Post: #5 Title: Re: بامبالونا Author: عبد اللطيف بكري أحمد Date: 02-11-2012, 10:29 PM Parent: #4
Quote: يبدو أن برشلونة فقد المنافسة على لقب الليجا بنسبة كبيرة عندما سقط أمام أوساسونا بنتيجة 3-2 اليوم السبت، في اللقاء الذي جمع بين الفريقين ضمن منافسات الأسبوع الثالث والعشرين من الدوري الإسباني على ملعب رينو دي نافارا. وتوقف الفارق بين برشلونة (48 نقطة) وريال مدريد عند سبع نقاط، وبإمكان الملكي زيادة الفارق إلى عشر نقاط في حال فوزه غداً على ليفانتي.
موقع كورة
شايل هم للآتية أسماؤهم: ابوحسين ومرتو وعيالو تمبس صبري طه والكونت وكل الكاشوال فانز،، البشاري ترى سجل حضور
مبسوط لود الصايم وكل الميرنغية
Post: #6 Title: Re: بامبالونا Author: طه إبراهيم عبد الله Date: 02-11-2012, 10:44 PM Parent: #5
هييييييه يا عبد اللطيف الكورة مدورة أو كما قال عمر البشير
حالة تحنن العدو وعليك أمان الله جماعتي ( كايداهم وعيالها ) من نهاية الشوط الأول شتتو شافو الموضوع مستحمي قالو أحسن إنومو قدر ما حاولت أساعد برفع المعنويات وإنو البرشا بيعود عادي جدا والفريق دا في الذهاب أخد تمانية وو ووو كلو ما جاب نتيجة قالت إيه طبعا أكيد حا يعود لكن والله نعست وبكرة عندنا يوم عمل طويل وما عارف اجتماع مجلس كلية وعيييييييك ولا عزاء لصبري وهارون دياب
Post: #7 Title: Re: بامبالونا Author: عبد اللطيف بكري أحمد Date: 02-11-2012, 11:03 PM Parent: #6
اوووووه حبيبنا طه سلام يا ذوق
وكتيرين بيني بينك عملوا غمرانين!!
المدام بدق عليها عايز أحول ليها قروش بقت مابترد الحمد لله ، الله وفر علي قروشي اضافة لعشرة نقاط كااااملة،،
هارون ورهطه بعد دا يشوفو العجب !!!! هههههه تحيات ياحبيب وحبابك (عشرة) وصدقني من هنا ولي قدام استمتع بالرييييال
Post: #8 Title: Re: بامبالونا Author: الامين موسى البشاري Date: 02-12-2012, 00:02 AM Parent: #7
يا عمكــ برشلونة شنو نحن مع الريال في كل مكان .. والله صحي كده الليقا في الجيب يا حبيب
