في معية الشاعر الشاعر عزمي احمد خليل (فيديوهات)

الزول دا قريبي .... والله صحي

يا فيصل مسكامى

طيب تننقا تنى رفعت وين

الرجل كان زميلى وصديقى بالبنك التجارى السودانى .

وبعد غغترابه للسعودية لم أسمع به حتى اليوم. أدينا أخبارو ياخ

شمس الدين ساتي ازيك يا بلد
الف و اجيك بالنجيضة....

راس السنـــه

شعر عزمى احمد خليل


تسالنى كيف راس السنه وانا بى هنا


مليان شقا وشرقان ضنا
يابختك انت هناك سعيد متهنى بالعام الجديد
كلك فرح ودايب غنا
وتسالنى كيف راس السنه
حليل بلدنا وياحليل كل الجميلات والفرح
وبلدنا بى رغم الظروف القاسيه والهم الطفح
ما فيش بلادآ تشبها ولا غير سماها كنار صدح
كل حاجه ليها طعم هناك حتى الحزن زى المرح
وحناننا ما زى كل حنان ولا ناسنا زى الناس هنا
وتسالنى كيف راس السنه
انا لى زمن ما حضرت عيد فى وطننا وله فرحته يوم
يوماتى شايلنى الاسى ويدينى بعدو كمان هموم
الليل يمر زى حول هنا القاهو من اصحى واقوم
وكتير ليالى تعدى بى من دون عيونى يجيها نوم
واهو ديه حال كل زول غريب الرجعه ليهو تكون منى
وتسالنى كيف راس السنه
هنا لا فرح ولا عيد بيجى ولا بنعرف مروا كيف
كل الاماسى زى الصباح وحتى الربيع زى كل صيف
من عمرنا بيمضى الزمن وايامنا ماشه على خريف
وعيوننا جافاها النظر وحتى القليب قرب يقيف
والشوق خلاص كمل دموعنا واقدارنا مابيه تلمنا
وتسالنى كيف راس السنه
بالله كيف ناسنا الهناك طبعآ سعيدين فى الوطن
الفرحه ما فرحة فلوس الفرحه احساس بالزمن
وزى ما بيقاسوا من الظروف اهو نحنا حاضنانا المحن
ومحنه فى بلدى العزيز فى الدنيا معدومة تمن
وظروفنا بكره بتتعدل ومن تانى بيزورنا الهنا
وتسالنى كيف راس السنه
كل يوم يمر يابلدى فيك انشالله تقفزى للامام
وربوعك الخضره الجميله بالخير يغطيها الغمام
والناس تعود زى ناس قبيل لا فتنه لا جفا لا خصام
وتعودى زى ماكنت اول عش للعصافير والحمام
ونجيهو سوداننا الزمان وعليهو مانشيل همنا
وتسالنى كيف راس السنه

[/B]

عزيزى فيصل....مسكاقنى

شكرا على على هذه النفحه الجميله عن قريبك الشاعر ذو
الاحاسيس الرقيقه والجميله وصدقنى اكاد لا امل وانا اردد
هذه الاغنيه المعبره والتى اجاد فيها الراحل المقيم
هاشم ميرغنى


حان الزفاف وأنا حالي كيفن بوصفو
يا ريت هواك لي ما انقسم ولا قلبي ريدك نذفو
قالوا البعيش الدنيا ياما تشوفو
تشقيهو بي فرقة عزيز وبالحسره ريقو تنشفو
وإن شاء الله ما يحصل فراق لقلوب بعد ءاتولفو
بس قولي لي أنساك كيف وأنا قلبي ريدك محنو
أبحر سنين في كون هواك والليله فاقد مأمنو
وأنا من زمان عارف البيكون وقليبى كنت بيقنو
والليله يوم حان الزفاف أنا حالي مين ما حننو
ولو ده الحصاد من كل ريد ناس قيس صحيح اتجننو
جوني الصحاب وأنا قالوا لي شافوها في توب الزفاف
شافوا الدموع واتحسروا والشوق غمام في عيونها طاف
ومش عاد حرام ساكن الضفاف
ينشره في عمرو الجفاف
طول عمري بزرع في الورود وحصادي شوك آخر المطاف

الشاعر عزمي أحمد خليل - صفق العنب - للحلنقى

العزيز فيصل سلامات,,

ياخ هذا العزمي ليس إلا جميل يحب الجمال,,,


بس طول ما ردّ على التلفون..


احييه وبيننا ترقد فيافي ووديان,,

http://www.youtube.com/watch?v=eNQH_TfnfjU

ده ما سلامك ... تغنى مجذوب اونسة كما لم يتغني بغيرها ...
شكرا عزمي على كل هذا الجمال ... وقريبا تتفتح الابواب كيما يحتويك الوطن من جديد ...
شكرا فيصل محمد خليل شكرا ....

مجذوب أونسة - جينا بعد الفرقة نسأل ....
كلمات : عزمي أحمد خليل .

Quote: العزيز فيصل سلامات,, ياخ هذا العزمي ليس إلا جميل يحب الجمال,,, بس طول ما ردّ على التلفون.. احييه وبيننا ترقد فيافي ووديان,,

محمد خليل يا قريبي
نقول لعزمي

جينا بعد الفرقه نسأل
.
.
.
.

نحكي ليك عن ليل شقانا
.
.
.
.

ولاّ يعنى نويت تسيبنا
في الخريف تحرم غمامك
.
.
.
.
بنمزح معه..... عزمي شعور و احساس و ذوق

الاخ العزيز محمد الحارث
شكرن كتيرن لمشاركتك
والمشاعر الطيبة



عزمي أحمد خليل

سيرة ذاتية

· عزمى أحمد خليل

· من مواطنى وادى حلفا – دغيم

· ترعرع في الشرق فامتزجت عراقة النوبة بعنفوان أهل بورتسودان وكسلا واروما.

· درس الأبتدائي والمتوسط في اروما وبورتسودان والثانوي في حلفا الجديدة.

· درس الفلسفة والمنطق وعلم النفس بجامعة القاهرة فرع الخرطوم.

· عمل معلماً بمديرية كسلا.

· عمل ضابطاً بالخطوط الجوية السودانية بمطار الخرطوم

· عمل صحفياً بجريدتي الخليج والوحدة بدولة الامارات العربية المتحدة.

· عمل مشرفاً إجتماعيا بجامعة الملك سعود بالرياض

· سكرتير رابطة شعراء الغناء بالمهجر.

تغنى له العديد من الفنانين مثل العاقب محمد حسن – العطبراوي – عثمات مصطفى –هاشم ميرغني- حمد الريح –عبد العزيز المبارك –خوجلي عثمان-يوسف الموصلي-محمود علي الحاج –الهادي حامد-ابوعبيدة حسن-عبدالله البعيو-سيف الجامعه –مجذوب اونسة –محمد سلام- الرشيد كسلا-بشير عبد العال





http://www.sudanione.com/vb/t6761.html

الاخ فيصل ، تحياتى وأشكرك على هذا البوست الجميل، والتحية موصولة للصديق العزيز عزمى أحمد خليل، والذى أفتقده كثيراً، أخر عهدى به لما كان فى المنطقة الشرقية وكنا نتتواصل، اطيب الامنيات له ولاسرته الكريمة، ومناى ان يكون سعيدا ومرتاح البال، مودتى.