Post: #1
Title: # واحدة سرقوا خطيبه ( يخسسسي ودشليون يخسي ياسراقت الجكسي )
Author: زهير عثمان حمد
Date: 02-07-2012, 01:06 AM
واحدة شغاله في وكالة سفر سياحية أسمها البلوم من بنات حته كدا أسمها (مايو الخيام) زيتونية اللون ذات قد وملامح جميله وعندها صاحبتا شالغه قريب منها في مكتب تجاري برضو قالوا أسما تحيه الاذيه بفطروا سوا وعاملين أكترمن أصحاب قامت الصاحبة في الزمن الصعب دا سرقت خطيب البلوم بعد ما عرفت أنو شاغل في شركة أتصالات وممكن أنجز مسألة العرس قريب جدا لكين البلوم قدمت فيها عرض رهيب جدا بعد ما عرفت الشاب مشي ناس تحية وكمان طلب يدها وعكموا بالعقد طوالي حتي بدون مهر كمان
قالت في أستهلاليه غاية في البلاغةوهي منفعله جدا ومحروقة حشا
(أحي يا قاسم يرجعك لي ال - لا نام ولا أكل الطعام ولكين أنتي يا غنماية الاشلاق العامله كرعيينك الرقاق زي قشات السنون العمرك لا عندك ستيان ...ولا لبس و ديمه لبسا علي اللحميه ومن أكل الطعمية جاك هيم يالا قريتي في مدرسة الرهبات ولا حبيتي في البلاط يا هبوهبو لا أم ولا أبو يا ضبانة الكفتايريات يا زبونة الركشات في العاصمة والولايات يا العيانة بالغرووده والرقاد قالت بتكب الريحه وعاملة فيها تفتحيه أحي يا قاسم الدقستا فيك أنا ما سوت فيني مغرز تحية يخسسسي ودشليون يخسسسسي تسرقينني أنا يام وشاعضام يا حزمة ألم و ولادة الندم يا طربيزة الجزاره المليانه زفارة وقذاره يا الشينه أم تفه والشفايف بس تقول كفته
ما خسارة التعليم والسمايه يخسيييي يا بتاعت المرض النفسي يا مستوي واطي ما وشك شاط وشعرك أبا المشاط أنت ما قصة ودايرا ليها حصه لا بفشني فيك دق ولا معيط
وووب علي أنا ووب وب ياقاسم أنا من غير ما بموت ويدفنوني لابرود ولا حنوط
قالت هي متعلمه لكين ماهي جاتني عديل في قاسم متهجمه وأنشالله قاسم يدخل عليك بالساحق والبلا المتلاحق قولي أمين يا تحيه الاذيه وأنت مافكتي بورتك لكين أسوي شنو أنا ما ندهتاليك الصلاح وشيوخ القبب أنشاالله تطلقي في سبوعك لا تتهنيء ولا تتمني يا تحيه الاذيه ويخسسي عليك ودشليون يخسي يا سراقت الجكسي ) .
* وكر علي أنا يا قاسم وكر .....وكر علي .
*شاكوش رهيب خلاها مجنونه بس تبكي وتنبذ ليهاسنه وهي كدا !؟
|
Post: #2
Title: Re: # واحدة سرقوا خطيبه ( يخسسسي ودشليون يخسي ياسراقت الجكسي )
Author: خضر الطيب
Date: 02-07-2012, 01:55 AM
Parent: #1
| Quote: واحدة سرقوا خطيبه ( يخسسسي ودشليون يخسي ياسراقت الجكسي ) |
ابو الزورز حبيبنا صباحاتك بخير
دا خطيب ولا دميه ؟
|
Post: #3
Title: Re: # واحدة سرقوا خطيبه ( يخسسسي ودشليون يخسي ياسراقت الجكسي )
Author: المسافر
Date: 02-07-2012, 04:09 AM
Parent: #2
سرقة ... سرقة ... ولا انتحال شخصية ؟
|
Post: #4
Title: Re: # واحدة سرقوا خطيبه ( يخسسسي ودشليون يخسي ياسراقت الجكسي )
Author: علاء الدين حيموره
Date: 02-07-2012, 04:27 AM
Parent: #3
ابو الزهراء يا صديق
مشتاقون
سؤال بريء :
البوست دا اتكتب الساعة كم ؟
|
Post: #5
Title: Re: # واحدة سرقوا خطيبه ( يخسسسي ودشليون يخسي ياسراقت الجكسي )
Author: Amin Mahmoud Zorba
Date: 02-07-2012, 04:39 AM
Parent: #4
يا أبو الزوز
ياخي التحية ليك
سؤال
ياخي الحلة بتعملا بكم بصلة
|
Post: #6
Title: Re: # واحدة سرقوا خطيبه ( يخسسسي ودشليون يخسي ياسراقت الجكسي )
Author: زهير عثمان حمد
Date: 02-09-2012, 09:30 AM
Parent: #5
الاخوةالكرام
تحياتي في البدايةأأسف لغيابي عن هذا البوست ومتابعته وطريقة كتابته التعيسه سوف نتواصل اليوم خميس مشاغل الخميس أنتو عارفينها
لكم ودي الي اللقاء في هذا المساء
|
|