فى يوم من الأيام كنت شاهداّ على فساد شركة للأقطان

فى يوم من الايام كنت شاهدا على فساد شركة للأقطان

وهذا قبل اكثر من عشرة سنوات من الآن..

طبعا الفساد يتعلق بمشترواتهم من اسبيرات التايوتا

حيث كنت اعمل صباحاّ فى احدى محلات قطع غيار سيارات التايوتا مع تاجر طماع للاسف واذهب الى الجامعة مساءاّ

مقارنة بالنهب والفساد الكبير الاتكشف اليومين ديل دا يعتبر قطرة فى محيط

المهم فى فترة شغلى فى المحل المعنى جونا مرة واحدة ..جو قبل ما اشتغل او بعد ما خليت الشغل لا اعلم

لكن يبدو انهم بتعاملو مع محلات وشركات اسبيرات تانية

وطبعا الناس لو اتحققت من الموضوع دا حيلقوا شركات او محلات اسبيرات كتيرة سافة سف

اها الفساد البحكى عنو تم فى كتابة قيمة الاسبيرات بضعفين او ثلاثة اضعاف اسعارها الحقيقية فى الفاتورة

بطلب من ناس المشتروات ليتقاسمو الفرق لاحقا مع صاحب المحل

بعد اسبوع من العملية دى صاحب المحل رسلنى عشان امشى اجيب القروش دى من شركة الاقطان

والغريبة ما كتبو شيك ومشيت على اساس انى ماشى اجيب شيك ودخلت الشركة لاول مرة فى حياتى ومشيت قسم المشتروات والخزينة

وصرفو لى كاش فى الحال (ما ح اذكر المبلغ ) المهم بضع ملايين من الجنيهات..اكتر شى لفت انتباهى معظم الناس فى القسم كانو مسلحين

و اى واحدغارس طبنجتو بالجنبة..طلعت من الشركة وعندى احساس انو انا طالع من قسم شرطة..

طبعا انا متذكر الاسم الاول بس للشخص الاشترى الاسبيرات..والله متذكر شكلو وكأنو واقف قدامى هسع

وانا لو شفت زول ما بنسى شكلو نهائى-عندى ذاكرة فتوغرافية والحمدلله على ذلك

رجعت المحل بالمبلغ صاحب المحل صدرو انشرح ومبسوط طوالى مد لى من المبلغ جزء

قلت ليهو ياخى انا مش متفق معاك 5% من ارباح المحل قال لى صحيح قت ليهو خلاص خليهو معاك

لامن نجرد الدكان فى نهاية السنة نتحاسب..اتكبكب وكف رجع القروش للدرج..ومع نهاية السنة

خليت الشغل بشكلة لانو رفض يجرد الدكان ! والحمدلله ما كنت باخد غير مرتبى وببيع بالاسعار الهو عاملها

شوف دى حادثة صغيرة صور الفواتير شاهدة عليها و اتذكرتها بعد ما خبر فسادهم الكبير مرق برة..

وقلت لازم اكتب الكلام ..


والله المستعان

للاهمية ليبقى عاليا
معا لكشف المفسدين الفاسدين

ويسالون عن المصادر ..تبا لهم

تحياتى يا قرشى اريتك عافية


لى عودة

لا لا للفساد

Quote: للاهمية ليبقى عاليا معا لكشف المفسدين الفاسدين ويسالون عن المصادر ..تبا لهم تحياتى يا قرشى اريتك عافية لى عودة

تسلم اخ معاوية ..له الحمد والشكر

مصدر شنو كمان فى ظل حكومة الفساد والدجل

المطالبة بالمصدر محاولة للارهاق والاستنزاف والتشكيك

واثارة الغبار لخلق رؤية ضبابية حول خيوط ما يطل من فساد

الناس البيطالبو بالمصدر هم الناس الحارسين لساتك الفساد ذاتو )

معا ضد الفساد

تسلم أخ abdelrahim abayazid

Quote: لا لا للفساد

من اقوال الراعى الرسمى للقساد

Quote: الخرطوم-الوئام: قال الرئيس السوداني عمر حسن البشير أن لديه إقرار ذمة لدى النائب العام السوداني بكل ما يملك وقد قدمه مسبقاً مطالبا السودانيين بتقديم أي معلومات عن الفساد والفاسدين إليه شخصياً حال وجودها لاتخاذ الإجراءات القانونية الصارمة تجاه لك.وقال البشير أن التستر ليس موجود في السودان ولا يوجد كبير على القانون وأن تقرير المراجع العام أظهر العديد من حالات التعدي على المال العام وأن هناك الآن محاكمات تجري لبعض المختلسين لاسترداد ما سرقوا لخزينة الدولة. وأكد البشير انه قرأ في إحدى الصحف اليومية عن قضايا فساد وسبق له وان استدعى احد رؤساء التحرير لمسائلته وتسليمه الأدلة القاطعة على تورط مسؤول بالدولة في قضية فساد ولكن الرجل ذهب ولم يعد إليه ،كما طالب المراجع العام إحدى الصحف التي تملك وثائق وأدلة عن تورط فاسدين في سرقة المال العام بتسليمها له وعندما تم استجوابهم أكدوا بالقول(أن الناس يقولون ذلك).

up

ود الصائم يا حبيب

أحييك والله .. دائما اتابع بوستاتك ..رغم الظروف ..

ايوة كدة ..ساهر بيهم

سهر الجداد ولا نومو

هسه تلقى الفاسدين بمجرد ذكر اساميهم يتقلبو زى السمكة فى سرايرم بالليل

لن نقول من اين اتى هؤلاء مثل الطيب صالح

بل نقول ..معا لكنسهم كيفما اتوا واينما ثقفوا

Quote: اكتر شى لفت انتباهى معظم الناس فى القسم كانو مسلحين و اى واحدغارس طبنجتو بالجنبة..طلعت من الشركة وعندى احساس انو انا طالع من قسم شرطة..

حاجة غريبة
شركة الاقطان المسلحة
كوز يجي يفسر لينا وجود السلاح في شركة اقطان

الاخ خالد العبيد ..تحياتى

فى الزمن داك بجهلنا وطيبتنا كنا مفتكرين العملية مجرد شيطنة من مدير
مشتروات جيعان وما لاقى حقوقو لكن ما كنا عارفين انو الوطن بالكامل
موبوء بفساد ممنهج و كمان محروس بسلاح

اليوم وغدا