شنو المطلوب عند حضور الناس للبيت السودانى يوم الاحد القادم

المطلوب الاتى :-

1- الحضور المبكر و بعدد كبير لان هذا البيت بيت الكل

2- كل واحد ان يقول كلامه حتى لو كان سلبى و الناس تستمع ليه بكل راحابة صدر لان البيت بيته ومن حقه ان يتكلم بس بعيدا عن العصبية

3- المحافظة على سمعة البيت السودانى بمراعاة حرمة البيت لانه بيتنا اللذى تربينا فيه منذ نعومة اظافرنا

4- ان نتاكد تماما ان هذا البيت ليس مكانا لتصفية الحسابات بل بيت من اجل اطفالنا و التواصل الاجتماعى

5- المشاركة فى المكتب التنفيذى عبر انتخابات حرة نظيفة بعيدة عن المزايدت بانواعها لان هنالك اصحاب نفوس مريضة همهم الهيمنة من

اجل جهات خارجية لذا يجب علينا ان نفتح اعيننا لهؤلاء حتى لا يدخلوا فينا باسم العاطفة.

يعنى مثلا توجد بيننا مجموعة نشطة اجتماعية بتواصل فى كل شئ لكن من اجل تنفيذ اجندة خارجية و هذه مجموعة خطرة يجب تضيق الخناق عليها.

6- الشعور بالمسئولية اى الخدمة من اجل اطفالنا و الوطن دون تهميش للاخرين

انا من قصدت من كتابة هذا البوست فى نقاطه الستة ان يكون عبارة عن تذكير للناس البتحاول القفز فوق الحواجز باسم الاجتماعيات مع انهم

فشلوا داخليا و خاجيا لكنهم بعد دا كله تجدهم حريصين على اجهاض اى عمل اجتماعى لو ما وجدوا فيه كدة . لذا انا حريص على تنبيه

الناس من هذه النوعية و ذيولها المدسوسة بيننا وزى ما عارفين المجتمع السودانى بسيط و تلقى الواحد يقول ليك فلان دا احسن زول مواصل

و فى نوع تانى يقول ليك انا مالى و مال المشاكل انا بس عايز اجى البيت السودانى اقضى و قتى و امشى و اطفالى يتعلموا الثقافة

السودانية فى حين ان النوع الاخر بجد الهبوب و يضرى عيشو .

المهم كل المطلوب الحضور المستمر لان لدينا تجربة فى هذه الولاية حيث الجهات النفعية سيست العمل الاجتماعى الجميل و نحن لا نريد لهذه

التجربة ان تدخل البيت السودانى وهو فى مراحله الاولى بل نريد بيتا سودانيا خاليا من الخلافات اى بيت ليس به قبلية و لا جهوية ولا

استقطاب.

اهلى و احبابى باريزونا البيت السودانى بيت الكل ليس بيتا متعنصرا و لا ينتمى لفبيلة و لا جهة بل بيت من اجل التواصل الاجتماعى بعيدا

عن التكتلات لذا المطلوب مننا ان نلتقى فيه من اجل السودان و من اجل التربية النظيفة التى ربونا عليها اهلنا الطيبين فى دارفور

والشرق و كردفان و النيل الابيض و النيل الازرق و القضارف و الشمالية و الجزيرة و الخرطوم و الخرطوم بحرى و ام درمان بل تربيتنا التى

تجرى فى دمنا حب لهذا الوطن الذى غنى له الفنان الراحل محمد و ردى و طن حدادى مدادى حيث كلنا نترحم على هذا الفنان الذى جمعنا فى

بيت سودانى و احد هو اسمه السودان لذا اخوتى و اخواتى باسم الوطن الواحد ادعوكم لحضور زفاف هذا البيت السودانى يوم الاحد القادم.