مغترب يتفاجأ بزوجته في عصمة رجل آخر

نقلا عن الراكوبة

تفاجأ مغترب بعد عودته للبلاد من رحلة اغتراب طويلة بليبيا أن زوجته فى عصمة رجل آخر ، وأصيب بصدمة كبيرة دفعته لتدوين بلاغ بالمحكمة الشرعية بحرى يطالب بفسخ عقد نكاح زوجته من الرجل الثانى لانه لم يقم بتطليقها.
وأفادت الزوجة فى جلسة المحكمة أمس انها ارتبطت بعقد زواج جديد بعد اتصال زوجها بها من ليبيا وابلغها بانها أخته بالرضاع وان زواجهما باطل مادفعها الى الزواج، لكن الزوج انكر تماماً ما أوردته زوجته.
وحددت المحكمة جلسة اخرى للاستماع لشهود الزوجة حول المكالمة الهاتفية التى أنهت زواجها الأول واسباب عدم حصولها على ورقة الطلاق.


صحيفة حكايات




أها يا عاطف عمر الغرف دا كيف معاك

غايتو تاني الحِجِل بالرِجل ياالأفندي سوقني معاك



البلد دي ماشة وين؟

Quote: بعد اتصال زوجها بها من ليبيا وابلغها بانها أخته بالرضاع

غايتو الكضب ظاهر فى عيونها
قبيل لو هى القالت ليهو الكلام دة ممكن تكون مبلوعة شوية

فلنناقش المسألة من منبعها :

- رجل يغادر زوجته (و / أو) أطفاله - (و / أو ) ربما تكون المرأة المسكينة ما زالت عروساً في شهورها الأولى لم ترتوِ بعد من العشقِ وما زالت تعيش في أحلى أيامها - فيغادر الرجل فجأة تاركاً وراءه قلوباً محطمة وأناساً عطشى لعطفه وحنانه ، وأسرة تحتاج لوجوده بقوته وعقله.
- ينشغل الرجل بالبحث عن العمل ثم بالعمل ثم بروتين الإجازات والدوامات والكفلاء والإقامات - وذلك حسب ظروف كل بلد من بلدان الهجرة أو الاغتراب -
- لا يعود البعض لمدد طويلة تصل إلى عشرِ سنوات - ثم بعد هذا كله يريد من أسرته أن تظل كالصخرة الصمّاء.
- لا أدافع عن أحد من أطراف هذه القضية؛ حيث لا أمتلك التفاصيل الكاملة حولها.

- ولكن لو عالجنا المسألة من جذورها لنقص كثيراً عدد الحالات الشبيهة.

يا معْشَرَ المغتربين : زوجاتكم وأبناؤكم يحتاجون إلى ما هو أكثر من دولاراتكم وريالاتكم "ويوروهاتكم" ... يحتاجون إلى وجودكم أنتم.


-------------------------
التعديل لإضافة كلمة أو في سياق الجملة لإزالة سوء الفهم الذي حصل من الصياغة بدون أو

مرحبا هاني عربي

Quote: لا يعود البعض لمدد طويلة تصل إلى عشرِ سنوات - ثم بعد هذا كله يريد من أسرته أن تظل كالصخرة الصمّاء.

انت يا هاني كتبت كلام مظبوط وفعلا صعبة جدا سنوات الانتظار الطويلة وكلام الناس الخ

بس في نفس الوقت تلقى زوجات الواحدة تقول لزوجها أصلك ما تجيني مفلس نحن صابرين وكلما طالت الفترة قلب الواحد يموت

وتبقى في الطريقة ال بتجيبو ليها

يحكى أن سيدنا عمر بن الخطاب في واحدة من الفتوحات جمع نساء الجنود وسألهن عن مدة مقدرتهن على البقاء بدون أزواجهن

القالت 15 يوم والقالت شهر - أكتر واحدة قالت ثلاثة شهور

فما كان منه إلا وبرمج لعودة الجنود وذهابهم على مجموعات .

مرحبا بزميل المنبر المحترم : حمد عبد الغفار عمر

Quote: بس في نفس الوقت تلقى زوجات الواحدة تقول لزوجها أصلك ما تجيني مفلس نحن صابرين وكلما طالت الفترة قلب الواحد يموت وتبقى في الطريقة ال بتجيبو ليها

حتى وإن قالت له هي ما تجيني مفلس ؟

خلاص ياخد بكلامها دا كدا وبدون أي مجرد نقاش أو قرار بيده ؟

وبعدين لماذا لا يكون هذا الكلام صادراً عنها وهي تعني عكسه أو هناك باقي كلام لا تبوح به

- وأنت أعلم بطبيعة النساء في بلادي
- وخصوصاً طبيعة النساء من مواليد ما قبل الثمانينات. حيث تجد الواحدة منهن قليلاً ما تصرح بما بداخلها من مشاعر وأحاسيس بشكل علني واضح وانما تكتفي بالتلميح والإشارة. واللبيب بالإشارة يفهم.

Quote: يا معْشَرَ المغتربين : زوجاتكم وأبناؤكم يحتاجون إلى ما هو أكثر من دولاراتكم وريالاتكم "ويوروهاتكم" ... يحتاجون إلى وجودكم أنتم.

مرحبا د مجدي الشيخ


كلو ووب الغياب والقعاد بدون لحاليح سيان

أهلا يا امجد الزين

Quote: غايتو الكضب ظاهر فى عيونها قبيل لو هى القالت ليهو الكلام دة ممكن تكون مبلوعة شوية

طبعا بافتراض انها كاذبة كان لازم تبرر لمخالفتها الشرعية والقانونية دي

لو افترضنا أنو حصلت رضاعة الناس الكبار (الامهات ) بيكونوا عارفين

وبوقفوا الزواج قبل حدوثه

غايتو قصة مدغمسة

Quote: أها يا عاطف عمر الغرف دا كيف معاك

يا ربي أنا عملت ترويج لموقع الراكوبة ولعملية الغرف ولا شنو ؟؟؟
لكن بيني وبينك الزولة دي دقست شديد
يعني لو قالت أنو إتقطع منها عشرمية سنة ولو عملت قضية طلاق للضرر ومن ثم الزواج التاني
كان ممكن
لكن مادام بتتكلم معاهو وبيتكلم معاها وتقوم تتزوج تاني
الله يستر


_________________

وفقاً لرواية الأميرة الغائبة الحاضرة لنا مهدي
هذه تقع ضمن باب ( الغرف الحميد )
هذا خبر
لا نقاش حوله
الناس تعرفه
تتعظ به أو تعلق عليه


______________

ثم

تحيات وسلامات

Quote: يا معْشَرَ المغتربين : زوجاتكم وأبناؤكم يحتاجون إلى ما هو أكثر من دولاراتكم وريالاتكم "ويوروهاتكم" ... يحتاجون إلى وجودكم أنتم.

المعادلة صعبة .. علي الرغم من انو الجانب المادي بجبر الناس ، برضو وجودك كزوج ، وأب مهم في الأسرة ..










ـــــــــ

لكن والله دي عملته ظااااهرة .. معقولة ياخ !

Quote: المعادلة صعبة .. علي الرغم من انو الجانب المادي بجبر الناس ، برضو وجودك كزوج ، وأب مهم في الأسرة ..

في عام 1988 جاء رجل إلى المملكة العربية السعودية مقيماً ،

استقبله أبناء منطقته في الرياض وأنزلوه معهم في "الجمعية"

واستلم عمله والتزم به.

بعد تسعة أشهر كان يلعب "الكوشتينة" في الجمعية وهو حزين ومهموم.

سأله رجلٌ كبير في السن: "مالك يا ولدي؟"

أجابه الشاب: "ياخ الواحد يقعد كدا بعيد من أهله صعبة خلاص"

أجابه الرجل الكبير: "السنين العشرة الأولى بدون إجازات صعبة جداً ، لكن بعد داك ما حتحس بحاجة".

كتب هانى:
- رجل يغادر زوجته وأطفاله - وربما تكون المرأة المسكينة ما زالت عروساً في شهورها الأولى لم ترتوِ بعد من العشقِ وما زالت تعيش في أحلى أيامها
___________________________________
دا شنو ياهانى

الأطفال ديل جابتن فى الشهور الأولى؟؟

Quote: كتب هانى: - رجل يغادر زوجته وأطفاله - وربما تكون المرأة المسكينة ما زالت عروساً في شهورها الأولى لم ترتوِ بعد من العشقِ وما زالت تعيش في أحلى أيامها ___________________________________ دا شنو ياهانى الأطفال ديل جابتن فى الشهور الأولى؟؟

سلام للمحترم بلة موسى ,,, ولجميع المتداخلين الكرام .

الأستاذ بلَة : الجملة لا تقصد ما ذهبتَ إليه ، ولا أعتقد أن صياغتها فيها ما هو صعب ، رجل يترك زوجته وأطفاله ، وربما زوجة عروساً في شهورها الأولى (في هذه الحالة المسبوقة بكلمة ربما لا يستلزم الأمر وجود أطفال) وعموماً أتكلم هنا عن رجل يغادر أسرته الصغيرة المكونة من زوجة وأطفال أو زوجة عروس فقط أو زوجة فقط.

هل الجملة واضحة هكذا ؟

تحياتي واحترامي.


- أخي بلّة ... هل انشغلت عن مناقشة الفكرة العامة للمداخلة التي كتبتُها وانشغلتَ فقط باستشكال حول معنى كلمة جانبية داخل الجملة؟

- ضاقت به الدنيا ، غادر القرية إلى الخرطوم.
- ضاقت أكثر ، غادر الخرطوم إلى الغربة.

- بعد سنتين من العمل الدؤوب من مخبز إلى متجر إلى محل إلى شركة .....

- اتْصَلَتْ به زوجته قائلة: "يا أبو فلان .... شجرتك ال في نص الحوش عطشانة .... تعال أرويها".

......
......
......
فَبٌهِتَ الذي اغترب.

اخوان في الرضاعة معناهو يكونان متقاربين في السن وامهاتهم يعرفن بعضهن البعض
ومن المفترض ان يمنعن الزواج قبل حدوثه
امر غريب ان لا يجد هذا الهمام من يخبره الا بعد رجوعه ولا يعترض اهله على هذا الزواج
شئ غريب ومريب
جني

سافر سريعاً بعد ذلك الهاتف المزعج ....

ثم عاد إلى غربته وأكمل اجراءات دخول زوجته إلى دولة الغربة.

وعاشا هناك سنين عدداً.

إلى أن جاء يوم التحول.

حينما قاده صديقه إلى المقهى الحبشي وهناك تعرف عليها ....

فاتنة من بنات أمهرا لم تتجاوز ربيعها السادس عشر ، جلست معه على طاولة واحدة وحاولا التواصل مع بعضهما بعدة لغات ، لا يتقن أي واحد منهما أي منها.

عاد إلى المنزل وقد حزم أمره ....

يا فلانة .... الشركة مارة بظروف صعبة وما حيصرفو لينا الشهر دا.

والأمور شكلها حتلخبط .... أنا مضطر أرجعك السودان لفترة لحدي ما الأمور تتصلح ....

........
........
.......

Quote: وأصيب بصدمة كبيرة دفعته لتدوين بلاغ بالمحكمة الشرعية بحرى يطالب بفسخ عقد نكاح زوجته من الرجل الثانى لانه لم يقم بتطليقها.

سلام



يعني صاحبنا ده لسة عنده النية يرجعها تاني!!!!!!!!!!!!!!!!!

Quote: يعني صاحبنا ده لسة عنده النية يرجعها تاني!!!!!!!!!!!!!!!!!

زميل المنبر المحترم: عبد العزيز عيسى تحية طيبة ....


لا اعتقد أنه يريد أن يعيدها إلى عصمته .....

لكنه فقط سينتظر أن تحكم المحكمة بتطليقها من زوجها الجديد لبطلان العقد ....

ثم ينظر إليها شذراً مذراً ويقول لها : "إنتِ زاتك بعد كدا ما بتلزميني" ....

سلامات يا هاني
الخبر دا ما مظبوط وفيه ثغرات كثيرة


الواحدة لما يجو يعرسوها بكتبوا في قسيمتها بكر اوثيب اذا ثيب الماذون بقول عايز ورقة الطلاق

ولا يتم العقد الجديد بدون هذه القسيمة.. بعدين وليها الذي زوجها لهذاالرجل المفروض يكون عارف انه هي متزوجة
من قبله واحوال هذا الزواج..
ولذلك اى انها قصة نجرة لا غير.ز

بعدين اذا تغيب الرجل اكثر من سنة بدون خبر ممكن المرة عادي تطلب الطلاق مخافة الفتنة ولا الغيبة
وتطلق طوالي..

Quote: قصة نجرة لا غير

Quote: قصة نجرة لا غير

الواقع أصبح أغرب من الخيال. وتكفيك زيارة واحدة لمحكمة أم درمان الشرعية ، أو محكمة الخرطوم للأحوال الشخصية ، لمعرفة ما وصل إليه حال بعض الناس في الوطن.

ولو تصادف الأمر وجلستِ مع أحد سماسرة القسائم لشاب رأسك من هول ما ستسمع.
=====================================================================================

Quote: سلامات يا هاني الخبر دا ما مظبوط وفيه ثغرات كثيرة الواحدة لما يجو يعرسوها بكتبوا في قسيمتها بكر اوثيب اذا ثيب الماذون بقول عايز ورقة الطلاق ولا يتم العقد الجديد بدون هذه القسيمة.. بعدين وليها الذي زوجها لهذاالرجل المفروض يكون عارف انه هي متزوجة من قبله واحوال هذا الزواج.. ولذلك اى انها قصة نجرة لا غير.ز بعدين اذا تغيب الرجل اكثر من سنة بدون خبر ممكن المرة عادي تطلب الطلاق مخافة الفتنة ولا الغيبة وتطلق طوالي..

زميلة المنبر المحترمة د. نجاة

حديثك هذا ينطبق في الأحوال المثالية.

ورغم أن الخبر كما تفضلتِ به العديد من الثغرات .... إلا أن الواقع أيضاً به ثغرات أكبر.

يا هاني ..
ما ملاحظ انك حاصر الموضوع كلو في الجنس فقط ؟
الزواج يا فنان اكبر من مجرد زوجات محرومات و ازواج بتاخدهم الغربة و سوق العمل


ولا شنو ؟

كان كده موعود الوسط الفنى والثقافى بميلاد اغنية جديدة تقول كلماتها:
مرة الراجل دى حلوة حلا...
ماشاء الله علينا ما ينجهونا، ماشين فى تقدم تعيش حكومة الانقاذ،،

Quote: ا هاني .. ما ملاحظ انك حاصر الموضوع كلو في الجنس فقط ؟ الزواج يا فنان اكبر من مجرد زوجات محرومات و ازواج بتاخدهم الغربة و سوق العمل ولا شنو ؟

خدر يا فنان .... ابداً لم أحصر الموضوع كلّه في الجنس. وأين جاء ذكر الجنس في سياق الحديث ؟ تحدثت عن حوجة العائلة لوجود رب العائلة ...... هل هذه الحوجة جنسية فقط ؟ لا يا أخي ..... الموضوع اكبر من كدا بكتير .....

والحرمان ليس فقط جنسي ..... نعم الجنس له دور مقدر في الأمر ، لكن معادلات العائلة كثيرة وليس الجنس إلا أحدها.


دمت بخير ، ودام جميع الزوار.

الأخ الفنان خدر

Quote: ما ملاحظ انك حاصر الموضوع كلو في الجنس فقط ؟

الجنس يمثل نسبة اكثر من 50% في استفرار الحياة الزوجية حيث أنه هاجس كبير يؤرق الطرفين
ليس من المفترض أن نناقض الموضوع بعيداً عن الشهوة الجنسية بل بالعكس يجب أن تناقش الشهوة دي قبل كل حاجة
لأن من وجد الراحة الجنسية كما يحب/تحب فبالتأكيد سيكون الزوج/الزوجة مرتاح في بيته مع شريك حياته
والعكس صحيح فقدانها يؤدي إلى حوادث كارثية تهدد المجتمع وتؤدي إلى نهايته.

كلام هاني هو الصاح

الصادق

د بلة موسى

مشكور على دعم البوست

أهلا حسن بكري نقد

Quote: المعادلة صعبة

صعبة جدا بس الحلول ما تكون تعسفية ياخ

صحيح لكل انسان حقوق من حقو يتمسك بيها أو يتنازل عنها في سبيل حاجات اجمل

لكن بيع الكسر دا خسارة ياخ

عاطف يا هندسة

Quote: لكن مادام بتتكلم معاهو وبيتكلم معاها وتقوم تتزوج تاني الله يستر ـــــــــــــــــــــــــــــــــــــــ وفقاً لرواية الأميرة الغائبة الحاضرة لنا مهدي هذه تقع ضمن باب ( الغرف الحميد )

ما هو التبرير الفطير دا المزعلني في الموضوع سواء من جانبه أو جانبها هي

ليه الناس مصرة انو سلوكهايكون غير نظامي وخاطئ ودائما بتلجأ للطرق الملتوية في تسوية أي خلاف

القانون دا الناس لو التزمت بيه بدي أي زول حقه

ـــــــــــــــــــــــــــــــــــــــــــــــــــــــــــ

والغرف الزي دا ما دام الأميرة لنا موقعة عليهوا وانت مصدق عليهو بعد دا نكبر الكمشة

Quote: اخوان في الرضاعة معناهو يكونان متقاربين في السن وامهاتهم يعرفن بعضهن البعض ومن المفترض ان يمنعن الزواج قبل حدوثه امر غريب ان لا يجد هذا الهمام من يخبره الا بعد رجوعه ولا يعترض اهله على هذا الزواج شئ غريب ومريب جني

مرحب بيكم يا شباب

لما قريت الخبر دا في الراكوبة قفزت لذهني قصة واحدة قريبتنا مع الفرق الشاسع في الموقف

لا باس احكيها ليكم وهي فتاة لم تنال قسطا وافرا من التعليم يا دوب الابتدائي

تزوجت في عمر صغير نسبيا ولم تتزوج عن علاقة حب وانما بصورة تقليدية جدا وارضاء للكبار
المهم سارت الحياة المولود الأول فالثاني . في بداية الحمل الثالث سافر زوجها إلى الجنوب وبعد وصوله اندلعت الحرب 83
طبعا اصبح محجوزا لا يستطيع العودة إلى الشمال حسب روايته ومما يثبت ذلك كان معه شخص آخر توفى بالجنوب استمرت الفترة 25 سنة

خلالها تعرضت هذه الفتاة لضغوط كبيرة جدا ليتم طلاقها بدعوى صغر سنها وشبابها الذي يجب ألا يضيع انتظارا لهذا الزوج المختفي
كانت قوية جدا في موقفها ورفضها القاطع للكلام حق الناس الما جايب تمنو دا وكانت دائما بتقول ليهم انو دا زوجها وأبو أولادها والغايب عذرو معاه
لما ضايقوها شديد عشان تسكتهم قالت ليهم انا خلاص قنعت من حياتي بس عايزة اثبت لأولادي ديل واعلمهم معنى الوفاء والتضحية

المهم تمر السنين وتتوقف الحرب في 2005 ويحضر الزوج فجاءة ولما عرف انها في انتظاره لم يصدق نفسه ودخل في هستيريا بتاعة بكاء قرب يموت بسببها

طبعا بعد دا ليكم ان تتخيلوا مقدار الشرف والزهو ال أتملك أولادهم وفخرهم بأمهم ومستوى السعادة العاشوها براس مرفوع بعد ذلك .
ومقدار الخجل والخزي ال إتوارى خلفو الناس الكانوا بقولوا ليها تتطلقي

على المستوى الشخصي كلما ألقى نفسي امام هذه السيدة بحس إني واقف في الخط الفاصل بين الانسان الحقيقي صاحب المبادئ والقناعات والشخص الهلام المخجوج


ومرحب بيكم

يا خدر أنت دقست دفسة في كلام هاني دا
ياخدر أنت حالم وعايش ايام زمان

دة كلو من الحكومة و النظام الحاكم ..

فلولا الضائقة المعيشية لما أضطر هذا الزوج للإغتراب ..

و لما أحتاجت زوجته لأن تتطلق منه حتى و لو كان أخاها رضاعة أو كما قالت ..

الله يجازي الكان السبب ..

و تسقط حكومة الفقر الدمار ..

يا هاني...باقي ليك الراجل دا بيكون سمع
بي عملية صاحبك...الجر كرسيه في مقهي الحبشية
أم ستاشر سنة؟؟؟

زول يرجع يلاقي التي كانت زوجته في عصمة راجل
آخر...ويمشي يبلغ...ويساكك بلاغو...ويجيب شهود؟؟؟

عايز يصل لي شنو؟؟؟

يرجعوها ليه....عشان يطلقها؟؟؟
والله حا يعيش معاها؟؟؟

كان عايز يفش غبينتو بالطلاق...تاني بترجع تتزوج الراجل
اب قلبا مغتي دا؟؟....وبدل ما فش غبينة...بتبقي حقارة

وكان عايز يعيش معاها...يكون الثوار ما قصروا معاه

دا راجل ماعندوا كرامة

وزى ما بقولوا اهلنا الجعليين راجل اضينة


طيب وكت خلتوا وكاست غيروا تانى عاوز بيها شنو ؟؟؟؟؟؟؟؟؟؟؟؟؟؟؟؟

وضاحة يا فجر المشارق

Quote: دا راجل ماعندوا كرامة وزى ما بقولوا اهلنا الجعليين راجل اضينة

جعلية عينك حمرا وشرارة

أضينة طبعا لو في محلو لو لقيتا في كرتلة ما بقطع فيها

Quote: وكان عايز يعيش معاها...يكون الثوار ما قصروا معاه

مرحباً نزار حسين ، شكراً على المرور والملاحظة ،


في لحظات الغضب يفقد الإنسان قدرته على القرار والتصرف السليم.

الآن الرجل في حالة غضب ، وربما بعد أن يخرج منها سيستطيع ان يتخذ قراره السليم.

Quote: في عام 1988 جاء رجل إلى المملكة العربية السعودية مقيماً ، استقبله أبناء منطقته في الرياض وأنزلوه معهم في "الجمعية" واستلم عمله والتزم به. بعد تسعة أشهر كان يلعب "الكوشتينة" في الجمعية وهو حزين ومهموم. سأله رجلٌ كبير في السن: "مالك يا ولدي؟" أجابه الشاب: "ياخ الواحد يقعد كدا بعيد من أهله صعبة خلاص" أجابه الرجل الكبير: "السنين العشرة الأولى بدون إجازات صعبة جداً ، لكن بعد داك ما حتحس بحاجة".

واليكم الحكاية المشابهة الأخرى
قالوا والله عبدالحميد دا زولا خدوم في البلد وقاعد يقوم بخدمة أهل المنطقة وخاصة في سقي الشتول إلي بجانب مزرعته وأحيانا تمتد خدماته إلى طحن الغلال للنساء اللائي لا يملكن طفلا لإرساله إلى الطاحونة أو لم بتجبن طفلا وأحيانا كثيرة رجلا حاميا لكل البيوت التي تخلو من الرجال والذين اغتربوا لدول الخليج وغيره.
الناس فكرت في خدمة هذا الإنسان النبيل وعملوا له فيزا حرة للعمل في الرياض ليساعد أهله وطلباتهم المتنامي بدل ان ينتظر الهدايا من المغتربين الذي كانوا يغدقون عليه الكثير.
جلس في الجمعية في انتظار استخراج الإقامة لمدة ثلاثة أشهر والمغتربون الذين كانوا يرسلون له الهدايا واصلوا في إيداع مبلغ من المال في جيبه (حق الشاي) وظل هكذا إلى ان انحسر نسبة العطاء رويدا رويدا فأصبح بالكاد يجد حق السجاير والسعوط أما حق الميز فهو معفي أصلا لأنه لا يعمل.
وفي يوم زهج غير معتاد فاض الكيل بصاحبنا وأصبح يتذكر القرية وأهل القرية وخاصة الحريم الذين كانوا يؤانسهم ويؤانسونه فسأله احد هم مالك زهجان يا عبدالحميد فقال كان مالنا ومال الاغتراب كنا مبسوطين في القرية ومافي أي ضائقة نأكل مما نزرع ونلبس مما يرسل ونقطي وطرنا بحريم المغتربين. هنا أدرك السائل انه في مطب لا فكاك منه وهو الذي غاب عن زوجته فترة الخمس سنوات ولم يسمع منها أنها مشتاقة له.

واليكم الحكاية المشابهة الأخرى
قالوا والله عبدالحميد دا زولا خدوم في البلد وقاعد يقوم بخدمة أهل المنطقة وخاصة في سقي الشتول التي بجانب مزرعته وأحيانا تمتد خدماته إلى طحن الغلال للنساء اللائي لا يملكن طفلا لإرساله إلى الطاحونة أو لم بتجبن طفلا وأحيانا كثيرة رجلا حاميا لكل البيوت التي تخلو من الرجال والذين اغتربوا لدول الخليج وغيره.
الناس فكرت في خدمة هذا الإنسان النبيل وعملوا له فيزا حرة للعمل في الرياض ليساعد أهله وطلباتهم المتنامي بدل ان ينتظر الهدايا من المغتربين الذي كانوا يغدقون عليه الكثير.
جلس في الجمعية في انتظار استخراج الإقامة لمدة ثلاثة أشهر والمغتربون الذين كانوا يرسلون له الهدايا واصلوا في إيداع مبلغ من المال في جيبه (حق الشاي) وظل هكذا إلى ان انحسر نسبة العطاء رويدا رويدا فأصبح بالكاد يجد حق السجاير والسعوط أما حق الميز فهو معفي أصلا لأنه لا يعمل.
وفي يوم زهج غير معتاد فاض الكيل بصاحبنا وأصبح يتذكر القرية وأهل القرية وخاصة الحريم الذين كانوا يؤانسهم ويؤانسونه فسأله احد هم مالك زهجان يا عبدالحميد فقال كان مالنا ومال الاغتراب كنا مبسوطين في القرية ومافي أي ضائقة نأكل مما نزرع ونلبس مما يرسل ونقطي وطرنا بحريم المغتربين. هنا أدرك السائل انه في مطب لا فكاك منه وهو الذي غاب عن زوجته فترة الخمس سنوات ولم يسمع منها أنها مشتاقة له.

أنا مع jini

ذهبت في احدى المرات لتقديم واجب عزاء في أحد الأقارب بقرى الجزيرة
كان اليوم جمعة ووصلنا قبل الصلاة بقليل
وذهبت الجامع مع صاحب العزاء
وبعد غنتهاء الصلاة اذ بالبلح والفول السوداني يمرر على المصلين
وقد ذكروا أنه يوجد { عقد }
طلب الامام الوكلاء
وقام بتلاوة اسم الزوجة واسم الزوج
وسألهم كما قالت دكتورة نجاة عن البنت
فذكروا له انها مطلقة
حينها طلب قسيمة الزواج
فذكر وكيل الزوجة بانها مطلقة منذ اربع سنوات وأن الزوج لم يقم بتسليمهم القسيمة
هنا رفض امام الجامع اتمام العقد نهائياً
وساد هرج ومرج شديد داخل المسجد
ولكن اصر الامام على رأيه
وقالها لهم بالحرف الواحد ماذا سنفعل إن حضر زوجها الآن وأقر بانه لم يطلقها
المهم أكلنا التمر والفول السوداني
ولم يكتمل العقد 00 ألغي
حتىانني تابعت الشمارات النجيضة مع صاحبي
فقال لي الموضوع فركش نهائي
وكل زول رجع الى مكانه
والعروس مازالت تنتظر القسيمة
وقد نصح اعيان القرية والدها بعدم تزويجها بهذه الطريقة


انا ماعارف هبالة الناس الذين يزوجون مثل هذه المرأة وصلت الى اي حد
لماذا لايت التأكد من وضعها
ومن ثم يكمل مراسم العقد ؟؟؟

بعدين ترجع لأخونا المغترب
صحيح قد تكون هناك ظروف قاسية مثل المرض او السجن هي التي حرمته من العودة
ولكن ماذا تريد من هذه الخردة ؟؟

مرحبا جني

Quote: شئ غريب ومريب

مع تفشي الجهل تزول الغرابة والدهشة وتتوقع ما لا يمكن توقعه

اهلا عبد العزيز عيسى

Quote: يعني صاحبنا ده لسة عنده النية يرجعها تاني

بيكون عايز يتفشى ويثبت للتاني داك إنو هو ما ارجل منو

هلا د نجاة

ممكن يكون منجور وومكن صاح كل شئ وارد في هذا الزمن

وشكرا لتوضيح حكاية ثيب وبكر دي

وبعدين حكاية الفتنة دي أنا ما راكبة لي في رأسي أصلو

العايز/ة يتفتن بتفتن والما عايز ما بتفتن

الكنترول كلو في الراس وبس

Quote: على المستوى الشخصي كلما ألقى نفسي امام هذه السيدة بحس إني واقف في الخط الفاصل بين الانسان الحقيقي صاحب المبادئ والقناعات والشخص الهلام المخجوج ومرحب بيكم

يا حمد عبد الغفار

لك التحية

أنت رجل متدثر بالسماحة

نعم هنالك أناس لا يهتزون ولت تهتز قناعاتهم السليمة

شكراً يا جميل

معذرة مداخلة زمراوي دي تستحق رد مستعجل

Quote: وفي يوم زهج غير معتاد فاض الكيل بصاحبنا وأصبح يتذكر القرية وأهل القرية وخاصة الحريم الذين كانوا يؤانسهم ويؤانسونه فسأله احد هم مالك زهجان يا عبدالحميد فقال كان مالنا ومال الاغتراب كنا مبسوطين في القرية ومافي أي ضائقة نأكل مما نزرع ونلبس مما يرسل ونقطي وطرنا بحريم المغتربين. هنا أدرك السائل انه في مطب لا فكاك منه وهو الذي غاب عن زوجته فترة الخمس سنوات ولم يسمع منها أنها مشتاقة له.

نساء المغتربين المفترى عليهن

صدقني يا زمراوي نساء المغتربين من أعظم نساء بلادي والشواهد تقف على ذلك

فكثير منهن قدمن اعمالا عظام

أكملن تربية وتعليم ابنائهن في غياب الأزواج وتحملن كل ذلك في صبر وجلد لا يتحمله الرجال

وحفاظن على على اسرهن وعلى انفسهن وما يقال عنهن رغم انه قد يكون من باب المزاح ولكن أغلبه نتاج حسد

وغل " وممكن نتيجة شواكيش "

التحية لنساء المغتربين وهن يقدمن جلائل الأعمال في صبر جميل

مشكور على المرور

الحليلة

مرحب بيك

Quote: الزواج يا فنان اكبر من مجرد زوجات محرومات و ازواج بتاخدهم الغربة و سوق العمل

شكرا يا خدر

الموج الأحمر

Quote: كان كده موعود الوسط الفنى والثقافى بميلاد اغنية جديدة تقول كلماتها: مرة الراجل دى حلوة حلا...

في قروش في يد ناس ما عندهم أخلاق يشتروا بيها حتى سعادة واستقرار الأسر

تبا لهم

شكرا

الصادق

Quote: ليس من المفترض أن نناقض الموضوع بعيداً عن الشهوة الجنسية بل بالعكس يجب أن تناقش الشهوة دي قبل كل حاجة

كيف يا زول تناقش الشهوة قبل كل حاجة؟

ياخي هسة زول عندو ثلاثة طلاب في الجامعة واثنين في الثانوي ومصاريفهم وتربيتهم

تجي تناقش معاه الشهوة الجنسية وتقول ليهو دي أهم حاجة؟

البشير دفع الله

ليك مدة ما بنت

مالك مسجل غياب


تشكر

سودان التوجع المضاري

غايتو ياحمد ياخوي أنا ما مستغرب في الخبر ذاتو

قدر ما مستغرب في الأيقونة الدائرية الضاحكة بتاعت الموضوع

شكلك دقست فيها

امين محمود

خدر
ما دقس ياخي ما ممكن المسألة كلها تنحصر جانب

مولانا دهب

Quote: و تسقط حكومة الفقر الدمار .

مالك زهجت منها ؟

ما بدري عليها ياخ

نزار حسين

Quote: وكان عايز يعيش معاها...يكون الثوار ما قصروا معاه

أوع تقول لي ثوار ليبيا؟

ديل ثوار شرامة ياخ

يا زمراوي
الحكاوي عندك...

صياغة الأخبار وتناقلها أمر أصبح يخص غير ذوي اختصاص

أربعة كلمات حملوها ملا تحمل الجبال الرواسي...

في ليبيا هناك أشخاص هائمون بالسنوات الطول... هل هم مغتربون ...
هل كل من عبر الحدود مغترب؟
وجماعة دبوكة الجمال يعبرون الحدود في العام عشرات المرات لم يقل أحد أنهم مغتربون
تجار الشنطة الذين ينتقلون بين العواصم...
والسياح الذين يحافظون على إقاماتهم ...
وغيرهم
وما هو عنصر المفاجأة التي أذهلت صاحبنا بعد هذه السنوات
في عالم أصبح يتناقل أخبار الصباح ويعود بغيرها في المساء
وهل كانت زوجته قبل سفره أم تركها وسافر
هل كان هو زوجها أم تزوجها أم تزوجته أم زوجهما آخرون أختاروهم لكي يكونوا أزواج وما كنوا
وما هي العصمة التي مسكها بها كل هذه السنوات
وهل لديه عصمة يعصمها وهو في هيامه لا جوار له ولا عاصم إلا الله
هل يصح أن تكون لمثل هذا الرجل عصمة عابرة للحدود
هل كان هو رجلها وأرادت هي غيره ووجدت آخر
هل وجدها الآخر في عصمة ، هل وجدها محصنة ، هل كانت في وضع محصنة أم خرجت من هذا الوضع إلى وضع آخر وهل الخروج من وضع المحصنة ينقلها تلقائياً إلى وضع المسافحات ومتخذات الأخدان
هل اختارت أن تكون مسافحة أم متخذة أخدان أم مجرمة أستهواها إبحارها في عرض البحار
هل هذا الآخر كان رجلا لديه عصمة وهل علم عن أوضاعها محصنة أم مسافحة أم متخذة أخدان
وهل وضعها الجديد معه محصنة أم مسافحة أم متخذة أخدان أم رفيقة في طريق الإجرام
ومن منهم كان يهمه أن تكون علاقته بالآخر علاقة إنسانية مهما كانت صفتها الوضعية أو القانونية أو الشرعية أو الفقهية أو الإجتماعية أو العائلية أو القبلية أو الجهوية أو الكونية
ومن منهم دخل إلى الآخر بنفسه لكي يظل فيها ومن أخرج الآخر من نفسه لكي يطل إليه من بعد قصي لكي يمطره بأقسى الأوصاف والنعت وينزله منازل الزناة والمسافحين والمجرمين...
كل هذه التساؤلات يمكن أن تتقوقع في مكان جزء من الحمل الثقيل الذي حملت به هذه الكلمات الأربع...
....
ونواصل

Quote: اخوان في الرضاعة معناهو يكونان متقاربين في السن وامهاتهم يعرفن بعضهن البعض ومن المفترض ان يمنعن الزواج قبل حدوثه امر غريب ان لا يجد هذا الهمام من يخبره الا بعد رجوعه ولا يعترض اهله على هذا الزواج شئ غريب ومريب جني

يااا جنى اصبح فى حكم المؤكد خروجك من الشبكة ويبدو انه خروج بلا عوده
العالم كلو قايم فى الفتاوى ومن اكبر المؤسسات الدينية انت قايل الحكاية دى بتمر ساى كدا ؟
فى ناس بصدقوا وبيامنوا بهذه الفتاوى وبعتمدوها ..
واشهر هذه الفتاوى على الاطلاق ... فتوى رضاعة الكبير !!
مش قالوا ليك كااااااان زوجها وهم كبار ؟ بتحكى فى التاريخ ولما كانوا صغار لييه ؟
عالم مغرررضه !








ــــــــــــــــــــــــــــــــــــــــــــ
حمد يا غفار ازيك ومشتاقين والله ..

د محمد حسن

Quote: سودان التوجع المضاري

مضارى وي؟

المضارى دا مسيار أوعرفي

دا عينك عينك

لو قصدك الوجع العام برضو بقى على المكشوف


--------------------------------------------------------

مالك حاربتنا ياخ أظهر

وليد طه

مع جني ولا مع دينا

ابو حراز
مرحب بيك

ا

Quote: نا ماعارف هبالة الناس الذين يزوجون مثل هذه المرأة وصلت الى اي حد لماذا لايت التأكد من وضعها ومن ثم يكمل مراسم العقد ؟؟؟

بيكونوا مفتكرنوا اتحلس وقد يكون فيها بيع عينك عينك

عاصم فقيري
أهلا بيك

أ

Quote: أنت رجل متدثر بالسماحة نعم هنالك أناس لا يهتزون ولت تهتز قناعاتهم السليمة

كتر ألف خيرك ودا من ذوقك ياخ

مافي طريقة أصلو الحياة دي تمشي لو ما سادت ثقافة السماحة

شكرا

محمد جلال
أهلا

Quote: غايتو ياحمد ياخوي أنا ما مستغرب في الخبر ذاتو قدر ما مستغرب في الأيقونة الدائرية الضاحكة بتاعت الموضوع شكلك دقست فيها

الايقونة دي أنا بمازح بيها مع أخونا عاطف عمر وما كنت قاص انها تكون شعار للبوست

لكنها بكل أسف ظهرت في العنوان

مشكور

المسافر
أوع لا تنسى الحبيب وين الليلة وين أمسى

هل وهل دي عملت لي أم هلا هلا

بس دا سؤال بلخص الحالة

Quote: ومن منهم كان يهمه أن تكون علاقته بالآخر علاقة إنسانية مهما كانت صفتها الوضعية أو القانونية أو الشرعية أو الفقهية أو الإجتماعية أو العائلية أو القبلية أو الجهوية أو الكونية

مشكور يا ملك

دينا خالد

..

Quote: حمد يا غفار ازيك ومشتاقين والله ..

شكلها الدنيا عايزة تبتسم لي

عداد الروح المعنوية عندي فووو عمل 100 وقرب يطير


يشتاق ليك الخير والسعادة والأيام الطيبة
يا ذوق يا فهم