Post: #1 Title: # دفن المرحوم الفنان وردي في الثامنة صباحا( قرارأمني)! Author: زهير عثمان حمد Date: 02-19-2012, 12:03 PM Parent: #0
#
خوفا من أي موكب أو تظاهرة يمكن أن تستغل من قبل قوي الاجماع الوطني أو عامة الناس في الشارع العام قبل وبعد مراسم الدفن قرر جهاز الامن والمخابرات تحديد موعد دفن الفقيدالفنان وردي في تمام الساعة الثامنة صباحابل ألزم أسرة وردي بذلك !!
*عمرو الخوف من تجمع الناس ما شكل حماية لنظام
Post: #2 Title: Re: # دفن المرحوم الفنان وردي في الثامنة صباحا( قرارأمني)! Author: خضر الطيب Date: 02-19-2012, 12:54 PM Parent: #1
الاخ زهير
لك التحيه والتقدير
والرحمه والمغفره للهرم وردى
والخزى والعار للنظام وامنجيته
Quote: *عمرو الخوف من تجمع الناس ما شكل حماية لنظام
قال الله تعالى :( يحسبون كل صيحة عليهم )
الموت الذى اخذ وردى بغتة ليس ببعيد عنهم
Post: #3 Title: Re: # دفن المرحوم الفنان وردي في الثامنة صباحا( قرارأمني)! Author: د.محمد بابكر Date: 02-19-2012, 02:59 PM Parent: #2
والله الجماعه ديل حالتم صعبه..كل مايموت زول تمسكم ام هلاهلا دفن مصطفى سيداحمد مشكله جثمان الخاتم مشكله..ياله من نظام بائس ومتهالك.. ليعلم هؤلاء ان الشعب سيشيع عمالقته فى اى زمان ومكان وبما يليق بهم وانه وحده ( اى الشعب ) هو من سيختار زمان ومكان المعركه ولو كانوا ممن انعم عليهم بعقل لتاملوا تجارب الشعوب من حولنا لكنها المفارقة المطلقة للعقل حين تختار معاداة الشعب..الرحمه للعملاق وردى وسنهديه يوما ماتغنى لاجله..
Post: #4 Title: Re: # دفن المرحوم الفنان وردي في الثامنة صباحا( قرارأمني)! Author: صديق الموج Date: 02-19-2012, 03:47 PM Parent: #3
توووووووووووووووف على نظام يخاف من اموات.. من يضع الجرس حول رقبة القط،،،،
Post: #5 Title: Re: # دفن المرحوم الفنان وردي في الثامنة صباحا( قرارأمني)! Author: طارق زروق Date: 02-19-2012, 05:41 PM Parent: #4
Quote: توووووووووووووووف على نظام يخاف من اموات.. من يضع الجرس حول رقبة القط،،،،
انا لله وانا الية الراجعون رحل من كان يغنى لعزة وحرية الشعب السودانى ,بعدما أذلته الانقاذ لذلك ليس بمستغرب ان يخافو حتى من الاموات اليوم هو أسوء يوم مر على الشعب السودانى ليس أسوء منه الا يوم 30-6-1989
Post: #6 Title: Re: # دفن المرحوم الفنان وردي في الثامنة صباحا( قرارأمني)! Author: حافظ انقابو Date: 02-19-2012, 05:52 PM Parent: #5
الخوف دليل خطر
Post: #7 Title: Re: # دفن المرحوم الفنان وردي في الثامنة صباحا( قرارأمني)! Author: mekki Date: 02-19-2012, 06:28 PM Parent: #6
اتفق معك تماما في تحليلك هذا
طريقة الإنقاذ وتفكيرها معروفة لدينا تماما
Quote: والله الجماعه ديل حالتم صعبه..كل مايموت زول تمسكم ام هلاهلا دفن مصطفى سيداحمد مشكله جثمان الخاتم مشكله..ياله من نظام بائس ومتهالك.. ليعلم هؤلاء ان الشعب سيشيع عمالقته فى اى زمان ومكان وبما يليق بهم وانه وحده ( اى الشعب ) هو من سيختار زمان ومكان المعركه ولو كانوا ممن انعم عليهم بعقل لتاملوا تجارب الشعوب من حولنا لكنها المفارقة المطلقة للعقل حين تختار معاداة الشعب..الرحمه للعملاق وردى وسنهديه يوما ماتغنى لاجله
Quote: توووووووووووووووف على نظام يخاف من اموات.. من يضع الجرس حول رقبة القط،،،،
ليس من مات فاستراح بميت إنما الميت ميت الأحياء
والإنقاذ هي ميت الأحياء
Post: #8 Title: Re: # دفن المرحوم الفنان وردي في الثامنة صباحا( قرارأمني)! Author: Deng Date: 02-19-2012, 07:03 PM Parent: #7
واضح جدا ومن خلال الصور المنشورة أن الكيزان عملوHijacking (أختطفو) تشيع وردي وعملو منه دعاية سياسية رخيصة لهم. ولكن السؤال الذي يطرح نفسه هنا هو: أين بقية قيادات الأحزاب وجماهيرها؟ ولماذا لم يكن لها متابعة لصيقة بما يحدث؟
Post: #9 Title: Re: # دفن المرحوم الفنان وردي في الثامنة صباحا( قرارأمني)! Author: نبيل عبد الرحيم Date: 02-19-2012, 07:19 PM Parent: #8
الرحمة لفنان أفريقيا الأول وأحد أهرامات السودان ووردى غنى للوطن وأجمع على عشقه جميع السودانين سواء من مؤيدى الإنقاذ أو المعارضة ياشعب لهبة ثوريتك تلقى مرادك والفى نيتك حقيقى غريب جدا أن تكون الجنازة 8 صباحا وأتفق أنه قرار أمنى بالدرجة الأولى
Post: #10 Title: Re: # دفن المرحوم الفنان وردي في الثامنة صباحا( قرارأمني)! Author: بشير أحمد Date: 02-19-2012, 07:56 PM
يا لبؤسكم وبئس تفكيركم!!!
قرار امني بتاع الساعة كم؟ الفنان توفي من الساعة 11بالليل ؛عايزنوا يقعد في التلاجة ليه!!! ليه صادرتوا حق اهله واولاده ؟
وإكرام الميت دفنه
____
اللهم ارحم محمد عثمان وردي واغفر له.
Post: #11 Title: Re: # دفن المرحوم الفنان وردي في الثامنة صباحا( قرارأمني)! Author: ABDALLAH ABDALLAH Date: 02-19-2012, 08:33 PM Parent: #10
رحم الله الفنان الإنسان محمد وردى وجعل الجنة مثواه وقد طربنا له وهو يغنى من أعماقه لثورة إكتوبر وإنتفاضة إبريل حيث أنشد ممجداً للروح الثوريه وللديمقراطيه والحرية والعدالة والمساواه, الله يرحمه ويجعل البركة فى ذريته فهو فقدٌ لكل سودانى وطنى غيور.
Post: #12 Title: Re: # دفن المرحوم الفنان وردي في الثامنة صباحا( قرارأمني)! Author: Elawad Eltayeb Date: 02-20-2012, 00:13 AM Parent: #11
Quote: قرار امني بتاع الساعة كم؟
قرار أمني بتاع الساعة تمنية!
Post: #13 Title: Re: # دفن المرحوم الفنان وردي في الثامنة صباحا( قرارأمني)! Author: د.نجاة محمود Date: 02-20-2012, 02:37 AM Parent: #12
بالجد قصص مدهشة الله يرحم وردي ويغفر له بقدر ما احببناه
موش وردي دا قبل فترة اتفتحت ليه بوستات هنا وقالو كيف يغني للحزب الحاكم وجايبيبن صور؟
يا ناس ارحمونا وخلوالمزايدات في كل حاجة..
في السودان يدفن الانسان بعدالمو ت طوالي
والجثامين لا تقاتل لن تتحول جنازته الى ثورة دا كلام ساي
Post: #14 Title: Re: # دفن المرحوم الفنان وردي في الثامنة صباحا( قرارأمني)! Author: Medhat Osman Date: 02-20-2012, 02:49 AM Parent: #13
Post: #15 Title: Re: # دفن المرحوم الفنان وردي في الثامنة صباحا( قرارأمني)! Author: خالد العبيد Date: 02-20-2012, 03:08 AM Parent: #14
Quote: بالجد قصص مدهشة الله يرحم وردي ويغفر له بقدر ما احببناه
موش وردي دا قبل فترة اتفتحت ليه بوستات هنا وقالو كيف يغني للحزب الحاكم وجايبيبن صور؟
يا ناس ارحمونا وخلوالمزايدات في كل حاجة..
سلام يا نجاة انتي متاكدة انو وردي غني للحزب الحاكم؟ لانو كلامك ده مسؤولية وانت مسؤوله عنه وردي لم يغني للحزب الحاكم على الاطلاق اتحدى ان تاتي باي مقطع لاي اغنية او نشيد
احترامي
Post: #16 Title: Re: # دفن المرحوم الفنان وردي في الثامنة صباحا( قرارأمني)! Author: د.نجاة محمود Date: 02-20-2012, 03:12 AM Parent: #15
سلامات يا خالد
قبل كدا كان جايبين صورة فيها وردي وناس الحكومة وهو بيغني واتفتحت ليها بوست هنا فتش الارشيف..حتلقاهو...
ما تقلب الكلام عشان تبعد الحقيقة
Post: #18 Title: Re: # دفن المرحوم الفنان وردي في الثامنة صباحا( قرارأمني)! Author: د.نجاة محمود Date: 02-20-2012, 03:16 AM Parent: #16
عشان نقطع ليك قلبنة الكلام لقد غنى وردي في وجود البشير وقد فتحت بوستات هنا شجبت هذا الامر وتمت محاكمته اسفيريا
ودي الصورة فوق وشوفها
مشكلتك يا خالد بتتعامل معاي على اني غبية وبليدة والقارئ ايضا بليد وغبي
تفتر اني حاكذب هنا واقول انه غنى للحكومة بمعنى اغانيه الذي حقت مايو ديك؟ هذا ما حصل ولا اعنيه الذي اعنيه انه غنى في جلسة خاصة لعمر البشير وبطانته
Post: #20 Title: Re: # دفن المرحوم الفنان وردي في الثامنة صباحا( قرارأمني)! Author: خالد العبيد Date: 02-20-2012, 03:59 AM Parent: #19
Quote: عشان نقطع ليك قلبنة الكلام لقد غنى وردي في وجود البشير وقد فتحت بوستات هنا شجبت هذا الامر وتمت محاكمته اسفيريا
ودي الصورة فوق وشوفها
حاشاك الغبى يا نجاة السؤال : غنى في وجود البشير ام غنى للانقاذ ؟ تفرق كتير !!
برجع ليك برواقة
Post: #21 Title: Re: # دفن المرحوم الفنان وردي في الثامنة صباحا( قرارأمني)! Author: خالد العبيد Date: 02-20-2012, 04:07 AM Parent: #20
من طوارئ الجبهة لي دقن الترابي
شعر المكاشفي محمد بخيت لحن واداء المناضل وردي
من طواقي الجبهة من دقن الترابي من اباريق تدلق الدم في المواعين والكبابي من حقوق ايتامنا من سبحة مرابي من صدى اهات سنابل دابها في حوضا بتشابي من قنابل نازفة في حلق الطوابي بالقرار الأربعيني رخيص ونابي جيتنا في اول بيان للعزة والحرية مابي يا البشير بالشر معمد انقلابي صوتك المسلوب مطرّق بالاراجيف والخيانة صوتك المغضوب معلق فوق مصابيح الحزانى وحبلك المفتول مصنّع من دقون تحت الديانة جيتنا في تهريج برامج هشة مهدود حيل كيانا من كتاب عرابي يتاجر بالديانة والعصابة كلابا تنبح والقوافل ما بتهابا ماشه وماشه وفي طريقه ديمه للوعى ارتهانا مهما حبلك زاد متانة مهما مشنقتك تدلت ما حترفعلك مكانه انت ماذاكرت ماضي زمن رفاقتك في الخيانة يوم هبوب الريح على زمن المهانة دكت الحصن المحصّن بالزنازين والعيون بالمكايد والظنون بالطموحات المهابي
----------------
واحد حريف يجيب لينا الشغل ده بصوت الشامخ وردي يفتح من قولة تيت !
Post: #22 Title: Re: # دفن المرحوم الفنان وردي في الثامنة صباحا( قرارأمني)! Author: د.نجاة محمود Date: 02-20-2012, 04:12 AM Parent: #21
Quote: غنى في وجود البشير ام غنى للانقاذ ؟ تفرق كتير !!
