كيف يتم تحويل النقد الاجنبي لكل من زين و Mtn للمحمول 

هل عن طريق بنك السودان

كانت غلطة العمر لسوداتل وستظل.
.
.
.
.
بيعها لـ "موبيتيل".

وكانت غلطة العمر للهيئة القومية للاتصالات وستظل
.
.
.
.
.
سماحها للشركات الأجنبية بالاستثمار في مجال الاتصالات.

الاخ هاني جمعة مباركة أظنهم ناسنا رضوا بي الضرائب والهامش
وتركوا للشركات الحاجات كلها وربما تكون عملية فساد كبري

هل عن طريق السوق الموازي

هل يتم التحويل عن طريق شراء الذهب وتصديره للخارج

يمنح المواطن السوداني المسافر كل ثلاثة شهور الف دولار

ودالمسلمي ,,, جمعة ماركة

طيب وين الـ 2 مليار ألت قطـــر ؟

ما ليها أثـــر ؟؟

يمنع اي مواطن من حمل اي ذهب خارج السودان ويتم تفتيش النساء حتي في ذهب الزينة
ويعتبر من يحمل كمية من الذهب مهرب ومخرب للاقتصاد

أقعد هبّش في عش الدبور
لحدى ما تلحق أُمّات (طه)




جمعة مباركة يا حاج ليك وللتانين

Quote: أقعد هبّش في عش الدبور لحدى ما تلحق أُمّات (طه)

الاستاذ احمد موسي الصحة والاخبار شنوا
يااستاذ المسافر بدوهوا الف دولار وناس زين
يشيلوا فيها بالكراتين

Quote: محمد المسلمي يمنع اي مواطن من حمل اي ذهب خارج السودان ويتم تفتيش النساء حتي في ذهب الزينة ويعتبر من يحمل كمية من الذهب مهرب ومخرب للاقتصاد

محمد سلامات وجمعة مباركة

محمد
كيف مخرب للاقتصاد اذا كان الفلوس بتاعتى وعاوزة اشترى دهب واطلع بيها من السودان
مش احسن من تكون بالسوداني الجنية بقى واقع فى الارض
وفلوسنا بقت نملة فى البنك نملة ياخى

Quote: محمد كيف مخرب للاقتصاد اذا كان الفلوس بتاعتى وعاوزة اشترى دهب واطلع بيها من السودان مش احسن من تكون بالسوداني الجنية بقى واقع فى الارض وفلوسنا بقت نملة فى البنك نملة ياخى

وضاحة جمعة مباركة ونورتي البوست
انته عارفة ناس الجمارك ممكن الدهب حق الزينة لو جيتي مسافرة يمنعك ويعتبرك مهربة
وناس الدار انشروا الخبر ويدوك اعلان حجز رقم59 ولو ماعجبيك اشتكي حكومة السودان
وناس زين مسموح ليهم بي الاف الكيلوهات

Quote: وضاحة جمعة مباركة ونورتي البوست انته عارفة ناس الجمارك ممكن الدهب حق الزينة لو جيتي مسافرة يمنعك ويعتبرك مهربة وناس الدار انشروا الخبر ويدوك اعلان حجز رقم59 ولو ماعجبيك اشتكي حكومة السودان وناس زين مسموح ليهم بي الاف الكيلوهات

ايه الافتراء دا حققك يمنعوك ليه ??

تم بيع زين افريقيا
لماذا لم يتم بيع زين السودان



ـــــــــــــــــــــــــــــــــــــــــــ
الاخ مزمل لوالتحويل فيه مشكلة كانوا باعوا

Quote: ودالمسلمي ,,, جمعة ماركة طيب وين الـ 2 مليار ألت قطـــر ؟ ما ليها أثـــر ؟؟

الدكتور احمد امين جمعة مباركة
امكن جازفوها ناس دكتور عابدين ومحي الدين

اصدر السيد وزيرالماليةقرار بتحويل العملة الحرة للمريض عن طريق السفارة
ويمنع الطالب المسافر من حمل العملة الحرة معه بل تحول الي مكان دراسته
يعني الزول المريض يكون تحت رحمة موظف السفارة يكون يوم اجازة عندهظروف
علي المريض الانتظار


ـــــــــــــــــــــــــــــــــــــــــــــــــــــــــــــــــ
وناس زين وMTN يشيلوها كاش وبسعر البنك وليس الموازي

الاستاذ / المسلمي

مساء الخير

فعلا الاجراءات التقشفية ضد كل من يرغب في الحصول علي العملة الصعبة , تدل علي عدم وعي والمام باقتصاد السوق الحر وعلي عدم وجود تخطيط اقتصادي مدروس والنتيجة هذه القرارات والسياسات المتخبطة , طيب الذنب علي منو لو ما قادرين علي سياسة فتح باب الاستثمار وشروطها, وحقيقة اكيدة انو فشل في التخطيط الافتصادي.

الاجابة ...
بى قفف المنقــة
واكياس الورق المصنوعة من اكياس الاسمنت

البشير قال جيبوا المستندات ..!!

هسع كلامكـ دا ناقص مستندات ،، جيبها لينا وأفتح بوست ..!


عشان تعرف نحنا شعب فارات كيف ..!!

والله المستندات دي محافظ بنكـ السودان ما يعرفها وين

عشان فيها ناس سمحين بالحيل ...




مودتي ،،،

الوضوع ساهل جداً ..
زين شركة مساهمة عامة
الحكومة عندها نسبة فيها
حقنــا كمواطنين لهذه الحكومة عايزين نشوف قروش شركة زين دا
كم
الارباح كم
الخسائر ( عارفين مافى خسائر )
الارباح بتتوزع كيف
الحسابات ممسوكة وين وكيف وعند منو ؟
ناس الضرائب بتيعين الدولة يورونا قروش زين ديل فى الخزنة كم والدخل كم والمنصرفات كم والارباح التى تم توزيعها كم

والباقــى ويــن ؟

_____

شركة رأس مالها مليار دولار
كم هى واين هى اصولها الثابته فى السودان
دا ياها شغلانية الامبريالية ذات فنسها Hit And Run



نحو مزيد من الشفافيــة هنــا ..

Quote: (زين) تشكو عدم تحويل أرباحها لخمسة أعوام 01-26-2012 11:01 AM شكت الشركة السودانية للهاتف السيار (زين) من عدم استطاعتها تحويل أرباحها طوال خمس سنوات الماضية، وأكدت على أن ذلك يشكل عائقاً أمامها؛ لجهة أنها شركة مدرجة بالبورصة العالمية وأكدت على سعيها الجاد مع الجهات ذات الصلة لحل هذه الإشكالية قاطعة بأن المشكل يمثل عائقا أمام جذب الاستثمار الخارجي، ونفى المدير التنفيذي للشركة ابراهيم احمد الحسن أن يكون الإعلان الذي عممه ديوان الضرائب بوجود شركات متهربة من الضرائب ان تكون شركته واحدة منها، وقال- لدى مخاطبته الاحتفال والمؤتمر الصحفي بمناسبة حلول خمسة عشر عاما على انشاء شركة زين بفندق كورال امس: (إن القانون هو القانون والحق حق) وأكد على امتصاص ضريبة الـ 30% المفروضة على الشركة من عوائد الأرباح، لافتاً إلى أن المشتركين يتحملون ضريبة القيمة المضافة والمقدرة بـ 31,25 % وأكد الحسن على تزايد عدد مشتركي الشركة ووصولهم إلى مايقارب الـ 14 مليوناً مشتركاً مقللاً من تأثير انفصال الجنوب على عدد المشتركين، وأوضح أن المشتركين بجنوب السودان سيتم تحويلهم إلى شركة زين بجنوب السودان وكشف عن امتصاص الشركة لجزء كبير من تكلفة خدمة التجوال الدولي، مؤكداً حرصهم على ألا يتحمل المتصل من الداخل أي نوع من التكلفة. وقلل الحسن من تأثير ذبذبات الهاتف السيار على صحة الإنسان، وقال: إن الفيصل هو منظمة الصحة العالمية وقدر الذبابات الصادرة من الهواتف النقالة بـ 2 ميقاواط مقابل ذبذبات أكبر تصدر من بعض الأجهزة المنزلية وكشف عن إقامة محطات صديقة للبيئة تعمل بتقنيات عالية، وأوضح أن المشروعات الاجتماعية التي تقوم بها زين لا ترضي الطموحات، لافتاً إلى مواصلتهم المسيرة في إطار المسؤولية الاجتماعية، أكد الحسن وجود عدد 1200 موظفٍ في شركة زين . وأكد مدير إدارة التسويق معاوية مادبو على إتاحة الحساب بالثانية لمشتركي زين في قطاع الدفع الآجل والدفع المقدم، واعتبر قيمة الحساب بالدقائق أقل من الحساب بالثانية، ووصفها بأنه تشبه التعامل بالإجمالي والقطاعي وأوضح تميز زين بإتاحتها لجميع الخيارات لكافة مشتركيها لافتاً إلى أن الحساب بالثانية لا يناسب جميع شرائح المجتمع السوداني، وبرر مادبو وجود قيمةأعلى للفواتير التي يدفعها مشتركو الدفع الآجل بوجود ضرائب القيمة المضافة التي ليس لها كنترول للشركة، وأكد على مطالبة البنك المركزي بزيادة القيمة المخصومة عند تحويل الرص لجهة أن استخدامها أصبح ينافس عمل النوافذ المصرفية الأخرى، وأرجع إيقاف الاسكرتشات بقيمة جنيه لارتفاع تكلفتها الإنتاجية لاًًفتاً إلى وجود اتجاه لنشر الماكينات الإليكترونية. وأعلن مدير المبيعات أسامة الكاهن عن وجود مشرع لتحديث الشبكة يشمل 1300 موقع، بالإضافة إلى تحديث المحطات، لافتاً إلى ان ذلك أحدث نوع من الربكة في عمل الشبكة في الأيام الماضية، وكشف عن وجود إدارة متخصصة لأمن المعلومات، بالإضافة إلى وجود إدارة للمخاطر. وأكد على وجود 95% من مواقع زين مؤمنة، قاطعاً بأن شركته هي الشركة الوحيدة التي تهتم بالمسئولية الأمنية تجاه العميل بالإضافة إلى حفظ المعلومات وتأمينها.

____
محمد المسلمى ... أختشى تانى

Quote: شركة رأس مالها مليار دولار كم هى واين هى اصولها الثابته فى السودان دا ياها شغلانية الامبريالية ذات فنسها Hit And Run

عليك الله يا ابو جوان خلينا من كلام الموظفين دا وجاوب لينا على السؤال دا ؟

Quote: الوضوع ساهل جداً .. زين شركة مساهمة عامة الحكومة عندها نسبة فيها حقنــا كمواطنين لهذه الحكومة عايزين نشوف قروش شركة زين دا كم الارباح كم الخسائر ( عارفين مافى خسائر ) الارباح بتتوزع كيف الحسابات ممسوكة وين وكيف وعند منو ؟ ناس الضرائب بتيعين الدولة يورونا قروش زين ديل فى الخزنة كم والدخل كم والمنصرفات كم والارباح التى تم توزيعها كم والباقــى ويــن ؟ _____ شركة رأس مالها مليار دولار كم هى واين هى اصولها الثابته فى السودان دا ياها شغلانية الامبريالية ذات فنسها Hit And Run نحو مزيد من الشفافيــة هنــا ..

كل معلومات السابقة اخي بدرالدين غير صحيحة

زين شركة اجنبية 100% ولا تمت الي المال العام السوداني بإي صله والوحيدون الذين لهم الحق في الاطلاع على دفاتر الشركة هم ملاك الاسهم فيها وكل هاؤلاء ليس من بينهم الحكومة السودانية

بشكل او بي اخر السؤال او السعي لمعرفة ما في بالطن هذه الدفاتر يعد نوع من (التدخل ) في خصوصيات الاخرين







محبتي



.....

الاخوة المشاركون لكم النخية وبجيكم واحدواحد