الرئيس البشير يزور الفنان وردى بمستشفى فضيل (حمد الله ألف على السلامة)

كعادته فى تواصل الاجتماعى ه مع جمهوره زار الرئيس البشير مساء امس الهرم الفنى الكبير الاستاذ محمد وردى بمستشفى فضيل وأطمأن البشير على الحالة الصحية لوردى التى تحسنت بصورة طيبة بالامس وقال عبد الوهاب ابنه ان والده بدأ يتماثل للشفاء بصورة جيدا جدا وانه سيتم نقله اليوم من غرفة العناية المكثفة الى غرفة عادية

حمد الله الف على السلامة القامة الفنية الغير متكررة فى تاريخ الغناء السودانى أسال الله العظيم لك الشفاء وبلا وأنجلا حمد الله الف على السلامة شعبك يحبك .

عاجل الشفاء للمطرب الكبير وردي

وتعظيم سلام للمشير البشير الذي يعاود المرضى ويتفقد رعيته

شكرا اختنا الكريمة فدوى

ود الباوقة اختشي

عاجل الشفاء للمطرب الكبير وردي

العزيز شوقى سليمان

اللهم آميييييين


لك التقدير

سلام الأخت فدوى
والبشير ده مالوا ما زار مرضى الكلى المجدعين في الشوارع قدام المستشفى راجين الله يفرجها عليهم
ويرحمهم الأطباء واولى الأمر ويخففوا عليهم الألم بغسيل الكلى المحتاجين ليه اكتر من الهواء

ولا الحكاية شوفوني وخلاص ؟؟؟
ومع المشاهير بس مع الغلابة والمحتاجين !!!!
استاذ وردي ما محتاج لزيارتكم ولا دعواتكم ,, يكفيه جمهوره البعشقو حد الثمالة وبحبه بإخلاص وتفاني ودعا ليه من القلب
دعوات الجمهور من كافة الشعب البحب وبعز وردي والمارقة من الجوف هي البتنفع وردي مش زيارة الرئيس !!!

يا سيادة الرئيس المحتاج لزيارتك وتفقدك هم الغلابة والمهمشين والبسطاء من الشعب الغلبان ومرضان ومحتاج لدعمك المادي والمعنوي
راجع ضميرك وتفقد المستشفيات الحكومية البقت كلها خرابات .. افقد رعيتك الملاها الفقر حد السقف
شوف الناس الجيعانه وما لاقية حق الحقنة !!!

الحمد لله القامة وردي تحسنت صحته وتماثل للشفاء , ألف شكر لله عز وجل
نسأله تعالى ان يكمل ليه بعافيته ويطلع بالسلامة إن شاء الله و

وعليكم السلام ورحمة الله وبركاته اخت اسماء فى مثل سودانى بقول (كل شوكة بسلوها بى دربها ) اظنك فهمتى قصدى

وردى ما فنانكم براكم يا اختى ولا فنان خاص بل فنان عامة الشعب السودانى ومافى زول عنده حق يحرم انسان اخر من خياراته الفنية وتذوقه فن الاستاذ وردى

.. الحمد لله فى تحسن صحته وهو المطلوب

اللهم آمييييين

ادريس خليفة سلام

لانك مريت من هنا

الاخ ود الباوقة سلام وتحايا

اللهم أشفه

جزيل تقديرى

الاخ ود الباوقة سلام وتحايا

الله أشفه

جزيل تقديرى

ود الباوقه الله يدوبلك
ونقد و محجوب شريف ديل عندهم نزله..
قال زار وردى قال..
ان شاء الله شال معاهو كيلو تفاح من حق الباوقه؟؟
غايتو ياود الباوقة انت والرئيس وشكم ده مغسل بى بول تيس
الناس مجدعين ما لاقين محلول غسيل الكلى جنب المستشفى رئيسك ده مالو ما رسل ليه
واحد من الهلافيت ، ان شاء الله من روضة القصر الجمهورى
كان ناس عبد الرحيم ونافع مقامهم ارفع..
اللهم ارنا فيهم جلائل قدرتك يا رب العالمين،،،،

تحياتي أخت فدوى
لفتة بارعه من السيد الرئيس
عهدناه سباقاً
مؤونة عام من الود

والبشير دا مالوا ما زار المناصير المجدعين وطلعوهم من بيوتن وشردوهم
ومالوا ما زار المرضى بتاعن الكلى المجدعيين فى السهلة والشوارع امام المستشفى
ومالوا ما زار اهل المرض الماتوا بعدم الاوكسجين فى مستشفى بحرى

بشبش دا ولد خلبووووص شكلوا دودى دا ود كاسوا كان فى ليالي الملاح والهجيج والرقيص

يخسي عليك بشبوشى انا زعلت منك خاااااالص

وضاحة وصديق الموج انتوا حارقين رزكم ساى اسياد البيت سعيدين بالزيارة


أ(شاد أفراد أسرة الفنان الكبير بالزيارة الكريمة لرئيس الجمهورية لوالدهم.)


حسى الجغمسة دى لزومها شنو والنقة الكتييييييرة الاتقالت فى الموضوع دا ؟؟

بت الشريف رزنا شنو الحقارقنوا

خليك زولة حقيقة وانصفى الضعفاء من اهل وطنك الذين هم اكثر حوجة للمساعدة وقفة البشير معاهم

شكرا محمد فرح


موقف الرئيس فى تواصله الاجتماعى يستحق ان نقف عنده

فدوى
سلام
وشكرا لك
وشكرا لزيارة الرئيس
الفنان محمد وردى قامة وهرم ابداع ويستحق الزيارة من الكل
وانا زرته ايضا
وربنا يطول عمره ويحفظه.

للأخوة والاخوات المتداخلين
ربنا يشفى المرضى جميعا وينعم عليهم بالصحة وكل مريض يستحق الزيارة والوقوف معه فهو اجر.

بس مرضكم انتو ما بداوى ربنا يشفاكم وبرضو بتستحقوا الزيارة

Quote: كعادته فى تواصل الاجتماعى ه مع جمهوره زار الرئيس البشير مساء امس الهرم الفنى الكبير الاستاذ محمد وردى

لووووووب يا فدوى ...

يعنى وردى بقى جمهور الريس ؟؟
ولا الريس هو من جماهير الفنان وردى ؟











ــــــــــــــ
غايتو بس اى شى بستلمها ..

Quote: وبلا وأنجلا حمد الله الف على السلامة

معقولة؟؟؟؟؟؟؟

إنتو ما عارفين مناسبة الكلام ده والا شنو؟

Quote: ونقد و محجوب شريف ديل عندهم نزله.. قال زار وردى قال.. ان شاء الله شال معاهو كيلو تفاح من حق الباوقه؟؟ غايتو ياود الباوقة انت والرئيس وشكم ده مغسل بى بول تيس الناس مجدعين ما لاقين محلول غسيل الكلى جنب المستشفى رئيسك ده مالو ما رسل ليه واحد من الهلافيت ، ان شاء الله من روضة القصر الجمهورى كان ناس عبد الرحيم ونافع مقامهم ارفع.. اللهم ارنا فيهم جلائل قدرتك يا رب العالمين،،،،

والله يا صديق الموج من الليله انت كاتبي المفضل ... انت طير ابابيل المنبر اديلهم بكلام من سجيل ..

دينا خالد احسن من يقرأ بين السطور ( وردي من جمهور البشير) فتأ مل !!!!

Quote: Quote: وبلا وأنجلا حمد الله الف على السلامة

Quote: معقولة؟؟؟؟؟؟؟ إنتو ما عارفين مناسبة الكلام ده والا شنو؟

بتكون قايلاها مدحة يا أبو الريش ...
غايتو البورد يوم بيسوي لك وجع ريش اضافة للرغبة بالقيء .