Post: #1 Title: البشير : الناس لقت قروش البترول واسترخوا وما عاوزين يشتغلوا Author: azz gafar Date: 02-13-2012, 03:56 PM
رغبه ملحه فى الغثيان تنتابنى كلما أسمع حديثا ما للسيد الرئيس ... فلا أعرف هل هو اهبل ام كذاب ام عبيط .. فقط أقول من أين أبتلتنا السماء بك ... البشير : الناس لقت قروش البترول واسترخوا وما عاوزين يشتغلو بقينا نجيب في العمال من كل اصقاع الدنيا لان اهلنا كل واحد خلف كراع فوق كراع وكل واحد بقى عمدة وما في زول عاوز يشتغل طلبة و وما في زول عاوز يشتغل كناس و ما في زول عاوز يشتغل عامل بناء ولا في زول عاوز يشتغل عامل زراعة
Quote: البشير : الناس لقت قروش البترول واسترخوا وما عاوزين يشتغلو بقينا نجيب في العمال من كل اصقاع الدنيا لان اهلنا كل واحد خلف كراع فوق كراع وكل واحد بقى عمدة وما في زول عاوز يشتغل طلبة و وما في زول عاوز يشتغل كناس و ما في زول عاوز يشتغل عامل بناء ولا في زول عاوز يشتغل عامل زراعة
إتو يا جماعة الخير قروش البترول دي وزعوها على الناس وإحنا ما جايبين خبر؟؟؟
سمح وينو حقنا،،، شكيتك لي الله يا البشير كان قسمتها وما أديتني حقي فيها.....
Post: #3 Title: Re: البشير : الناس لقت قروش البترول واسترخوا وما عاوزين يشتغلوا Author: عادل خياري Date: 02-14-2012, 05:41 AM Parent: #2
كدى ياريس اسمع كلام الشاعر محمد الحسن سالم
يا ريِّس صباح الخير ::: تــراها الحالـــه خمسـه سنين نجابد فى القرايـــــه رجالـــه خلاس كِمِل الصبر بقت الأمور بطَّالـــــه ونحـــن أولاد رواعيَّـــه ::: وكمان ترباله قضينا الخدمة في الميدان كتال وبساله ومدغنا الصبر في صي نسايمه علالة بعد جبنا الشهادات البوظف شالها ود ناسك مدير الا الكفاءة عطالة الدكتور وحاتك جوكي سايق الرقشة وابشنبات مصاقر البيت مع ناس عشة يا حرسو المسورن لا كديب لا حش ولا انقد بي السنبك تجيبو الكشه اكلوا لحمنا ناس الحلة قالو عطالة مرات طُلب ومرات كتار عتاله بعد ما رضينا يا ريسنا نبقي عماله فتحولنا الحدود لي الحبشه والبنقالة
Post: #4 Title: Re: البشير : الناس لقت قروش البترول واسترخوا وما عاوزين يشتغلوا Author: عادل خياري Date: 02-14-2012, 05:48 AM Parent: #3
Post: #5 Title: Re: البشير : الناس لقت قروش البترول واسترخوا وما عاوزين يشتغلوا Author: Hisham Ibrahim Date: 02-14-2012, 08:09 AM Parent: #4
والله يمكن ياالشايقي يكون البطانه الحولو دي
لمن جابو ليهو تقارير توزيع عائدات البترول كاتبين ليهو
بند فيهو ( توزيع كل عائدات البترول كاش على الشعب )
وهو طبعاً إيمانو بي بطانتو السوء دي ما بتتحمل شكـ ..!
الا كده ما ليها تفسير تاني ..
Post: #6 Title: Re: البشير : الناس لقت قروش البترول واسترخوا وما عاوزين يشتغلوا Author: Hani Arabi Mohamed Date: 02-14-2012, 08:45 AM Parent: #5
وين نصيبي من قروش البترول ؟
ما يكون في زول مضى واستلم مكاني
Post: #7 Title: Re: البشير : الناس لقت قروش البترول واسترخوا وما عاوزين يشتغلوا Author: jini Date: 02-14-2012, 09:44 AM Parent: #6
Quote: البشير : الناس لقت قروش البترول واسترخوا وما عاوزين يشتغلو بقينا نجيب في العمال من كل اصقاع الدنيا لان اهلنا كل واحد خلف كراع فوق كراع وكل واحد بقى عمدة وما في زول عاوز يشتغل طلبة و وما في زول عاوز يشتغل كناس و ما في زول عاوز يشتغل عامل بناء ولا في زول عاوز يشتغل عامل زراعة
يشتغل هو رئيس وداير الناس يشتغلوا كناسين وبنايين وطلب وعمال زراعة! الكانوا راضين بالوظائف دى اتفاسلت معاهم الحقنة ما رضيت تديها ليهم لمن شالوا ارضهم ومشوا! بالله فى زول بشتم اهله كدا! ما يفوتكم الكلام دا موجه لى كرم الله! يعنى هو كرم الله برة الحسبة! حيرتو برما ظاتو! جنى
Post: #8 Title: Re: البشير : الناس لقت قروش البترول واسترخوا وما عاوزين يشتغلوا Author: البحيراوي Date: 02-14-2012, 10:03 AM Parent: #2
Quote: إتو يا جماعة الخير قروش البترول دي وزعوها على الناس وإحنا ما جايبين خبر؟؟؟
سمح وينو حقنا،،، شكيتك لي الله يا البشير كان قسمتها وما أديتني حقي فيها.....
الأخ الشايقي
تحياتي - والله العظيم عندنا في البلد ناس الزكاة سجلوا ناس محتاجيين للزكاة وبقوا يصرفوا بهذا الأسماء لمن الجماعة جوا بنفسهم وقالوا ليه يا ناس حرام عليكم نحن يوم واحد مدينا يدنا وقلنا عايزين زكاة. !! ومن ديك وشطبوهم لكن مافي أي إجراء تم في مواجهة هؤلاء!! ودار ما دخلك شر!!!
يعني حكاية نصيبك في البتروك دا !! إحتمال في زول سجلك وأخد نصيبك كااااش !! وجاب ليه صورة ليك خالف رجل على رجل وقال ليه دا مو الشايقي المجدع دا ولا غيره ؟؟