ناس المنبر متكيفين من سلفا كير وكلامو للبشير!!

عييييك
قال ليكم نحنا ما انفصلنا نحنا أخدنا استقلالنا..

اتخيلت حلبة مصارعة
والبشير لابس جنقول
وسلفا كير لابس جنقول
ومصاطب الجلابة يمين
ومصاطب ناس الهامش شمال
وكل ناس قدامن كوم تسالى
وبنصفق للناس البتطاقش روسية دى!!

عندى إحساس أن بعض المستعمرين من دولة السودان متخيلين الجنوبيين حايشيلوا حكومة المؤتمر الوطنى وبعد داك يتراجعوا عن استقلالهم المعلن فى يوليو ويعودوا تانى لحظيرة الإستعمار!!


____________________
*إستعمار واستقلال مستوحاة من خطاب سلفاكير المكيف الجماعة.

يادكتور ...لاخير في هذا ولا ذاك ولا كل الساسة في هذه البلد .... بلد مبلية بي ساستها

Quote: عييييك قال ليكم نحنا ما انفصلنا نحنا أخدنا استقلالنا..

انت رايك شنو ؟

Quote: ناس المنبر متكيفين من سلفا كير وكلامو للبشير!!

بله ..سلامات ..


فعلا اخدوا استقلالهم ومافارقة بعد داك جا بانفصال ولا بإتفاق ...


بختهم ...بلا وانجلوا منو ..

يا دكتور بلة سلامات،
أنا من المتكيفين من سلفاكير وكلامو للبشير
والأهم من الكيف يا دكتور بلة حينما يذهب المؤتمر الوطني لا بد للبديل أن يصنع علاقة تكاملية مع دولة جنوب السودان تراعي المصالح المشتركة بين الدولتين فيما يخدم الشعبين دون ظلم؛ حينها لو أراد الأخوة في دولة الجنوب العودة للسودان الكبير في أي شكل حكم يتفق عليه الطرفان هو خيارهم..

تحيات لجميع ..

Quote: أنا من المتكيفين من سلفاكير وكلامو للبشير والأهم من الكيف يا دكتور بلة حينما يذهب المؤتمر الوطني لا بد للبديل أن يصنع علاقة تكاملية مع دولة جنوب السودان تراعي المصالح المشتركة بين الدولتين فيما يخدم الشعبين دون ظلم؛ حينها لو أراد الأخوة في دولة الجنوب العودة للسودان الكبير في أي شكل حكم يتفق عليه الطرفان هو خيارهم..

والله يا ياسر طيفور حيرتني !! .. هل أنت جاد بإعتقادك أن مشكلة الجنوب هي المؤتمر الوطني؟؟.. هل تعتقد أن أيَّاً من الشمال أو الجنوب سيتخلي عن أبيي بأخوي وأخوك؟؟ .. أفرض مثلاً أن رئيس السودان هو الصادق المهدي الذي سيجئ بإنتخاب ديمقراطي، فهل تظنه سيتخلي عن أبيي ويضرب بحقوق المسيرية عرض الحائط وهم عماد حزب الأمة - ناس عبدالرسول النور بتاعين المكتب السياسي ذاته-؟؟ .. وهل تظنه سيسمح بمرور البترول عبر الشمال ملح؟؟ .. خليك من الصادق المهدي .. أمسك أي ساسي شمالي، معارض أو غير معارض، وخليه يصرِّح الآن بأن أبيي جنوبية !! .. أو بأنه سيقر تقرير مصير لجنوب كردفان وجنوب النيل الأزرق !! .. الأشياء المصيرية دي ليست مرتبطة بمؤتمر وطني أو غيره !! ..
سيبك من ده كله، وخلي أي كيان معارض يطرح حلوله لمسائل أبيي وجنوب كردفان والنيل الأزرق وحتي دارفور .. خلينا نشوف حلول ومقترحات علي الطاولة تقنع الشعب السوداني أبعد من جعجعة إسقاط النظام !! .. ما ممكن الخطاب المعارض كله واقف في محطة إسقاط النظام وفُلْ ستوب !!! .. خليهم يكشفوا للجمهور الخطوة البعد إسقاط النظام عشان الجمهور يقتنع ويثور ويقلبها ..
لكني شبه متأكد أن المعارضة ما عندها حلول بديلة لما وراء إسقاط النظام ، بل إنها ستسير في نفس خط المؤتمر الوطني ..

Quote: أنا من المتكيفين من سلفاكير وكلامو للبشير والأهم من الكيف يا دكتور بلة حينما يذهب المؤتمر الوطني لا بد للبديل أن يصنع علاقة تكاملية مع دولة جنوب السودان تراعي المصالح المشتركة بين الدولتين فيما يخدم الشعبين دون ظلم؛ حينها لو أراد الأخوة في دولة الجنوب العودة للسودان الكبير في أي شكل حكم يتفق عليه الطرفان هو خيارهم..

يا ياسر مصالح الشعبين دي عمرها ما بحسبوها بمن هو في سدّة الحكم

المعاهدات الدولية ما بتتغيّر مع تغيّر الأنظمة الحاكمة

يحكمنا اليوم البشير وغداً ياسر طيفور ومصالح السودان لن تتغيّر ولا يجب أن تتغيّر

فرمي مصالح السودان رخيصة تحت أرجل الجنوب ليس فيه مصلحة لشعب السودان وهو من المناكفات السياسية التي تدخل في حيّز المهاترة والإغاظة للسلطة في السودان على حساب مصالح شعب السودان التاريخية

فخلونا نفكّر بوطنية وننسى حكاية المكاواة والكيد للمؤتمر الوطني ونشوف فعلاً مصالحنا الوطنية السودانية بتملي علينا شنو

يعني الواحد ما ممكن يتشاكل مع أخوه ويحرق مع خصم أخوه بيت أبوه

ولا شنو؟؟؟؟

Quote: فعلا اخدوا استقلالهم ومافارقة بعد داك جا بانفصال ولا بإتفاق ...

الشاورنا منو عشان نفصل الجنوب ؟؟؟
هسع انت شاوروك .. صوتا انهم ينفصلو من الشمال ؟
والله لو قعدو يحاربو 100 سنة تانية لو ما كانت دقسة من الحكومة ما كانوا انفصلوا ..
وما تفتكر انا ضد انفصالهم .. لأنو ده مصيرهم وهم قرروه وبيتحملو نتيجة تصويتهم بالإنفصال ..
الخوف من بكرة ..

لا حولاااااااااااااا .. يا جماعة ما في داعي والله ...

^^^

سلام للجميع
بتاعين سلفاكير وبتاعين البشير
وسلام كبير لبتاعين السودان الوطن!!

Quote: أفرض مثلاً أن رئيس السودان هو الصادق المهدي الذي سيجئ بإنتخاب ديمقراطي، فهل تظنه سيتخلي عن أبيي ويضرب بحقوق المسيرية عرض الحائط وهم عماد حزب الأمة - ناس عبدالرسول النور بتاعين المكتب السياسي ذاته-؟؟ .. وهل تظنه سيسمح بمرور البترول عبر الشمال ملح؟؟ .. خليك من الصادق المهدي .. أمسك أي ساسي شمالي، معارض أو غير معارض، وخليه يصرِّح الآن بأن أبيي جنوبية !! .. أو بأنه سيقر تقرير مصير لجنوب كردفان وجنوب النيل الأزرق !! .. الأشياء المصيرية دي ليست مرتبطة بمؤتمر وطني أو غيره !! .. سيبك من ده كله، وخلي أي كيان معارض يطرح حلوله لمسائل أبيي وجنوب كردفان والنيل الأزرق وحتي دارفور .. خلينا نشوف حلول ومقترحات علي الطاولة تقنع الشعب السوداني أبعد من جعجعة إسقاط النظام !! .. ما ممكن الخطاب المعارض كله واقف في محطة إسقاط النظام وفُلْ ستوب !!! .. خليهم يكشفوا للجمهور الخطوة البعد إسقاط النظام عشان الجمهور يقتنع ويثور ويقلبها .. لكني شبه متأكد أن المعارضة ما عندها حلول بديلة لما وراء إسقاط النظام ، بل إنها ستسير في نفس خط المؤتمر الوطني ..

يعني عايز الناس الطير ديل يفهو كلامك ده ..
ما ممكن ولو بعد عشرومية سنة لأنهم ساكين ليهم كيس ..
نظرة صادقة للأمور تصدر من رجل يقرأ الشأن السوداني بمنظار خبير ..

Quote: سلام للجميع بتاعين سلفاكير وبتاعين البشير وسلام كبير لبتاعين السودان الوطن!!

فعلا الوطن اكبر من اي خلافات ..
وليذهب كل الساسة وطالبي السلطة والإنفصاليين إلى الجحيم ويبقى السودان الوطن ..