Post: #1 Title: التلفزيون الاثيوبى ( وردى سلامنو ) Author: محمد حامد جمعه Date: 02-20-2012, 02:57 PM
بالامس فى الفترة الصباحية وعلى القناة الاثيوبية الرئيسية قدمت برمجة لمدة زمنية معتبرة عن (وردى ) ، والله العظيم لقد خجلت للمحطات الفضائية السودانية ، امنت بالله ، عمل بسيط لكن صادق ، ومعبر ، ساحاول الحصول على تسجيل للمادة لعرضها هنا
Post: #2 Title: Re: التلفزيون الاثيوبى ( وردى سلامنو ) Author: محمد سنى دفع الله Date: 02-20-2012, 03:02 PM Parent: #1
البركة في الجميع ولكم حسن العزاء انت بي صحك ياخي تلفزيونا رمضان بكتشفوا بعد نصوم لمن الاحداث المفاجئة انا لله وانا اليه راجعون
Post: #3 Title: Re: التلفزيون الاثيوبى ( وردى سلامنو ) Author: محمد حامد جمعه Date: 02-20-2012, 03:07 PM Parent: #1
الفضائيات السودانية اكثرت من الحديث - العاطفى كالعادة - وبدا لى ان البعض لا يصدق ان فلان قد مات حتى ياتى ليحدثنا ، لم تكن من برمجة كانت العملية كلها فتح المايكرفونات والكاميرات لكل زول ليقول كلمة
Post: #4 Title: Re: التلفزيون الاثيوبى ( وردى سلامنو ) Author: محمد حامد جمعه Date: 02-20-2012, 03:20 PM Parent: #3
Quote: انت بي صحك
استاذنا ود السنى
انا بصحى سمع وشوف ، وكنت اصلا متوقع الكلام دا ويمكن عارفو ، تصدق قبل نحو عام وشوية كنت فى اديس ابابا ، مشروع فكرة شغل ومبحث عن وردى دا بالذات ، العمق الافريقى بتاعو وتمددو هناك ، الناس ديك بتجيز نفسها للغنا هناك بـــــــــــــــ( ما تخجلى يا السمحة قومى استعجلى ) تصدق هناك لقيت فنانين كبار ونجوم اوزان ثقيلة (محمود احمد ) مثلا دا عارف مباحث عن وردى دا حكاية ، لقيتو مسافر فرنسا ووعدتو ارجع اليه لكن تقول شنو ، الله ما طلق ، اها فى فنان هسة تنسك ، لزم الكنسية ، بقى زمارى (يعنى بتاع مزامير ) وتراتيل دا تجيب ليهو سيرة وردى بقول ليك ...هسة بمرق من الدير دا بغنى تانى ...غنا وردى ... ودا فنان كبير ، كبير ورمز من رموز الفن الاثيوبى ، وعندو غنا كتير بعتبروه ساس الغنا الحبشى زولنا المتنسك دا اها بالاجواء دى جماعتنا ديل عملو مادة والله تكفى وردى وتغنى عن الكلام فى تلفزوينم البسيط دا ، اصبر بس وقول يا لطيف لغاية ما الم فى التسجيل ، شفت لو اسافر ليهو بجيبو ونشوف كلنا
Post: #5 Title: Re: التلفزيون الاثيوبى ( وردى سلامنو ) Author: محمد حامد جمعه Date: 02-20-2012, 03:41 PM Parent: #4
محمود احمد الفنان الاثيوبى الشهير (سحارة حكايات وردى )
