Post: #1
Title: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-08-2012, 01:10 PM
يعنى حكاية انو الزول ده مهنتو ما مناسبة معاى..بقينا ما بنسمعها كتير..
التنازلات الكبيرة من اجل اتمام مشروع الزواج شئ يسعد فعلاً..
ياريت بس يبقى فى تقدير..بعدين..
يلا..ربنا يسهل..
|
Post: #2
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-08-2012, 01:13 PM
Parent: #1
وخليهم يقولو..زى ماعاوزين يقولو..
|
Post: #3
Title: Re: الحمدلله آهو الناس بقت تعرس...
Author: nazar hussien
Date: 02-08-2012, 01:42 PM
Parent: #2
التشكيل الفي اسمك دا...بعدين بذكرهم بالتياب المطرزة
ودي أغلي شي في الشيلة...دحين طالما ماك ناوي...
خلي اسمك سادة.
|
Post: #5
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-08-2012, 01:48 PM
Parent: #3
Quote: التشكيل الفي اسمك دا...بعدين بذكرهم بالتياب المطرزة
ودي أغلي شي في الشيلة...دحين طالما ماك ناوي...
خلي اسمك سادة |
ناوى والله..ومستعد اتنازل حتى عن شهر العسل
|
Post: #4
Title: Re: الحمدلله آهو الناس بقت تعرس...
Author: Hani Arabi Mohamed
Date: 02-08-2012, 01:46 PM
Parent: #2
منقول عن حكاية في بلاد الواق واق :
Quote: - مرحب بيك يا ولدي ...
- يا حاج انا جاي اتقدم طالب القرب منكم ... وطالب بنتكم فلانة.
- يا ولدي مرحب بيك ، إنت ود ناس منو ، وشغال وين ، وقريت شنو ، وووووو
- حقيقة يا حاج ...........................................
- شوف يا ولدي نحن نشاور ونرد عليك ومايحصل إلا كل خير.
-----------------------
- يا ولدي نحن وافقنا ، وما دايرين منك حاجة إلا الحاجة اللي اتعارف عليها الناس ، 150 مليون مهر، 900 مليون دهب ، بيتين وعربية ، ووو.
- طيب يا حاج انا برضو عايز اشاور وارد عليك.
- يجلس الشاب حزيناً في طرف الحلة ... يأتيه صاحبه ... ماذا تريد ؟ ياخ أنا مشيت لفلان عايز فلانة قال لي عايز .....
- أها بسيطة .... دي مشكلتك ؟
- عايز فلانة ؟
- جيب 60 جنيه وموضوعك مقضي.
------------
بعد يومين ....
- اها كيف ؟
- بهجة وطرب ، بلا عرس بلا لمّة، كنت حأدقس دقسة عمري ، ياخ شكراً ليك أنقذتنا ، بالله ؟ دايرين يدفعوني فيها مليار وهي راسمالها 30 جنيه ؟
|
|
Post: #6
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-08-2012, 02:11 PM
Parent: #4
غايتو ياهانى حكايتك دى فيها ان...
|
Post: #7
Title: Re: الحمدلله آهو الناس بقت تعرس...
Author: Hani Arabi Mohamed
Date: 02-08-2012, 02:15 PM
Parent: #6
بهجة ومسرّة ....
|
Post: #8
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-08-2012, 02:26 PM
Parent: #7
شكلك فهمتنى غلط ياهانى..
الموضوع اساساً غير جاد..ماعارف ليه طوالى جريت لى اخوك على سورة النور؟
|
Post: #9
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-08-2012, 05:04 PM
Parent: #8
,
يتحدث البوست ببساطة شديدة عن
الرغبة فى اكمال مراسم الزواج بدون اى تعقيدات...فى زمان سابق كانت شروط
بعض الشباب والشابات - بالذات - بحكم انهن الآن الاكثر تفوقاً على الصعيد الاكاديمى والمهنى..
شروط صعبة..ولا تنطبق الا على القليل جداً من المحظوظين..
|
Post: #11
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-08-2012, 05:12 PM
Parent: #9
يلا الواحد يقوى قلبو كده..وينسى موال ...زمان بتاع اسماعيل حسن الله يرحمو..
إنـتى مـا بـدوكي لـي زولاً مـسيـكيـن... إلا واحـداً نـخلو مـقـرون في البسـاتين
المهم يكون عندك مطرح...ع قول اخوانااولاد بمبة....
|
Post: #10
Title: Re: الحمدلله آهو الناس بقت تعرس...
Author: محمد البشرى الخضر
Date: 02-08-2012, 05:11 PM
Parent: #8
| Quote: الموضوع اساساً غير جاد..ماعارف ليه طوالى جريت لى اخوك على سورة النور؟ |
التشكيل يا ابو حميد ... التشكيل الفي اسمك دا
ياخي انا كل ما أقرا اسمك في بوست بتخيل الموضوع ح يكون عن الفقه و السيرة و التفسير
|
Post: #12
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-08-2012, 05:17 PM
Parent: #10
Quote: التشكيل يا ابو حميد ... التشكيل الفي اسمك دا
ياخي انا كل ما أقرا اسمك في بوست بتخيل الموضوع ح يكون عن الفقه و السيرة و التفسير |
ياود البشرى حبابك ياخ
والله اسمى ده مشكلة..كلمت بكرى كم مرة بس عامل رايح..الزول ده اظنو شكلو حدو يديك العضوية وبس
|
Post: #13
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-08-2012, 05:26 PM
Parent: #12
غايتو يا هانى خليتنى اتنازل كتير خلاص فى البوست ده...
أشيل وأعدل ياخ
|
Post: #14
Title: Re: الحمدلله آهو الناس بقت تعرس...
Author: Hani Arabi Mohamed
Date: 02-08-2012, 05:33 PM
Parent: #13
اسمك الانت مسجل بيه هنا دا فعلاً بيدي إحساس سورة النور :)
غير كدا متين شفتني قاعد استشهد بسورة أو بآية أو بحديث أو حتى بقول صالح أو طالح ؟
ما ياني تراني طوالي عكس التيار الجاني .
|
Post: #15
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-08-2012, 05:43 PM
Parent: #14
Quote: اسمك الانت مسجل بيه هنا دا فعلاً بيدي إحساس سورة النور :)
غير كدا متين شفتني قاعد استشهد بسورة أو بآية أو بحديث أو حتى بقول صالح أو طالح ؟
ما ياني تراني طوالي عكس التيار الجاني . |
والله ياهانى ما حصل شفتك ...لكن شنو العفو لو ضايقك تعليقى الأول بالجد
ما كنت قاصد الا الدعابة وبس
|
Post: #16
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-18-2012, 07:37 AM
Parent: #15
بعد اذنكم....
لفينا وجينا راجعين تانى للموضوع..
|
Post: #17
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-18-2012, 07:46 AM
Parent: #16
طيب...زمان برضو الواحدة كان عندها مواصفات المفتش كرمبو بى جلالة قدرو ما بلقاها ليها...
تراجعت قصة نسكن الحلفايا.. الى القبول بمجرد غرفة جانبية فى بيت ابوك.. او بيتهم ذاتو...
مامهم يكون وين..ان شاء الله فى (......) ذاتا
|
Post: #18
Title: Re: الحمدلله آهو الناس بقت تعرس...
Author: nazar hussien
Date: 02-18-2012, 09:20 AM
Parent: #17
هسي الزمن دا العرس ما مشكلة...
الا المشكلة في الوابل...ال...( ياهو يا بيت ابوي)
حضر وابلك وتوابلك من هسي...عشان كمان شيلتك ما يقسموها بالحلة
|
Post: #19
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-18-2012, 09:40 AM
Parent: #18
Quote: هسي الزمن دا العرس ما مشكلة...
الا المشكلة في الوابل...ال...( ياهو يا بيت ابوي)
حضر وابلك وتوابلك من هسي...عشان كمان شيلتك ما يقسموها بالحلة |
,والله ي خوى نزار قصة الوابل دى ما سمعتا بيها الا فى المنبر..وبعد داك
مشيت سألت اختى الصغيرة باعتبار انها خبرة فى اى اعلان تلفزيونى..
المهم انتظرتا معاها ..لحدى ما شفتاالوابل فى النيل الازرق
اغرب حاجة انو المنتج اجنبى والأعلان وطنى..وفى مجملو كده مضحك
وساذج...ولا يمكنه فعلا الا جذب الاطفال الصغار..
|
Post: #20
Title: Re: الحمدلله آهو الناس بقت تعرس...
Author: عبد الناصر الخطيب
Date: 02-18-2012, 10:53 AM
Parent: #19
.
مُحَمَّدٍ عِوَضٌ احْمَدُ ( عشان التنوين اخدنا الاسم كوبي بست )
تحية وإحترام ,,,
ياخي مسالت الشروط دي ياها البتحكي حركة المجتمع وتطور الافكار فيهوا
زمأأأأأأأأأأأأأأأأأن غنو الشروط دي :
جيب لي معاك عريس شرطا يكون لبيس من هئية التدريس
*يعني كان الاناقة والمعلمين هم الـ top لما غنو الغنية دي في ستينات القرن الفات
مشت الامور بين شّد وجذب لحدي ما وصلنا مرحلة تعال بالعندك أبوي بسندك
هسه رست على شنو اعذرنا لعدم المتابعة
لكين هل في مشكلة زواج في السودان !!!! ولا المشكلة في تكاليفوا !!! ولا في رز الوابل !!!
ده الموضوع الما حاقد أفتي ليك فيهوا لانو شهر ما عندي فيهوا نفقة ومن زمان ختينا شعار (( زوجة وأحدة ..........تكفي ))
لكين من خبرة قديمة أي كان وضعك ضروري الزولة المرتبط بيها تحسسك انها قدمت تنازلات كتيره عشانك !!!!
وما عارف الحكاية دي لى هسه ولا على إيامنا وخلاص ....
وليك اطيب تحية
|
Post: #21
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-18-2012, 01:06 PM
Parent: #20
Quote: ياخي مسالت الشروط دي ياها البتحكي حركة المجتمع وتطور الافكار فيهوا
زمأأأأأأأأأأأأأأأأأن غنو الشروط دي :
جيب لي معاك عريس شرطا يكون لبيس من هئية التدريس
*يعني كان الاناقة والمعلمين هم الـ top لما غنو الغنية دي في ستينات القرن الفات
مشت الامور بين شّد وجذب لحدي ما وصلنا مرحلة تعال بالعندك أبوي بسندك
هسه رست على شنو اعذرنا لعدم المتابعة
لكين هل في مشكلة زواج في السودان !!!! ولا المشكلة في تكاليفوا !!! ولا في رز الوابل !!!
ده الموضوع الما حاقد أفتي ليك فيهوا لانو شهر ما عندي فيهوا نفقة ومن زمان ختينا شعار (( زوجة وأحدة ..........تكفي ))
لكين من خبرة قديمة أي كان وضعك ضروري الزولة المرتبط بيها تحسسك انها قدمت تنازلات كتيره عشانك !!!!
وما عارف الحكاية دي لى هسه ولا على إيامنا وخلاص .... |
' سلامات يا عبدالناصر..
طبعا فى الوقت الحالى مافى فرق كبير بين المعلم والعتالى..وهسه مافى مشكلة فى العرس بالعكس فى معجزات عديل بخصوصو...
معجزات... لم يصنعها الحب..بل الظروف...التى يفهمها الآن كل طرف جيداً.. تخلصت البنت من تعقيدات العلاقة والنظرة القديمة فى انتظار رجل من نظرة يخليها ترجف..ويقوم جارى يخطفها فى حصان ابيض...يمكنها ايضاً القيام بهذه المهمة بلا حرج..تشوف اى راجل ان شاء الله ميت وتكفنو..وتخلى منو بنى آدم..,,,منذ الاف السنين كانت دائماً فى وضع المطاردة..والفريسه الثمينة..التى يجرى ورائها الف فارس ويحصل عليها فى الاخر رجل واحد فقط...الوضع مختلف جداً ...وعلى قولك العندو واحدة يكنكش فيها قوى..ويحمد ربو..ومافى داعى يطير عيونو يمين وشمال..'
|
Post: #22
Title: Re: الحمدلله آهو الناس بقت تعرس...
Author: nazar hussien
Date: 02-18-2012, 01:30 PM
Parent: #21
Quote: سلامات يا عبدالناصر..
طبعا فى الوقت الحالى مافى فرق كبير بين المعلم والعتالى..وهسه مافى مشكلة فى العرس بالعكس فى معجزات عديل بخصوصو...
معجزات... لم يصنعها الحب..بل الظروف...التى يفهمها الآن كل طرف جيداً.. تخلصت البنت من تعقيدات العلاقة والنظرة القديمة فى انتظار رجل من نظرة يخليها ترجف..ويقوم جارى يخطفها فى حصان ابيض...يمكنها ايضاً القيام بهذه المهمة بلا حرج..تشوف اى راجل ان شاء الله ميت وتكفنو..وتخلى منو بنى آدم..,,,منذ الاف السنين كانت دائماً فى وضع المطاردة..والفريسه الثمينة..التى يجرى ورائها الف فارس ويحصل عليها فى الاخر رجل واحد فقط...الوضع مختلف جداً ...وعلى قولك العندو واحدة يكنكش فيها قوى..ويحمد ربو..ومافى داعى يطير عيونو يمين وشمال..' |
إنت أظنك قاعد تتابع النيل الازرق FM
الصباح...والله تنتكل علي الكلام دا وتمشي
لي ناس تخطب بتهم...ومستند علي الخلفية
الانت كاتبا دي...علا تشوف( جك قزازهم الفيه الموية لمبة ام سويط...والموية جاز ابياااض)
تمشي تخطب...يدخلوك الصالون وتجيك 13 عمة وبرة الصالون
يكون في زي ستين مركوب...نمر وأصلة وثعبان...وكديس زاتو
دا غير قطع الفاشر...(طبعا انت بتكون واثق...ما خلفيتك يا هو دي
الفوق دي) أها يا ولدنا...البت انت بتعرفا؟؟ من وين؟؟؟
إنت هول ناس منو؟؟؟ وفي الوكت دا يكون في زول ببركن في مركوب
مقاسو 52 ...ويقطع حوار الخطوبة بالسلام...ويقعد ركن...
ويطلّع حقتو...وفي الحتة دي (انت كان واثق جد تطلع علبة سجايرك)
أها...وأبوك ليشي.. نو ما جاء معاك؟؟ دا سؤال بجيك من زول
أصلا ما مشارك في السمع زاتو...وانت براك بتعرف الباقي
يمين الله تمرق منهم عرقان وقرفان من العرس زاتو...دحين ما تنتكل
علي ناس النيل الازرق اف ام...خليك في الوابل وبس
|
Post: #23
Title: Re: الحمدلله آهو الناس بقت تعرس...
Author: مُحَمَّدٍ عِوَضٌ احْمَدُ
Date: 02-18-2012, 04:47 PM
Parent: #22
Quote: إنت أظنك قاعد تتابع النيل الازرق FM
الصباح...والله تنتكل علي الكلام دا وتمشي
لي ناس تخطب بتهم...ومستند علي الخلفية
الانت كاتبا دي...علا تشوف( جك قزازهم الفيه الموية لمبة ام سويط...والموية جاز ابياااض)
تمشي تخطب...يدخلوك الصالون وتجيك 13 عمة وبرة الصالون
يكون في زي ستين مركوب...نمر وأصلة وثعبان...وكديس زاتو
دا غير قطع الفاشر...(طبعا انت بتكون واثق...ما خلفيتك يا هو دي
الفوق دي) أها يا ولدنا...البت انت بتعرفا؟؟ من وين؟؟؟
إنت هول ناس منو؟؟؟ وفي الوكت دا يكون في زول ببركن في مركوب
مقاسو 52 ...ويقطع حوار الخطوبة بالسلام...ويقعد ركن...
ويطلّع حقتو...وفي الحتة دي (انت كان واثق جد تطلع علبة سجايرك)
أها...وأبوك ليشي.. نو ما جاء معاك؟؟ دا سؤال بجيك من زول
أصلا ما مشارك في السمع زاتو...وانت براك بتعرف الباقي
يمين الله تمرق منهم عرقان وقرفان من العرس زاتو...دحين ما تنتكل
علي ناس النيل الازرق اف ام...خليك في الوابل وبس |
سلامات مرة تانية يا نزار
تصدق انا ما بتابع التلفزيون ...الا يكون فى خبر هام ويستاهل....مع
انو عندى زملاء واصدقاء كتار فى ادارة القناة المحترمة دى..وكتر خيرهم احياناً بدونى قائمة
كاملة بما سيبث من برامج او تسجيلات مميزة..
بالنسبة للموضوع بتاع البوست..تصورك احتمال يكون حقيقى...لدى البعض
ممن يعيشون الى الان فى وهم انو العرس ده مشروع اضخم من سد مروى
وديل قطع شك ما اى زول بمشى ليهم...اى زول بكون عارف مقاس
مراتو....ياخ..
|
|