الخوفه الدخلتنا بعد وفاة دكتور مجدى

Magdi Ahmed Elsheikh هو العضو المثالى فى منبرنا العام ....

طوال فترة وجوده هنا والتى استمرت قرابة الاربع اعوام لم اقرا له

مداخلة حادة(خليك من شتيمة او اساءة)

لا ازكر اننى اتداخلت معه لكن بحكم وجودى المستمر فى المنبر اصبح
لكل عضو snap shot فى مخيلتى .... ففلان الفلان لو دخلت بوستاتو مصيرك
تجيك طوبة طايرة وفلان بوستاتو تجعلك تفكر بقية يومك ...

المرحوم مجدى كان بالنسبة لى (حسب بروفايلو فى زهنى) انسان حبوب ..لطيف.. كريم
يحب كل الناس.... ولو خير لى ان اصادق شخصا واحدا فقط فى المنبر لاخترت مجدى احمد الشيخ

حتى فى نقاشات هلاخ مريخ والتى تصل فيها العصبية مراحل متقدمة ..تجد مجدى فى مقدمتها
ووالله العظيم لا اعرف حتى هذه اللحظة هل هو هلالابى ام مريخابى لشدة لطف تعامله مع
الامر ..







اللهم أغفر له و ارحمه و اعفو عنه و أكرمه وصبر زوجته واطفاله

رحمة الله تغمر روح حبيبنا الدكتور الراحل المقيم مجدي أحمد الشيخ

فقط تعجبت من وجود شياطين في البورد ده.. تلقى إسم الزول وتختفي المداخلة؟!



نقول يا لطيف!

سلام محمد
والله راسى انشطب لمن دخلت ومالقيت اى مداخلة...
اول مرة تحصل لى وما لقيت ليها اى تفسير....

رحم الله الاخ مجدى والهم اهله واحبابه الصبر
فعلا اختفت مداخلتى السابقة

ربنا يرحمه ويغفر له الدكتور/ مجدي الشيخ



وفعلا الحياة ما بتدوم للإنقياء والأصفياء وانشاء الله يكون في العلييين ويكون قبره روضة من رياض الجنة




هو كان ينتمي للقبيله الحمراء وذلك فخر لنا ..



ربنا يرحمه ويغفر له ويصبر اهله




أبومصطفى

شكرا الاخ ماجد والاخ كيغا على المرور

ده حال الدنيا ...

الله يرحمه ويغفر لهوكل من رحلوا عنا هم السابقون وانا ان شاء الله بهم لاحقون نسال الله لنا ولهم العافية وان يرحمنا اذا صرنا اليهم
سلامات الاخ النصري .

الاخ النصرى سلام وتحية


نسال الله له الرحمة والمغفرة ولزوجته و اهله الصبر

كان دفعة زوجى فى الكلية


مسخ علينا الدنيا والله وفاته ، نكابس فيها ساكت شئ زمالات شئ جوازات

وبناء وفى رمشة عين ممكن نفارقها


بس نقول استغفر الله 

سلام نيازى و دكتورة ندى
اهو المنبر كل وفيات ...\
تزكرة للناس انو الموت جاى جاى
وكل زول يعمل حسابه ويراجع اعماله

شكرا جزيلا على مروركم الكريم