مركز الخاتم عدلان..شايت وين!!

الحداثة, الأستناره, الديمقراطية,...كلها كلمات ناصعة..وهنالك فرق بين رفع قيمها عبر الحوار والمثاقفة والندوات وبين أن تكرس لخط واضح سوى فى منتوج القائمين على أمره مثل كتاب الهاربين من من ضفورهم, وبين حشد ندوات بعينها ليس القصد منها سوى النيل من مكون الثقافى والوجدانى لبعض شعبنا..
والله ياناس مركز الخاتم عدلان عارفنكم استثنائيين ومواطنيين عالميين سوبر كمان.. تقفون قرب مصادر المعرفة الأنسانية الحديثة والجديدة لنج وربما هنالك (رسولية) ما فى رسالتكم لانعلمها نحن من بعض أهل السودان من عوام المثقفين الذين آليتم على أنفسكم اخراجهم من شرط التخلف والرجعية بالعمل الثقافى والفكرى لمصاف الأنسانية..حتى الأن الرسالة تبدو بريئة ولكن ثمة سؤال حول اهداف هذا المشروع..مشروع المركز تحديداً هل أنتم مع مشروع حوار الثقافات السودانية لنتجاوز هذه المرحلة نحو تعددية ثقافية تتضافر فيما بينها لخلق سودان تسوده القيم الأنسانية التى تسعون عبر عملكم لبسط قيمها آم انتم مشروع معاد لمكونات ثقافية من شعبنا تدعى فى حالتها الوجودية والأنسانية بانتسابها للثقافة العربية ولاترون أن مخرج بلادنا اٍلا عبر محقها ونسفها وألغاء وجودها..أو اعتبارها استنفذت أغراضها ومدتها التاريخية..دايرين نفهم بس عشان تانى مانمش نقعد فى ندوات ترسمنا بفلسفة الكاركتير كاغبياء فى مسيرة التاريخ ضلوا طريقهم نحو الشمال..وأنتو بكاسى الحداثة الحاتوصلنا لمحطة العالم المتمدن..ده كلامى ومن قبل ومن بعد السلام والمودة



مخلصكم حاتم الياس
الوصف الجينى..يمينى متخلف (بحسب الدراسة الأخيرة)

إبن عمى حاتم الياس...
سلامات....
للثقافة العربية الإسلامية دوراً عظيم في السودان، فهى التى أدخلت السودان معترك الصراع الحضاري في فترة كانت المجتمعات السودانية تعاني من العزله الحضاريه ، فكسرت طوق تلك العزلة (لم يستشرف العالم الدولة الوطنية القطرية بعد) ،ولكن الإستمرار فى برنامج الأحادية الثقافية (أس الأزمه الحاليه) لم يكن في صالح السودان وشعوبه المتنوعه، كما إنه لم يعد في صالح الثقافة العربية-الإسلامية نفسها . و آن الأوان لننتقل من مرحلة "بوتقة الانصهار" إلى مرحلة "الوحدة في التنوع" حيث تتوازن حقوق الجماعات والثقافات في الرفاهية والنماء وان اى أيديولوجيا تهدف إلى الهيمنة والقهر وإستئصال الآخر و أي وعي اجتماعي-ثقافي يستخدم كقناعً للقهر والاضطهاد الثقافي والعرقي هو إبقاء على الأزمه واعاده لانتاجها حتى وإن لم تكن هى الثقافه الاسلاميه العربيه فهزيمة الإقصاء لا تكون بتبني مذهب إقصائي جديد، بل بهزيمة الإقصاء نفسه كمبدأ لا يليق بالإنسان.
دى غايتو شوتى أنا...اما ناس مركز الخاتم شايتين وين..الباقر وناس المركز أعلم.........

وينك؟

حاتم اخوى ازيك
طبعا انت اكلت خريفك من زمان اهلك حكموا البلد ايام كانت حدادى مدادى وبما اننا جاى جاى
محسوبين من ميس واحد نحن تانى ما بنعرف مثاقفة ولا تفاعل ولابوتقة ولا طيار وانتو حكمتوا بما
فيه الكفاية وعليه تانى " تشموها قدحة "
واذا حاولتوا فاننا سوف نطالب ب "لوياجيركا " ذى افغانستان



مش كان تلم الموضوع دى لغاية ما نتلاقى



فى الانتظار يا مان

سلامات يا علي

Quote: وان اى أيديولوجيا تهدف إلى الهيمنة والقهر وإستئصال الآخر

وهل هناك اى أيديولوجيا (ما) بتهدف إلى الهيمنة والقهر وإستئصال الآخر!؟















--------

يا حاتم مشيت وين؟
اها!؟

ول يئست كالعادة؟

Quote: وهل هناك اى أيديولوجيا (ما) بتهدف إلى الهيمنة والقهر وإستئصال الآخر!؟

سلام قيقراوى.....
اقبلها على الاقل بى تعريف التوسير....
بالمناسبه ناس وانتاو وقوزفامى وخدره والقيقر شايتين وين؟

عصمت سيف الدولة(حاتم الياس)

أخبار ربيعك العربي شنو يا مان؟

Quote: سلام قيقراوى..... اقبلها على الاقل بى تعريف التوسير.... بالمناسبه ناس وانتاو وقوزفامى وخدره والقيقر شايتين وين؟

سلامات يا علي ياخي

ناس القيقر و قوز فامي شايتين مع ناس ود دكونة والجبلين وابو خدره دا ذاتو ..
لكن كورتم عاملة كدا اصلاً .. ما قاعدين يشتتوا في الكورة
و الله صحي

اظنها فكت بت الكــــلب!!














-----

علي ياخي التوسير دا منو كمان!؟
انت قايلني مثقف عشان متلصق في حاتم دا ول شنو!؟
هو ذاتو ما صاحبي
فاكيها فيكم ساي انا!

انا لو بعرف ألتوسير قال شنو، البقعدني مع الوهم ديل هنا شنو تاني!؟
ما بهناك طوالي ..
الفورشيزونس، حيث حبيب ألبي حسن موسى، و مزونةو التلب و حسن اولئك رفيقاً

Quote: التوسير

Quote: ألتوسير

يا قيقا ما جهجهتا المعلقة يا مان
ارسى ليك علي بر.

دايماً ياقيقا بتشتت لى وقارى الأكاديمى وبتمرقنى من (الأتروحة) بتاعتى..فعلاً أنا مثقف كبير جداً دى مافيها شك لدرجة أنى هسع ماقادر أفرز هل مداخلة دينق دى تصفيق حاد ولا شتيمة !!وبما أنو دينق متواضع فكرياً وثقافياً كل مره شايفو بجيب سيرة عصمت سيف الدولة على الدين ما مادينق دا..مابعرف التكتح عن عصمت سيف الدولة ولغاية قريب ده بكون مفتكرو شارع..فى مصر..

أشكر على زين العابدين والدكتور سيف النصر وعبدالواحد المنصورى على المداخلات

سوف أعود أنتظرونى .


حاتم الياس

Quote: دايماً ياقيقا بتشتت لى وقارى الأكاديمى وبتمرقنى من (الأتروحة) بتاعتى..فعلاً أنا مثقف كبير جداً دى مافيها شك لدرجة أنى هسع ماقادر أفرز هل مداخلة دينق دى تصفيق حاد ولا شتيمة !!وبما أنو دينق متواضع فكرياً وثقافياً كل مره شايفو بجيب سيرة عصمت سيف الدولة على الدين ما مادينق دا..مابعرف التكتح عن عصمت سيف الدولة ولغاية قريب ده بكون مفتكرو شارع..فى مصر..

يا بتاع الربيع العربي.

أصلو زول بتور نفسك هنا في البورد ده غيري مافي. خليك عايش في أوهامك ومع كيزانك ديل الى أخر يوم في حياتك وح تكون لسه موهوم بمثل هذا الأعتقاد البأس. بعدين أنا البعرفني بي عصمت سيف الدولة ده شنو! بركة اللي عرفتو أنت. وده كان غرضي الأساسي يا بتاع العروبة المضروبة. ياخ أنا كنت قايلك بتؤمن بي (الأصل في حرية التفكير وحق التعبير والديمقراطية) تقو تجي تقول علي "متواضع فكريا"! واضح جدا بأنك تلميذ غير نجيب.

فوق

UP

سلام وتحية للمتداخلين
يااستاذ دينق صحيح استاذ حاتم قد يكون عروبى ولكن
فى مداخلتو دى وبوستو العملو دا ولو تمعنا بين السطور
هو لا قاصد يتكلم لا عن كيزان ولا مستعرية ,والموضوع
دا قهمو استاذ على وعشان كدا قال حقو نحارب الاقصاء ولو كان
من اى مجموعة او اى منظمة حتى ولو تعلقت باهداب الديمقراطية
والاستنارة ومارست الاقصاء ضد اخرين ,ولذا نجد مابتتم دعوة حاتم الياس
ومهمشى المستعربة الى مؤتمرات التعددية فى الثقافة العربية المنعقدة بالدوحة
ولكن تتم الدعوة لاساطين الاستنارة .


مع تحباتى


صابر عابدين

Quote: الحداثة, الأستناره, الديمقراطية,... كلها كلمات ناصعة..وهنالك فرق بين رفع قيمها عبر الحوار والمثاقفة والندوات وبين أن تكرس لخط واضح سواء فى منتوج القائمين على أمره مثل كتاب الهاربين من من ضفورهم وبين حشد ندوات بعينها ليس القصد منها سوى النيل من مكون الثقافى والوجدانى لبعض شعبنا.. والله ياناس مركز الخاتم عدلان عارفنكم استثنائيين ومواطنيين عالميين سوبر كمان.. تقفون قرب مصادر المعرفة الأنسانية الحديثة والجديدة لنج وربما هنالك (رسولية) ما، فى رسالتكم لانعلمها نحن، من بعض أهل السودان، من عوام المثقفين الذين آليتم على أنفسكم اخراجهم من شرط التخلف والرجعية بالعمل الثقافى والفكرى لمصاف الأنسانية.. حتى الأن الرسالة تبدو بريئة ولكن ثمة سؤال حول اهداف هذا المشروع.. مشروع المركز تحديداً ؟؟ هل أنتم مع مشروع حوار الثقافات السودانية لنتجاوز هذه المرحلة نحو تعددية ثقافية تتضافر فيما بينها، لخلق سودان تسوده القيم الأنسانية التى تسعون، عبر عملكم، لبسط قيمها..؟ آم انتم مشروع معاد لمكونات ثقافية من شعبنا..؟ تدعى فى حالتها الوجودية والإنسانية بانتسابها للثقافة العربية؛ ولاترون أن مخرج بلادنا اٍلا عبر محقها ونسفها وألغاء وجودها..أو اعتبارها استنفذت أغراضها ومدتها التاريخية.. دايرين نفهم بس!! عشان تانى مانمش نقعد فى ندوات ترسمنا بفلسفة الكاركتير كاغبياء فى مسيرة التاريخ ضلوا طريقهم نحو الشمال..وأنتو بكاسى الحداثة الحاتوصلنا لمحطة العالم المتمدن.. ده كلامى ومن قبل ومن بعد السلام والمودة مخلصكم حاتم الياس الوصف الجينى..يمينى متخلف (بحسب الدراسة الأخيرة)

حاتم الياس، يا عزيزاً في بلاده، وإخاءه

سلام عليك..

نوّرنا بالله، لو أمكن، بالندوة، هيكلها واسماء متحدّثيها، وسأسعى أن آتيك بالتلخيص..



مع وافر التحايا للجميع

صديقى حاتم الياس ...(أشهد لى بى دى عشان قيقراوى ما يقول ده تلصق برضو )..
اما موضوع عصمت الدوله بتاع دينق ده فدى افلام نحن ما خشيناها (برالمة منبر).. المهم أعتقد انه عندك قراءة عرضية(سكشنيه-section)للندوه تكشف الخرم و الفجوات و لا وعي الخطاب وزى تحت تحت كده فهمنا من كلامك ايحاءات بعدم البراءه ، لست من المدافعين عن الندوه ولم احظى بحضورها غير اطلاع سريع لما نشر...ولكن فقط الموضوع نفسه الذى اثرته هام جدا ...ومقدمتك محفزه للنقاش...واصل...

اها..

وصلنا وين!؟

قيقراوى سلامات ياخ وسلام للصديق على زين العابدبن وصديقنا وحده

الفترة السابقة كنت فى القاهرة (بدعوى من الأوساط الثقافية والفكرية هناك لتقديم مساهمتنا حول مستقبل الثوره المصرية)..هذه الفقرة بين قوسين يمكنك أن تلاحظ أيضاً بأن الكلمات تخلف رجلها أدعاءاً هههه

المهم فترة قليلة فى مصر تجعلك ترى بكل وضوع أن ثمة تدين أستعراضى قلق يعلن بنفسه فى كل تاحية من نغمات الموبايل الى مسجلات التاكسى التى تتلو القرآن الى الأسانسير المتوجه الى الطابق الثالث وهو يقرأ دعاء السفر بصوت مقرئ مشهور..دعاء السفر فى الأسانسير خاجة عجيبة ربما كان أمراً عادياً قى الدول الأسلامية وطوابقها النفسية والحجرية..لكن بالنسبة لنا أهل الحيشان والواطه جديده..

توتر مصر النفسى ومحاولتها لتقليم أظافر هذا التوتر بالدين يشبه أيضاً توتر ندوات مركز الخاتم عدلان خين تختزل ندواتها الحداثة فى الشعار السياسى الأوت أوف ديت

--
ماتنسى قصة دعوتى الفوق دى تعلق عليها!! والماف شنو زى مابتقول..برجع لجوده ان شاء الله

Quote: لتقديم مساهمتنا حول مستقبل الثوره المصرية

فاقد الشئ لا يعطيه.

وماهو الشئ...؟

--
جد والله داير أعرف يالبرتكان أبو...رجفة بس ..

الشئ عند أصحاب الشي ذاتهايا "عصمت"

حاتم الياس
سلامات ..

ليس بيدي إلاّ أن أترنّم بِــ:

في "البوست" يا حِبــّان .. سطـــّــحتو بييييينا ..!


الأخ Deng
سلامات ..

بمناسبة "زورة"اليأس لربيع مصر المؤمّنة - قال ادّعائية وكدا- وبمناسبة "جلبتك" لمُنظِّر البعث العروبي، زمان السبعينات
وماقبل، وما بعد، عصمت سيف الدولة؛ فهل تجد رابط بين هَبّة مصر، اليمن، وخجّة سوريا - الما معروفلها آخر حتى الآن - وبين
ما ســوف يحلُّ بالسودان من التنظيرات ...! واضعاً في الاعتبار، بالله، نتائج الجهجهة الربيععربية!!(بحسب دُعاءات السفر وانفجار
المخزون الإسلاموي) بين الدُّقِّي والمُهندسين وماسبيرو والبُرج!
وما أدراك مالبُرج! وقد قيل عن بُرج القاهرة، أنّ ناصراً أراده "إعلاناً" لرشوة السي آي إيه .. وكدا


----

وبانتظار عودة الحاتم، حاسم

Quote: المهم فترة قليلة فى مصر تجعلك ترى بكل وضوح أن ثمة تدين أستعراضى قلق يعلن بنفسه فى كل تاحية من نغمات الموبايل الى مسجلات التاكسى التى تتلو القرآن الى الأسانسير المتوجه الى الطابق الثالث وهو يقرأ دعاء السفر بصوت مقرئ مشهور..دعاء السفر فى الأسانسير حاجة عجيبة ربما كان أمراً عادياً قى الدول الأسلامية وطوابقها النفسية والحجرية..لكن بالنسبة لنا أهل الحيشان والواطه جديده.. توتر مصر النفسى ومحاولتها لتقليم أظافر هذا التوتر بالدين يشبه أيضاً توتر ندوات مركز الخاتم عدلان خين تختزل ندواتها الحداثة فى الشعار السياسى الأوت أوف ديت

من موقعي المشرف على الكبانية، اعزز ليكم انو : عااااادي
و بالذات فيما يتعلق بالاعدقاء اولاد بمبا ..
التدين الصوري ياهو مشهادم ..
هو في زول بلانا و بلّانا بيهو غيرم!ّ!؟
















-----

اصلو ما ببرد ليك بطنك ..

بعلق على تفاءل ابو جودة دا .. لتعزيز يأسك الشخصي، و يأسو معاك!

Quote: وبانتظار عودة الحاتم، حاسم

بدل المدخل السودانوي :

Quote: في "البوست" يا حِبــّان .. سطـــّــحتو بييييينا ..!

رايك شنو نغني خليجي؟

ردد معاي :

يا ليييييييييييييييييل .. ما اطولك!!

الأخ قيقراوي، فتح الرحمن
سلامات، واريت حالك زين؟ وكل الأمور تمام التمام..

كتبتَ:

Quote: رايك شنو نغني خليجي؟ ردد معاي : يا ليييييييييييييييييل .. ما اطولك!!

أكون مُمْتنَّاً لو قَلبتها خليجية من محَجّة بشّارية، وليست من شِبِّيحية "فالصو" لابن الأسد المحصور!
وإن كان في "مخايل"الثانية شيءٌ من مَحميـّاتَك(!) هذه الأيّام، ففي المحَجّة الخليجية ال"صَحي صحي" شبهٌ أقرب لأبي معاذ بَشـّار، وقد قال:

لم يَـطـُل ليلي ولكن لم أنَم..! ونفى عـنـِّي الكرى طيفٌ ألـَـمْ !














------
وعلى نسَقَك،
تأوّبُ طيفٌ من "دميرة" كاذبِ!
هو كذلك، طَيف.. أتحسّسه لماماً فأستغربه! في روح مشاركاتك،
بعد تلك الأيام! أو قد استحدثتم مستجّداً(!) بعد ذيّاك الطِّراد؟

تحياتي ابا جودة

Quote: بعد تلك الأيام! أو قد استحدثتم مستجّداً(!) بعد ذيّاك الطِّراد؟

ايهههههه!!!
لا دائم الا الدائم ..


اوفي نسختها التي حدثتني بها من لا اشك في استنارتها:

لا ثابت الا المتحول!









-------

ما متذكر و الله حاجة على وجه التعيين ..
لكني اقول وعلى العموم:
قطع شك وعيي اليوم ليس هو الامس ذاته .. بما ان الوعي دالة زمنية

لن تعبر نفس النهر مرتين!
واعتقد ان مياهً كثيرة قد جرت منذها.

شكراً قيقا

على الرد، موافي إلى حد مــا ..! لولا هذه الجملة الأشبه بالاعتراضية!!

Quote: اوفي نسختها التي حدثتني بها من لا اشك في استنارتها:

فبالله عليك: أفصِح، أعرِب، أبِنْ!



ولك المودة

Quote: فبالله عليك: أفصِح، أعرِب، أبِنْ!

العبارة مقطع من نقاش سابق ايام شيوعيتي العتيدة، مع د.شذا بلة















------

الغريبة بعد صرّحت بالاسم حذفتو قبل ما اشوت لشنو ما عارف

خلي بالك الزول بقى عندو هاجس ..
ما معروف الآخرين مواقفم تكون بقت شنو في سيرورة و جدل وعيهم هم

عموماً هي عبارة جات هنا عفو الخاطر ..
ابداً ما قصدت بيها حاجة معيّنة كدا!
واعتذاري لو ازعجتك

Quote: العبارة مقطع من نقاش سابق ايام شيوعيتي العتيدة، مع د.شذا بلة

متذكر يا قيقا النيران التى فتحها صديقنا سامى صلاح وآذرتو فيهو رغم محاولات الشيوعين العديدة لتشتيت الكورة؟
الواضح انو كلنا امتطينا العبارة اعلاه...كلا على حدى...وكلا باتجاه..
فياقيقا يا صاحبي..رحم الله الهوى..كان صرحا من خيال فهوى
او كما قال ابراهيم ناجي في طلله المشهور



______
ابو جودة سلام خاص..ومثله لصاحب البوست حاتم الما معروف شايت وين!!

أرفعوا أيديكم عن حاتم الياأس ذو الباأس..




أقعد بارى لى فى ناس قيقا ديل لمن كورتك تفك وتقعد تجعر
(جيبو لى حاجاااااتى)

_____________
بالنسبة لموضوع مركز الخاتم,
بقيت تجليها واقفة ياعمك






وحاول تتصل يااخى , سائلين عنك

يا دكترة مشتاقين و الله
وين الحي بيك؟

Quote: متذكر يا قيقا النيران التى فتحها صديقنا سامى صلاح وآذرتو فيهو رغم محاولات الشيوعين

قيقا لا ينسى ابداً
قيقا، محض ذاكرة

متذكر تصحيف شهيد قدورة لاسم القروب لـ

Against each other just like Kaizan










------

Quote: لصاحب البوست حاتم الما معروف شايت وين!!

كان عرفتي حاتم اليائس شايت وين كلميني معاك بالله
كورتو اصلاً عاملة كدا هو!

ياقيقا ودكتورة شذى حيرتونا

هسه الموضوع (مركز الخاتم عدلان )
ولاَ (حاتم الياس شايت وين )
ولاَ كورتو الفكت


________
ولاَ الموضوع شنو بالظبط

Quote: ولاَ الموضوع شنو بالظبط

انت رايك الموضوع يكون شنو!؟












-------

ترانا كلنا متمحنين وقلوبنا محتارة .. وبنسأل من لدن ابو جودة ولي عند شذا بلة

كدي نورنا انت .. انت لحدي اسي فهمت شنو من البوست الاساسي .. ومن صاحبو؟
خليك مننا نحن ديل ..
ترانا طاقين حنك ساي
بالجد فرحت لجية ابو جودة وشذى و مناسبة ذاتو الزول يسالم
الدنيا دي فيها شنو هي؟

Quote: انت رايك الموضوع يكون شنو!؟

والله ياقيقا
حاتم الياس لحدى ماجانا هنا زيارة فى هولندا ,

كان فى أمانة الله


بعداك والله ماعارف الحصل شنو

__________

الغريبة انو صاحبتنا ميكا قالت الزول دا كويس,
بس نقتو كتيرة

Quote: الغريبة انو صاحبتنا ميكا قالت الزول دا كويس, بس نقتو كتيرة

ؤصاحبتكم ميكا دي ماهو معيارها؟

زول ورقو زائد .. ؤ فاطي سطر ..
كيف يكون زول كويس!؟









------

لو بتقصد كمان من ناحية ثقافية ..
تكون هي ذاتا ما مثقفة

لا إزعاج ولا حاجة، يا عزيزي

بل أنا الآسف، إن حمّلت عباراتك أكتر ممّا تحتمل! والحال أنني "أزعُم" بأني من العارفين
بطبيعة مشاركاتك التداخلية(وإنّها بنظري طيِّبة وعالمة) والمقروءة من جانبي، كثيراً ما وجدت شارتك الإخوانية على الصفحة الرئيسية
بالبورد.

التحية ليك، والتحية للأُخَيّة العزيزة د. شذى (إيزابيلا)؛ وطالما إنها منها، فهيَ من "عينٍ صافية" فخُذها
ولا تتردد.

--



يا قيقا..
باقيلك ارسلّو تحية برضو؟ هذا ال "حاتم الياس" ...؟
تفتكر بتجرّو! - أعني التحية - علينا جاي؟!! الله العليم

لا إزعاج ولا حاجة، يا عزيزي

بل أنا الآسف، إن حمّلت عباراتك أكتر ممّا تحتمل! والحال أنني "أزعُم" بأني من العارفين
بطبيعة مشاركاتك التداخلية(وإنّها بنظري طيِّبة وعالمة) والمقروءة من جانبي، كثيراً ما وجدت شارتك الإخوانية على الصفحة الرئيسية
بالبورد.

التحية ليك، والتحية للأُخَيّة العزيزة د. شذى (إيزابيلا)؛ وطالما إنها منها، فهيَ من "عينٍ صافية" فخُذها
ولا تتردد.

--



يا قيقا..
باقيلك ارسلّو تحية برضو؟ هذا ال "حاتم الياس" ...؟
تفتكر بتجرّو! - أعني التحية - علينا جاي؟!! الله العليم

Quote: باقيلك ارسلّو تحية برضو؟ هذا ال "حاتم الياس" ...؟ تفتكر بتجرّو! - أعني التحية - علينا جاي؟!! الله العليم

الله العليم

حاتم دا حالة ميئوس منها ..

اهو كل مرة بجي برمي ليو دراب كلامات و يمضي لحال سبيله لا يلوي على شئ
الود عامل فيها متنبئ زمانه ؤ كدا!

المافي شنو!؟
على الاقل ضامن زبونين دائمين .. انا و دينق!










------

صدق بسأل من (عربواسلامية) يعني شنو؟
يئست من تثقيفو انا هنا.

Quote: على الاقل ضامن زبونين دائمين .. انا و دينق!

ياأخى والله دينق بقى بتجدع ليك فى حاتم دا جديع



هييييه مادوَامة


____________
((((((((( (الحركة دى ميس كول, ياحاتم اليأس اليأس الياأس)

التحايا لكم، قيقا، الجيلي و إيزابيلا، وتحية لعزيزنا ودالياس، وتحية لعزيزنا دينق، ومن هنا
فإنني مُتنازل عن سؤالي لــDeng
حتى لا يلحق لينا -في الوست ده - أُمّات طه! غيبة كحاتم!

شو حاتم! هيك مو مِليح باللله!

نان آ جماعة، حاتم ما غتس الغتسة اليا ها ا ...!

وزي ما قال الجيلي، هو الموضوع إيه بالضبط يا قيقا ...؟

القبول عندك يا "قيقا" .. حاتم قال باص، وانا باص، وما تآخد إسنا في قبولك يا مان








-----
الشبكة كانت كعبة تب عندنا أمس! فاعذرونا واعذرو الكوتش!

والله ياجودة

حاتم دا كورتو فكت من زمان ,


لكن هسه المحيرنى انو قيقا ذاتو حصَلو لوووووول


_________

كمثال

Quote: ؤ فاطي سطر

دى تكون الواو الضكر ياعمك

Quote: (عدل بواسطة حاتم الياس on 14-02-2012, 08:36 PM) (عدل بواسطة حاتم الياس on 14-02-2012, 08:39 PM) (عدل بواسطة حاتم الياس on 14-02-2012, 08:42 PM) (عدل بواسطة حاتم الياس on 14-02-2012, 08:46 PM)

شوفتا الرجفى دا كيف

Quote: وما تآخد إسنا في قبولك يا مان

أيوة ياأخى
أديهو بالفجة الفيها الحديدة لووووووووول

والله يا جيلي، قيقا دا ها، أنا عندي الأيامات دي "The Icon" آيقون "ة" البورد

الله لا يحرمنا من مداخلاتك يا فتاح؛ كما حُرمنا من "........ " أخونا حاتم الياس!!

يا جيلي، الموضوع ده، كان غلبنا نقرعوا، تعالوا نلفى الجافلات!! وما أكترهِنَّ!

طِبتم،،

Quote: دى تكون الواو الضكر ياعمك

وانت السادق دي (او) بشاشا
















-------

قارن الصوت بالصوت الدراجي

ووووووووواو ..
ح يدهشك التشابه ؤ كدا!

سلام يا شـــذى


وسلامٌ على "الأطلال" بناجيها وأم كلثومها، ويُسرى محنــوش ..! Tunnesian Super Star


..............
......
..

في انتظار جودو الياس!
وحريص، عليكِ، يا إيزابيلا، على إسهامك في البوست ده، إن التأمت صيرورة له!



التحايا لِـ قيقا، والجيلي، وربرضو .. حاتم الياس

المتنبئ دى حرقتنى ياقيقا..
الجيلى..سلامات ياأبوالجيل ورحم الله الحبيبة ميكا ياخى
شذى بله...ازيك انا شايت فى اتجاه أعادة الأعتبار للقدرات الشعبية فى التغيير حاجة كده زى مابتقول الأغنية (عندى معهد وطنى العزيز) ممكن تقلبيها عندى مركز وطنى العزيز..دى نكته ولاتحيل الى غير ذلك

ياأبوجوده سلامات يارافى وبالمره من أرشيفكم جيب ندوة عبدالسلام نور الدين الأخيرة والقديمة يتاعت فاروق جادكوث وماتنسى أصدارة الباقر بتاعت الهاربين من جلودهم وبعدين ياصديق خط المركز مشتبك تماماً مع فكرة القائمين عليه الأن يعنى القصة ماقصة ندوات وبس (مع التأكيد على دور المركز المهم وتعرف رائى فى ذلك كتبته هنا)



--
أبوجوده انا ممكن اقول باص ماعندى مشكلة فى ذلك عادى جداً ..لكن بس عندى شكوك ما..هل المركز ماسك قوى فى حق جميع التيارات الثقافية والفكرية فى أن تعبر من خلال منبره أم هو ساحة لنوع محدد من الخطاب


--
ياقيقيا لوواصلت الزرزره...يقوم هسع اتحول ..لبنيوي

Quote: المتنبئ دى حرقتنى ياقيقا..

ليه يا حاتم
مافوقا منقصة بالمناسبة .. بل تأكيد المدح بما يشبه البل

قاصد الاحالة دي انا:

أنام ملء جفوني عن شواردها .... ويسهر الخلق جرّاها ويختصم

بس (بكسر الباء)








------

Quote: ياقيقيا لوواصلت الزرزره...يقوم هسع اتحول ..لبنيوي

اتحول زي ما عاوز ..
كل يومٍ هو في شأن .. المافي شنو.. مافي ثابت غيرو
انت مالو استنارتك تعبانة كدا .. جمرة خبيثة!؟

بس تعال عليك الله ما تفكا فينا ساي!

Quote: ياأبوجوده سلامات يارافى وبالمره من أرشيفكم جيب ندوة عبدالسلام نور الدين الأخيرة والقديمة يتاعت فاروق جادكوث وماتنسى أصدارة الباقر بتاعت الهاربين من جلودهم وبعدين ياصديق خط المركز مشتبك تماماً مع فكرة القائمين عليه الأن يعنى القصة ماقصة ندوات وبس (مع التأكيد على دور المركز المهم وتعرف رائى فى ذلك كتبته هنا) خط المركز مشتبك تماماً مع فكرة القائمين عليه ....!! -- أبوجوده انا ممكن اقول باص ماعندى مشكلة فى ذلك عادى جداً ..لكن بس عندى شكوك ما..هل المركز ماسك قوى فى حق جميع التيارات الثقافية والفكرية فى أن تعبر من خلال منبره أم هو ساحة لنوع محدد من الخطاب

خط المركز مشتبك تماماً مع فكرة القائمين عليه خط المركز مشتبك تماماً مع فكرة القائمين عليه عندى شكوك ما


عندى شكوك ماعندى شكوك ماعندى شكوك ماعندى شكوك ما



عزيزي حاتم، والجميع، سلامات

إن حصلت لخبطة، ففي الغالب لسبب من الــMozilla Firefox >>> وكده .. يامان!


سأعود، بعد عودتكم

مع التحايا

Quote: انا شايت فى اتجاه أعادة الأعتبار للقدرات الشعبية فى التغيير

يا عصمت(حاتم)

دي معناها يا جماعة أستضيفوني.غايتو جنس قوة عين.

يا ربي تكون عاوز تحاضر الناس عن"نظرية الثورة العربية"

تشمها قدحة يا سيف الدولة(حاتم)