأمري بس يا ستي

وانا حقيقة ما عندي مصلحة بقدر ما داير الناس تستفيد وتعرف المعلومة وما مسؤول عن هذا الموضوع

ربنا يديكي الصحة والعافية وطول العمر ونورتي البوست والله

اوووووووعكم من الوادي الأخضـــــر

شكلهم كده ناس الاراضي ديل حيوصلوا الناس كســـلا بالبطانة




سلام يا أشرف .. والعاقل من إتعظ بغيره ...

الوادي الأخضـــــر ؟؟؟؟

دا وين وبكم ؟؟

الوادي اللخدر ده يا ضاحة يقع بعد الحاج يوسف بمساااااافة

شفتي تمشي لمن الله يغفر ليك وتعدي قرى كتييييرة في البطانة

والحكومة لأنها عارفاها سراب ساي . اها كل ما تتزنق في العملة الصعبة

ترسل الوفود للخليج امريكا وهلمجرا ..

أسعارها والله المفروض ما تزيد من 100 دولار لكن هم ببيعوها ب 2500 - 3000 دولار تقريبا

لدرجة اولى .. وهي اكبر مقلب في المغتربين بعد فضيحة سندس

شكرآ دكتور أحمد أمين على النصيحة ولو بقت فعلآ الوادي اللخدر ده طرفنا منها

Quote: أششششششششششششششششرف ابعد من المواضيع الزى كده لانوا الناس فقدت مصداقية الكيزان من مشروع سندس والعاقل لا يلدغ من جحر مرتين المغتربين ديل مساكين ياخ يلمها النمل ويطاها الفيل كفاية غربتن ياخى العاوز يشترى يسافر السودان ويطلع شهادة بحث جديدة عمرها 24 ساعة ويشترى من المالك مباشرة اوعاااك يا اشرف تدخل فى مسؤليات مثل هذه الردحى دا زاتوا فترنا منوا وماعندنا نفس ليه

سلام لصاحب البوست

يا وضاحة إنتي 100%

كلنا فترنا من الردحي هنا والناس ما عارف ليه مصرين إنوا يتدقسوا كلوا مرة