Post: #1
Title: ياناس الاتصالات (سودانى) و MTN صلحوا شبكاتكم عشان نعرف نتكلم مع اهلنا
Author: Mohammed Ahmed Saeed
Date: 02-11-2012, 11:38 AM
Parent: #0
مشاكل عدة ومحاولات عديدة حتى نتمكن من الوصول لاى تلفون من سودانى او ام تى ان واحيانا يبدا الخصم من حسابك والتنزيل من رصيدك وتكون غير سامع الطرف الاخر .
drive Tester و Rigger ممكن يحلو هذة المسالة الغير معقدة ياناس سودانى وام تى ان عندنا عيال عايزين نطمئن عليهم اللة يخليكم صلحوا شبكاتكم دى نحن خارج البلد وماعندنا وسيلة اتصال غير موبايل الجن دا وبقروشنا ماقادرين نتواصل مع اهلنا.
|
Post: #2
Title: Re: ياناس الاتصالات (سودانى) و MTN صلحوا شبكاتكم عشان نعرف نتكلم مع اه
Author: Mohammed Ahmed Saeed
Date: 02-28-2012, 09:54 AM
الليلة ياناس سودانى وام تى أن وكذلك زين عملتوهو افرش وتخين متصل على السودان وعلى مدينةالخرطوم بحرى ورقم محدد تدخل على حرمة وتزجرنى والسبب انتو ياجماعة صلحوا لينا الشبكات دى عشان نعرف نتصل على الاشخاص العايزين نتصل عليهم ونضرب ليهم وتلفوناتنا ماتبقى ذى اقتصادنا.
الاشياء التى نعانى منها
1- تتصل على السودان يبدأ الخصم من حسابك ولازلت تسمع فى جرس ومافى حد بيرد
2- تتصل على رقم بالسودان تسمع ردود من جهة اخرى غير المتصل عليها
3- تتصل على السودان مافى اى خط افتح معاك .
دى المشاكل البتواجهنا لمن نتصل السودان
ياناس شركات الاتصالات بالسودان
دا اعتبروة جزء من customer Satisfcation survey البتعملوة وحلوا مشاكل الصيانة العندكم وواعة تقوقا مافى دولار لقطع الغيار دا ماشغلنا.
|
Post: #3
Title: Re: ياناس الاتصالات (سودانى) و MTN صلحوا شبكاتكم عشان نعرف نتكلم مع اه
Author: محمد الزبير محمود
Date: 02-28-2012, 03:31 PM
Parent: #2
اوافقك تماما وأحيانا كثيرة يرد عليك ناس بصوت هندي ؟؟؟
|
Post: #4
Title: Re: ياناس الاتصالات (سودانى) و MTN صلحوا شبكاتكم عشان نعرف نتكلم مع اه
Author: البحيراوي
Date: 02-28-2012, 10:24 PM
Parent: #3
الأخ محمد أحمد سعيد
تحياتي وشكراً أن كفيتني مشقة فتح بوست بهذاالمعني حيث نواجه مشكلة التواصل مع أهلنا بالسودان من قبل شركات الإتصالات وتحديداً أم تي أن وسوداني تلكم الشركات التي عشمتنا بأنها بدأت من حيث إنتهى الآخرين لكن في مثل هذه الحالة التي نعانيها لأكث رمن شهر فقد إنتابنا إحساس بأننا قد بدأنا من حيث بدأ الآخرون .
ونماذج كثيرة لحالات غش يتجلى في الخصم أو محاسبة أصحاب الكبان على إتصالات لم تتم بعد أو يأتيك رد من لبنان أو الهند أو من السودان لأشخاص غير معروفين لديك وكل ذلك بثمنه بالطبع. فهل يا تري المشكلة فنية أم مفتعلة من قبل هذه الشركات ومعها جهات أخري متواطئة معها ؟؟؟؟؟؟؟؟ ويا ريت يستطيع أحد الفنيين توصيل هذه الرسالة أو تتضافر جهودنا وننحت تفكيرنا في تبني موقف واضح من هذه الشركات بعدم التعامل معها وقيادة حملة مضادة لكل دعاية تحاول هذه الشركات تقديم مفسها للمستخدمين !!\
بحيراوي
|
Post: #5
Title: Re: ياناس الاتصالات (سودانى) و MTN صلحوا شبكاتكم عشان نعرف نتكلم مع اه
Author: Mohammed Ahmed Saeed
Date: 02-29-2012, 07:29 AM
Parent: #4
الاخوة الافاضل
محمد الزبير
وبحيراوى
لازالت المشكلة القائمة منذ امس احاول الاتصال على رقم لشخص متواجد بمدينة مدنى وقلب مدنى القسم الاول وحاولت فى اوقات مختلفة صبح نصف النهار وبعد المغرب.
ناس الشركات اكثر ناس بيدخلوا على النت فى السودان لانو مجانى ليهم واكيد شافوا وسمعوا وعارفين مانعانى منة.
قبل اسبوع كنت والاخ ايمن مبارك ابوالحسن وهو عضو بالبورد نناقش فى موضوع حدودشركات الاتصالات والتزاماتها تجاه المجتمع لانو لفت نظرنا انو لحدما سوداتل تقوم ببناء بعض الصروح المفيدة للمجتمع كالمستشفيات( مستشفى الاطفال كوستى ومركزصحى بالعيلفون)حسب علمى وزين تهتم بالحفلات والبهرجة التى يتبعها زخم اعلامى وام تى ان لاهذا ولاذاك.
عموما فى مشكلة كبيرة جدا فى الاتصال على السودان من السعودية ياناس الاتصالات وياناس هيئة الاتصالات الرقيب الشرعى على شركات الاتصالات العاملة بالبلدشوفو لينا حل اللة يصلحكم.
|
Post: #6
Title: Re: ياناس الاتصالات (سودانى) و MTN صلحوا شبكاتكم عشان نعرف نتكلم مع اه
Author: أيمن دياب
Date: 02-29-2012, 08:00 AM
Parent: #5
| Quote: عموما فى مشكلة كبيرة جدا فى الاتصال على السودان من السعودية |
مشكلة كبيرة جدا أخي محمد أحمد..
وأعاني من أكثر من يومين في محاولات الاتصال التي تستهلك الرصيد دون فتح الخط..
كل ما نريده هو (تحديد المشكلة)..
ولي تساؤل: هل للتخفيضات التي أعلنتها شركات الاتصال في السعودية أثر على زحمة الخطوط؟
|
Post: #7
Title: Re: ياناس الاتصالات (سودانى) و MTN صلحوا شبكاتكم عشان نعرف نتكلم مع اه
Author: محمد عبد الماجد الصايم
Date: 02-29-2012, 08:47 AM
Parent: #6
ياخ ديل قدّونا قد!!
كل الشبكات بلا استثناء!
بعدين ناس الرصيد قصتم ساهلة ياخ!
نحن ناس الفواتير ديل روحنا طلعت!!
|
Post: #8
Title: Re: ياناس الاتصالات (سودانى) و MTN صلحوا شبكاتكم عشان نعرف نتكلم مع اه
Author: محمد الامين محمد
Date: 02-29-2012, 09:41 AM
Parent: #2
ابعد اولاد من المواسير
|
Post: #9
Title: Re: ياناس الاتصالات (سودانى) و MTN صلحوا شبكاتكم عشان نعرف نتكلم مع اه
Author: Mohammed Ahmed Saeed
Date: 02-29-2012, 01:48 PM
Parent: #8
الافاضل \ ايمن ود الصايم ومحمد الامين
نشكركم على المرور
وحقنا خلايناهو للة
نرفع الشكوى لى فوق كان واحد فيهم شوية يحس ويخجل واصلح العطب محل الشكوى واشك فى ذلك هو فى عوج انعدل فى سودانا دا.
|
|