عقبال الشمعة المية يا عميد الغناء السوداني وعمدته ومعتمده!

مديد العمر وموفور الصحة لك يا صندل الغناء السودان العبق وجمره المتقد

يا من علمتنا معنى الحب والوطن وغرست فينا معاني العزة والشموخ والصمود
لك المجد لك الحب لك الامنيات الطيبة الصادقة بالعافية التبقالك عمة وشال وصديرى وسروال وتوب ومركوب يا تاج بلدى يا حبوب

لك الحب من كل سوداني وسودانية

Quote: بنحب من بلدنا ما بره البلد سودانية تهوى عاشق ود بلد في عيونها المفاتن شي ما ليه حد *** التوب المهفهف فوق أم الضفائر و الخد المعطر زي أحلى الأزاهر و الخطوة الأنيقة ترنيمة مشاعر أنا بي كلو عمري بمشيلها و بسافر *** مين في الدنيا دي أجمل من بناتنا الليهن قلوبنا و الفيهن صفاتنا الكامنات في روحنا و العايشات في ذاتنا *** في حلفا البداية أحلامي و هنايا أنا عايش لحبي المخضر برايا النافرة الأليفة ست روحي و هنايا *** أنا لي في كريمة شايقية في شلوخها نعتز بي صفاتها ما نجهل تاريخها ماها المابية ريدتي و مو ياها المسيخة *** في شندي العظيمة تلقى بنات جعل واحدات في المتمة في لون العسل النايرات خدودهن زي فجرا أطل *** في سنكات بنعشق بت سمرا و أبية ترتاح في الضفيرة خصلاتها الغنية عاشت في شعوري أحلى هدندوية *** الوارثات جدودهن في الجود و الشجاعة البظهر جمالهن من زمن الرضاعة سودانية مية المية في ذوقها و طباعها يا ناس أرحموني أنا قلبي في رفاعة *** لوزة القطن اليانعة السمحة و نضيرة تتنى الحليوة في مشية أميرة أجمل حب عندي في قلب الجزيرة *** لي في الغرب أغيد في دار حمر و البقارة نحميها بسيوفنا تفاحها و نضارها تسكرنا الليالي و تطربنا النقارة *** لي في جوبا ساحر تسلم لي خدوده يمرح في غاباته و يسرح في مروده حبي الغالي ليه ما بعرف حدوده ***