Post: #1
Title: ليالي حديقة القرشي الثقافية ( ليلة حقيبة الفن الاربعاء وكل اربعاء ) ..
Author: علاء الدين حيموره
Date: 02-06-2012, 10:52 PM
حديقة القرشي العريقة فتحت ابوابها ليكون مسرحها منبرا ثقافيا غنائيا يحفظ هذا الكم الهائل من اغاني الحقيبة والتراث ....
الاربعاء وكل اربعاء سيكون موعدكم مع ليالي الحقيبة .....
يشارك فيها نخبة من اروع الاصوات التي تغنت بالحقيبة ....
اهلا بكم ....
|
Post: #2
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-06-2012, 11:09 PM
Parent: #1
تحملت عبء ادارة هذا المنتدى الثقافي واتمنى ان اكون قدر هذه المهمة الصعبة ...
لاي استفسار الاتصال على 0111444488
|
Post: #3
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-07-2012, 05:30 AM
Parent: #2
الاربعاء سنحلق في عالم الطرب الاصيل واغنيات حقيبة الفن الخالدة ....
|
Post: #4
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-07-2012, 07:37 AM
Parent: #3
سعر التذكرة 10 جنيهات فقط
|
Post: #5
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: أبو ساندرا
Date: 02-07-2012, 07:51 AM
Parent: #4
حديقة القرشي في الخرطوم جنوب والتي كانت تعرف ب ( دومة عبود )
تحول إسمها لتخليد شهيد ثورة اكتوبر الأول أحمد القرشي
والغريب أن ذات الحديقة موجودة في بحري وأفتتحت في نفس اليوم
ولكن حديقة بحري حافظت على إسم عبود ، وصارت هي فقط التي تخلد
ذكرى الفريق ابراهيم عبود رئيس المجلس الأعلى للقوات المسلحة
الحاكم خلال الفترة من 17 نوفمبر 1958 _ 21 اكتوبر 1964
الحديقة كانت مرتعآ لطفولتنا ، نحن أولاد الخرطوم نمرة 2 ونمرة 3 والسجانة
والديوم الشرقية والحلة الجديدة والإمتداد والعمارت
وكانت ترتدي حلة ملونة زاهية في الأعياد
وتضفي بنوافيرها انتعاشآ
وبحوض السباحة الدائري والذي تصطف على جنباته الموائد كأفضل ملتقى للعشاق والأسر
ويكون حضورهم تحت إغراء جمال المكان ورائحة الشواء المتصاعد
والأطفال يصعدون الجبل الصخري وكنا يومها نراه شاهقآ لا يجرؤ على تسلقه إلا الجسور
أي مشروع كالذي يتصدى له علاء الدين حيمورة من شأنه أن يعيد الروح للحديقة
وتعود متنفس صحي وثقافي وترفيهي يؤمه الناس
|
Post: #6
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-07-2012, 08:12 AM
Parent: #5
شكرا الحبيب ابو ساندرا على هذا التفصيل عن دومة عبود او الدومات والتي اصبحت حديقة القرشي ...
الان اصبحت انيقة جدا وعادت لها الروح بفضل الاخوة القائمين على ادارتها ....
سوف نعمل على ان تكون متنفس ثقافي حقيقي يجذب كل الاسر ...
|
Post: #7
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: ناذر محمد الخليفة
Date: 02-07-2012, 08:22 AM
Parent: #6
التلفون اعلاه مغلق يا علاء الدين ..
ارجو الأتصال ..
وبالتوفيق ..
|
Post: #10
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-07-2012, 09:09 PM
Parent: #7
الاخ / ناذر
تحياتي ليك ... اتصلت بيك لكن يظهر الوقت تاخر وسوف اعاود الاتصال بك صباحا ..
تسلم ..
|
Post: #8
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: بدر الدين اسحاق احمد
Date: 02-07-2012, 08:52 AM
Parent: #5
مع اننا بحراوى الهوى ..
لكننا سنكون حضوراً لاعزاز حيمورتنــا
موفق فى هذا الدور الجديد
وإلباس حديقة القرشــى ثوب لحقيبة
|
Post: #9
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: يوسف محمد يوسف
Date: 02-07-2012, 09:01 AM
Parent: #5
ابو ساندرا
شكرا لك و انت تعيدنى فى هذا الصباح الجميل لماض ملىء بالذكريات العطرة فى ذلك المكان " ميدان الدومات " ثم " حديقة القرشى " !!
نهاية الخمسينات درسنا المرحلة الاولية بمدرسة " الاتحاد " و التى تقع - و ما زالت - فى الجانب الشرقى لميدان حديقة القرشى .. وقتها كان ناظرها الاستاذ " احمد عبد الجليل " - طيب الله ثراه - .. لا زلت اذكر بوضوح تلك المرحلة و لما كان لها من تأثير بالغ فيما تلاها من عمرنا و نمونا، كنا مجموعة من ابناء الخرطوم ( 3 ) نسكن شمال نادى الآسرة الحالى تم قبولنا فى هذه المدرسة بعد ان اكملنا عامان فى خلوة " الشيخ محمد بابكر " المقرىء المعروف - عليه رحمة الله - .. اذكر منهم سليمان عبدالرحمن ، حسن الشيخ ، عبد المنعم طه ، المرحوم عمر الغوث ، عبدالرحمن طه .. كان علينا جميعا ان نعبر كل صباح و ظهيرة ميدان عبد المنعم و الجزء الشمالى الشرقى لميدان الدومات سيرا على الاقدام - على جنوبنا شنط القماش - رحلة كنا - وقتها- نحسبها اقرب الى رحلات " جوليفر " فى بلاد العجائب .. لذلك كنا ننتظر فى طرف ميدان عبد المنعم ننتظر اخوتنا الكبار من ابناء الحى فى نفس المدرسة .. الرشيد محمد عربى ، الدريرى على الزين ، صلاح شاهين ، عبد العظيم طه " ابو شراب " ، عبد الفتاح ابو العز .. حتى نتبعهم وصولا الى المدرسة و العودة منها .. اذكر هذا الميدان - ميدان الدومات جيدا - حيث كان عبارة عن فسحة تتميز بتربة غريبة تميل للسواد .. كل ما فيه شجرتا دوم .. الاولى تقع فى الجانب الشمالى الشرق و الثانية فى الجنوب الغربى للميدان وهى التى كان يسكن تحتها فى " قطية " مصنوعة من الجوالات و الصفيح العم " دوكا " - له الرحمة - رجل ذو شكل غريب .. كثيف اللحية .. يرتدى باستمرار الردى الكاكى .. يجمع فضلات البهائم .. و يربى عدد كبير من القطط و الكلاب .. كان لا يسمح لاحد من الاقتراب من مسكنها و ظل فيه حتى تم بناء الحديقة ..
كانت حديقة القرشى بعد تشييدها مرتعا للهو البرىء لكل ابناء الخرطوم (3) و ما حولها من الاحياء خاصة خلال شهر رمضان حيث كنا نقصدها بعد انتهاء المدارس و نقضى فيها وقتا مرحا حتى دقائق من حلول وقت الافطار .. ثم كانت منتزها لكل الاسر و خاصة الشباب منهم ..
شكرا اخى علاء الدين حمورة و انتم تعيدون الى ذلك المنتزه التاريخى شىء من القه الذى كان !
مودتى لكم
|
Post: #13
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-08-2012, 06:49 AM
Parent: #9
الحبيب / يوسف
تحياتي ليك وسعيد بمرورك في هذا البوست الذي احسست بانه يخدم اكثر من غرض ...
لقد اعاد هذا البوست الذكريات الجميلة لكل الذين ترعرعوا في الخرطوم وكانت هذه الحديقة بمثابة المتنفس الوحيد لهم ...
متحمسا جدا لاحياء النشاط الثقافي في هذه الحديقة خاصة وبعد الجهد الذي بذل من القائمين على امر ادارتها في جعلها اجمل الحدائق ...
اهلا بيكم واتمنى ان تكون هذه الحديقة واحدة من منارات الثقافة في الخرطوم ..
لك كل الود
|
Post: #11
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-08-2012, 06:02 AM
Parent: #1
ليلة الافتتاح يحيها زميل المنبر الفنان أحمد عوض ( عجوز ) والفنان النحاس ..
تبدأ الليلة في تمام الساعة الثامنة والنصف ...
|
Post: #12
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-08-2012, 06:07 AM
Parent: #1
ليلة الافتتاح يحيها زميل المنبر الفنان أحمد عوض ( عجوز ) والفنان النحاس ..
تبدأ الليلة في تمام الساعة الثامنة والنصف ...
|
Post: #14
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: عبد الدائم سيد أحمد
Date: 02-08-2012, 07:04 AM
Parent: #12
عشرة جنيهه شنو يا علاء
نحن ناس الملح و متعودين نط سور الحديقة
عشان الواحد يجيب وردة حمراء من شجر ( العوير )
من ايام كانت الحديقة محطة العشاق
بالتوفيق يا حبيب و تحياتنا للعجوز ....
|
Post: #16
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-09-2012, 05:56 AM
Parent: #14
يا سلام يا عبد الدائم .... بس وبمناسبة الحقيبة دي نقول :
حليل زمن الصبا الماضي ................
|
Post: #15
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: أبو ساندرا
Date: 02-08-2012, 07:09 AM
Parent: #12
يوسف محمد يوسف :
Quote: نهاية الخمسينات درسنا المرحلة الاولية بمدرسة " الاتحاد " و التى تقع - و ما زالت - فى الجانب الشرقى لميدان حديقة القرشى
وقتها كان ناظرها الاستاذ " احمد عبد الجليل " - طيب الله ثراه |
هلا عزيزنا يوسف ، تعرف ، كنا نرتاد مدرسة الإتحاد قادمين من مدرسة الخرطوم جنوب الوسطى
عشان نلتهم فول كارب من بوفية المدرسة لصاحبه محمد عبداللطيف
والد زميلنا الراحل سيف الدين عبداللطيف ، عليهما الرحمة وهو من أولاد الجزء الجنوبي من الخرطوم 3
حلة ناس سعد زكريا و اظنه قريبه ، وناس فرزدق
وبرضو في الحتة ديك ، خلف مدرسة الأم كان في دكان بيعمل فول موبالغة ( دكان أسعد )
في ركن مدرسة الإتحاد كان بيقع بيت ناس فيصل محمد أحمد ( لاسكو ) و أخوه أزهري
اها ، الوقت داك برضك كنت ابوصلعة ؟
|
Post: #17
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: عبد الدائم سيد أحمد
Date: 02-09-2012, 06:44 AM
Parent: #15
| Quote: حليل زمن الصبا الماضي ................ |
مع العلم انو احمد عجوز اقدم من حديقة القرشي
|
Post: #18
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: شهاب الفاتح عثمان
Date: 02-09-2012, 07:05 AM
Parent: #17
نحو ليالي عامرات ,
وتجمع اسري حميم و ثقافة والفة..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #19
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: ياسر السر
Date: 02-09-2012, 07:35 AM
Parent: #18
يا الخرطوم يا العندي جمالك جنة رضوان ،،، طول عمري ما شفت مثالك في اي مكان ...
يا سلاااااااام يا حيمورة مشروع جميل وعمل كبير اتمنى من الله ان يوفقكم فيه لتعيدو للخرطوم سيرتها الاولى ،، فعلا هذه المنطقة من الخرطوم كانت في الماضي بؤرة ثقافية فنية راقية وها انتم اليوم تعملو على إعادتها لمثلث الالق ،، بالله عرج شوية غرب الحديقة وسلم لي على الاستاذ حسن علي عمر في منتدى الخرطوم جنوب الثقافي جوار الحديقة هذا المكان ايضا عشنا فيه ايام جميلة وليالي لا تنسى واسال عنها صاحبك مرزوق حا يسهب ليك في الحديث عنها ،،،،، وبعدين ياخ انا عارفك الواحد هسة يجي اجازة تعملها ليهو كلها لوحات وبراويز لووووووووووووووووولز ..
بالله تحياتي الحارة للاستاذ الاخ العزيز احمد عجوز وبالله خليه يغني ليكم حليل زمن الصبا الماضي ,,,
تمنياتي بالتوفيق : ياسر العيلفون
|
Post: #20
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-10-2012, 07:19 AM
Parent: #19
في ضربة البداية :
اكتست الحديقة حلة زاهية... زين المسرح وطفى زينته اناقة الحضور .. فقد كان الحضور جميلا واوجه نيرة تترقب بداية الامسية ...
تحدثت حديثا موجزا عن اهداف المنتدى وعن حديقة القرشي ...
وبدأ الحفل بالفنان الرائع ياسر تمتام ....
ونواصل
|
Post: #21
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: طارق ميرغني
Date: 02-10-2012, 08:42 AM
Parent: #20
الف مبروك اخي علاء الدين
الافتتاح وانت اهل لمثل هذه الانشطه
طيب لمن نجي الاجازه نعمل شنو؟
بيت الفنون جم بيتنا
يعني خليتنا وطارق الامين دق ليك خروج نوهائي ولا اشمعنا بس
تسيب بحري وطراوتا ما بنخليك الا تعمل ليك يوم حقيبه
ان شاء الله يوم الجمعه
|
Post: #22
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-10-2012, 08:55 AM
Parent: #21
الحبيب / طارق ميرغني
Quote: الف مبروك اخي علاء الدين
الافتتاح وانت اهل لمثل هذه الانشطه
طيب لمن نجي الاجازه نعمل شنو؟ |
ياخ ربنا يجيبك لينا بالسلامة ....
حقيقة مساحات الابداع ضاقت لما افرزت الساحة الفنية اصوات طروبة حرصت على حفظ هذا الارث ....
اصبح رابع المنتديات ( منتدى حديقة القرشي الثقافي ) متميزا على غيره من ناحية الموقع وسهولة الوصول لان حديقة القرشي اتاحت لكل الذين استعصت عليهم طرق الوصول للمنتديات الاخرى لبعدها الجغرافي وانعدام وسائل المواصلات بعد نهاية الحفل ...
ايضا سوف نجتهد في ان يكون هذا المنبر اضافة حقيقية لمجموعة المنابر العاملة في مجال الثقافة ...
انتو تعالو والباقي علينا ...
|
Post: #23
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: يوسف محمد يوسف
Date: 02-10-2012, 10:26 AM
Parent: #22
Quote: هلا عزيزنا يوسف ، تعرف ، كنا نرتاد مدرسة الإتحاد قادمين من مدرسة الخرطوم جنوب الوسطى
عشان نلتهم فول كارب من بوفية المدرسة لصاحبه محمد عبداللطيف والد زميلنا الراحل سيف الدين عبداللطيف ، عليهما الرحمة وهو من أولاد الجزء الجنوبي من الخرطوم 3
حلة ناس سعد زكريا و اظنه قريبه ، وناس فرزدق
وبرضو في الحتة ديك ، خلف مدرسة الأم كان في دكان بيعمل فول موبالغة ( دكان أسعد )
في ركن مدرسة الإتحاد كان بيقع بيت ناس فيصل محمد أحمد ( لاسكو ) و أخوه أزهري
اها ، الوقت داك برضك كنت ابوصلعة ؟ |
ابو سنرا
مودتى
مفروض اقول ليك الابن " ابو سندرا " .. لان اخى محمد عبد اللطيف الدفعة القدامنا فى مدرسة الاتحاد ... ترك الدراسة مبكرا و انتقل الى العمل الحر .. شخصية يصعب التحدث عنها فقد كان رجلا اشبه بالملاك طهرا و عفاف .. و رقة .. عرف عنه الكرم الحاتمى اصلا و ليس تشبيها .. كان رياضى و محب اول للرياضة . اكتسب بجهده فى العمل التجارى الكثير من المال كان لاخوته و معارفه و الرياضة فى الخرطوم (3) خاصة فريقى " زحل " و " الذمالك " دعما غير محدود .. جهدا و مال .. حتى اصبح علما و رقم فى حى الخرطوم (3) .. يأأأأه يا ابو سندرا ذكرتنى اخ و صديق و رياضى .. لا ينسى ، و كل من ذكرتهم من ابناء الخرطوم (3) و خاصة من لاعبى الكرة كان له الفضل فى اكتشافهم او دعمهم و تشجيعهم حتى صاروا نجوم ..
و الحديث يطول عن الخرطوم (3) و تاريخها الذى لا ينسى و بكل تفاصيله لانه خالد فى نفوس جميع ابنائها .. تصدق انا من الزمن دأأأأأأأك و حتى الآن لا اعرف الآ بـ " يوسف ابوصلعة " !!
الاخ علاء حيمورة سأعود الى السودان نهائيا باذن الله .. سيكون لنا لقاء و سنقف معكم بكل ما نملك لاثراء هذا المركز الثقافى .. لدينا الكثير لنقوله عن مهد الطفولة و مرتع الصبا .. انتظرونا !!
جمعة مباركة
|
Post: #24
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-10-2012, 11:13 AM
Parent: #23
اخوي يوسف
حبابك في هذا البوست ..... وحقيقة العمل الثقافي يتطلب جهدا كبير وتعاون لايصال الافكار التي من شأنها تزيد من رفع الوعي ...
| Quote: الاخ علاء حيمورة سأعود الى السودان نهائيا باذن الله .. سيكون لنا لقاء و سنقف معكم بكل ما نملك لاثراء هذا المركز الثقافى .. لدينا الكثير لنقوله عن مهد الطفولة و مرتع الصبا .. انتظرونا !! |
شوقتنا واتمنى لك عودا حميد لتسهم معي في هذا العمل ...
|
Post: #25
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: صلاح غريبة
Date: 02-10-2012, 02:39 PM
Parent: #24
حديقة القرشي لي معها ذكريات وذكريات
ابو ساندرا
ابشرك د. الفرذق وصل المملكة والان بتبوك
|
Post: #26
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: ناذر محمد الخليفة
Date: 02-10-2012, 02:53 PM
Parent: #25
صلاحة غريبة ..
| Quote: ابشرك د. الفرذق وصل المملكة والان بتبوك |
دكتور الفرذدق محجوب محمد حسين ماهل ؟!!
إنت من وين بتعرفو ؟! وكمان ابو ساندرا بيعرفو ؟!
الفرذدق يا غريبة رجل ما ساهل وهو كسب لي ناس تبوك كلهم .. بالمناسبة دكتور الفرذدق فنان ومغني ذو صوت طروب وعازف ماهر على العود .. ودعتو يوم الجمعة الفاتت وقال حا يغشى جدة للعمرة ومنها لي تبوك ..!
بالله تحياتنا ليو .. ووافينا بي صور أول جلسة غنائية تعملوها هناك ..!
|
Post: #27
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-10-2012, 04:35 PM
Parent: #18
الفاضل / دكتور شهاب
الف تحية
Quote: نحو ليالي عامرات ,
وتجمع اسري حميم و ثقافة والفة.. |
تسلم يا رائع وحقيقة سوف تعمر بالتجمع الاسري ومؤكد سوف نستفيد من خبرات الكثيرين في كافة الماجالات الثقافية ...
يديك الف عافية
|
Post: #28
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: صلاح غريبة
Date: 02-10-2012, 05:14 PM
Parent: #27
علاء الدين
ناذر
تواصلت مع دكتور الفرزذق وهو بخير في تبوك ويعيد صياغة وضعه
وقريبا سنطلب منه الحضور للرياض لوضع برنامج له
وبعدين بالمناسبة د. الفرزدق هو المستشار لمنتدانا
منتدى السياحة السودانية وملتقى الخريجين السودانيين
تخريمة :
ساكون قريبا بينكم في الخرطوم فمن هسع جهزو
الاحتفالات والاستقبالات والمهرجانت
جايكم زول ما هين .......!
|
Post: #29
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: ناذر محمد الخليفة
Date: 02-10-2012, 06:03 PM
Parent: #28
صلاح ..
| Quote: ساكون قريبا بينكم في الخرطوم |
حليلو هو ...!!
الكلام دا بتقولوا ليك سنتين ..!!
|
Post: #30
Title: Re: ليالي حديقة القرشي الثقافية ( ليلة حقيبة الفن الاربعاء وكل اربعاء
Author: علاء الدين حيموره
Date: 02-11-2012, 10:11 PM
Parent: #29
قبل ان نواصل في تفاصيل اليوم الاول انوه بان فنانا الاربعاء 15 فبراير هما الفنان حسن شرف الدين والفنان نميري حسين مع مفاجأة سارة للجمهور الكريم .....
|
|