ماغنيتك في الافراح بل دندتك لما الحزن القاتم غطى بلاد ما اصلك انت من يوم شقوها عيون الدنيا بترجى الفرح القادم دون ميعاد شايلة غناكي في جواكي وانت بتحذري لون الكاكي ويبقى علوق الصبر الزاد طول السفرة الما ها بتقصر ولون الغربة الما بتحلى وطعم المنفى المر في حلق السافرو دون اوراد جادو عليك بي اغلى الاغلى حرف الريدة الما هو هوين شالع نور الكلمة الحق لحظة ميلاد شلتك وانا متوجه نحو الشمس القى جبين الشمس بياخد منك وارجع شايل ليك انشاد واتحسر لمن القى النيل جواي اتحسر لاقمري يقوقي و لا نخلات بتهبهب فوقي وافتش جوة الزمن الكاذب يمكن القى اجابة ليه النيل ما عاد النيل ما عاد؟ ( شمر حرفك انثر فوق كوم الرملة الكلمة رماد ) كشحت موجة زفير الجوف لما الشيمة الباكية اتاوه فيها الجوف واتقاد نار الحرقة الاكلت اخضر نيلنا وخلت باقي القيف عطشان ما كان في البال اني اجيك في زمن المطرة والقى تحاريق آه من مطرا حبس انفاسو وتب ما جاد انفاس الكلمة الكان نديانة وفيها اريج الصدق مداد زحفت لمن ريح الزيف الهابة اقتلعت كلشتلات النخل الكانت نايرة ونحن زمان لي بلداتك يوت نرتاد بكرة لما الصبح يتنفس حق وليل الظلم يتوارى ويهرب برجع لينا اللون البهجة وترجع زاهية تلون اخضر كل وهاد
عزة في هواك رايت انني احاور المدى وامتطي خيولها القوافي الشوارد حينما اراك فانت قبلتي وانت دميتي وانت في السؤال مرافعة اذا سؤلت عن هواي وهل اتاك؟ حديث عشقي الجنون عند حانة الهوى حيث تثمل الظنون من بهاك؟ عزة يا ربيبة الضفاف والانهار والهوى اجي عن ضفتي نيلك الحياة اروم طلعة القمر حينما يقبل المياه فترتوي النجوم من ضياك وبس
02-08-2012, 08:25 PM
د.محمد حسن
د.محمد حسن
تاريخ التسجيل: 09-06-2006
مجموع المشاركات: 15194
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة