Post: #1
Title: فخامة البشير حشاش بي دقنو!
Author: jini
Date: 02-13-2012, 09:21 AM
Parent: #0
Quote: وقال البشير "رب ضارة نافعة " الناس لقت قروش البترول واسترخوا وما عاوزين يشتغلو بقينا نجيب في العمال من كل اصقاع الدنيا لان اهلنا كل واحد خلف كراع فوق كراع وكل واحد بقى عمدة وما في زول عاوز يشتغل طلبة و وما في زول عاوز يشتغل كناس و ما في زول عاوز يشتغل عامل بناء ولا في زول عاوز يشتغل عامل زراعة
وقال موجها حديثه الى كرم الله والى لقضارف " يا كرم الله ، نحن راجعين لي زراعتنا دي وح نطورها وح نرفع عائداتها ونرفع مزراعينها وح نزيد العائد منها واي مزارع ان شالله موعود وح نحقق كل الكلام الكان بيسمعوه من حزم تقنية ونهضة زراعية وح نتوسع في الزراعة افقيا وراسيا وح نعمل قيمة مضافة وح نصنع والمصانع ح تشتغل والتعدين ح يشتغل.
|
شتيمة عينك عينك!
واذا العمدة مابشتغل رئيس العمد الزيك دا بشتغل!
من الهه خلقنى ما شفت جنس الفليع دا!
جني
|
Post: #2
Title: Re: فخامة البشير حشاش بي دقنو!
Author: أيمن الطيب
Date: 02-13-2012, 09:30 AM
Parent: #1
سلام يا جنى ,,,
حاج كرم الله دا بالذات وتحديدا منو جكة ولما يمسك مايك العالم ديل بتلبشوا وببقوا فى أمرا بالحيل ضيق!!!
فكان لا بد من محاولات تهدئة وجر ناعم شوية عسى أن يكفهم شر لسانه الفلقة..
عمك كرم الله دا بضرب تحت الحزام ولا يبالى,,
ياخ دا مرعب..
|
Post: #3
Title: Re: فخامة البشير حشاش بي دقنو!
Author: jini
Date: 02-13-2012, 09:45 AM
Parent: #2
| Quote: عمك كرم الله دا بضرب تحت الحزام ولا يبالى,, |
بين الركبة والصرة
زكرتني المسطول النزل من الطيارة خاتي بنطلونو فوق كتفو ضابط الجمارك سالو دا شنو يا خونا مالص بنطلونك
المسطول : يا خي المضيفة دي كرهتنا اربطوا الحزام فكوا الحزام قلنا نريحها!
اها اخونا كرم الله البشير كرهو!
جني
|
Post: #4
Title: Re: فخامة البشير حشاش بي دقنو!
Author: jini
Date: 02-13-2012, 09:53 AM
Parent: #3
تعرف ايمن
كرم الله دا حوار الترابي مذاكر بروتوكولات بني كيزون كويس
اقل شخشخة يوريك قديم ما سمعت بيهو مازى علي خلوها مستورة!
كرم الله طوالي بوريك العينة!
تكتر تقلل بصرف ليك منها بعداك تسمع صلي على النبي يا شيخ كرم الله
وكرم دا فى الشتايم كريم جنس كرم
عشان كدة ولاية القضارف صارت من فصيلة المحميات!
حيوانات وحشية كدة
سمعت ليك صحفي جاب سيرة القضارف وكدة!
يمين الله كرم الله يشتموا ليك شتيمة ما اتشتمها حكم في الليق!
يا جماعة كيكي ما يدخل البوست دا
جني
|
Post: #6
Title: Re: فخامة البشير حشاش بي دقنو!
Author: تولوس
Date: 02-13-2012, 10:51 AM
Parent: #4
| Quote: يمين الله كرم الله يشتموا ليك شتيمة ما اتشتمها حكم في الليق! |
ما للدرجة دي يجني ياخ
بس هو زوول حقاني
|
Post: #5
Title: Re: فخامة البشير حشاش بي دقنو!
Author: اسعد الريفى
Date: 02-13-2012, 10:07 AM
Parent: #1
| Quote: الناس لقت قروش البترول واسترخوا وما عاوزين يشتغلو |
| Quote: كل واحد خلف كراع فوق كراع |
الحمد لله الما قال " و بيسمعوا بافاروتى كمان"
|
Post: #7
Title: Re: فخامة البشير حشاش بي دقنو!
Author: حافظ انقابو
Date: 02-13-2012, 11:24 AM
Parent: #1
الحكومة اليومين دي بقت تصطاد في الموية العكرة
وسيادة المشير دا اليومين دي كتر كلامو الله يهون عليهو
ويا جني ما بسألك
سلامات
|
Post: #8
Title: Re: فخامة البشير حشاش بي دقنو!
Author: احمد خليل
Date: 02-13-2012, 11:42 AM
تحياتى
ياجماعة الخير
ديل منو الروقو ديل وختو كراع فى كراع!!!!!!!!!!!
الزول ده بيتكلم عن بلاد السودان الشقيق ولا حته تانية!!!
والله انا قريت خطاب ال(البشكير)!!مره اضحك ومره ابكى ومره تغلبنى القراية من (الهسترة)!!!
kofi
|
Post: #9
Title: Re: فخامة البشير حشاش بي دقنو!
Author: Mohamed Yassin Khalifa
Date: 02-13-2012, 12:21 PM
Parent: #8
يا حيدر الظاهر إنو كلامك غلط.. مع الاسف
| Quote: طبع كرم الله عباس الشيخ والي القضارف، قبلةً على جبين الرئيس عمر البشير في ختام مخاطبة الرئيس لحشد جماهيري نوعي بمشروع سدي أعالي عطبرة وستيت أمس |
الزول ده بيبوس ويبوس ويبوس.. هو البوس بقروش؟
دي عصابة فاتت المافيا!
|
Post: #10
Title: Re: فخامة البشير حشاش بي دقنو!
Author: Mohamed Yassin Khalifa
Date: 02-13-2012, 12:27 PM
Parent: #9
عليك الله شوف المحن دي
| Quote: كرم الله يُقبِّل رأس البشير
الرئيس: منجزات التنمية تثير الآخرين ولن نتراجع أو نتخاذل
الشواك: عمرو شعبان - الإثنين 13 فبراير 2012م، 20 ربيع الأول 1433هـ 476491
طبع كرم الله عباس الشيخ والي القضارف، قبلةً على جبين الرئيس عمر البشير في ختام مخاطبة الرئيس لحشد جماهيري نوعي بمشروع سدي أعالي عطبرة وستيت أمس، فيما تَعهّد البشير أمام العاملين في المشروع بالوفاء لذكرى الشهيد الزبير محمد صالح، وقال: ذكرى الشهداء بالنسبة لنا محطات كبيرة لأننا جلسنا معهم نخطِّط وندبِّر لإنفاذ ثورة الإنقاذ الوطني، وشهد معنا لحظات التحدي والمخاض الأولى الصعبة، وهم من تعاهدنا معهم عهداً موثقاً بأن نبني هذه البلاد وأن نحافظ على هويتها ودينها واستقرارها. وعدّ البشير يوم زيارته للمشروع استثنائياً لجهة تزامنها مع الذكرى السنوية لاستشهاد رفيق دربه الزبير، وقال: في هذا اليوم نتذكّر عهدنا مع الزبير وكأنّه موجودٌ حيٌّ بيننا لذكراه وإخوانه وشبابه الذين مضوا، ونحن بدورنا لن نتراجع ولن نتخاذل أو نخون عهداً. ######ر البشير من منحة الجنوب للسودان لسد الفجوة الاقتصادية، وقال: (قالوا يريدون أن يمنحوننا منحة من البترول الذي استخرجناه نحن)، وأكد عدم قبول المنحة، وأضاف: نحن يدنا عليا وستظل عليا ولا يمكن أن تكون سفلى ولن نقبلها منهم، وخيّر البشير الجنوب بين سداد الاستحقاقات أو عدم عبور النفط عبر الأراضي السودانية، وقال: لدينا حقوق إما أن يدفعوها لنا أو يذهبوا بأنبوبهم إلى مكان آخر، وأشار البشير إلى مخطط رسمته جوبا لإسقاط حكومة الخرطوم في مدى زمني عمره شهرين عبر إغلاق أنبوب النفط، وأردف: قرّروا إغلاق بترولهم ليموت الناس وتسقط الحكومة وحدّدوا شهرين لإسقاطها، ونحن نقول: البترول أو الزراعة أو الذهب كلها أرزاق بيد الله ولم يخلقها ليتصارع الناس، وتوقع أن تغطي عائدات الذهب ما فقده السودان من عائدات البترول بمبلغ (2.5) مليار دولار خلال العام الحالي. وأكد البشير أن منجزات التنمية في السودان تثير الآخرين - في إشارةٍ للجنوب - وقال: (كل إنجاز نحققه أو تقدم نحرزه أو خطوة نخطوها للأمام تثير إخوانا ديل ويزداد وجعهم وألمهم وبدورنا سنواصل وحنورِّم فشفاشهم ونفقع مرارتهم). ووصف البشير، الطريق الذي يسير فيه السودان بطريق الأنبياء والرسل والدعاة لأنه ملىء بالابتلاءات التي اعتبرها من مَعالم السودان، وقال: التحديات مستمرة، وهو طريق نعرفه وملىء بالابتلاءات وكأي طريق له معالم، فإنّ طريقنا الذي نسير عليه معالمه الابتلاءات والتحديات، وزاد: وكما الأشياء تُعرف من أضدادها، فنحن الآن ننظر من يقف ضدنا في العالم ومن يقف ضدنا في الداخل، وتابع: خارجياً هو الحلف الصليبي الصهيوني، وداخلياً أحزاب جوبا وتجمع (كاودا)، وزاد: كلهم ملة واحدة، لكننا عازمون على المضي قُدُماً في طريقنا مستعينين بالذي جعلنا نصمد (22) عاماً لنصل إلى ما نشهده الآن من عمل بهذا الحجم. وألمح الرئيس إلى قيام المجموعات والشركات والجهات المموّلة لسدي مروي والروصيرص بتوجيه تمويلها إلى كجبار والشريك وذلك في أعقاب إنفاذها للمشروعات المقررة إبتداءً، وقال: نشكر شركاءنا في التنمية والشركات العاملة معنا والجهات المموّلة في سدي مروي والروصيرص، والتي ستموّل في القريب كجبار والشريك. |
الراي العام
|
Post: #12
Title: Re: فخامة البشير حشاش بي دقنو!
Author: اسعد الريفى
Date: 02-13-2012, 01:11 PM
Parent: #10
Quote:
فإنّ طريقنا الذي نسير عليه معالمه الابتلاءات |
كده جيت من الاخر
|
Post: #11
Title: Re: فخامة البشير حشاش بي دقنو!
Author: مدثر صديق
Date: 02-13-2012, 12:36 PM
| Quote: طبع كرم الله عباس الشيخ والي القضارف، قبلةً على جبين الرئيس عمر البشير في ختام مخاطبة الرئيس لحشد جماهيري نوعي بمشروع سدي أعالي عطبرة وستيت أمس |
http://www.rayaam.info/News_view.aspx?pid=1243&id=102893
|
Post: #13
Title: Re: فخامة البشير حشاش بي دقنو!
Author: Elawad
Date: 02-13-2012, 05:22 PM
Parent: #11
عارف يا جني الطغاة ديل لمن يصلو المرحلة دي و مرحلة الاستهتار بشعوبهم صراحة دي بتكون علامات النهاية. تتذكر خطابات نميري الأخيرة؟ لمن قعد يقول الناس يقولوا بثينة تلبس تياب بكم ما تلبس بثينة مرة نجار ما مرة رئيس. نسأل الله أن تكون هذه آخر خطابات يسمعها شعبنا في ظل هذا النظام الديكتاتوري المتسلط. و أن يهيئ الله له بديلا يمضي به في طريق الخير و الرخاء.
|
Post: #14
Title: Re: فخامة البشير حشاش بي دقنو!
Author: jini
Date: 02-14-2012, 09:30 AM
Parent: #13
Quote: الزول ده بيبوس ويبوس ويبوس.. هو البوس بقروش؟
|
يا عزم ليهو يا تف ليهو!
كرم الله البنعرفوا ولا واحدن كتر!
جنى
|
|