الجالية السودانية ببوسطون تنعي والدة اسامة حسن دنقلا....

Quote: نعي الاسره السودانيه ببوسطن والدة الاخ سامه حسن دنقلا نسال الله لها الرحمة والمغفره وجعل قبرها روضه من رياض الجنه والهم اهلها الصبر وحسن العزاء انا لله وانا البه راجعون

تنعي الجالية السودانية ببوسطون الحاجة الشهمة الكريمة فاطمة بت عباس والدة صديقنا الجسور الهمام ودينمو الجالية ساعة الحوبة:اسامة دنقلا...انا لله وانا اليه راجعون نسال الله القدير ان يتقبلها بواسع رحمته
وللاخ اسامه الصبر وحسن العزاء.

Quote: أسامة دنقلا السكرتير الاجتماعى لدورات عديدة متتالية خدم الجالية السودانية ببوسطن حتى وهو خارج اللجنة التنفيذية ليس بماله وحسب وليس بجهده وحسب وليس بسعادته وحسب بل وبحزنه النبيل ايضا ...... إكتمل الفرح بالجالية مساء الاحد الماضى 5 فبراير احد السوبر بول الكبير بوسطن نيوإنقلاند باترويتس VS نيويورك جاينت برنامج السوبر بول الذى اعده اسامة دنقلا بنفسه دفع فيه النفس والنفيس لانجاح تلك الليلة شاشة تلفزيونية ضخمة تم إعدادها قبل الحدث بأيام تم تشكيل مهام الاسر إنت يا فلانة عليك الاكلة الفلانية وإنت يا علانة عليك الباسطة وانت يا اسماعيل عليك البسبوسة وانت السمك وانت الفراخ الخرفان على انا ( اسامة كالعادة) زى كل مرة واجمتع الصغار والكبار الصغار والشباب يتانفسون حول الكراسى الامامية والنساء تنافسن على ما لذ وطاب من الاكل والتحليات اسامة بشيل حسهن كان قصرن الشاشة الكبيرة اشتغلت والكل فرحان دى اللحظة الوحيدة اللى ممكن تعمل كنترول للاطفال لما يكون فى كورة بوسطناوية اصلهم بيحبوا توم بريدى كتير زمان كنا بنقول للاولاد اسكتوا لكن فى مثل هذا الحدث هم بيقولوا للكبار اسكتوا لانهم بيتهموا بعض الكبار إنهم ما بيفهموا فى لعبة الفوتبول الامريكية عشان كدا بتلقى النساء عاملين إزعاج وبعض الكبار المهم الكورة سخنت واسامة دنقلا اختفى اسامة عريس البرنامج اختفى فى ظروف غامضة هناك من إنشغل عنه لسخانة القيم بوسطن كانت مضغوطة فى البداية ولما الاسكور بقى اعلى من الجاينت نيويورك النفوس هدأت شوية وبدأنا نسأل عن أسامة وين الزول دا قالوا مشى البيت شاعر بى صداع شوية ... اكيد الناس صدقت لانو جارى وتعبان كان ورا التجهيزات .... لكن المسكين تراهو وسط الجوطة جاهو خبر من السودان إنه امه الحنونة اللى هو دايما فى ذكراها وهى فى ذكراه امه التى فارقها منذ زمان ليس بالقصير الله يرحمها توفت الى رحمة مولاها فى السودان توفت فى العزوزاب .... شال الخبر كتمو نفسه وإنسحب برااااااااحة من صالة الدار ومشى البييت ما عايز يورى زول اكيد المسكين مشى وبكى وبكى وبكى فى شقته برااااااااه ونحنا بى هنا فى الدار آخر امبساط مع السوبربول كبار وصغار واسامة النبيل تراهو كان حاضن حزنه النبيل حزنا عندما فقدت بوسطن السوبربول لكن حزننا كان اكبر على وفاة ام سكرتيرنا الاجمتاعى فحزنه النبيل على امه انسانا بكل تأكيد حزننا على خسارة بوسطن .... اللهم اغفر لوالدة اسامة وارحمها واجعل كل حسنات أبنها اسامة دنقلا لما قدمه للجالية كل هذه المدة ايضا فى ميزان حسناتها فهى التى انجبت لنا كل هذه السودنة المتأصلة فى إبنها اسامة دنقلا اسكنها اللهم مع الصديقين والشهداء وحسن اولئك رفيقا وإنا لله وإنا إليه راجعون mohamed alneel

خبأ خبر وفاة أمه لتهنأ الجالية ببرنامج الويك إند. إنه أسامة دنقلا وكفى

انا لله وانا الية راجعون

ameen dear hashim