هل الشعب السوداني مذبوح على الطريقة الاسلامية ؟؟ (صور) !

لا حديث للسعوديين اليوم الا عن ذلك الدجاج البرازيلى
المستورد بكميات ضخمة للاسواق السعوديه وهل هو مذبوح على الطريقة الاسلامية
ام لا ؟؟
بعد ان ثبت انه يصعق بالكهرباء !!
والان تعكف السلطات السعوديه لدراسة الموضوع !

وانا اتابع الخبر خطر بذهنى ( مع الفارق طبعا بتاع الهموم) بيننا
والسعوديين انه هل الشعب السودانى مذبوح على الطريقة الاسلامية ؟؟؟














ـــــــــــــــ
خلونا نشوف !

Quote: هل الشعب السوداني مذبوح على الطريقة الاسلامية ؟؟

الإجابة : لا

شغالين معاه بطريقة (أخنق فطس).

لأن الذبيحة علي الطريقة الإسلامية ... طريقة علمية !

قال السيد الرئيس وبعضمة لسانو
لقد ولى عهد بيوت الاشباح !!
فى اعتراف واضح وصريح على وجودها ...
وذلك دون ان يستقيل !!



قال السيد الرئيس وعلى رؤوس الاشهاد
ان سياسات التمكين والتطهير فى الخدمة المدنية
قد الحقت بها ضرر بالغ ..
فى اعتراف صريح واضح بتشريد العاملين من الدولة ليس لعدم
الكفاءة بل بدواعى الولاء السياسى !
قالها هكدا ولم يستقيل !!



قال الرئيس ان سياسات النظام فى التصدى لمطالب اهل دارفور
اسفرت عن 10 الف قتيل فقط ..
قالها ولم يستقيل !!












ـــــــــــــــــ
ممكن مساعدات من اقوال الرئيس ؟؟
عشان نرجع لموضوعنا الاساسى ..

Quote: ممكن مساعدات من اقوال الرئيس ؟؟ عشان نرجع لموضوعنا الاساسى

صور تنفع


شكرا دينا ...

Quote: شكرا دينا ...

شفتي ود الباوقة بدون ما يشعر شكرك على الضبائح دي


بس مفروض انتبه لحتة انو هو زول كويس ويبطل الغاغة البعمل فيها دي

Quote: ممكن مساعدات من اقوال الرئيس ؟؟

خدي عنك من اقوال لافض فوه

Quote: نحن كل ما نمشي لقدام وكل ما نعمل انجاز واضح ان اخواننا البغادي ديك بيزيد وجعهم وبيزيد ألمهم، وبنورم فشفاشهم ان شا لله ونفقع مراراتهم ، لانو نحن كل ما نعمل حاجة هم بيزعلوا ، ان شالله كل يوم حا نزعلهم

Quote: وقال مخاطبا والي القضارف الحصاد ما لاقين ليه ناس يا كرم الله ، نحن راجعين لي زراعتنا دي وح نطورها وح نرفع عائداتها ونرفع مزراعينها وح نزيد العائد منها واي مزارع ان شالله موعود وح نحقق كل الكلام الكان بيسمعوه من حزم تقنية ونهضة زراعية وح نتوسع في الزراعة افقيا وراسيا وح نعمل قيمة مضافة وح نصنع والمصانع ح تشتغل والتعدين ح يشتغل

Quote: ورب ضارة نافعة ، الناس لقت قروش البترول واسترخوا وما عاوزين يشتغلو بقينا نجيب في العمال من كل اصقاع الدنيا لان اهلنا كل واحد خلف كراع فوق كراع وكل واحد بقى عمدة وما في زول عاوز يشتغل طلبة و وما في زول عاوز يشتغل كناس و ما في زول عاوز يشتغل عامل بناء ولا في زول عاوز يشتغل عامل زراعة

الباقي تلقيه في جرراب الحاووي ده

البشير: قاعدين نزيد الم ووجع حكومة الجنوب ونورم فشفاشهم ونفقع مراراتهم

Quote: بس مفروض انتبه لحتة انو هو زول كويس ويبطل الغاغة البعمل فيها دي

اركز

يا حمد

دي تلقاها عند الغافل

Quote: هل الشعب السودانى مذبوح على الطريقة الاسلامية ؟؟؟

مكهرب ثم مذبوح ثم مفروم وبعد ده ميت يرزق ..


تحياتي دينا ..

في رايك إنوز الشعب السوداني مذبوح بس الإختلاف هل الذبح على الطريقه الإسلاميه وللا لأ ؟؟؟

والله إنتو عالم عجيبه ياخي

كان عمايا ورونا
كان طرش كلمونا

مستحيل تكونو مالاحظتو التطور والإنجازات والنهضه الخرافيه الحصلت للسودان في سنين الإنقاذ اللي بتقولوا إنو الشعب إنضبح فيها

في كل المجالات نهضنا وبقينا رقم بين الأمم

Quote: قال السيد الرئيس وبعضمة لسانو لقد ولى عهد بيوت الاشباح !! فى اعتراف واضح وصريح على وجودها ... وذلك دون ان يستقيل !! قال السيد الرئيس وعلى رؤوس الاشهاد ان سياسات التمكين والتطهير فى الخدمة المدنية قد الحقت بها ضرر بالغ .. فى اعتراف صريح واضح بتشريد العاملين من الدولة ليس لعدم الكفاءة بل بدواعى الولاء السياسى ! قالها هكدا ولم يستقيل !! قال الرئيس ان سياسات النظام فى التصدى لمطالب اهل دارفور اسفرت عن 10 الف قتيل فقط .. قالها ولم يستقيل !!

حكاية الموت عشرة ألف (بس) دي خليها بلونه الأسود يا دينا
لكن الأحمر ده دور ليكـ راسي واتخيلت بوست (هيع) واحد على الأقل يقول بأن المشير يصحح الأخطاء
وأبشر يا المشير ونحن وراكـ والتطهير التطهير من المحسوبية والذي منو
عليكـ أمان الله لقيت ليكـ العناوين ولا على بالم الكلام الإعترافي الصرَح بيهو المشير وشايلنو الناس حكاوي ليهم عشرمية سنة
الذبح على الطريقة الاسلامية ليهو سنين وفقاً لفقه القعاد فوق راسكم غصباً عنَكم

نحنا محنجرين ومربطين على عارضة فوق النار

( زي توم لمن ربط البطه وقلّبها في النار للشوي )

بس فرقنا نحنا عارفين والبطة ما كانت عارفه دا شوي ...!

Quote: والله إنتو عالم عجيبه ياخي كان عمايا ورونا كان طرش كلمونا مستحيل تكونو مالاحظتو التطور والإنجازات والنهضه الخرافيه الحصلت للسودان في سنين الإنقاذ اللي بتقولوا إنو الشعب إنضبح فيها في كل المجالات نهضنا وبقينا رقم بين الأمم

يا محمد فـرح يا خي دينا بت خالد تقـول الناس ديل مضبوحين
و بتسـأل مضبوحين على ياتـو طريقة ( عاوزة تطمئن , اصلو قلبا على
الناس ابين راســا قوي ديل الابشـوفوا ولا بسـمعوا )
, دينا تجاوزت معرفة أنهم عمايا وطرش عارفه وشـايفة ومتيقنة انهم خلاص انضبحـوا تب ,
بدليل انهم ذي ما قلت لا شـايفين ولا بسـمعوا بس محتارة في الطريقة ,
تجي انت ترجعا تاني لي انهم حيين بس عمايا وطرش



بالله يا محمد ناس ما لاحظوا التطور و الانجازات دي وكمان نهضـة خرافية
حتى أصبحنا الرقـم ( 0 ) , تقول عليهم شـنو ذي ديل


دينا ياخي ما تخلينا في انضباحتنا نفرفر مالك جايبه لينا
الكلام ,,,, اصلك مابتريحي
ثم تانيا انتي مالك ومال جداد البرازيل البعملوه كبســه
خليك في جداد المتعافي البقى ذي الفول , تصدقي الزول
دا كان على حـق و عارف أنو شـوال الفول ح يتجاوز المليون
و يبقى ذي الجداد ,
بالله انتبهي للزراعة النهضاوية النفراوية الخرافية دي

شكرا يا حيدر
وذى ماقلت الوجع كتيير ..
وقال ح نوفر الغاز تانى الحطب دا ما ح تشوفوه الا فى حفرة الدخان !!!
ولم يستقيل طاقمه ولا شلة المستشارين !

ومكاوى من هناك بقول : لا طريقة الذبح غير اسلامية !!
السكين ميته كان مفروض يسنها بدل يتمو خنق ! مش ياهو كلامك يا عاطف ؟

باوقة . .
طبعا طواااالى نفذت قرار الريس
بى وريم الفشفاش وفقع المرارة !! مش؟
خليك قاعد برضو .. الزول ممكن يعمل شنو لى اخوه ؟
الصور ذاتها جيبها امرنا لله ..


حمد ! شوف معاى الموضوع دا بالله











ـــــــــــــــــــ
الشباب فى منهاتن جاهم ضيف نزلوا يشتروا كوارع وخجلانين من الجزار
صاحبهم الخواجه ، قالوا لى جهز لينا ديل للكـلـب بنجيهم بعدين..
جاه راجع قال لى من الذبيح
بتاع المسلمين ،، الخواجه ابتسم بخبث قال ليهم : كـلـبكـم برضو مسلم ؟؟؟

فى الايام الفايته اتطاقشت المذكرات والجدل والنقاش والبربره
والزمزغه من الاسلاميين انفسهم وتسائلوا فى ما بينهم هل الذبح
بتاع الشعب السودانى تامى على الطريقة الاسلامية ولا استخدمت فيه
اسلحة محرمة .. وما زال الجدل يدور بين اصحاب الشى ذاتهم يافرح
الباقيين الى الان بررره !!!


وقال السيد الرئيس ... سنتمم التحول الديمقراطى !!
فى اشارة الى ان حكمهم كان شمولى ديكتاتورى صادر
الديمقراطية وختاها تحت الجزمة مع الجماعه القابعين هناك تحت الجزم..
ولم يستقل ...
بل ولم يعتذر !!
وبمناسبة الجزم فقد انتبهت الى ان (لم) جازمة اى حرف جزم
لذلك نكتب لم يستقل وليس لم يستقيل !
فان كان ذلك كذلك فاننى اعتذر ..
لسه ما متاكده ..








ـــــــــــــ
السكين لازم تكون سنينه .. وتستقبل القبلة
شروط الذبح الحلال ::
أهلية الذابح ويمكن أن يكون رجل أو أمرأة

* توجيه رأس الذبيحة باتجاه القبلة"قبلة المسلمين مكة

* النطق بالبسملة قبل الذبـح

* الذبح بسكين حادة

* قطع الحلقوم والمريء والودجين اللذين يقعان في عنق الحيوان من جهة الحلقوم

وبهذه الطريقة تعطي فرصـة للدم كي ينساب خارجـاً وبذلك يمكن الحصول على لحم صحي وطاهر

كل الحكومة تتحدث عن التحول الديمقراطى !!
وهم نفس الوجوه الذين حكموا من 30 يونيو
ولم يعتذروا فتأمل !











ـــــــــ
هذا ما كان من شأن الذبيح الحلال ولكن هناك
ايضا لحم حلال ... فليس كل اللحم حلال !

فايز ود القاضى !
قصدك تقول الذبح على الميت حرام ؟
ولا يضير الناس ذبحها من بعد موتها ؟؟
فيك الخير ياخ !



محمد فرح !!!!

Quote: مستحيل تكونو مالاحظتو التطور والإنجازات والنهضه الخرافيه الحصلت للسودان في سنين الإنقاذ اللي بتقولوا إنو الشعب إنضبح فيها في كل المجالات نهضنا وبقينا رقم بين الأمم

جدا يا فرح جيب الارقام هنا .. الكلام ساى ما بنفع
وقالوا الحساب ولد
طالما هى القصة بين الامم جيب لينا هنا رقمنا بين الامم
فى قائمة الفساد
فى قائمة الارهاب
فى قائمة الشفافية
فى قائمة الفقر
فى قائمة العطالة
فى قائمة اختلاس المال العام
فى قائمة التنمية
ياخ اقول ليك ديل كلهن خليهن جيب لى على مزاجك ..








ــــــــــــــ
ونحن منتظرين ... عشان نقول لى صفيه
غطينا وصوطططى !!

عمران !
اول شى ورينا الاستثناء بتاعك من اللون الاحمر
دواعيهو كانت شنو ؟
ح يقعدوا لمتين لكن ؟ ليهم يووووم ....


يا هشام ابراهيم ياخ ما تبالغ !
البطة دى ما بتشم ؟


لووووووووب يا احيمر

Quote: حتى أصبحنا الرقـم ( 0 ) , تقول عليهم شـنو ذي ديل

لوم لى الصفر مش قال ليك بقينا رقم ؟ الصفر ما رقم ؟
ياخ الريس دا كلمو قول لى نحن من زمان مرارتنا مفقوعه وفشفاشنا
طرشق من محمد فرح دا ..










ـــــــــــــــــ
تفرفروا من ذبح ما اسلامى ؟
الله هونينى !

Quote: بعد ان ثبت انه يصعق بالكهرباء !!

دينـا قصدك ناس السـدود ؟



غايتو النعرفوا في جزء من الشـعب نحـروه و لم ينتحـر

مستشفى الباوقة
كان عمايا ورونا
كان طرش كلمونا

مستحيل تكونو مالاحظتو :
التطور
والإنجازات
والنهضه الخرافيه
الحصلت للسودان في سنين الإنقاذ اللي بتقولوا إنو الشعب إنضبح فيها

--------------------------------------

على اي حال ده مضبوح بي سكين الانقاذ
واحد في المية من الاموال التي نهبها قطبي
ممكن تعيد الحياة لهذه المستشفى

اختشي يا محمد فرح
والبس ليك طرحه

....

Quote: .. والبس ليك طرحه ...???

...
..

خالد العبيد ......

يلزمك إعتذار ......... للطرحة.

لوووووووووب يا خالد العبيد
انت وصاحبى ابوها لساندرا ما لكم بقيتو شغالين طبييز ..
ورى يا ابو الريش .. ورى !!!

هاك النجيضة يا دينا:

Quote: جاء في الموسوعة الفقهية الكويتية: يستحب في الذبح أمور منها: أ - أن يكون بآلة حديد حادة كالسكين والسيف الحادين لا بغير الحديد; لأن ذلك مخالف للإراحة المطلوبة في قوله صلى الله عليه وسلم (وليرح ذبيحته). ب - التذفيف في القطع - وهو الإسراع - لأن فيه إراحة للذبيحة. ج - أن يكون الذابح مستقبل القبلة ، والذبيحة موجهة إلى القبلة بمذبحها لا بوجهها إذ هي جهة الرغبة إلى طاعة الله عز شأنه ; ولأن ابن عمر - رضي الله عنهما - كان يكره أن يأكل ذبيحة لغير القبلة. ولا مخالف له من الصحابة ، وصح ذلك عن ابن سيرين وجابر بن زيد. د- إحداد الشفرة قبل إضجاع الشاة ونحوها، صرح بذلك الحنفية، والمالكية والشافعية، واتفقوا على كراهة أن يحد الذابح الشفرة بين يدي الذبيحة، وهي مهيأة للذبح لما أخرجه الحاكم عن ابن عباس - رضي الله عنهما- (أن رجلا أضجع شاة يريد أن يذبحها وهو يحد شفرته ، فقال له النبي صلى الله عليه وسلم : أتريد أن تميتها موتات ؟ هلا حددت شفرتك قبل أن تضجعها) ولا تحرُم الذبيحة بترك شيء من مستحبات الذبح، أو فعل شيء من مكروهاته; لأن النهي المستفاد من الحديث ليس لمعنى في المنهي عنه بل لمعنى في غيره، وهو ما يلحق الحيوان من زيادة ألم لا حاجة إليهافلا يوجب الفساد. هـ - أن تضجع الذبيحة على شقها الأيسر برفق. قال النووي: جاءت الأحاديث بالإضجاع وأجمع عليه المسلمون، واتفق العلماء على أن إضجاع الذبيحة يكون على جانبها الأيسر لأنه أسهل على الذابح في أخذ السكين باليمين وإمساك رأسها باليسار، وقاس الجمهور على الكبش جميع المذبوحات التي تحتاج فيها إلى الإضجاع. و- سوق الذبيحة إلى المذبح برفق، صرح بذلك الشافعية. ز- عرض الماء على الذبيحة قبل ذبحها ، صرح بذلك الشافعية أيضا. ح - وإذا كانت الذبيحة قربة من القربات كالأضحية يكبر الذابح ثلاثا قبل التسمية وثلاثا بعدها، ثم يقول: اللهم هذا منك وإليك فتقبله مني، صرح بذلك الشافعية. ط - كون الذبح باليد اليمنى، صرح بذلك المالكية والشافعية. ي - عدم المبالغة في القطع حتى يبلغ الذابح النخاع أو يبين رأس الذبيحة حال ذبحها وكذا بعد الذبح قبل أن تبرد وكذا سلخها قبل أن تبرد لما في كل ذلك من زيادة إيلام لا حاجة إليها . ولحديث ابن عباس رضي الله عنهما (أن النبي صلى الله عليه وسلم نهى عن الذبيحة أن تفرس). وقال ابن الأثير في " النهاية معنى أن تفرس هو كسر رقبة الذبيحة قبل أن تبرد" فإن نخع أو سلخ قبل أن تبرد لم تحرم الذبيحة لوجود التذكية بشرائطها. وصرح المالكية والشافعية والحنابلة بكراهة قطع عضو منها، أو إلقائها في النار بعد تمام ذبحها، وقبل خروج روحها. وصرح الشافعية أيضا بكراهة تحريكها ونقلها قبل خروج روحها . وقال القاضي من الحنابلة : يحرم كسر عنقها حتى تبرد، وقطع عضو منها قبل أن تبرد.

اذا الجماعة راعوا هذه الآداب فيبقى أنو الذبح صحيح و على الطريقة الاسلامية LOL.

سلام يا دينا


ومن أقواله:

لولا أن الإنقاذ أتت لوصل سعر الدولار إلى عشرون جنيهاً - طبعاً بالقدبم

لكن الآن وصل لخمسة ملايين بالقديم


وقال: أتت الإنقاذ لتنقذ السودان من الفســـــــــاد والطائفية وتاني مافي حاجة إسمها سيدي ( وتراهم أولاد سيدي يرتعون في القصر الجمهوري ويا سيدي شيلني وختني في بيت الله العاجبني)

______________________

وبرضو لم يخجل ( أو بالطريقة الإسلامية لم يستحي )

Quote: عمران ! اول شى ورينا الاستثناء بتاعك من اللون الاحمر دواعيهو كانت شنو ؟

دينا خالد!
القالو آآي سويناهو لزوم تكرارو شنو ؟
الاحمر للجديد من الاعترافات ، والجديد شديد وبيكتبوهو بالتركوازي كمان
يعني ولاد الشمال ما حركتم حكاية أولاد غرب البلد الماتو منهم بس عشرة آلاف !
أها الأحمر الجديد احتمال يكون في ( باقي احتجاج ) وسط ولاد الشمال ويقولو ليه الظلم ده
أوعلى الأقل يكون في بوست صغنتوتي عنوانو : هيييييييع غلطنا وبنعتذر
ياخي يمكن نقبلو لووووووووول

الصورة لا علاقة لها من قريب او من بعيد بمستشفى الباوقة

يا ود العبيد

اركز وبطل فنجطة

اظن وان بعض الظن اثم
مذبوحين كوشر

Quote: الصورة لا علاقة لها من قريب او من بعيد بمستشفى الباوقة يا ود العبيد اركز وبطل فنجطة

لوووووووب (عن اذنك يا دينا)
كويس برضو انها ما من الباوقة اللذيذ تفاحة
بعدين الزول ده ذاتو هندي من نواحي مدينة راجبوت الهندوسية..وبيمارس في طقوس دينية ..(نايم ساي)
لكن ما عندي اي تفسير لوجود عربية حكومة السودان في المشهد ده ولا السودانين الظاهرين في خلفية الصورة وحولهم نقالات مهترئة !!


طمنتنا يا عُمرا

جيت تكحلها لحقتها امات طه !

Quote: جيت تكحلها لحقتها امات طه !

أنا مرقنا الذِمَة :) يا أستاذنا الحبيب أبو حريرة
بعد التقسيم الجهوي على الواقع بقينا نفكِر بالمقلوب
يعني ماتو كُتار من الجهات ديكـ ما عندنا شغلة بيهم ، وده تفكير موجود ومقتنعين بيهو كُتار للأسف
أها كلامي يا ناس الوسط الموت حايم وسطكم بمبرر التمكين والجوع ملى بيوتكم من زمان رغم كفائتكم
كنتوا ساكتين لأنكم (لا تأخذون الناس بالشبهات ) :)
أها حسي سيد الشي زاتو قال ده كلام كان زمان وخلاص انتهى
يعني خلاص حا تصفقوا مع الصفاقين ولا حساب الظلم الفات عنوانو كالعادة عفى الله عما سلف .!!
لامن ( تسلفوا ) انتو زاااتكم وراهو

الاخت دينا
سلامات
مع احترامى وتقديرى لك

بصفتى واحد من افراد الشعب السودانى المقيمين اقامة دائمة بوطنهم السودان ارفض وصفك باننا نذبح هكذا ، نود لفت انتباهكم بأن هذا الشعب العظيم مفجر الثورات ومعلم الشعوب معنى الحرية لم تلد حواء من يذبحه ، وتصويركم لنا وانتم هجرتم البلاد غير صحيح ، فما زلنا بعافية وصحة ، واليوم توجد حريات فى السودان نمارسها نحن الشعب السودانى فى الهواء الطلق واحزابنا السياسية تمارسها علنا وصحفنا الصادرة تمارسها علنا ومواقع السودانيين على الانترنت تنقل ما نمارسه نحن الشعب السودانى فى الداخل ، ونحن نتقدم نحو نظام ديمقراطى كامل وحريات كاملة ، والحوارات التى تدار داخل الوطن مع الحكومة هى التى تأتى أُكلها كل حين والتداول السلمى للسطة قادم ، هذه بطولات الشعب السودانى ومكاسبه التى تحققت ، انظرى الآن بدأ البتر فى الفساد ، والعودة الى خدمة مدنية مبرأة يتبوأ فيها الوظائف من هو جدير بها ، الحكاوى والقصص من التاريخ هى عبرة لمن يعتبر ودرس لمن أراد ان يتعلم ، نحن الشعب السودانى نريد الحوارات السلمية وصولا الى الاستقرار السياسى والاقتصادى والاجتماعى ، لقد مضى وقت طويل نعانى ولا نريد ان نعانى مرة اخرى من الحروب والتفلتات الامنية والجهوية والعصبية والقبلية والتى تجد من يوقد نارها ومن يزيدها بصب الزيت عليها ، كفى تعميق الجراح ، كفاكم تفرقة وتشتت وتشرزم ، آن الوقت لكلمة الحق ان تعلو وتخرس السنة الدعوة الى التشتت والتشرزم والحرب ، يجب ان ترتفع النخب الى مستوى العصر والنظر الى المستقبل وطرح المفيد لعلاج الأورام السرطانية التى اصابت جسد الوطن من جراء افعال بنيه اولا ومن اعدائه ثانيا، حاجة البلاد والعباد لكم بقدر مساهمتكم البّناء والفاعلة فى الخروج من الازمات والكبوات وطرح البدائل العقلانية والحلول الناجعة لا ببث السم فى الجسد.
منهج كنس الآخر اصبح غير مفيد ولا مجدى ، البحث عن التوافق السياسى ليس عيبا والاعتراف بالآخر ليس عيبا ، ضعوا مصالح هذا الشعب الذى اصبح كل واحد منكم يتبنى قضاياها بالطريقة التى تعجبه ويراها هى الاصوب دون اللإلتفات للآخرين من بنى جنسه ، وليكن اختلافكم يصب فى مصلحة الشعب السودانى واتفاقكم يصب فى مصلحة الشعب السودانى بدلا من ان يصب فى اتجاه آخر .


هامش:
انا اعترض على صيغة عنوان البوست

Quote: الصورة لا علاقة لها من قريب او من بعيد بمستشفى الباوقة

ليها علاقة بشنو طيب!؟
----------
دينا ازيك
لاحظي انه افراد الشعب السوداني في الصورة عايشين حياتهم ولا كأنه في حد already down
!!!!

أرفعوا أيديكم عن خالد العبيد
الطرحة المقصودة في كلامه هي التي جاءت في القصيدة التى غناها ود اليمني
الكرش دايرة لها زحة
العباية الفوقها طرحة
لا في صحة ولا مصحة

د. سيف النصر

Quote: د- إحداد الشفرة قبل إضجاع الشاة ونحوها، صرح بذلك الحنفية، والمالكية والشافعية، واتفقوا على كراهة أن يحد الذابح الشفرة بين يدي الذبيحة، وهي مهيأة للذبح لما أخرجه الحاكم عن ابن عباس - رضي الله عنهما- (أن رجلا أضجع شاة يريد أن يذبحها وهو يحد شفرته ، فقال له النبي صلى الله عليه وسلم : أتريد أن تميتها موتات ؟ هلا حددت شفرتك قبل أن تضجعها)

لووووووووب .. الاحداد دا ياسيف ناس الجهاز ؟؟

مش قلت ليك الذبح دا ما اسلامى ؟









ــــــــــــ
كان عملوا الاحداد دا بس الزول يغمد عيونو !

بغض النظر عن طريقة الذبح، اسلامية ام غير اسلامية، صعق بالكهرباء ام اخنق فطس، يكاد كل المتداخلين بما فيهم اهل الانقاذ، متفقون على ان الشعب السوداني مذبوح مذبوح مذبوح.
منو الضباح؟؟؟

نحن غايتو ضبحونا بى فرّامة ميتة يوم 25/10/1989 والضبحونا اتجاه القبلة ذااااااتو ماعارفينو على وين




فصلوا الراس عن الجسد للصالح الخاص
ولم تخرج الروح..
ظلت باقية على قيد الحياة..
تتعذب يوما بعد يوم..
كم هو مرير طعم الظلم..

ولكن..


يمهل ولايهمل

يمهل ولا يهمل

يمهل ولا يهمل



لك ودى المقيم وكل ماهو جميل يا دنووووووش

...

...

Quote: هل الشعب السوداني مذبوح على الطريقة الاسلامية ؟؟

غايتو المواطن دا - لم يتم ذبحه على الطريقه الإسلاميه - لذا لا يجوز أكله

والله أعلم

علوووووش
يا سلام يا على ياخ
كلماتك حقيقة وموووجعه ..
كلام من تحت السكين مباشرة
و الظلم ليلته قصيرة ,,
لكن تاكد انها كانت لستة شرف
كانت اللبنة للمقاومة ..
وستكون الاسفين الذى سيدق على نعوشهم ..
ان لكم ان تفخروا انكم شكلتم الشرارة
التى اشعلت نار الخلاص انت ورفاقك كنتم بوعزيزى السودان
وفدا لكم العمر يا ناس الضرر العام ...












ــــــــــــــــ
لكن بينى وبينك نحن حاسدنكم !!

سلام كتير ,,

لالالالا وألف لا ,, إحنا مذبوحين على الطريقه ( السمانيه ) .
أما عن التصريحات الرئاسيه الفكاهيه فهى كثيره ولاتعد .
يستحضرنى منها تصريح مضحك ( من شاكلة حتى بانت أنيابه )
ويومها ضحكت حتى بانت عندى اللوز ( والبواسير ) .
وكان ذلك فى منطقة المكابراب بالولايه الشماليه حينما إنداح
طويل العمر فى الخطابه حتى وصل مرحلة من الإنتشاء والبلاهه وقال :
( إنشاء الله يا أهل المكابراب سوف تأكلوا قريبا الآيس كريم بعد
أن يفيض عندكم إنتاج الألبان وتصنعوا أكبر مصنع للآيسكريم فى العالم ) .
هذا الحديث كان قبل أربعه سنوات وعلى الهواء مباشرة ومازالا أهلنا
فى المكابراب لايجدون رشفة ماء نظيفه ليشربونها وهم على مرمى حجر من
نهر النيل !!
وأظن أن المشير كان صادقا فى حديثه لكن ماذا نفعل مع العملاء والخونه
من أمثال ( باسكن روبنز ) ( ولذيذ ) الذين تآمروا على المكابراب حتى
لا تضايقهم فى لقمة عيشهم .

كمال سالم !!
ياخ يحيى العظام ....!
وينك ؟ مشتاقين ..
يعدين انت بتتفاصح كدا (الاحداد) دا قايلو ما ليك ؟؟
قال ليك الجرايد جايبة بالخط العريض فى ذات خريف عربى ...
اهالى ام ضريوة يتوعدون امريكا ... لووووب
هم انت قايلهم قاعدين فى الواطة ؟
الايس كريم دا ناس تراجى كل يوم بجرفوا بالجرافات
عشان يفتحوا بيتهم !
قايلنو حاجه سمحة ...
الاسهل انو ناس المكابراب يقوموا يمشوا هناك ..

كمال سالم !!
ياخ يحيى العظام ....!
وينك ؟ مشتاقين ..
يعدين انت بتتفاصح كدا (الاحداد) دا قايلو ما ليك ؟؟
قال ليك الجرايد جايبة بالخط العريض فى ذات خريف عربى ...
اهالى ام ضريوة يتوعدون امريكا ... لووووب
هم انت قايلهم قاعدين فى الواطة ؟
الايس كريم دا ناس تراجى كل يوم بجرفوا بالجرافات
عشان يفتحوا بيتهم !
قايلنو حاجه سمحة ...
الاسهل انو ناس المكابراب يقوموا يمشوا هناك ..

دينا خالد
طالما الشاب ده بقرأ هنا
ودعاية المنتزة تحته وماشغال بيها
في امل ..!!!

احمد موسى
هل تعتقد ان هذا الشاب الفى الصورة
مذبوح على الطريقة الاسلامية ؟؟؟