Post: #1
Title: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-08-2012, 08:06 AM
Parent: #0
وذلك فى مؤسسات التعليم العام والعالى
اى فى الجامعات والمدارس !!!
وكما اردف القرار فى الاماكن العامة والمغلقة ..
مغلقة كيف ؟ دى خلوها مفتووووحه كدا ..
الحقيقة اول امس فى جلسة 6 فبراير 2012 ..
ـــــــــــــــــــ
الله هوينى (هو شعار المرحلة)
الحقوق محفوظة يا هاشم نوريت ..
|
Post: #2
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: بشير حسـن بشـير
Date: 02-08-2012, 08:10 AM
Parent: #1
.
.
.
.
.
هونينى يا دينا
.
.
.
.
|
Post: #3
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: Asim Fageary
Date: 02-08-2012, 08:15 AM
Parent: #2
يعني دينا تاني ما نجي السودان دا ولا شنو ؟
_________________________
ما حددوا ياتو نوع من التبغ !
|
Post: #5
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: الطيب عبد الرحيم خلف الله
Date: 02-08-2012, 08:24 AM
Parent: #3
| Quote: بالامس : تشريعى الخرطوم يقر عقوبة السجن والغرامة لتعاطى التبغ !! |
كم؟ يهمنا الأمر.
مع التحية،،
|
Post: #6
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: محمد يوسف الزين
Date: 02-08-2012, 08:26 AM
Parent: #3
بالله تاني مافي خمّس معاك! يا سلااام ذكريات ياخ
اذا كان التدخين بودوك السجن اذا لقوهو بنقـو ما تبغ العقوبة شنو؟
ملحوظة:
التدخين مسبب رئيسي للسرطان والتمباك ظريف
|
Post: #4
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: عماد حسين
Date: 02-08-2012, 08:19 AM
Parent: #2
أنا مع المنع..
لكن لو واكبوها بحملات توعية لكان أفضل
على الأقل من ناحية ابراز الضرر الناجم عن هذه الممارسات
،،،،،،،،،، الأقناع عنصر مهم في المحاربة
يعني يخلوها تجي من الناس
شكراً يا أختنا على نقل الخبر
|
Post: #7
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: حمد عبد الغفار عمر
Date: 02-08-2012, 08:26 AM
Parent: #4
تحديد اللون مهم لأنو السودانيين ديل فهمهم بقى تقيل
عادي جدا واحد يجي شايلها خدراااااااااااااااااا
ويقول ليك دي القرار ما بيشملها
غايتو روحان درب ساي كدا
|
Post: #13
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: Magdi Is'hag
Date: 02-08-2012, 08:40 AM
Parent: #7
ألأعزاء
قرار عظيم في ما يخص المناطق العامه التفصيل مهم والعقوبه على المدخن وصاحب المكان.
بدأنا حمعيه قبل 3 أعوام (منع التدخين في المناطق العامه) وكان اهنمامنا هو مكاتب العمل المطاعم الصالات والمركبات العامه
علميا معروف اثر التدخين غير المباشر عند جلوسك بالقرب من مدخن
لدي تجارب خاصه مريره وذلك لان زوجتي مصابه بالأزمه ويثيرها دخان السجائر وقد قضينا ليالي طوال مع مستشفيات الخرطوم وأنابيب الأكسجين واجهزة التنفس بعد أي زياره لها لمكتب مطعم او أمجاد جوه ملبد بغيوم السجاير
المنع هنا ليس حجرا للتدخين
ولكن تنظيمه وتقييده لحماية الآخرين
فمع حقك في التدخين
ولكن ايضا مع حق الآخرين في إستنشاق هواء نفي وصحي
لكم الود
|
Post: #8
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: حافظ انقابو
Date: 02-08-2012, 08:29 AM
Parent: #4
يعني خلاص الفساد كمل قبلو على التمباك
..
.
.
يشوفو الفيل ويطعنو في ضلو
.
.
.
هسة دا كلام دا
.
.
.
البنتخبكم ما عندو موضوع
|
Post: #11
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: عثمان دغيس
Date: 02-08-2012, 08:36 AM
Parent: #8
| Quote: يعني خلاص الفساد كمل قبلو على التمباك |
يا حافظ هوووي بتحفر مالك ؟؟؟
الجاب طاري التمباك منو هسي ....!
براااااكم تجيبوا الهوا للناس ....
بعدين المعلوم إنو يوجد تدخين سلبي
لكن مافي سف سلبي ...
أي زول حر في شلاليفو ....!
والله الفايق الهم يزمو ...!
أو كما قيل
|
Post: #16
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: البشير دفع الله
Date: 02-08-2012, 08:56 AM
Parent: #8
حظر بيع التبغ لمن دون الثامنة عشرة بولاية الخرطوم
مزدلفة دكام
أرجأ المجلس التشريعى لولاية الخرطوم التوقيع على قانون مكافحة التبغ إلى حين إستصدار فتوى من ديوان الإفتاء بخصوص القانون في الوقت الذي أجاز فيه المجلس فى جلسته أمس برئاسة رئيس المجلس محمد الشيخ مدني قانون مكافحة التبغ بالولاية لسنة 2012. وشدد القانون على جملة من الضوابط أبرزها فى التنبية لمضار التدخين مع عدم جواز إستقلال رعاية الأنشطة ذات الطابع الاجتماعي والثقافي والإنساني على المستوى المحلى بواسطة شركات التبغ بغرض الترويج والإعلان وألزم القانون جميع بائعي منتجات التبغ بوضع إشارة واضحة في مكان بارز داخل نقطة البيع تبين حظر مبيعات التبغ للقصر دون سن 18 سنة وأن يطلبوا في حالة الشك من كل من يشتري التبغ أن يقدم الدليل المناسب على بلوغه السن القانونية كما حظر القانون تعاطي التبغ في الأماكن العامة والأماكن المغلقة بجانب مؤسسات التعليم العام والعالى وكل من يخالف أحكام هذه المادة يعاقب بالغرامة التي لا تتجاوز 50 جنيها وشدد القانون بعقوبة من يخالف القانون واللوائح بالغرامة التى لا تقل عن 300 جنيه أو بالسجن لمدة لا تتجاوز 3 أشهر أو بالعقوبتين معاً.
إرسال : 6 طباعة : 2
تعليقات حول الموضوع : عدد التعليقات : (9)
http://www.altayarnews.net/shownewstxt.aspx?cno=35207
|
Post: #10
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: مدثر صديق
Date: 02-08-2012, 08:35 AM
Parent: #4
سلام للجميع هنا
| Quote: صوت مجلس النواب العراقي، الخميس، خلال جلسته الـ17 من الفصل التشريعي الثاني للسنة التشريعية الثانية على مشروع قانون منع التدخين في الأماكن العامة والمؤسسات الحكومية. |
Quote: هيئة الصحة / أبوظبي هيئة الصحة
يمنع التدخين في الأماكن العامة وفي الأماكن المغلقة وأماكن العمل المشتركة التالية: · كافة المؤسسات التعليمية والأكاديمية مثل: دور الحضانة ورياض ... |
Quote: وجه وزير الصحة السعودي، منسوبي إدارة الأمن والسلامة في الوزارة بإنفاذ الأوامر والتعليمات السامية الصادرة بشأن مكافحة التدخين في منشآت الوزارة.
وقال الدكتور الوزارة يجب أن تكون مثالا يحتذى به في إنفاذ الأوامر والتعليمات السامية الصادرة بشأن مكافحة التدخين في منشآتها، ومنها الأمر السامي رقم 7/87/مالقاضيين بمنع التدخين في مكاتب الوزارات والمصالح الحكومية والمؤسسات العامة؛ حفاظا على سلامة البيئة الصحية للجميع |
|
Post: #44
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: سجيمان
Date: 02-08-2012, 10:14 PM
Parent: #4
الله تعلم ،تكون الهمامات
|
Post: #9
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-08-2012, 08:33 AM
Parent: #2
بشير حسن بشير
نأسف للخطا الناتج من الجهل الثقافى لمفردات ربوعنا
شكرا بشير
شكرا نوريت لتثقيفنا
فى كل تجارب الدكتاتورية والشمولية فى العالم
بقرطوا هناك وبفكوا حاجات التنفيس من هنا
لكن حكومة طالعة تقرط نازله تقرط دى ما ادونا لييها
ـــــــــــــ
ليس دفاعا عن التدخين لكن قراءة فى خطل السياسات
والتضييق فى غير وقتو ..
ما سالوا روحهم والناس دى ح تنفسس كييييف ؟؟؟
|
Post: #14
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: محمد يوسف الزين
Date: 02-08-2012, 08:40 AM
Parent: #9
| Quote: ليس دفاعا عن التدخين لكن قراءة فى خطل السياسات |
دا حنك بيش منك
|
Post: #12
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-08-2012, 08:38 AM
Parent: #2
أخبار سريعة
الخرطوم تقر عقوبة السجن لتعاطي التبغ بالجامعات والمدارس
الخرطوم: حميدة عبدالغني
حظر مجلس تشريعي ولاية الخرطوم التوسع والإعلان والترويج للتبغ في وسائل الإعلام أو أي وسيلة بجانب منعه الترويج لمنتجات التبغ باللعب والهدايا التي تحمل علامة مجانية بغرض الدعاية، وأصدر قرارا بعدم جواز استغلال رعاية الأنشطة ذات الطابع الاجتماعي والثقافي والإنساني على المستوى المحلي بواسطة شركات الإعلان, ووجه المجلس أمس بحظر التصديق والترخيص لمحلات بيع التبغ بالقرب من مناطق إعداد تناول الأطعمة، محذرا من البيع في المدارس والمؤسسات العلاجية أو بجوارها، واشتملت قرارات تشريعي الخرطوم على توجيهات صارمة بوضع جميع بائعي منتجات التبغ إشارة واضحة في مكان بارز داخل نقطة البيع لتبيين حظر مبيعاتهم للقصر دون سن 18 سنة، ووضع القرار ضوابط بعدم تعاطي التبغ في الأماكن العامة والمغلقة ومؤسسات التعليم العام والعالي. وقال بأن كل من يخالف هذه الأحكام يعاقب بالغرامة التي لا تتجاوز (50) جنيها أو بالسجن ثلاثة أشهر أو العقوبتين معا.
http://www.alahdath.sd/details.php?articleid=16815
ــــــــــــــــــــ
العالم كلو مشى بدرى فى اتجاه منع التدخين وليس تجريمه
حتى اصبحت المقولة الشائعة انو الواحد بقى فى العالم ما بقدر
يدخن الا فى غرفة نومه والتى تعنى كامل خصوصيته (ان وجدت هناك) !
اها بقرار تشريعى الخرطوم دا غرفة نومك ذاتو مافى طريقة الا اذا كانت فاتحه !!!
نبقى فى دا ؟؟
|
Post: #15
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-08-2012, 08:43 AM
Parent: #2
السؤال الملح
كيف بتم تجريم تعاطى سلعه هى اصلا مباحه فى الاسواق ؟؟؟
يجرم التعاطى والسلعه فى عضمها مباحه؟
وبيعها مباح ؟ والاتجار بها مباح ؟
وتدخل ايراداتها فى ميزانية الدولة ..
دى برضو ما ادونا ليها
ـــــــــــــ
سجن وغرامة او العقوبتين معا
والله ليكم من جوافة المناصير ...
|
Post: #17
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: saadeldin abdelrahman
Date: 02-08-2012, 10:20 AM
Parent: #15
يا دينا سلام و كورتك فكت،
يعني المنع صاح و التوقيت غلط؟
انتي لاقتك كم حاجة صاح في البلد دي لمن تمسكي في التوقيت؟
اول امبارح كنا في تخريج لكلية قسم الحيوان و الكيمياء جامعة الخرطوم بصالة اسمها ميريلاند ببري
و نظمتها شركة تدعى سوا أو ستار حاجة كدا بشبابها و كاميراتها و ديجيهاتها و ديكوراتها، في نص الحفلة
يقوم بعض هؤلاء الشباب (المنظمون) بإشعال سجائرهم و شفطها و نفخها بكل شهية و اريحية دون مراعاة للاطفال أو كبار السن
الذين غصت بهم الصالة المغلقة !
تقولي لي توقيت و تنفيس؟ المنفسين لها شنو؟
--------
الحقيقة الشباب استجابوا على استحياء اثناء مراسم التخريج لهرشاتنا فاطفأوا السيجائر بعد أن لوثوا الجو و فكوا خرمتهم
الا أنهم عادوا و فكوا اللعب في الربة مستغلين ستار البهجة و الحت النضيف ؛)
|
Post: #18
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: على محمد الخير
Date: 02-08-2012, 11:30 AM
Parent: #17
تشريعات جيدة الا انها جاءت متأخرة ..
التدخين سبب رئيسى فى امراض القلب والسرطان ..او كما قيل ..
|
Post: #19
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: هشام كمال عبادي
Date: 02-08-2012, 11:54 AM
Parent: #17
| Quote: وألزم القانون جميع بائعي منتجات التبغ بوضع إشارة واضحة في مكان بارز داخل نقطة البيع تبين حظر مبيعات التبغ للقصر دون سن 18 سنة |
اعتقد انو النقطة دي بالذات مهمة جدا عشان على الاقل نمنع الاطفال من انهم يترسلو عشان يجيبو السم الهاري ده .
واعتقد انو من المجدي ان يتم النص على ان يمنع اي صاحب بقالة او سوبر ماركت يقع بالقرب من المدارس ببيع السجاير ..
وان يتم فرض ضرائب كبيرة على التبع وتصنيعه واستيراده .
| Quote: وأن يطلبوا في حالة الشك من كل من يشتري التبغ أن يقدم الدليل المناسب على بلوغه السن القانونية |
دي قوية شوية ..
|
Post: #20
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: الامين موسى البشاري
Date: 02-08-2012, 12:15 PM
Parent: #19
أحسن والله التدخين في الاماكن المغلقة زاتو ما حلو
اقرب حبشية تشـــرب فنجان جبنة وعشرة ونسه كااربه
ومعاها برنجية كاربه وترجع تواصل شغل ولا محاضرتك
الما شنو يا دينا
أما ناس التمباك والصعوط والله كان الواحد شنقها فووووووق
الجن (اللحمر) ما يعرفو سافي
تحياتي
كع
__
غايتو الفاشر تاني الا تصدر حركات مسلحة للخرطوم
والله صحي ()
|
Post: #21
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: أمجد الزين
Date: 02-08-2012, 12:45 PM
Parent: #20
انتو يا حماعة الناس ديل كل فترة بغيرو رايهم ولا شنو؟
مش قبل كم شهر كدة وزير الداخلية قال البنقو العدييل دة ما فيهو حاجة
|
Post: #22
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-08-2012, 12:56 PM
Parent: #20
بصراحه يا جماعه وانا شخصيا القرار دا معاى ميه المية
وكان ناس تشريعى الخرطوم شاورونى كان بقول ليهم
خلوها اعدام .. لتضررى الشخصى والكبير من تلك العاده
(يعنى بكرة كان سمعتو بى وديت عزيز على السجن مافى زول يجى يفتح بوست)
وبعدين هسه رشاد دا ما يمكن بدخن !؟
برضو العقوبة دى تسرى عليهو
ذيو وذى ود الصايم واحد ؟؟؟
قولوا المعقول يا ناس تشريعى الخرطوم انتو كمان !!..
لكن انا مستغربه فى الحكومة دى الشباب مشدوه منها وفى تدخينو
تقوم تمنعهم التدخين .. وتخليهم يتفرغوا ليها
والدنيا ثورات وكدا ... مش توقيت غريب ؟
لووووووب يا كمال عبادى
شفت التشريعى دا لما يقوم على التشريع ؟؟؟
ما بتلحق ...
الطيب عبد الرحيم سال :: كم ؟؟
تلاااااته شهور يا الطيب
تدخن فيهم بمزاااااج فى السجن مافى مشكلة لانو احتمال كبير
الاوصاف الوارده فى القانون ما تتطبق عليهو ..
ــــــــــــــــ
عاصم فقيرى قال :: يعنى ما نجى الخرطوم ولا شنو ؟؟
تجى طواااالى يا عاصم بططل الاستهبال انت فى العام
ولا العالى ولا فى الجامعه ولا بتتواجد فى اماكن مغلقه ومضلمه ؟؟؟؟؟
الله هونينى !! تعال طوالى فالشارع فاتح فى الفسحه والفسحة
فى المدارس ..
|
Post: #23
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: omer osman
Date: 02-08-2012, 01:06 PM
Parent: #22
| Quote: ما سالوا روحهم والناس دى ح تنفسس كييييف ؟؟؟ |
يادينا الحتة دي ماتشيلي ليها هم اكيييد ح تفتح محلات متخصصة
في (التنفيس) تخش المحل تدفع الرسوم (ينفسوك) وتبقي مارق
ولو داير (نفخ) برضو في وكل بتمنو 
وطبعاً شركات الاتصالات ما حتفوت المولد ده وحيبقي في (تحويل نفس)
وحكينا القصة دي ليه عشان الناس تعرف قيمة (النفس)
|
Post: #25
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: عبدالله احيمر
Date: 02-08-2012, 01:16 PM
Parent: #22
Quote: السؤال الملح
كيف بتم تجريم تعاطى سلعه هى اصلا مباحه فى الاسواق ؟؟؟
يجرم التعاطى والسلعه فى عضمها مباحه؟
وبيعها مباح ؟ والاتجار بها مباح ؟
وتدخل ايراداتها فى ميزانية الدولة .. |
كان عليهم بجانب حظـر التدخين في الأماكن العامة
برضـو يوقفوا الاسـتيراد و التصنيع المحلي للســجائر و يوفروا شـوية دولارات
دينا القرار كويس كمان نلفت نظـرهم الى الاهتمام بالبيئة
الباعوض تجاوز الحـد المسـموح به ( قالو 6 باعوضات في المتر المكعب , اها في
السـودان بقى 12 باعوضة و بالنهار كمان , أما الذباب فحدث و لاحـرج )
|
Post: #24
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-08-2012, 01:07 PM
Parent: #20
محمد يوسف زين !
| Quote: التدخين مسبب رئيسي للسرطان والتمباك ظريف . |
وبرضو لو ناس تشريعى الخرطوم شاورونى الدايرين اعدام ياهم
ناس التمباك ديل ...
عشان كان شباب الثورة طلعوا من جحورهم باعداد لا اذن رات ولا عين سمعت ..
اخونا عماد حسين
التوعية دى مرحلة متأخرررره ..
ديل عايزين رش بس ..
ذى ما بقول بشاشا الله يرحمو العلاج بالصدمة !!!
حمد غفار
| Quote: ويقول ليك دي القرار ما بيشملها . |
ديك قرارها براااااهو وقاعد من زمن حفرو تشريعى الخرطوم
ــــــــــــــــــ
القصة ح تبقى فى لون الزول الشايلا ...
|
Post: #28
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: Asim Fageary
Date: 02-08-2012, 01:32 PM
Parent: #24
| Quote: ولو داير (نفخ) برضو في وكل بتمنو |
عمر عثمان
يا أخوي حاسب على الألفاظ
_____________
أو كان تخليها لو دايرة
|
Post: #29
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: omer osman
Date: 02-08-2012, 01:44 PM
Parent: #28
Quote: عمر عثمان
يا أخوي حاسب على الألفاظ
_____________
أو كان تخليها لو دايرة |
|
Post: #30
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: Abureesh
Date: 02-08-2012, 01:47 PM
Parent: #24
والله دا أحسن خبر اليوم..
أهو دا التأصيل الحضارى يا سادة يا إنقاذ.. اول مرة الله يوفقكم فى شئ مفيد للعباد.
الغريبة نحن نسخر من اليمانية والصوماليين عشـان يخزنوا القات، والجمل ما شايف
عوجة رقبته..
التمباك زمان المهدى حرمه وعند الصوفية حرام.. وكذلك التدخين وذلك بالقياس، وهما أشد
حرمـة من الخمر.. لأن الخمر قال الله فيها منافع للناس لكن إثمها اكبر، اما التدخين
والتمباك فلا منافع فيها وكلها ضرر.. نفعها الوحيد هو تغييب العقل وتوهم الكيف
بتاثير الكيمياء لذلك مجرد ما يذهب التاثير الكيماوى الواحد يكون (زهجان وقرفان)
(ذم فى صورة مدح)..
الاماكن العامة والمغلقة هى مثل المطاعم والأندية والقاعات والبصات...الخ.. فهى اماكن
عامة وفى ذات الوقت مغلقة..
فى كل مطارات الدنيا توجد غرفة مثل الزنزانة للمدخنين..
.img_assist_custom.JPG)
لأن التدخين السلبى ضرره اكبر من التدخين المباشر
|
Post: #31
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: wadalzain
Date: 02-08-2012, 01:50 PM
Parent: #24
أحسن ، عشان تانى لمن نكون فى حافلة او بص والدنيا سخانة وعرقك يخر ما يقوم راكب جمبك يطلع سجارة ويشعلها وينفخ كمان الهواء عليك
وعشان تانى الاطباء القاعدين يدخنوا بشراهة ديل يشوفوا ليهم محلات تانى يدخنوا فيها
بس السؤال هل القانون قال ( التدخين ) ولا ( الدخان ) عشان لو قال الدخان ناس ابروف ديل يشوفوا ليهم حاجة تانى يبيعوها
مع تحياتى
|
Post: #26
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-08-2012, 01:27 PM
Parent: #20
مجدى اسحق !
Quote: فمع حقك في التدخين
ولكن ايضا مع حق الآخرين في إستنشاق هواء نفي وصحي. |
مجدى سلام ... عندى خالى زوجتو زيكم كدا وهو و ولدو الكبير وضيوفهم
بدخنوا يوم انا زعلانه جدا قلت لى لازم تتعامل مع المسالة دى بى جدية
قال لى يعنى نعمل شنو؟؟
قلت لى توقفوا انتو وضيوفكم التدخين !!
قال لى الاسهل اجيب لى مرا غيرها لوووووووووووووب
عاطر التحايا لكفاحكم المشترك ... وسيروا وعين الله والتشريعى ترعاكم ...
حافظ قنابو
قنابو دى جنابو بالمصرى ؟؟
انت برلوم مالك ومال الفيل ؟ ما تتكلم فى السياسة ياخ ..
برفدووووك ..
عثمان دغيس
Quote: بعدين المعلوم إنو يوجد تدخين سلبي
لكن مافي سف سلبي .... أي زول حر في شلاليفو ....! |
السف فى عضمو دا سلبى ...
ودا طبعا اذا كانت شلاليفو ملكو ..
البشير دفع الله
ودا بيعنى ان هم اصدروا قانون التجريم قبل قانون المكافحة ..
شفت كيف !!
|
Post: #27
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-08-2012, 01:28 PM
Parent: #20
مجدى اسحق !
Quote: فمع حقك في التدخين
ولكن ايضا مع حق الآخرين في إستنشاق هواء نفي وصحي. |
مجدى سلام ... عندى خالى زوجتو زيكم كدا وهو و ولدو الكبير وضيوفهم
بدخنوا يوم انا زعلانه جدا قلت لى لازم تتعامل مع المسالة دى بى جدية
قال لى يعنى نعمل شنو؟؟
قلت لى توقفوا انتو وضيوفكم التدخين !!
قال لى الاسهل اجيب لى مرا غيرها لوووووووووووووب
عاطر التحايا لكفاحكم المشترك ... وسيروا وعين الله والتشريعى ترعاكم ...
حافظ قنابو
قنابو دى جنابو بالمصرى ؟؟
انت برلوم مالك ومال الفيل ؟ ما تتكلم فى السياسة ياخ ..
برفدووووك ..
عثمان دغيس
Quote: بعدين المعلوم إنو يوجد تدخين سلبي
لكن مافي سف سلبي .... أي زول حر في شلاليفو ....! |
السف فى عضمو دا سلبى ...
ودا طبعا اذا كانت شلاليفو ملكو ..
البشير دفع الله
ودا بيعنى ان هم اصدروا قانون التجريم قبل قانون المكافحة ..
شفت كيف !!
|
Post: #33
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: مُحَمَّدٍ عِوَضٌ احْمَدُ
Date: 02-08-2012, 02:03 PM
Parent: #27
اهم حاجة الزول بعد يقبوضوهو ما تكون عقوبتو فى سجن سنجة....
|
Post: #32
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-08-2012, 02:02 PM
Parent: #20
شكرا يا مدثر
والله التدخين ما عندنا فيهو قول لكن الفى الحكومة عرفناها !!
سعدالدين بتاع المشاكل وين ياخ !!!
انا لو قريت تانى ما عندى مشكلة مع المنع ولا مع وقتو
انا بس .. موضوعى مع الحكومة البتشيل فى اصبعها وتطبز بى عينها دى !
براقب وبضحك .. بقول الناس ديل ساتر ذاتو ما بعرفو يعملوا !!
وناس قسم الحيوان ما يتخرجوا كان متخرجين .. انت البوديك
الحفلات بتاعت الاولاد السغار شنو ؟؟ لووووووب
مش كويس ما عضاك حيوان ..
على خير
هو التدخين براهو ؟
البشارى !!
السفه دى بتظهر حتى لو ختيتها فى الحيطة
الوهمة بتاعت فووووق دى شوفوا غيرها ياخ لو
الناس ما بتشوف ما بتشم ؟ عووووووع . وبس اخير التدخين
بى سجنو دا ...
ـــــــــــــ
البشارى املنا فيك كان اكبر من كدا ياخ ..
|
Post: #35
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: صلاح الدين نزلاوى
Date: 02-08-2012, 02:25 PM
Parent: #32
Quote: البشارى !!
السفه دى بتظهر حتى لو ختيتها فى الحيطة
الوهمة بتاعت فووووق دى شوفوا غيرها ياخ لو
الناس ما بتشوف ما بتشم ؟ عووووووع . وبس اخير التدخين
بى سجنو دا ...
|
انا ضد التدخين لانه سبب رئيسى لامراض القلب والشرايين والسرطان
لذلك اقلعت عنه وبإراداتى منذ عام 1998م وابدلته بالتمباك دعما للمنتجات الوطنية
دينا
سلام
عووووووووووع دى شنو انتى جربتيوه ولا كلام ساى
التمباك او الصعوط مظهر غير حضارى فقط
لكن تانى ما فيهو عيب
ربنا يصرفو عننا
|
Post: #36
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: عبد الواحد أبراهيم
Date: 02-08-2012, 03:01 PM
Parent: #32
امر عجيب ! ناس الانقاذ ديل ما فى زول بيشبهم الا الخليفة عبد الله
واضح المسالة فكت والحكاية جاطت
بخصوص قرار المجلس التشريعى (اللملام) دى
يحضرنى سؤال بخصوص السياسيين بتوعنا
يعنى ذى عبد الرحيم حسين دى يسجر وين ؟ وغازى اب سجارة ود اب عصاية
يدخن وين مع القرار دى الا يمشى ام على غيتو
اما السؤال الاهم ما مصير البنقنجية
ودى طبعا يجاوب عليها رئيس قطاع الجوافة بشعبة الخضر والفاكهة
الفكهانى بتاعنا البشير
والله اليومين دي مفكهنا جنس فكهنة الله يفكه اياموا
|
Post: #41
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: الامين موسى البشاري
Date: 02-08-2012, 09:56 PM
Parent: #32
| Quote: البشارى املنا فيك كان اكبر من كدا ياخ .. |
ليه بس التحطيم ده يا دندون ؟
عموما اطمنك البشاري ود عرب
..
..
__
ود عرب دي الا يشرحوها ليك التمباكه
..
..
ود عرب دي مصطلح عشان ما يجيني زول
ناطي لي في حلقي (كلنا أولاد تسعة)
|
Post: #34
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-08-2012, 02:24 PM
Parent: #20
امجد الزين !
| Quote: مش قبل كم شهر كدة وزير الداخلية قال البنقو العدييل دة ما فيهو حاجة |
والحكومة ما سمعتو ؟؟؟ سجمو ..
الاحيمر !!
القرار من ناحية كويس فهو كويس لكن ح يجيب ليهم هوا ما كويس !!
وفى روايه صرصر عاتية من طير ابابيل .. ترميهم بحجارة من سجيل
وتحرق اللساتك وكدا ..
ياااا جنابو ..
Quote: يادينا الحتة دي ماتشيلي ليها هم اكيييد ح تفتح محلات متخصصة
في (التنفيس) |
والله شايله ليهم الهم .. اكضب عليك !!
حللللك لما يفتحوا المحلات .. الناس تكون طرشقت ..
وانت قايل الطرشقة ذى التنفيس عايزة زمن ؟؟
ناس الاتصالات كان بحولو كان حولو لى ناس مستشفى بحرى ..
النفس مهم والله .. من بعد تقفيل حبيبى مفلس ..
|
Post: #37
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: د.نجاة محمود
Date: 02-08-2012, 05:02 PM
Parent: #34
خبر السرور عسل انت وبسكويت
انتو الترابي راجع ولا شنو؟؟؟؟؟
موش مرة قال المفروض الحكومة توقف المكيفات قاموا قلعوا كل المكيفات من المكاتب
وجدعوها جنب الجيلي على عهد نميري وطلع عمنا قاصد السجائر والصعوط
اسع حددوه التبغ عديل كدا تلافيا للخطأ
وعليه
دي احسن حاجة عارفة السودانين هم الوحيدين بدخنو جوة البيت والغرف
لو في بيبيي ولا عجوز
اتمنى بعد داك يكونو جادين في تنفيذ هذا القرار..
مع الود
|
Post: #38
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: Elawad
Date: 02-08-2012, 05:06 PM
Parent: #34
سلام يا دينا
زي ما قال الشريف زين العابدين الهندي الله يرحمه الحكومة دي لو جراها ###### من رجلها ما بقول ليه جر... لكن بصراحة دا قرار موفق جدا و يشكروا عليه.
|
Post: #39
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: حافظ انقابو
Date: 02-08-2012, 08:05 PM
Parent: #38
منع التبغ يعني منع التدخين والتمباك
.
.
التدخين منعه منطقي لان التدخين السلبي يضر بالاخرين
.
.
ناس التمباك زنبهم شنو
|
Post: #40
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: waleed dawash
Date: 02-08-2012, 09:35 PM
Parent: #39
قرار سليم وياريت لو دعموه بحملة للتوعية باضراره
وتذكير المدخنين دوما بعدم التدخين بالغرف في المنازل
عشان خاطر الاطفال والنسوان المغلوب على امرهن (( مرات مرات))
(وده لو ماكانت هي ذااااااااااااتها سيجارتها قصبه)
|
Post: #42
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: jini
Date: 02-08-2012, 10:05 PM
Parent: #40
Quote:
كان عليهم بجانب حظـر التدخين في الأماكن العامة
برضـو يوقفوا الاسـتيراد و التصنيع المحلي للســجائر و يوفروا شـوية دولارات
دينا القرار كويس كمان نلفت نظـرهم الى الاهتمام بالبيئة
الباعوض تجاوز الحـد المسـموح به ( قالو 6 باعوضات في المتر المكعب , اها في
السـودان بقى 12 باعوضة و بالنهار كمان , أما الذباب فحدث و لاحـرج ) |
قادر الله
ضغوط عالمية لا قبل لهم بها
بعدين علماء السودان م وش مفروض يحرموا التدخين والرسوم الجمركية ورسوم الانتاج وزراعته وبيعه!
جني
|
Post: #43
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: بدر الدين الأمير
Date: 02-08-2012, 10:07 PM
Parent: #40
خالدينا
انتى (بتلفى) ولا عارفة ان التبغ خشم بيوت
|
Post: #45
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: حافظ انقابو
Date: 02-08-2012, 10:31 PM
Parent: #43
مطلوب حضورالاخ د. عادل المكي (سجيمان) فوراً في هذا البوست
|
Post: #46
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-09-2012, 07:00 AM
Parent: #45
انقابو قال التمباك ذنبو شنو ؟
ياخ التمباك دا موسـخيين بيه ومعفـنين بيهو الدنيا كلها
ادخل اى مستشفى مباااااالغه الناس البسفو ديل منعدم
عنهم اى احساس بالنظافه ما عارفه العلاقة شنو ...
غايتو التمباك دا بستحق عشرة سنين سجن عشان
الواحد يطلع من السجن ولااااا نيكوتينا واحده فى دمو مافى ,,
انت عارفو بعمل سرطان الفم واللثة ؟؟؟
وبرضو ح تتعب الناس المعاك
بالعلاج والشلهته
مافى زول ينزل لينا صورهم بعد المرض ؟
|
Post: #47
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: حافظ انقابو
Date: 02-09-2012, 07:12 AM
Parent: #46
اقعدي اتفاصحي كدا يا دينا لمن يجيك سجيمان .. يحلك الحلة بلة
|
Post: #48
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: الامين موسى البشاري
Date: 02-09-2012, 11:50 AM
Parent: #47
استفادة قصوى من التقنية من الحريفة بتاعين الصعوط
|
Post: #49
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-10-2012, 09:38 PM
Parent: #48
الامين البشارى ...
ولقاهوو ؟؟؟
|
Post: #50
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: فايزودالقاضي
Date: 02-10-2012, 10:22 PM
Parent: #49
شكراً لله ثم شكراً لمن جعل ذلك ممكناً ..
باقي يمنعوا التمباك ...
هو ذاته حرام زي الغنا ...
انت يادنيا ظاهرة وين عشان التدخين يسبب ليك ضرر ؟!!
|
Post: #51
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-11-2012, 06:29 AM
Parent: #50
يا ود القاضى
دا حالتو بدون وضوء ... لوووووووب
|
Post: #52
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: عادل خياري
Date: 02-11-2012, 07:07 AM
Parent: #51
سلام دينا
الخبر في حد زاتو جميل وجميل جدا انو التدخين يكون ممنوع في الاماكن العامة والمغلقة وفي بعض الدول ممنوع حتى في البارات وبقت عليهم حكاية الصعيدي يحللو الخمر ويحرمو السجاير
لكن الناس السفت قروش البلد وهربتها برة
الناس السفت قروش مشروع الجزيرة
الناس السفت قروش البنوك
الناس السفت المدينة الرياضية
الناس السفت تعويضات متضرري حرب الخليج
والناس السفت عقل الشباب بالجهاد وفي النهاية طلعوا فطايس
الناس السفت عرق الشعب
السف كتير وموجع ومؤلم بقت هلى التبغ المسكين ده
نعم مع المنع جدا ولكن هناك اولويات لتشريعي الخرطوم
راجع آخد لي نفس واجي
|
Post: #53
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: بت قضيم
Date: 02-11-2012, 01:15 PM
Parent: #52
قرار ممتاز وضروري
اول مرة احس اني أوافق بشدة على احدى قرارات الحكومة
اتمنى جدية التنفيذ
اما بالنسبة للتمباك..
فانا اقترح حل عملي يرضي جميع الأطراف والشلاليف...يسمحوا بالتمباك ويمنعوا التفة.....
تحت بند الحفاظ على البيئة ومشاعر الانسان وحقه بالاستمتاع بجو نظيف خالي من القذائف البزاغية المقرفة
تحياتي للجميع
|
Post: #54
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: تبارك شيخ الدين جبريل
Date: 02-11-2012, 04:17 PM
Parent: #53
سجن؟
في سجارة حمرا؟
ياخي دي في أي حتة في الدنيا بيدوا فيها مخالفة زي مخالفة المرور ...
ولو ما وقفت قدام قاضي وثبتت عليك ما بتدفع الغرامة ..
ولو ثبتت عليك ما بتتسجن في سجارة حمرا ... يعني مافي زول بيلقوا القبض عليهو بسبب مخالفة منع التدخين
دا عند الناس البيعتمدوا على دراسات وأسباب لمنع التدخين في الأماكن المغلقة
منع التدخين في الجامعات دا شنو؟ تربية؟ والما متربّي؟ حا تربيّهو الحكومة؟ طيب الحكومة تربّي البواليس اول!
عميد شرطة يتحرش بأستاذة في جامعة الرباط ... لاكين التدخين ممنوع في الجامعات!
الهوا كيف؟
الله هويني فعلاً (خصوصاً انو "هونيني" ما عربي)
... المهم ....
|
Post: #55
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: د.نجاة محمود
Date: 02-11-2012, 05:23 PM
Parent: #54
الشيطــان يسكـــن كيــس الصــعوط
سي جي
ما بتذكر...اول مرة سفيت صعوط....متين.... لكن هناك علاقة مودة وعشق متبادل بيني وبينو....ورمضان انا بعتبرو من العوازل....لانو بيجي ويحجب بيني وبين السعوط.... نهارا......ويخليني طول النهار انا شوق وحنين....
انا لاقبل اي اهانة للسعوط....ولا ارضى عن اي زول يذكر السعوط بسوء...اكجنو لي يوم القيامة واشوفو عشرة عشرة....واحدر ليهو في الضلومة....
وكانت من مبادئ التعايش السلمي بيني وبين ام العيال ان لا تذكر السعوط بسوء..او تلغط فيهو....او تقول له افٍ...واي محاولة لاضطهاد السعوط او الاستعلاء عليه...قد تؤدي الي كارثة لا يحمد عقباها....وقد كانت ام الخير نعم الزوجة...ربنا يطول عمرا....كانت في غاية التعاون..وغاية الحب والمودة للسعوط...تحفظو في التلاجة وتشيل الكيس بكل احترام وتقدير وترفعو في بكان مأمون...تمسح السفة الواقعة في البلاط...او في الموكيت.. بروح رياضية طيبة.... هاشة باشة......قلما توجد في مثيلاتها من نساء الرجال السفيفة.....
جاء رمضان.....وانا صراحة من يفوت رمضان اكون شايل هم لي رمضان البعدو....وكلو عشانحيفرق بيني وبين الصعوط نهارا...لما يقرب اذان المغرب.. قبل المويات اكون جبت كيس الصعوط وختيتو جنبي كل مرة اتلفت عليهو واقول ليهو....خلاص هانت كلها دقائق وتحتضن شلوفتي التحتانية بعضٌ منك......
كل محاولاتي لايجاد فتوى تسمح بالسعوط في نهار رمضان باءت بالفشل والنهزرة....سألت واحد قريبنا انصار سنة...عن امكانية سف السعوط في نهار رمضان....قبل علي نهرني ونهزرني وزلاني.....وقرررررررب يطلعني كافر....مشيت لي واحد تاني مو انصار سنة.....وقعدت اشكر وامدح في المذهب المالكي.....وكيف انو مذهب ييسر على المسلم امره.....ويهون عليهو كل قاسي....ومذهب اصلو ما بيمسك الزول من ايدو البيتوجعو....ومالك زاتو الله يرحمو كان راجلن طيب وعديل....واصلو ما بيغليت علي زول...ويا شيخنا دحين دايرك تفتي لي في امكانية سف السعوط في نهار رمضان.....او ان شاء الله اشمو ساااااكت بس.....لكن لا فائدة.....
في اول يوم من رمضان.. قمت من النوم وشي ينعل قفاي......لبست البنطلون..والقميص مقلوب.....وانا ماشي الشغل....عاينت لقيت كيس السعوط فوق التربيزة....بعيونو يقول لي تعال وتعال....واحتضنته عيناي...وطفق الدمع منها....
في الشغل... قعدت في المكتب وافتح واقفل في الادراج بدون سبب....وفجأة لقيتصعوط قاعد في الدرج ناسيهو انا من امبارح....كل ما افتح الدرج هو يمد لي لسانو ويغيظني.......قلتو يعني انت عامل فيها قوي؟....ونمرة واحد؟....وساموطي؟...والله حقو الزول حسي يقوم عليك ويوريك شبهك ويسفك.....الله ينعل ابليس....تاني فتحت الدرج لقيت الكيس برضو يعاين لي ويضحك...شلتو بطرف اصابعي.... وبكل قوة قلب..ورباطة جأش...وشجاعة فائقة....رميتو في الادبخانة....واعاين لو وهو يدردق....الي القاع..... وقلت لو.....اها..... عاجبك كدي؟؟؟؟؟؟
رجعت البيت وقلت اخد لي غفوة شوية كان الوقت يجري....غفيت ...لوري..... لوري قلاب مليان صعوط .. صعوط ممطر وجاهز...اشوفو....واشوف نفسي وانا غاتس فيهو لي اضنيا.....واتهزني فوفو من كراعي ... افتح عين واحدة واعاين لها....واشوفا شايله كيس صعوط برضو وقالت لي بابا ... بابا... هاك الكاكا.....
| Quote: انا لاقبل اي اهانة للسعوط....ولا ارضى عن اي زول يذكر السعوط بسوء...اكجنو لي يوم القيامة واشوفو عشرة عشرة....واحدر ليهو في الضلومة. |
اها يا سيجي ما يكون كلام بورضات وهرشات ساي
|
Post: #56
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: عبدالله محمد أحمد
Date: 02-11-2012, 07:09 PM
Parent: #1
ابنتي دينا لك تحياتي
ارجو منك توجيه هذا لسؤال لتشريعي الخرطوم: (اذا كانت عقوبة من تعاطى التبغ - وهو تصرف شخصي - السجن و الغرامة، فما حكم من تعاطى الاعتداء على المال العام - و هو مال اليتامى و المقعدين - في ولاية الخرطوم؟)
|
Post: #57
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: تبارك شيخ الدين جبريل
Date: 02-11-2012, 07:58 PM
Parent: #56
| Quote: علميا معروف اثر التدخين غير المباشر عند جلوسك بالقرب من مدخن |
الدكطور مجدي اسحق ...
بالله فصّل لينا شوية في الكلام دا ...
العلم بيقول: (والكلام دا سنة 1992)
| Quote: The public health burden due to ETS exposure is likely to be much greater for heart disease than for lung cancer, which has been the focus of most debate to date. Individual lifetime excess risks of heart disease death due to ETS of one to three per 100 can be compared with much lower excess risks of one death per 100 000, which are often used in determining environmental limits for other toxins. Exposure to ETS is not currently regulated at the federal level, except for domestic air traffic. |
تأثير التدخين على زول عايش مع مدخّن في شقة واحدة بنسبة 1-3 من 100 من اسباب أمراض القلب ... بينما 1 من 100,000 من اسباب امراض الرئة والسرطان التي يدعيها الناس عادةً ... خالطين بين التدخين البيئي وسموم التلوث البيئي الأخرى .... فعفواً يعني لو فاجأتك بإنو اسباب زيارة المدام المتكررة للمستشفى بالأزمة احتمال ضعيف جداً جداً انها تكون بسبب مدخّن في امجاد .... دخان عادم الأمجاد متهم اكبر من سجارة السواق (علمياً) ...
.... المهم ...
|
Post: #58
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-11-2012, 11:59 PM
Parent: #57
عادل خيارى
ما تتزمزغ .. وتلف الموضوع
السفه المقصوده دى اخطر من ديل كلهم ..
|
Post: #59
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: Tragie Mustafa
Date: 02-12-2012, 01:51 AM
Parent: #58
البوست ده وضح ببساطه
من المقيمين في دول العالم الاول ومتاثرين بثقافته
ومن هم المقيمين في بلاد العالم الثالث ومطبقين للهيصه الفيها!
حتى لو ادعوا انهم مناصرين لحقوق الانسان.
اي حريه تتجاوز حدك وتضر الآخرين هي نهاية يفترض لحد حريتك.
انا ضد التدخين بشدة!
وكلما اذكر السفر للسودان احس باني اختنق في مكاني لما اتذكر قرف المدخنين!
السفه مقرفه وغير اجتماعيه لكنها اقل ضرر للآخرين من التدخين!
السودانين المقيمين بالخليج للاسف تعودوا شراهتهم في التدخين ومقتنعين للاسف انهم في بلاد متحضره!!
مقياس تقدم الامم باحترام مساحات حريات الآخرين!
شكرا يا دينا.....ولي عوده....للقرار الانقاذي لاحقا.
| Quote: بالامس : تشريعى الخرطوم يقر عقوبة السجن والغرامة لتعاطى التبغ !! |
هؤلاء الانقاذين......هل سيطبقون هذا المنع على قياداتهم؟!
ولا بفتركوا فقط فلاحتهم في الشباب وفي طلاب الجامعات!
|
Post: #60
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: د.نجاة محمود
Date: 02-12-2012, 05:09 AM
Parent: #59
Quote:
هؤلاء الانقاذين......هل سيطبقون هذا المنع على قياداتهم؟!
ولا بفتركوا فقط فلاحتهم في الشباب وفي طلاب الجامعات! |
لووووووووووووووول يا تراجي بالجد مرات بتموتيني بالضحك
يا خي ما تدخن القيادات الى ان تموت. انت خائفة عليهم ولا شنو؟
المفروض هنا ما تدخلي المعيار..ز
لوووووووووووولوب
|
Post: #61
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-12-2012, 07:57 AM
Parent: #60
بت قضييم !
| Quote: فانا اقترح حل عملي يرضي جميع الأطراف والشلاليف...يسمحوا بالتمباك ويمنعوا التفة..... |
لوووووووب يا قضيم ياخ .. تحفة انتى
حقوا يودوك فى الوفود بتاعت المفاوضات ... ههههههههههها
حلولك مرضية والله ..
عشان مافى زول يا قضيم يجى يقول لينا السفه مافيها اثار جانبية !!
ومافى سفة سلبية !!
هم قايلين المرض دا الا سرطان رئة ؟ مافى سرطان فشفاش وفى سرطان نفسى
وبصراحه كدا السفه دى اخير منها السجاير ...
تبـارك الذى ما بيده اى شىء ...
شفتهم كيف بس جاريين للتربية ؟؟
السجاير موجود فى الدكان ويسجنو الزول البشربو ! دا كيف دا ؟
وهم هسه لو ما (خجلانين دوليا) كان نفسسهم انو العقوبة تكون جلد ..
الله هونينى ساى
هونينى .. والمهم ذاتو ...
ـــــــــــــــ
تبارك ما تخاف تعال تعال انت تجاوزت السنه القانونية
للسجن .. الا ذى ما قال كيكى يكونوا دايرين ليهم اساتذه
للطلاب ديل ...
|
Post: #62
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-12-2012, 08:20 AM
Parent: #60
دكتورة نجاة امنعى الفوضى ياخ
وبطلى المكاوة دى ..
سؤال : السودانيين البسفو فى ماليزيا ديل بسفو كيف بالله ؟؟
برضو بتفو فى اى حته ؟
شكلهم ناسنا جابو السجن والغرامة دى من هناك ..
تراج رج راااج ياخ
يعنى انتى يا تراجى دايره ناس العالم التالت ديل
راسهم دا بس يتلفتوا بى ؟؟
عالم حاسده ...
غايتو البعرفو انا القرار ح بصب فى صالح نواياكم
الشريره مباااااشرة (جيبى وشوش) يعنى ذادوكم حطب !!
العم عبدالله
لو سألتهم ح يمرقوا ليك الف عقوبة وعقوبه قاعدات
قبل ما يحفروا البحر ... لكن محفوضااااات فى ادراجهم
هم الدايرين يففعلوا بفععلو ..
هسه القانون دا ذاتو ح يفسروا بطريقة اصلك ما ح تتوقعها ..
شكرا لمرورك الجميل ..
|
Post: #63
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: محمد أبوالعزائم أبوالريش
Date: 02-12-2012, 08:28 AM
Parent: #60
دينا يا دينا .... مااااااا جننتيا ..
ذكرتيني ... لما الوحي نزل على الإمام جعفر نميري ... (جعفر يا دينا ما رشاد .. سمح؟) .... عندنا واحد صاحبنا بتاع طشمة ... وقال إنو وقف الشراب ... الراجل كان جادي جداً ووقف بعزيمة قوية. لما نميري (إكتشف) إنو الشراب حرام، وقام منعو وإرتكب حادثة تسكير أسماك النيل الشهيرة، بعدها بيومين لقيت صاحبنا واقف (لط) .... قلت ليهو ياخ ليه الإنتكاسة دي؟ قال لي: وقفت الشراب بي مزاجي وبي إرادتي ...... لكن يمنعني نميري؟ يمين أرجع ليهو كيتاً في نميري.
دحين أنا هسي لي 13 شهر واقف من التدخين ...... بس أوامر (التشريعي) دي ما بتمشي علينا ... ولو تطلب الأمر أرجع تاني للمدرسة الثانوية وادخّن كيتاً في الحكومة.
|
Post: #64
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: Asim Fageary
Date: 02-12-2012, 09:28 AM
Parent: #63
| Quote: أرجع تاني للمدرسة الثانوية وادخّن كيتاً في الحكومة. |
|
Post: #65
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: Zomrawi Alweli
Date: 02-12-2012, 10:11 AM
Parent: #64
ولتعمق الفجوة بيننا وبين الحكومة سنقوم بوضع حجر التمباك في الشلوف العلوي وكذلك سنقوم في احتفال بهيج بوضع ارضية سعوطية في الشلوف السفلي لتكتمل صورة المعارضة لحكومة الانقاذ ومجلس الفتوى
|
Post: #66
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-12-2012, 06:33 PM
Parent: #64
| Quote: لما الوحي نزل على الإمام جعفر نميري ... (جعفر يا دينا ما رشاد .. سمح؟) |
لوووووووووووووووووب ابونا الريش كدا تحرجنى .
لكن برضو قلبى قال شححححححححححح لما قريت !!!!
يعنى عامل ذى الجعلى بعد العملية الدكتور قال لى ما تحرك كراعك ولا تمشى عليها ابدا
اسبوعين .قال لى اوول ما طلع طوالى قمت عليها امشى من اول المستشفى لى اخرها ..
ــــــــــــــ
ابو الريش امنع الفوضى !
|
Post: #67
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-16-2012, 08:21 AM
Parent: #66
وليد داوووش !
انت شغال تفلق وتداوى !! هههههههها
لا للتدخين فى الغرف المغلقة
ياخ لااااااا لغلق الغرف ذاتو !
السجن والغرامة لكل من يغلق الغرفة وراءه ...
ـــــــــــــ
اووع يا ود الصايم تجى ترد
دعه يعبر دعه يمر .. لووووب
|
Post: #68
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: فايزودالقاضي
Date: 02-16-2012, 08:39 AM
Parent: #67
فوووووق من اجل تنفيذ عقوبة تعاطي التبغ والسف بكل انواعه حتى سف التراب ..
|
Post: #69
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: waleed dawash
Date: 02-16-2012, 10:19 AM
Parent: #68
داوووش شنو يادينا انتي قايلاني من ناس توت عنخ امون؟
دواش ياديييييييييييييينا دوااااااااااااااش بفتح الدال
...
|
Post: #70
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: محمد أبوالعزائم أبوالريش
Date: 02-16-2012, 11:42 AM
Parent: #69
| Quote: تشريعى الخرطوم يقر عقوبة السجن والغرامة لتعاطى التبغ |
دي مش ياها ذاااتها القالوا عليها ..... سجن سجن ..... غرامة غرامة؟
والبيقدر يسأل ده اليسألو:
|
Post: #71
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: قلقو
Date: 02-16-2012, 12:27 PM
الأخت دينا والأخوة المتداخلون ,
بالأمس محلات الشيشة وبناطلين النساء واليوم التدخين وعدم عمل ستات الشاى بعد الساعة السادسة وبكرة التمباك وبعدو احتمال الآيسكريم وعندكم تكفير الصادق والترابى وأحراق الأضرحة وافساد بهجة الناس بالأحتفال بالمولد النبوى الشريف وعدم الأحتفال بمولد المسيح عليه السلام ومهاجمة الأحتفال بالفالنتاين على منابر المساجد لقد ابتدأت بصمات التيار السلفى الطالبانى المشارك والمتعاطف مع الحكومة فى الظهور .
ومازال الأسوأ قادما فى الطريق .
|
Post: #72
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-16-2012, 06:37 PM
Parent: #71
قلقو !
انت لخصت المشهد كلوووو
بس بعد دا اتضايرو لينا شوية من المهجر دا ..
خلو الهواء يضربنا براكم وقفتوا على الحاله المتاخرة ...
ابو الريش !
شهيت الجماعه فى التدخين ..
هسه التدخين الجبتو دا فى الهوا الطلق ولا فى الغرف المغلقة ؟؟
المكان بحدد العقوبة ..
فايز قاضى ...
سف التراب برضو ؟
انت يا فايز الادروبات ديل بسفو ؟
دواش انا والله قايلاكم قبلوا طلعتو حضرتووهو ؟
لوووووب .. ممكن ترجمة الاسم على الشريط ؟
النطق خلاص عرفناهو ...
|
Post: #73
Title: Re: بالامس : تشريعى الخرطوم يقر عقوبة السجن والغرامة لتعاطى التبغ !!
Author: دينا خالد
Date: 02-17-2012, 07:41 AM
Parent: #72
زمراوى
كلوووو كوم وصورة بروفايلك كوم !
مباااااالغة ..
|
|