Post: #1 Title: الحل السلفي لمشكلة الفقر(فيديو) Author: سيف النصر محي الدين Date: 02-15-2012, 09:28 PM
غايتو اليوتيوب ده فيه من المصايب و العجايب ما يجعل الحليم حيرانا كما يقول اخواننا السلفيون. شوفوا ده مثلا:
Post: #2 Title: Re: الحل السلفي لمشكلة الفقر(فيديو) Author: سيف النصر محي الدين Date: 02-15-2012, 09:30 PM Parent: #1
Post: #3 Title: Re: الحل السلفي لمشكلة الفقر(فيديو) Author: سيف النصر محي الدين Date: 02-15-2012, 09:39 PM Parent: #2
و اياك أن تعتقد أن شيخنا ابو اسحق هو ممن لا قيمة لهم في السوق السلفية، لا و الله بل هو من الكبار و الاعلام. قيل عنه في الويكبيديا العربية:
Quote: أبو إسحاق الحوينيّ (يونيو 1956/ذو القعدة 1375 هـ -) هو حجازي بن محمد بن يوسف بن شريف، أحد علماء الدين الإسلامي المصريين المعاصرين ، وأحد أشهر دعاة الدعوة السلفية حالياً. ولد بقرية حوين بمحافظة كفر الشيخ بمصر. يعده البعض كبير مشايخ أهل الحديث والسلفية في مصر والعالم
ياخي عجبتنى حتة كل ما يتعصر ياخد رأس يبيعاها و يفُك ازمتو
يا سيف عمّك دا قاعد معانا فى الارض دى ولا رأكب ليهو اٍطار اٍسناد تانى؟.
Post: #5 Title: Re: الحل السلفي لمشكلة الفقر(فيديو) Author: أحمد ابن عوف Date: 02-15-2012, 10:06 PM Parent: #4
بالطريقة يا دكتور سيف قريييييب دا بجاهدو فيك وياخدوك اسير لوووووول
لكن ما تشيل تهم، بنفتديك لكن بس قول ليهم ما تغلو السعر في ازمة مالية عالمية وكده
Post: #6 Title: Re: الحل السلفي لمشكلة الفقر(فيديو) Author: سيف النصر محي الدين Date: 02-15-2012, 10:19 PM Parent: #5
Quote: ياخي عجبتنى حتة كل ما يتعصر ياخد رأس يبيعاها و يفُك ازمتو
تخيل يا بكور العقلية دي!! بالنسبة لمرجعيتو اظنها من اغنية ام كلثوم بتاعت "قول للزمان ارجع يا زمان". لأنو الزمن ده لو حاول يطبق نظريتو دي حياخد على راسو لما يعرف حاجة.
Post: #7 Title: Re: الحل السلفي لمشكلة الفقر(فيديو) Author: سيف النصر محي الدين Date: 02-15-2012, 10:34 PM Parent: #6
Quote: بالطريقة يا دكتور سيف قريييييب دا بجاهدو فيك وياخدوك اسير لوووووول
المشكلة يا ود ابنعوف الجماعة ما في طريقة يفكوا الواحد إلا لما يتزنقوا في المصاريف... يعني لو امورهم ماشة تمام الموضوع حيطول.
حيفتح باب الجهاد في فينزويلا متين في كم راس عاجبنى ,,
Post: #9 Title: Re: الحل السلفي لمشكلة الفقر(فيديو) Author: سيف النصر محي الدين Date: 02-15-2012, 11:47 PM Parent: #8
Quote: حيفتح باب الجهاد في فينزويلا متين
يا عمار راسين بس في فنزويلا..ياخ فنزويلا دي ما فيها عزل البضاعة كلها استاندرد.
Post: #10 Title: Re: الحل السلفي لمشكلة الفقر(فيديو) Author: حسين نوباتيا Date: 02-16-2012, 06:08 AM Parent: #9
الراجل دا محتاج قهوة من Starbucks :)
دا عاوز يغزو ويقبض اسرى ويبيع اسراهو في سوق عكاظ ويشّغل دراهمو في القافلة الماشة الشام:)
ما هذا التجلي؟
يا دكتور وين انت ياخي؟
Post: #11 Title: Re: الحل السلفي لمشكلة الفقر(فيديو) Author: سيف النصر محي الدين Date: 02-16-2012, 07:34 AM Parent: #10
Quote: دا عاوز يغزو ويقبض اسرى ويبيع اسراهو في سوق عكاظ ويشّغل دراهمو في القافلة الماشة الشام:)
ابسط يا عم نوباتيا اهو في سلعة جديدة حتدخل البورصات و حيتعمل ليها مؤشر "عكاظ" لاسعار الاسرى و السبايا. ______________________________________________________ انا لسه هناك و الجماعة شغالين معاي حسب مقولة دخول الحمام مش زي خروجه :)
Post: #12 Title: Re: الحل السلفي لمشكلة الفقر(فيديو) Author: سيف النصر محي الدين Date: 02-17-2012, 11:58 PM Parent: #11
للمزيد من التعرف على العقلية الفذة لشيخنا الحويني حفظه الله:
Post: #13 Title: Re: الحل السلفي لمشكلة الفقر(فيديو) Author: أحمد ابن عوف Date: 02-18-2012, 08:23 AM Parent: #12
يا دكتور
Quote: المشكلة يا ود ابنعوف الجماعة ما في طريقة يفكوا الواحد إلا لما يتزنقوا في المصاريف... يعني لو امورهم ماشة تمام الموضوع حيطول.
والله يا دكتور كان ممكن نسعى نفكك، لكن طالما الموضوع احتمال يجيب ليهو فنيزويليات، ففعلا ممكن قعدتك تطول لحد ما نفكهن لوووول
بالله لو لو قبضو ناس هيفاء ونانسي وصويحباتهن كلمونا برضو، لكن عمك دا ما بفكهن لينا بالساهل هههههه الا ان يقضى وطره منهن - شريعة وكده
Post: #14 Title: Re: الحل السلفي لمشكلة الفقر(فيديو) Author: فيصل محمد خليل Date: 02-18-2012, 08:44 AM Parent: #13
