Post: #4 Title: Re: محمّد وردي Author: سلمى الشيخ سلامة Date: 02-15-2012, 00:07 AM Parent: #2
احبه جدا لانه فنان كبير حاحكى قصص عن محمدوردى يا اب تفة بعدكدا ازيك الحكاية الاولى حكى لى احد المهاجرين السودانيين الذى يعيش فى شرق وغرب افريقيا شفت الزول دا عجيب كيف ؟ من المحيط للمحيط لافى اول حكاية قال كان قاعد مع زول صاحبه من الجابون زمن الراديو بصل الجابون واحد اشترى راديو بعد ساعة جاب الراديو راجع سيد الدكان ساله ـ الراديو مالو ؟ قال المشترى ـ ما بجيب محمد وردى ما قال اذاعة ولا هم يحزنون شفت الزول دا سره باتع كيف ؟ الحكاية التانية الزول زاتو قال فى نيجيريا لمن العاصمة كانت لاغوس واحد ببيع اشرطة تسجيل عنده عجلة ، العجلة فيها مسجل كبير وفى العجلة فى صندوق فيهو الشرايط الشريط الاساسى بكون محمد وردى ...! الحكاية التالتة دى حاضراها براى كنت فى كالفورنيا فى زيارة لاصدقاء "اسماعيل محمد الحسن وزوجته هدى واطفالهما مشينا لواحدة صديقتهم اثيوبية عزمتنا قهوة قومى يا يا الزولة ابدى القهوة ختت البن فى القلاية كان المسجل بغنى فيهو مطرب اثيوبى اول ما جابت البن لكل واحد عشان يشمه نادت بتها ـ يا بت وين محمد وردى ؟ البت ختت الشريط والقهوة اندلقت بيناتنا سالتها عن سر محمد وردى؟فقالت ـ ما بتكيف الا وردى يغنى لمن نشرب القهوة شفت الزول دا عجيب كيف ؟ ياخ احبكم الاتنين وكل من يحب محمد وردى
Post: #5 Title: Re: محمّد وردي Author: سلمى الشيخ سلامة Date: 02-15-2012, 00:10 AM Parent: #2
يا سلام علي تمامة الكيف! مصداقاً لذلك يا سلمى، كتير من أصحابنا الأثيوبيين والأثيوبيات بيعزمونا في بيوتهم، جلسات بالساعات، الشيشة مدورة و القات مفروش زي البرسيم ؛) ومحمّد وردي يغني.. واحد قال أي قعدة شيشة وقات، تسمع وردي..
Post: #8 Title: Re: محمّد وردي Author: حسين نوباتيا Date: 02-15-2012, 04:07 AM Parent: #6
Quote: مصداقاً لذلك يا سلمى، كتير من أصحابنا الأثيوبيين والأثيوبيات بيعزمونا في بيوتهم، جلسات بالساعات، الشيشة مدورة و القات مفروش زي البرسيم ؛) ومحمّد وردي يغني.. واحد قال أي قعدة شيشة وقات، تسمع وردي..
يا مرتاح...
انا طبعا شفت المناظر ساكت.. لكن البرسيم ما عندكم:)
والله الحتة دي فيها حلاة دين فتوى :) فقد ورد فيها قعدة وشيشة وقات وجلسات بالساعات :)
ابداع وردي وتفرده بالعربية لا يمثل ولا ربع ابداعه وتفرده بالنوبية ... فالرجل بعث بالنوبية لكنه عرّج ليهدي الاعراب (ناس بريمة:) لسوح الفن والجمال والابداع..
تمنياتي له بعاجل الشفاء..
____________________
انت شهر فبراير دا مش مفروض تكون معّسل :)
Post: #9 Title: Re: محمّد وردي Author: دينا خالد Date: 02-15-2012, 11:49 AM Parent: #8
عندما كنت تغني رأينا الشرفات
تهجر الجدران
و الساحة تمتد إلى خصر الجبل
لم نكن نسمع موسيقى
و لا نبصر لون الكلمات
كان في الغرفة مليون بطل
[center]لم نكن قبل حزيران كأفراح الحمام
ولذا، لم يتفتّت حبنا بين السلاسل
نحن يا أختاه، من عشرين عام
نحن لا نكتب أشعارا،
و لكنا نقاتل
-3-
ذلك الظل الذي يسقط في عينيك
شيطان إله
جاء من شهر حزيران
لكي يصبغ بالشمس الجباه
إنه لون شهيد
إنه طعم صلاة
إنه يقتل أو يحيي
و في الحالين!آه!
ببعض تصرف محمود درويش اهـ يا جرحى المكابر (لفدوى طوقان) ..
ـــــــــــــــــ طبعا حزيران يعنى 30 يونيو !
Post: #10 Title: Re: محمّد وردي Author: محمد سنى دفع الله Date: 02-15-2012, 12:19 PM Parent: #9
و ر د ي
Post: #11 Title: Re: محمّد وردي Author: محمد سنى دفع الله Date: 02-15-2012, 12:24 PM Parent: #10
