Post: #1
Title: (عقد الجلاد) أطلقتني عُصفُوراً في فضاء الحُرية !!!
Author: Ahmed musa
Date: 02-08-2012, 07:46 AM
كان الزمانُ بهيجاً ...والمكانُ مُمتلئاً بالمتعطشين إلى الغناء
وتوقفتُ حينها عند (قومية) المسرح ... فشعرت بها بفخر
المناسبة كان تدشين مجموعة عقد الجلاد لالبوم (يابا مع السلامة)
نبهني لها بوست الاستاذ عوض الله بشير
وذكرتني بها زيارة من الصديق نصرالدين مُدير المجموعة
وكُنتُ قد قررتُ سابقاً حضور الإحتفالية
فإصطحبت رفيقتي في نضال الحياة
وثمرة عشقنا الاخيرة محمد المُصطفى
وذهبنا .......
|
Post: #2
Title: Re: (عقد الجلاد) أطلقتني عُصفُوراً في فضاء الحُرية !!!
Author: Ahmed musa
Date: 02-08-2012, 11:24 AM
Parent: #1
ابراهيم الصحلي ...أبراهيم العوام ...
محمد خير البدوي ...شرحبيل احمد ...
هُم حُضَور شرف التدشين
|
Post: #3
Title: Re: (عقد الجلاد) أطلقتني عُصفُوراً في فضاء الحُرية !!!
Author: Ahmed musa
Date: 02-08-2012, 01:49 PM
Parent: #2
هزّتني ..طواقي الخوف
هزّتني شعراً ولحن ...
وهزّتني طريقة اداء المغني الذي ادى صولو (فين حلايب)
كان صوته قوياً ومُعبراً
وحين يدفع بالآهة يُخرجها من فمه
تشعر بها تحلق عالية تفضج تراخينا عن كثير من قضايانا الوطنية
القدال اعاد إشعال المطالبة بأراضينا ناراً من حرف
آآآآآآآآآآه ....
|
Post: #4
Title: Re: (عقد الجلاد) أطلقتني عُصفُوراً في فضاء الحُرية !!!
Author: خالد خليل محمد بحر
Date: 02-08-2012, 02:01 PM
Parent: #3
أحمد موسي....سلام
عقد الجلاد الفرقة والمشروع، يتحركان فى نواحي تسكين قيم الحق والخير والجمال
يرسمان بالموسيقى والالحان العزبة والكلمات الانيقة، لوحة لما ينبغى أن يكون عليه السودان
دعني أطرح سؤال هل يجوز الاستماع لعقد الجلاد {عقد الجلاد المشروع والفكرة والافكار} بمعزل عن
الموقف السياسي من الجهات التى تنشط فى تسكين قيم هى على النقيض من مشروع عقد الجلاد.....؟ يعنى هل يمكن أن أستمع وأتغزل فى عقد الجلاد
التى تغني للوطن وللإنسان وللحرية ، فى حين أننى فى ذات اللحظة أتغزل وأدعم جهات ضد الانسان والحرية ....ها....؟ {مجر سؤال}
|
Post: #5
Title: Re: (عقد الجلاد) أطلقتني عُصفُوراً في فضاء الحُرية !!!
Author: Ahmed musa
Date: 02-08-2012, 03:51 PM
Parent: #4
حين صدحت المجموعة (حُرية)
صاحت الجماهير
والجدران
وتململ الأطفال في حجور أُمهاتهن
حينها أيقنت أن أزمة بلادي أزمة حرية
وكذلك حين قرأ القدال قصيدته طواقي الخوف
مُبرئاً ذمته ... للتأريخ
|
Post: #6
Title: Re: (عقد الجلاد) أطلقتني عُصفُوراً في فضاء الحُرية !!!
Author: Deng
Date: 02-08-2012, 07:16 PM
Parent: #5
Quote: أحمد موسي....سلام
عقد الجلاد الفرقة والمشروع، يتحركان فى نواحي تسكين قيم الحق والخير والجمال
يرسمان بالموسيقى والالحان العزبة والكلمات الانيقة، لوحة لما ينبغى أن يكون عليه السودان
دعني أطرح سؤال هل يجوز الاستماع لعقد الجلاد {عقد الجلاد المشروع والفكرة والافكار} بمعزل عن
الموقف السياسي من الجهات التى تنشط فى تسكين قيم هى على النقيض من مشروع عقد الجلاد.....؟ يعنى هل يمكن أن أستمع وأتغزل فى عقد الجلاد
التى تغني للوطن وللإنسان وللحرية ، فى حين أننى فى ذات اللحظة أتغزل وأدعم جهات ضد الانسان والحرية ....ها....؟ {مجر سؤال} |
الأخ خالد بحر
شرا لك
لقد عبرت عني تماما
|
Post: #7
Title: Re: (عقد الجلاد) أطلقتني عُصفُوراً في فضاء الحُرية !!!
Author: محمد المسلمي
Date: 02-08-2012, 07:46 PM
Parent: #6
دينق زايق من بوست الصورة وعامل فيها رائح
دينق اديك النجيضة اختشي
|
Post: #8
Title: Re: (عقد الجلاد) أطلقتني عُصفُوراً في فضاء الحُرية !!!
Author: Deng
Date: 02-08-2012, 08:23 PM
Parent: #7
الأرزقي النفعي محمد المسلمي.
خلاص دولة الكيزان في طريقها للسقوط. أين سيذهب أمثالك من النفعيين؟
|
Post: #9
Title: Re: (عقد الجلاد) أطلقتني عُصفُوراً في فضاء الحُرية !!!
Author: محمد المسلمي
Date: 02-10-2012, 08:00 AM
Parent: #8
دينق اختشي
|
Post: #10
Title: Re: (عقد الجلاد) أطلقتني عُصفُوراً في فضاء الحُرية !!!
Author: Ahmed musa
Date: 02-10-2012, 10:49 AM
Parent: #9
يابا مع السلامة
في الزمن المكندك والحزن الاضافي
جينا نقول نفرق نجي نلقاهو مافي
لا سافر مشرق لافتران وغافي
وين عمي البطرق جواي القوافي
يا كرسي وسريرو هل ما زلت دافي
يا مرتبتو امكن في مكتبتو قاعد يقرا وذهنو صافي
يا تلك الترامس وينو الصوتو هامس
كالمترار يساسق يمشي كما الحفيف
كم في الذهن عالق ثرثرة المعالق والشاي اللطيف
تصطف الكبابي اجمل من صبايا
بينات الروابي والضل الوريف
احمر زاهي باهي يلفت انتباهي
هل سكر زيادة ام سكر خفيف
ينده للبنية يديها الحلاوة
والخاطر يطيب
يدخل جنو منو محبوب الشقاوة
يستنى النصيب
الدفو والنداوة السنا والعبير
كالغزلان هناك في الوادي الخصيب
حيث الموية عذبة والغصن الرطيب
كم تحت المخدة اكتر من مودة
للجنا والغريب
عش وعشب اخضر جدول من حليب
يابا ابوي يا يابا
الشمس البتطلع بلت منو ريقا
والنجمة البتسطع فيه تشوف بريقا
الندى في حركتو يطفيها الحريقة
ننهل من بركتو زي شيخ الطريقة
شاييهو وطرقتو والايدي الصديقة
يلا نسد فرقتو حب الناس درقتو
يا موت لو تركتو مننا قد سرقتو
كنا نقول ده وقتو لكنك حقيقة
النفاجو فاتح ما بين دين ودين
نفحة محمدية دفئاً كالضريح
ميضنة كم تلالي جيداً في الليالي
مجداً في الاعالي
مريم والمسيح
قلباً نبضو واصل ما بين جيل جيل
ما بين كان وحاصل او ما قد يكون
ما بتشوف فواصل الا الذكريات
وآلام المفاصل بعضاً من شجون
يابا مع السلامة يا سكة سلامة
في الحزن المطير
|
Post: #11
Title: Re: (عقد الجلاد) أطلقتني عُصفُوراً في فضاء الحُرية !!!
Author: Ahmed musa
Date: 02-10-2012, 10:59 AM
Parent: #10
يابا مع السلامة ـــ محجوب شريف
هي عنوان الالبوم الجديد للمجموعة
...
...
....
طواقي الخوف
محمد طه القدال 9 ديسمبر 2010م
ما خايف المطر
يتحاشى الضهاري الراجية قولة خيرا
ولا خايف المطر
يمشي على الصحاري تلمو في بشكيرا
ولا خايف العشم
يتناسى العشامى ونيما ياكل نيرا
ولا خايف النفس
تتذكر نفسها وتنسى يوم حِدّيرا
خوفي على البلد
الطيب جناها وقمنا في خُديرا
شاحدك يا كريم
لا تحصل خراب لا أرجى يوم ودّيرا
***
وانا ما بجيب سيرة الجنوب.
عيال بتسرح للمدارس ..
والفطور نجماً بعيد.
بنوت بتجري
على الخطاطيب الخطاطيف
البتجرح ..
والعريس نجماً بعيد.
الدكاكين التملا تفضي،
السماسرة يسمسروا،
والبسفو الطين ..
يسفوا،
والبحتّوا الراب ..
يحتّوا،
والبناطلين ليها سستم،
والقوانين ليها سستم،
البنوك الفيها بستم ..
من سويسرا ولي ماليزيا
بالسفارات
والعمارات
والخبارات .. .
انا كنت متغطي ..
ومتدفي،
العمة ملوية،
والشال على كتفي.
سودان وكان ما كان
سودان علي كيفك
السكة ساعة إيد
والأرض مروية
والناس حنان وظراف
والراح يجيك ..
للحول
والخدمة مظبوطة
مظبوطة مدنية
والدنيا حرية
الماشي درب الكار يغور
والتاب من التمباك يتوب..!
انا مابجيب سيرة الجنوب.
الغبّوا عرفوهو
والعرفو سوّوهو
والسووا بلقوهو ..
......
أصبحت زي الزول
قادل بوسط السوق
سروالو نصلوهو
لو العِرق مسروق
أو قلبي نشلوهو
طعم الكضب مسلوق
ماسخ تضوقوهو
لو فمي ما مطلوق
أو كمي غسلوهو
ياني البسوي القوق
قولي البتابوهو
ماعندكم دمي
ما عندهم دمي
من دمي لا لا لا
ماقدروا فصلوهو.
وانا ما بجيب سيرة الجنوب؟
قول استقلْ ..
انا في صفوف الزوق
واقف مع الواقفين مزنوق بهنِّيهو
ويهنوهو
أواستقال ..
ودا أول الأحزان
أو قالوا باعوهو
ودا ياهو قطِّيع القلوب
أنا ما بجيب سيرة الجنوب،
فالسيرة كمين ألف عام
لوني المحرق مندوكور
وشكلي شكلين
شكل منقة
وشكل تور
دمي المشتت من قبايل نوح وحام
شعري المقرقد زي حصايا
اتشتت فوق الدروب
كتفي المهدل بالعيوب
وانا ما بجيب سيرة الجنوب
أصل البقت
من ساس وسايس أو يسوس
ياها البقت
خلونا من حرب البسوس
الفاضلة
تكفير الذنوب
الفاضلة لمليم البشاتن
والمعاطن
والخبوب
الباقي
مايخموكا تاني على
الدفافير والكناتر والحروب
الباقي تعظيم التماسك
في الخطوب
لا نافع الشَّدة العلوق
ولا نافع المبقوص يحوق
لا بنفعك عَرَق الزنوج
ولابرقعك لبن العروب
إلا الوقوف ألفاً ضكر
واحد براك
في الشيمة تلفحك الهبوب
الغيمة تديك
للسفاسف
والعواصف
والمطر
برطع مع الأفعال
وادخل على التاريخ
يغلب أجاويدك
من قرقريب عوسك
اخرِج من التاريخ
شيخك وعربيدك
لا نافعك التكفير
ولانافعك التوبيخ
فامشيه وحيدك
وامرق على التاريخ
تلقاه في السهلات
مستني كمسيدك
لا بيظلم التاريخ
ولا يرحم التاريخ
إياه عوس ايدك.
|
Post: #12
Title: Re: (عقد الجلاد) أطلقتني عُصفُوراً في فضاء الحُرية !!!
Author: Ahmed musa
Date: 02-10-2012, 11:01 AM
Parent: #10
يابا مع السلامة ـــ محجوب شريف
هي عنوان الالبوم الجديد للمجموعة
...
...
....
طواقي الخوف
محمد طه القدال 9 ديسمبر 2010م
ما خايف المطر
يتحاشى الضهاري الراجية قولة خيرا
ولا خايف المطر
يمشي على الصحاري تلمو في بشكيرا
ولا خايف العشم
يتناسى العشامى ونيما ياكل نيرا
ولا خايف النفس
تتذكر نفسها وتنسى يوم حِدّيرا
خوفي على البلد
الطيب جناها وقمنا في خُديرا
شاحدك يا كريم
لا تحصل خراب لا أرجى يوم ودّيرا
***
وانا ما بجيب سيرة الجنوب.
عيال بتسرح للمدارس ..
والفطور نجماً بعيد.
بنوت بتجري
على الخطاطيب الخطاطيف
البتجرح ..
والعريس نجماً بعيد.
الدكاكين التملا تفضي،
السماسرة يسمسروا،
والبسفو الطين ..
يسفوا،
والبحتّوا الراب ..
يحتّوا،
والبناطلين ليها سستم،
والقوانين ليها سستم،
البنوك الفيها بستم ..
من سويسرا ولي ماليزيا
بالسفارات
والعمارات
والخبارات .. .
انا كنت متغطي ..
ومتدفي،
العمة ملوية،
والشال على كتفي.
سودان وكان ما كان
سودان علي كيفك
السكة ساعة إيد
والأرض مروية
والناس حنان وظراف
والراح يجيك ..
للحول
والخدمة مظبوطة
مظبوطة مدنية
والدنيا حرية
الماشي درب الكار يغور
والتاب من التمباك يتوب..!
انا مابجيب سيرة الجنوب.
الغبّوا عرفوهو
والعرفو سوّوهو
والسووا بلقوهو ..
......
أصبحت زي الزول
قادل بوسط السوق
سروالو نصلوهو
لو العِرق مسروق
أو قلبي نشلوهو
طعم الكضب مسلوق
ماسخ تضوقوهو
لو فمي ما مطلوق
أو كمي غسلوهو
ياني البسوي القوق
قولي البتابوهو
ماعندكم دمي
ما عندهم دمي
من دمي لا لا لا
ماقدروا فصلوهو.
وانا ما بجيب سيرة الجنوب؟
قول استقلْ ..
انا في صفوف الزوق
واقف مع الواقفين مزنوق بهنِّيهو
ويهنوهو
أواستقال ..
ودا أول الأحزان
أو قالوا باعوهو
ودا ياهو قطِّيع القلوب
أنا ما بجيب سيرة الجنوب،
فالسيرة كمين ألف عام
لوني المحرق مندوكور
وشكلي شكلين
شكل منقة
وشكل تور
دمي المشتت من قبايل نوح وحام
شعري المقرقد زي حصايا
اتشتت فوق الدروب
كتفي المهدل بالعيوب
وانا ما بجيب سيرة الجنوب
أصل البقت
من ساس وسايس أو يسوس
ياها البقت
خلونا من حرب البسوس
الفاضلة
تكفير الذنوب
الفاضلة لمليم البشاتن
والمعاطن
والخبوب
الباقي
مايخموكا تاني على
الدفافير والكناتر والحروب
الباقي تعظيم التماسك
في الخطوب
لا نافع الشَّدة العلوق
ولا نافع المبقوص يحوق
لا بنفعك عَرَق الزنوج
ولابرقعك لبن العروب
إلا الوقوف ألفاً ضكر
واحد براك
في الشيمة تلفحك الهبوب
الغيمة تديك
للسفاسف
والعواصف
والمطر
برطع مع الأفعال
وادخل على التاريخ
يغلب أجاويدك
من قرقريب عوسك
اخرِج من التاريخ
شيخك وعربيدك
لا نافعك التكفير
ولانافعك التوبيخ
فامشيه وحيدك
وامرق على التاريخ
تلقاه في السهلات
مستني كمسيدك
لا بيظلم التاريخ
ولا يرحم التاريخ
إياه عوس ايدك.
|
Post: #13
Title: Re: (عقد الجلاد) أطلقتني عُصفُوراً في فضاء الحُرية !!!
Author: Ahmed musa
Date: 02-10-2012, 11:16 AM
Parent: #12
نقطة ضوء
في اللحظة ديك والتو ... لحظة الميلاد
كنت نقطة ضؤ
فرهدت بيك فرهيد .... وانتشيت بالريد
وطرت بيك الجو
قالو ايضا بت .....
قلت مالو ولو
بختي بختي .. انت بتي .. امي واختي..
همي شيلي .. شيلي مني.. مني ختي
إتي
بشوفها عز التبتبة
بتي البريدة مرتبة
دولابا داك والمرتبا
جات من قبيل من مكتبا
ادت ابوها مرتبا
سددنا دين دكان حسين ...كستني توب
نجدنا كم.. كم مرتبه
جيهت بيتنا القديم
السقف داك والمسطبة
قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا هي ...بتوصلنا
وتحصلنا ...تفك الحيرة
ما بتتصنت و ما بتتعنت
ما بتا وق في حق غيرا
|
Post: #14
Title: Re: (عقد الجلاد) أطلقتني عُصفُوراً في فضاء الحُرية !!!
Author: HAMZA SULIMAN
Date: 02-11-2012, 01:03 PM
Parent: #13
من وراء الغيب عندما كنا فى صلب سيدنا ابراهيم تلاقت ارواحنا و غنينا غناء الالفة و الروح و الجسد لا غناء العزلة غنينا كما نشتهى و سنغنى من
ما نشتهى هنا تتواصل الارواح هنا يمتد البصر نافذا الى بصيرة والمسام الى خلية هناك فى رحم الغيب تلاقينا وانا الكائن الامدرمانى تبهرنى نجوم
فى افق شبشة الحبيبة صليناوراء الشيخ الورع الوالد بشير صلينا و دعونا الله و هناك نجم اخر يلفت الابصار و الانظار نجم من حوشنا العامرة بالكرم و
و الطيبة صلينا مع الشيخ الورع الوالد محمد نور و دعونا الله و تعشينا باللبن الرايب الابيض كبياض البيت العامر بالتقى و الغنا و هناك تلاقينا
فى نجمة رفلنا اليها جميعا رحلنا اليها محملين بالغنا و غنينا حتى الصبح فى شكيرة الوادى نمنا و تطايبنا و توسدنا المحبة و صلينا و دعونا الله
و هناك فى افق اخر يظهر قمرا تبعناه نجوما لكنه سرعان ما خسف و كسف و ارتد بصره خاسئا حسيرا لا حولة لا حوله ...
و من اجسادنا مما نحمل غنا والده طلعت نجمة بعيييييييييدة افق رحب صغيرنا لكنه كبيرنا الحبيب حكى لنا قصة حاجة امنه لحنا خرافيا صرخنا فيه
يا حليل زمان لكنه كان ينادى الزمان الاتى الملئ بلحن بكرة و نسيج بكرة و صهيل الخيل منه و حنين النأى فيه يا لك من افق بعيد يا لك من نجم
خرافى احبك وانت فى لحظه صهيل .... غنينا و تلاقينا ودعونا الله .... يا لك من محبه و يا لك من حنين و يا لك من امومه اشتاقك فى كل لحظه حبيبتى
المموسقه بنغم ابوك منصوره به و منغمه بالساكسفون اشتاق يا ملكه يا امنا يا حوا .... نجم اخر هنا صاغته المدينه لكنه اريفها بى طباع مدينة
مأريفة مليئة بالحنان هناك فى الابيض زف لنا عريسا يغنى لنا عندى صبيان حرين و يفرح معناو نغنى و غنينا وتلاقينا ودعونا الله
من اين اتيتم يا ملائكة كيفك انكم وانا هنا ما زلت اطالع نجمكم لكنى لم اكن فى امدرمابيتى هناك فى غربة شارده من اليم فى ليل ضلم لا تطلع فيه
نجوما الا عندما اقراكم هنا و هناك لتطل على نفس النجوم اسامرها فى صمت و اغنى معها هناك و اصلى و ادوا الله بان يديم هذا الخير و تدوم المحبة
و ادعوا الله صادقا ان نغنى سويا حتى وان كان فى صلب سيدنا ابراهيم هناك فى رحم الغيب الاتى ان شاء الله احبكم جميعا احبكم ادامكم الله و رفع من
شانكم امييييين يارب العالمين
|
|