مواسم المتعة والدهشة العمر بشيرية........!!!

اليومين دي متعة مجانية ودهشة موبالللللغة (او كما يقول اهل البنادر)
رئيسنا كدود نتر عامل فيها رائح ويحاكي في دهشتة التي يقدمها للشعب السوداني الفضل سيرة ذلك اللص الحريف في طريق اللواري السفرية الضاربة صوب غرب السودان عندما كان اللوري هو سيد الموقف قبل انتشار الترويع الانفلات الامني..

قبل ما ندلف علي المتعة البشيريةة كدي خلونا نشوف حكاية لص اللوراي صاحب المقولة الشهيرة( حلمت وادي شااااااااااالاني)...
فهذا اللص جلب علي النوم في الرمال مسافة من موقف اللواري وفي الليل بتدردق بتدردق حتي يصل الي امكنة نوم المسافرين وعندما يتم القبض عليه
يصيح وهو باااكي (ياجماعة انا حلمت وادي شاااااااالاني)...


فعمر البشير هذه الايام وهو رائح نجده في خطابه كانه يصيح يا جماعة انا حلمت وادي شااالاني

التصريحات التي نكلت بالتمكين وطلعتو (فشوش) بالاضافة الي التوبيخ المرسل صوب والي القضارف المفرنب وبالاضافة الي مناداة بضرورة عدم القتل..
هي في مجملها عبارة عن هضربة
ويمكن ان تمثل ايضا مغارز وكعبلة لبعض منسوبي الحركة الاسلامية الذين اعتقدو بانهم (ضبان ضكر)
ولكن البشير في مغارزه تلك كانه يصيح لاااااااا انا الضبان الضكر وانا الريس الذي لا يعلي عليه

اخطر تصريح من التصريحات الثلاثة الفووق دي واكثرها اثارة للدهشة والتفكر في الوعي بتاع رئيس نحرير هو (تمكين وما تمكين دي)
البشير قدس الله دهشتة يقول بان
1- التمكين اضر بالسودان
2- سيتم فتح الخدمة العامة لكل السودانيون
وهذه الجزئيات تررسل اسئلة ساهلة جدا يمكن لاي زول راسو مدوقس حتي ولو كان عمر البشير ان يسال نفسه لها قبل ان يرسلها في الفضاء الطلق
وتصبح تصريحات رئاسية

وياربي البشير ده قبل ما ينفخ المايك (اف اف )و يتنفش ويردد في سره (هيييييييع) انا الدود النتر انا البهتف لي ود الباوقة والاذناب في سودانيز اونلاين حيث وطن من لا وطن له (او كما يقولون)... هل ياربي مافكر البشير في
جيوش الخريجين من الجامعات والمعاهد العليا والثانويات االتجارية والصناعية والتدريب المهني وكل سوداني مستحق للعمل ومنذ 89
وحتي لحظة تصريحه بساعات ونيف..
الناس ديل كم
ووين هم
وحصل ليهم شنو..
وذنبهم في رقبة منوووووووووووووووووووووو...؟؟؟
وشنو شنو

وياربي البشير د ه وقبل ما يتنفخ كما(التامبيرا) ويرسل تصريحاته عن الخدمة المدنية المسسيسة والممكنكة (دي من التمكين)
ماسال روحو عن جيوش المفصولين للصالح والمفصولات للصالح العام.. ومنذ 89 ..
الناس ديل هم واسرهم ووووين
والناس ديل كمممممم
وحصل ليهم شنو
وحقهم ووووووووين
والبجيبو منووووووو
والبجيبو شنوووووووووووووو
وذنب هذا الظلم الكبير والمرعب والمجحف لانسان في وطنه الذنب ده في رقبة منووووووووووووووووو...؟؟

خلونا نقيف دقيقة في دلالات التصريح التمكيني ...
ومجرد اقرار البشيري بفشله واضراره بالدولة السودانية فهذا اقرار وعلي روؤس الاشهاد بفشل المشروع الحضاري من القيادي التنفيذي الاول لهذا المشروع...
فالمشروع الحضاري الفسلفة الاولي في توفير كوادر رسالية لتنفيذه هو (التمكين ) وحتي هذا التمكين تم تاصيله ومساعدته بدفرة دفرتين بايات من القران الكريم...وقيل ان مكناكم في الارض ...
وهذا التصريح هو ايضا اقرار من عمر البشير بفشله هو شخصيا في ادارة الدولة واضراره بها فقد قيل في امرهم بانه (القوي الامين)
وخير من استاجرت هو القوي الامين... فالبشير هو راس الهرم في فكرة (القوي الامين) واعلي سلطة قوووية امينية في الارض السودانية (بمنهج التمكين)اذن هو اول من تم تسكينه ودعمه تحت مظلة التمكين وتم ايضا فيما تم ضرب الدفوف والصقريات والجبجب حتي يزداد تمكنا في الارض..

وسنعود

ولسع ماشين في سكة التصريح(التمكين تمكيني) ونمد..
التصريح ايضا يمكن قرايته كموجة اولي ومبكرة من موجات صيحات الطغاة علي شاكلة(انا فهمتكم ايوووه فهمكتم)
التي هتف بها بن علي..!!

عبد الكريم
تحياتي


احسن ليهو يسمع نصيحة سيلفاكير.....

الله لي انا من جوافة البشير في البوست. ده..!!
فالمداخل الي تصريحاته الاخيرة كثيرة ومتعددة ومتخمة بالدهشة والقبضة هذه المرة ثمينة..
وهنالك ايضا (ملف) وتصريحه لا للقتل وقتل النفس التي حرمها الله وهذا ما سنعود اليه ولكن بعد الفاصل...!!

Quote: احسن ليهو يسمع نصيحة سيلفاكير.....

هلايا مدحت وحبابك
وسلفا زول لذيذ يااااخ والنصيحة دي قلب فيها هوووبة واخد الاوسكار بلا جدال
وفعلا البشير اخير ليهو يبطل قوة الراس دي ويسمع كلام سلفاكير ده ويمشي يضرب الكندشة (الاسبلت) بتاعة لاااهاي دي
ومالو ومال (التعب والشعب الكعب) ده ياااخ لوووول

...
...
الاجواء اجواء تصعيد ...و حرب....يا صديق ...
... تم الاعلان لها من طرف ...و بالضروره ان يتعامل معها الطرف الاخر...
....وفق ما اعلنه الاول ....بالتجييش و الاصطفاف ...و الاستعداد بالتصدي ...
...حيث الاعلان تم من قمة المؤسسه السياسيه و علي لسان الحمار الكبير ...
...و الاكبر في كل العالم علي الاطلاق ....
هذا الحمار لايملك من امره رشدا غير مصالح اللصوص الذين معه
...و ارباب ...نعمتهم من عروبيين و ملوك و امراء بالخليج ...
...من تحت مطلة حشاش العولمه الكبير ......الذي لم و لن يدنو عذابه بعد ....
....
... مثل هكذا حرب ...و في حالة اندلاعها ....تحتاج لمن يخوضها ....
...بالطبع لن يخضوضها هذا الحمار و بقية الحمير الفوق ديل ....
...بل سيخوصها ابناء ما فضل من شعوب ....فكيف لهؤلاء الحمير ان يجيشوها ...؟؟؟؟
...
...و هناك عزوف وبوعي كامل من ابناء تلك الشعوب ....بخبرتها المتراكمه ...
... في انها قاتلت وقتل بعضها الاخر ردحا من الزمن في غيرما مصلحه لها ...
...غير الفاقه و البؤس ...و فقد الضني ..
...
...في مثل هكذا اجواء ....يجب فتح الباب ....للخدمه المدنيه و لو الي حين ..
...لتغذية دبابات الورق ...بالدبابين ....
...
...و الاحتفاظ بما بقي من متمكنين لهم ...سواء كان في الخدمه المدنيه ...
...او علي قيادة ...شركة السودان (البلد) ...و شركاته الامنيه القابضه ...
...و القابضين عليها ؟؟؟؟
...
...و الناس المذكورين فوق ديل .... ما عندهم قشه مره ...
...فاينما تقودهم مصالحهم الانانيه .... سيذهبون وراءها ...
...و ما اعتقد هناك اكثر ...من تقسيم بلد ....علي اتنين
...وليس هناك مانع من ان يقبل القسمه علي تلاته او اربعه ...او الف
...طالما قبل القسمه علي اتنين....يا هندسه؟؟؟
..
..و ليس هناك مانع مع هذا السيناريو ...
... ان يذهب الحمار الكبير المكروه دوليا ..
...لياتي اخر مكروه تقسيميا ... و غير دوليا ...
...ويرعي المصالح التي انقلبت العصابه علي الحكم من اجل اِقامتها و انشائها
...و مكَتنها لا لتعطيها لبغاث الطير ...او كما قال ...
...
..و ربك يستر يا صديق ...و يجيب العواقب سليمه ...
..و يخلي قيادات المعارضه الرمم ديل ياخدوا الامر بنوع من الجديه و بتوحدوا ...
...لايقاف هذا العبث!!!!؟؟؟؟؟
.
.
.
.
.ورد و ود مقيم يا عزيز..
... ...

كيكي حبيب الكل
مسكاقمي
تصريحات البشير ينطبق عليه
خشف وسوء كيل

يا هندسة ..
بينى وبينك ياخ البشير معاهو حق ..
ما ممكن جماعتو ديل ياكلو معاهو البلد 23 سنة ..
وأول ما قروش البترول تنتهى يقعدوا يكتبوا فى المذكرات ؟!

كيك يا مندهش ....

Quote: وأول ما قروش البترول تنتهى يقعدوا يكتبوا فى المذكرات ؟!

الملاحظة الأولى الأيام ديل الببيع (رواحات) بغنى بغنى إتنين تلاتة مافى
والدليل بوستات عديدة هنا الجماعة كتلوا منها ملفات وعملوا رايحين
منها روحة رجل واحد..


نظام يضيع بلد ويبشتن حالها وحال إنسانها ويسرق زرعها وضرعها وبكل البساطة يحاول التخلص من
الفطايس والفضايح بدفنها بالخطب والمذكرات المدهشة وهتافات المطبلاتية والمصفقاتية..

بعد إيه ..
جيت تبكي.. جيت تحكي.. جيت تشكي لي ليه
إعتذارك ما بفيدك
و دموعك ما بتعيدك
العملته كان بإيدك و أنا ما لي ذنب فيه

إستحوووووووووووووووووووووووووووووووووووووووا يرحمكم الله,,


***


..

Quote: ...و الناس المذكورين فوق ديل .... ما عندهم قشه مره ... ...فاينما تقودهم مصالحهم الانانيه .... سيذهبون وراءها ... ...و ما اعتقد هناك اكثر ...من تقسيم بلد ....علي اتنين ...وليس هناك مانع من ان يقبل القسمه علي تلاته او اربعه ...او الف ...طالما قبل القسمه علي اتنين....يا هندسه؟؟؟

تحياتي وهلا يا حلولي
وشكر علي الكلام الموشح بالغضب النبيل وسيرة بلد مفجوع ومسروق تتناوشه اهواء منزوعي الانسانية واللصوص..
والمافيا الحاكمة تدق طبول الحرب لكي تدور علي انقاض ركام الجثث والدمار الذي حاق السودان وحوله لمسسسسسسسخ ومرتع خصب لمصاصي الدماء
والانانيون الذين لا يرون اطول من ارنبة كروشهم ودقونهم الصدئه المزيفة كذبا باسم الرب..!!
فما يجري في السودان الفضل من دراما سياسية هو امر مثير للتامل في النفس البشرية عندما تتوحش وتركل بالانسان والموارد والوطن بكل موجوداته الي دائرة التخندق خلف رغبات (مافيا) وزعميها الذي ان دري اين كوعه فان بالتاكيد ليس بقادر علي تحديد احداثيات بوعه...ولكنه بكل اسف هو الجنرال وهم حاشيته التي تعزف له الاناشيد حتي يرقص علي ركامنا.. وتطلق له الدانات والرصاص حتي تشيد له مسرح الرضاء والنصر الكذوب....

لنا الله يا صديقي
ولنا عبر التاريخ الذي حكي عن نهايات مثل البشير وعصابته في ازمنة قريبة وازمنة خلت....
واتمني مثلك ان تكون لنا معارضة واعية ومتفهمة لاولويات ان يكون للجميع وطن بعيدا عن اجندة الساسة وسمسرتهم الرخيصة

وكل الود والتقدير

Quote: تصريحات البشير ينطبق عليه خشف وسوء كيل

هلايا حمزاوي وحبابك يا خال
والبشير يبدو ان موضوع اوكمابو ده بالاضافة الي (الظنوب) الكثيرة علي قولة حبوبتي عملن ليهو منخوليا في الدماغ
واصبح شاااااايت لفت ومرة رايت بدون (تابلت)
وهو اساسا من ما جاء للسلطة ده كان كيسو فاضي ولكن (حملة الاباريق) والهتيفة كان بضايروا ليهو الامور والتصريحات(جاي وجاي) ولكن حسسع تحت الضغط الجماهيري انكشف وقعد في السهلة بدون ورقة توت عنخ امون..
يا كافي البلاء الجنائية بجاي
ولو قبل كده بلقي الربيع العربي وااااااااقف منطط عيونو في منطقة (ادندان) في الحدود المصرية ومنتظر اشارة الانطلاق
قبل بجاي يلقي المناصير شايلين جوافتهم وبطعقو فيهو
الجنوب
بلد مفلسسسسة وعدمانة حق التمباك
وعييييييييييييك كمية بتاعة ضغط جماهير اسطورية حررررررررم برشلونة ما تقدر تلعب فيهو كورة بتعريفة..

فعشان كده رئيسنا النحرير لطش فيوزات وعامل تووووووووتششششششش اليومين دي والايام القادمة باذن الله

Quote: بينى وبينك ياخ البشير معاهو حق .. ما ممكن جماعتو ديل ياكلو معاهو البلد 23 سنة .. وأول ما قروش البترول تنتهى يقعدوا يكتبوا فى المذكرات ؟!

هلايا دكترة..
والمثل بتاع اذا الحرامية اتشاكلو المسروق بظهر...(ومثل دارفوي اخر ك لاب كان شاكلو بخت ارنب) لقي ليهو احسن حتة في العالم ممكن يشتغلو فيها..
اها الخدمة المدنية دي مسروقة وملطوشة عشرين سنة ونيف وبمجرد ما الدقانة كتبو ما كتبو من مذكرات البشير طلعها ليهم
وقال نعم ايها الشعب لقد سرقنا الخدمة المدنية ولكن سرقها الدقانة وخربو بيها البلد
في متعة مجانية يا محمد اليومين دي مالية السودان الفضل
وفي حرامية متشاكلين ومقبقبين بعض ويوماتي رحيل حيظهر ويبان الكثير...
ولسسع الغريق قدام والقادم احلي

Quote: الملاحظة الأولى الأيام ديل الببيع (رواحات) بغنى بغنى إتنين تلاتة مافى والدليل بوستات عديدة هنا الجماعة كتلوا منها ملفات وعملوا رايحين منها روحة رجل واحد..

هلاياايمنوف ومشتاقين يا زول..
والمتعة الجاية بعد محطة الرواحات هي انو الجماعة اياهم حيدور كاسوري اسفيري فيمابينهم..
وليك علي اديها يوم يومين حتلقي ود الباوقة من الجناح البشيري مقبقب قبقبة عدوك من طرف واحد من بتاعين الكيانات
وساعتها يا لها من فرجة ومتعة
وعالم فرندقس يا ايمن ياااخ
الاي كيووو بتاعهم زيروووووو ولكن بعد ده تلقاهم مصرين علي اللصوصية والاستهبال علي البشرية


وسنتابع

تحياتي يا هندسة...

شخصيا أشوف العمى ما أشوف الزول الثقيل دة والأسوأ أن أسمعه، كأنما
أسمع بوما ينعق في تل خرابة....

ياااخي الزول دة بقى عقدتي بصورة مرضية جنونية!

Quote: شخصيا أشوف العمى ما أشوف الزول الثقيل دة والأسوأ أن أسمعه، كأنما أسمع بوما ينعق في تل خرابة.... ياااخي الزول دة بقى عقدتي بصورة مرضية جنونية!

هلا ياعبدالاله يا حبابك يا زنبقة الشعر الجميل
ي
والبشير هلاك وباختصار كده دمو تقيل وبعد ده مصر اصرار مريض انو يعقد في راس البلاد والعباد بكل دم بارد
فهو يا صديقي يرقص ويصرح ويظهر في كل الفضاء العام عاريا وملطخا بجرائم السنين...

والغربية بعد ده الاخبار من نواحي اديس ابابا نقلت بانو البشير ململم الروؤساء وبحكي ليهم في النكات
بالله شوف البهدلة دي
فانهم بالتاكيد يضحكون علي خيبته وعلي لاهاي المحمداه دي

سلامات يا كيكي،،ن بعد إذنك ودينا بوستيك ده هنا شكراً سيدي الرئيس .. وفقك الله ورعاك

Quote: سلامات يا كيكي،،ن بعد إذنك ودينا بوستيك ده

هلا يا نادر
وخيرا فعلت كونك وديت البوست ده للابواق والهتيفة الاذناب في ملعبهم ووسط جمهورهم
وهنا بفكروا الف مرة قبل مايجو (داشششين)

والهتيفة وحاملي الاباريق ديل هم اول زول خرب السودان ده واطال عمر النظام بالورجغة والتطبيل الاجوف
لكل هضربات عمر البشير وكضوباته...

والان نحن في حضرة الحديث الثاني للبشير وهو حديث اللاقتل..
ويا سبحان الله اوكما يقول شيخنا النحرير ابو ضفيرة..
البشير الذي كان اولي وصاياه للجموع الذاهبة لمص دماء السودان هي
(مادايرين اسير وما دايرين جريح)..
الليلة عندما شالها الوادي تذكر وفجاة وبدون سابق انذار بان القتل رجسا من اعمال الشيطان
وان النفس المومنة حرم الله قتلها...!!!

التصريح بتاع اللاقتل ده اتي والخلفية او فلنقل الفضاء السوداني فيهو
1-اعتراف رسمي وشعبي من الحكومة بانها قتلت 10 الف مواطن سوداني في دارفور
2- كركبة وغضبة في الشرق حيث البجا حديد لتخليد ذكري شهداء بورتسودان
3-كجبار والشهداء العظام
4- الالوف من الذين ماتو في حرب الجنوب
5-الالوف ممن ماتو في جبال النوبة والنيل الازرق
6-شهداء بيوت الاشباح
7-شهداء الحركة الطلابية
8- الشهيد مجدي
9-ضباط حركة رمضان
وارتال من الشهداء الذين يسال عن قتلهم عمرالبشير ونظامه مسئولية مباشرة
جاي الليلة عمر البشير بعدما ارتوي من دماء الانسان السوداني

الي حين عودة وعود
ومرددين
الله لينا من جوافة البشير

أقعدوا هرجلوا كده
البشير ده كان مشى أنا واثق أن الكل سيصرخ
ضيعناك وضعنا معاك يالبشير
ناس مابتتوب نوهائي

Quote: أقعدوا هرجلوا كده البشير ده كان مشى أنا واثق أن الكل سيصرخ ضيعناك وضعنا معاك يالبشير ناس مابتتوب نوهائي

هلا محمد فرح وحبابك يا هتيف
كدي بالاول خلي البشير يمشي ويفرنقع وبعدها تعال لي بالصباااااااح شوفني ح اقول ليك شنو هنا..!!
وانت لو ح تضيع مع ضياع البشير فدي مشكلتك يا ابو حميد
ولكن بالنسبة للاخر فذهاب طاغية رعديد مثل البشير هو يوم عيد وبداية عهد جديد
ويوم من ايام الانسانية كونها تخلصت من مجرم قاتل وطاغية جبار..

هلا بالشرتاي كيكي

مذكرة حركة اسلامية

مذكرة جيش

الرئيس يقول التمكين اضر بالخدمة المدنية

كلها في اطارالبنج الموضعي والتخدير عشان يعملو


retarding

للثورة الشعبية القادمة

ما بشتري منهم اي حاجة ناس الجبهة ديل تاني

Quote: كلها في اطارالبنج الموضعي والتخدير عشان يعملو retarding للثورة الشعبية القادمة ما بشتري منهم اي حاجة ناس الجبهة ديل تاني

هلا يا خلي
وحبابك يا تاردنق
وبالفعل انها محاولات جادة من بني كوز ان يبيعو الموية في حارة التغيير الذي هو اتي بلاريب..
وخلي البشير ينطط ويقول والجبهجية ينططو ويقولو
والتصريحات يودوها جاي ويجيبوها بجاااااااي (او كما قال الراحل زيدان ابراهيم)
ولكن تاكد بان كل الدوائر ستكون مشغولة بالتغيير وقلب التربيزة علي وجوه اللصوص القتلة

وكن دوما كما نود

هلا هلا ياكيكي يا مبدع,

تعرف ياخي الايام دي الوحد مستمتع بالاندياحات دي .. وبشـدة,
ومرات بقول لنفسي كدا .. بالله دا السودان الواحد داك الـ كنا بنعرفوا (بتاع) التوجه الحضاري .. وتمكين أصلب العناصر لأصلب المواقف ؟؟؟

ولا دي حاجة جديدة ؟؟؟؟

دنيا فعلاً (فرندقس) وحاجات غربية خالص بقت تحصل,

التخفيضات (بازار) سنوي ... لكن الغربية التخفيضات في سوق السياسة السودانيـة بتجي بعـد (23) سنـة ...

التمكين دا برنامج ... أزاح أكثر من 300,000 (مواطن سوداني) من وظائفهـم وهم مسئولين عن أسر وأطفال وآباء كبار السن وأمهات بدون أدنى سبب سوى الإزاحـة بسبب عدم الإنتماء لما يسمى بالحركة الاسلاميـة وجردوا من حقوقهم في وطنهم في العمل وجردوا من إنسانيتهم وشردت أسرهـم .. وكثير منهم هاجر إلى واقع مجهول في ما وراء البحار .. هاجرت حتى الفتيات السودانيات وحدهن أو بأسرهن الصغيرة

التمكين عديم الرحمة عديم الإنسانيـة ظل (حلالاً) و(تقرباً لله) في إطار (هي لله .. هي لله) على مدى 23 سنـة وسيفاً مسلطاً حرمت بموجبه أجيال كاملة تعدادها الملايين من المواطنين السودانيين الخبراء الذين زهـت بهم بلاد آخرى من الدنيا منحتهم جنسياتهـا وزهـت بهـم بلاد أخرى منحتهم حق الإقامـة وحق العمل والإبداع فأخلصوا وأبدعوا وجنوا المال والحياة الرغدة بينما ضنت بكل هذه الفرص بلادهـم وحكامهـا (الإسلاميون) ...

الآن فقط ... يتحول... التمكين سئ السيرة والذكر .. ليصبح حراماً ومسيئاً للخدمة المدنية ومنتقصاً لحقوق المواطنـة ؟؟؟؟

هو أمر غاية في الغرابـة في هذا العالم الذي أصبح مريباً جداً,

دعنا نشمت قليلاً في نواب البرلمان .. الذين فاتهـم شرف (إعلان وفاة) التمكين وفي الذين كتبوا دستور 2005 وما فيه من (حقوق المواطنة) فقد سبقت جهيزة قول كل خطيب واعترف الرئيس في طي كلامـه بأن التمكين ظل يفعل أفاعيله رغم كل تلك النصوص إلى حين أعلن هو شخصياً إنهاؤه بقول فصـل.

من نصدق أخي كيكي ؟؟؟


أحمد الشايقي

سلام يا هندسة
وشكرا للتحليل بنكهة الدردشة
تعرف ابوى الله يرحمه كان عندو تعبير بخصه كدا
بيوصف بيه بعض الاشخاص يهز راسه بسخرية بتخصه
برضو يقول ليك ( دا زول طج ساكت ) بضم الطا
كل ما اشوف تعابير وشو ############ة دي واسمعه
بيذكرني انه طج ساكت
الحاجة التانية عندنا في شندى زول كان علي
قدر حالو قام اشتغل سمسرة اليومين ديل بتاعة
طاقية دا في راس دا وعمل ليهو قروش كتيرة
والمرة بتغير الدهب مع التياب لحدي ما زولك دقٌ
الدلجة ودخل السجن اها يا سيدي الجماعة يحنسو
فيها تحل الراجل قالت ليهم (مني دي انا والله ما
بصرف ليهو دهبي ) عارف كيفن الحكومة دي ما في
واحد من اطرافها بيصرف ليهل دهبو حتي كان سواهو
من ضهرها عشان كدا قريب بيعملوا خوة فرتك

كيكي

اقعدوا كركبوا كدا لما تلقوا نفسكم

اب سايد داون

اركزوا

Quote: كركبوا

هلا يا بقبق وحبابك يا هتيف..
وشاحد الله وشاحد معاه شيخي شكر الله يتكر عمر البشير (كرنقلي) من سنتر الخرطوم لحدي لاهاي
عشان نشوف انت ده حتسوي شنوووووووو..؟؟؟
وعشان نتمتع بالدهشة في حال واحوال(الهتيفة والابواق) لمن يتربسو ليهم (ابا كبيرهم) الذي يلهمهم الورجغة والملحسة والتطبيل الجائع

Quote: من نصدق أخي كيكي ؟؟؟

تحياتي يا احمد
ونعم القول والقول هو كما قلته اعلاه في امر التمكين الذي كان ولايزال سونامي ضرب الانسان السوداني في مقتل
واسقط للجبهجية وامثالهم من الارزقية وتاكل عيش اسقط لهم رطبا جنيا من موارد هذا الشعب المظلوم
وهي ياابوحميد دولة الكوجنة والمشي علي المقلوب والمشقلب في كل امر البلاد والعباد...
ونحن يا صديقي في بلادا يحكمها الاوباش الجربندية فلذا لنا ان نتوقع الدهشة في كل يوم وصباح

وكل الود

مواسم المتعة والدهشة الكيكية ..

واصل كيكى فى فضح هذا السيرك القومي .

تحية....

واضح من التصريحات العنترية والاستدلالات الممجوجة اننا نتجه لقطف ثمار المشروع الحضاري ظنيا بعد ان حان قطافها...نتوسد عليك يا الله لنبدا في الاكل مما نسمع...بعد ان تجاوزنا بحول التمكين مرحلة ان نأكل مما نزرع ...

وطالما بيد (الاسد النتر )الحلول الظنية جايانا عوجة...

Quote: تحياتي يا هندسة... شخصيا أشوف العمى ما أشوف الزول الثقيل دة والأسوأ أن أسمعه، كأنما أسمع بوما ينعق في تل خرابة.... ياااخي الزول دة بقى عقدتي بصورة مرضية جنونية!

الله يطمئنك يا اخ عبد الاله ياخ
تصدق انا قربتا امش لى دكتور نفسى, لانى اول ما اشوف الزول ده بتهيج وبشاكل اقرب زول لى
والله من شدة ما بكره الزول ده هسى بكتب ودمى فاير
مع الاحترام للاخ عبد الكريم انتا بتكتب فى شنو يا اخوى
ما هو الناس نوعين
نوع عادى وطبيعى مؤمن زى ايمانه بالله انه الزول ده بومة وركت فى البلد دى وجلبت الخراب
ونوع من نفس طينته ارزقى وواطى وبجى يطرش اى كلام ويمشى
بس برضه بقول امكن بتنفس عن نفسك عشان ما تطق زينا

Quote: واصل كيكى فى فضح هذا السيرك القومي

تحياتي يا امنة ومرحب..
ماشين يا امنة في سكة فرفرة اوراق النظام المتهالك ورئيسه المجرم وحتما سنمد
ونضالاتكم علي الارض يا امنة هو الوقود الحيوي والملهم لنا في منافي الجن دي

وكل التقدير يا زولة يا وطن

Quote: وطالما بيد (الاسد النتر )الحلول الظنية جايانا عوجة...

تحياتي يا محمد والف مرحب
ونعم طالما الامر بيد (الاسد النتر) فانها الفجيعة والكارثية في اعلي مراحلها
فالامور عند الدود النتر هي امور تجري وقائعها حيث لاقانون الا قانون النفس البشرية التواقة الي (قمع وقهر وقتل الاخر)
وقانون الوطن الذي يتقزم ويصبح (فرد) حوله جماعة من حملة الدفوف الذين هم علي استعداد لضربها لكل شعار ومرحلة..
فعندما كان الصوت الاعلي هو (تمكنا) كانت هنالك ضربات دفوف بكل حماس تردد (هي لله وتمكنا..اجل تمكنا)
وعندما اصبح الصوت الاعلي الان هو (لاتمكين) وجدنا نفس الكورال والجوقة تردد وتهتف وتعزف وبكل حماس (نعممممم لاتمكين..سحقا للتمكين)..
انها زمانات الدهشة وامطار العوجات الدودية النترية

وكل الود

احدي المناشدات التي يهتف بها ابناء هذا الشعب الفضل عاليا في نواحي الفيسسسسس بوووووك

Quote: وشكرا للتحليل بنكهة الدردشة تعرف ابوى الله يرحمه كان عندو تعبير بخصه كدا بيوصف بيه بعض الاشخاص يهز راسه بسخرية بتخصه برضو يقول ليك ( دا زول طج ساكت ) بضم الطا كل ما اشوف تعابير وشو ############ة دي واسمعه بيذكرني انه طج ساكت الحاجة التانية عندنا في شندى زول كان علي قدر حالو قام اشتغل سمسرة اليومين ديل بتاعة طاقية دا في راس دا وعمل ليهو قروش كتيرة والمرة بتغير الدهب مع التياب لحدي ما زولك دقٌ الدلجة ودخل السجن اها يا سيدي الجماعة يحنسو فيها تحل الراجل قالت ليهم (مني دي انا والله ما بصرف ليهو دهبي ) عارف كيفن الحكومة دي ما في واحد من اطرافها بيصرف ليهل دهبو حتي كان سواهو من ضهرها عشان كدا قريب بيعملوا خوة فرتك

تحياتي والف مرحب يا امال
ونعم انه عهد الطج والطجوج الذي تسلطو علي رقاب الشعب الفضل المسكين ده وبمارسو فيهو امراضهم وجهلهم العجيب
وزي ما قالت المرة ام دهب تاني دهبا كده بتصرف للحرامية ديل مافي وكفاية السرقوه ونهبوه ده..
والجماعة داقين الدلجة داقين الدلجة وبالمزيكة كمان
وكل المقابضة البعملو فيها دي فهي فرفرة مذبوح وتحصيل حاصل لانو امر ذهابهم الي مزبلة التاريخ امر حتمي ...

ويا حليلو عمر البشير الكضاب ويا حليل جوافة رقيصو

وكل الود والتقدير

غايتو يا كيكي بتفرنب في فرنبة كعبة شديد خلاص

ربنا يكون في عونك


لكن شكلو ليلك طويل وحالك

اركز

Quote: مع الاحترام للاخ عبد الكريم انتا بتكتب فى شنو يا اخوى ما هو الناس نوعين

هلاياماجد وتحياتي
اهو قاعدين نكتب في النوع الثاني ذو الخصائص الرعديدة دي
والنوع ده في ظني ضروري يتكتب عنو وبكثافةوحماس .... فخلينا بالله نكتب عنهم يااخ
كتبهم شيخ الجيلي

Quote: غايتو يا كيكي بتفرنب في فرنبة كعبة شديد خلاص

هلا يا باوقة وحبابك ياهتيف..
مالي بفرنب
لابد لي اوكمابووووووووووو..؟؟
ولا شعبي قانص لي وممكن يقوم يخلي ريحتي طير طير في اي لحظة..؟؟
ولا دولاري امبيرو داقي في السماء السابع واقتصادي واقع وقعة عدووووووك..؟
ولا اتمكنت وخربت البلد وجيتك يا ود الباوقة (اعييييييييييط)

يا اخوي الفرنبة انت عااااااااااااارف محلها ووو ين لكن عامل فيها (وادي شااااالك)

Quote: فخلينا بالله نكتب عنهم يااخ كتبهم شيخ الجيلي

هاهاهاها
اضحك الله سنك ياخ

هلا يا ماجد
والمجد والخلود لشيخي الجيلي
وان شاء الله يعملها ويكتبهم الناس ديل ويخلي ريحتهم طير طير
كما كانت هي هنا في الدوحة ليلة امس في (جمعة دق العيشش) فلقد تمت هزيمتهم هزيمة ساحقة وصاعقة ورهيبة

ولسسع الغريق قدام
والغضب الساطع اتي

تاني البشير قام يهطرق ويطربق
وشايفو قال عاوز يورم فشفاش ويحرق كبد وكلاوي...
ويا جماعة هل من رجل رشيد يربط هذا الرجل في رجل عنقريب او اقرب (شعبة) راكوبة
ياعالم
يا شعب يا فضل
اصحي ايها البريشين واربطو هذا الرجل ينوبكم ثواب

http://www.facebook.com/#!/pages/%D9%8A%D9%88...8%B1/163566330402941

القروب اعلاه بعنوان يوميات عمر البشير هو قروب موبااااااالغة

وقروب wayeeeeeeeee
فخشو يا عزيزي القاري
اضحك فرفرش ومتع نفسك بحكاوي الرئيس النحرير

يا زول انت لس قاعد تهضرب

اركز

Quote: يا زول انت لس قاعد تهضرب اركز

اوووووه باوقة
وماشين في سكة الهضربة وسنمد

--------------
شايفك خاشي في شرم برم بهناك ومشينا وزعنا ليكم الكمونية انت وربعك محمد فرح