Post: #1
Title: صقـور الإيه ؟
Author: عمران حسن صالح
Date: 02-04-2012, 08:36 PM
Parent: #0
بلد تستورد في الخضار من آخر الدنيا وفدادين الناس سوَست ، خايفينها تنزرع وتورد تعب الشهور لأورنيكـ خمستاشر " المزوَر والحقيقي " !
بلد بتشرب في سائل مفروض مكوناتو ذرتين هايدروجين وذرة أكسجين فصار بقدرة أهل ( الحل والحل ) يزيد اعداد مرضى التايفود والقيرقان وبالتالي فالحل ( من أهل الحل ) زيادة مستشفيات التنابلة تقديراً لهذا الشعب الباسل البطل الصابر المختلف ودقي يا مزيكا والسلطان يزيح الستار عن لوحة الإفتتاح الفخيمة حسبما تشير نشرة أخبار التاسعة من التلفزيون الرسمي .
بلد اللوري السافرته بيهو في منتصف الثمانينيات من مدينة القضارف إلى جنوبه وسط ( ميعات ) الأمطار و( دقداق ) الصعيد ما زال يفعل ذات الفعلة ، بذات السائق وعلى ذات الطريق الذي يمر وسط آلاف الهكتارات الخضراء بالذرة والسمسم المروية بموية ربنا ذات الذرتين هيدروجين وذرة أكسجين .
بلد الحاكمنها يرددون نفسي نفسي ، وأن عدد الموتى آلاف فقط وليس بمئات الآلاف كما يقول ( الأعداء )
والمعارضنها يرددون رجعوا لينا ( نفسي نفسي ) حقتنا الزمان أو أدونا ( واطاطتنا ) !!
فصارت التكبيرة الجديدة والقديمة تحمل ذات الأحرف فقط ولا تصل للسماء
بلد مواضيع البيعرفوا يفكو الحرف في صحافته عناوينم تُذكِر رئيس التحرير الآخر بماضيه وطفولته المكسورة !
بلد عناوين البيعرفو يفكو الحرف فيها في حوش بكري والحيشان المجاورة ..........!!! ولا بلاش
بلد نشرة أخبار التاسعة فيها تم تغيير طريقة تصوير من يتلو ورقتها وأضيف لغرفه أخبارها لون بمبي كخلفية لخبر يقول الإكتفاء من السكر خلال ثلاثة سنوات
وكأن نميري ما زال حياً ، أو كأنهم أخذوا ذات الأوراق وبها ذات الخبر من الإرشيف !!
وعييييييييييييييييييييكـ يا وجع
وعيييييييييييييكـ يا أوهام
وعيييييييييييييييييكـ !!!!!!!!!!!!
راجين الفرح يجيكم من وين ؟
وعييييييييييييكـ عليا أنا الأصلاً ما حسيت إنو فريق " صقور الجديان " القدامي ده ممكن يقدم شي جديد ورغم ذلكـ
سيقتلني الحزن والغبن والهزيمة الآن ، وحُزن أكثر على زمني الضيعتوا في الإنتظار والأمل القالو عليهو ( فُسحة ) !! زمان رميت طوبتي واتحسبت فيكـ الله يا بلد
ولولا العيب " فالعييييييييييييييييكـ " مالي سماء بلدي وما بتفشه في حوش بكري ده .
أفيقوا يا ناس .
ما عندكم التكتح
|
Post: #2
Title: Re: صقـور الإيه ؟
Author: DKEEN
Date: 02-04-2012, 08:58 PM
Parent: #1
يابو حمودي..
ياخ ماترفع ضغطك في تيم جيعان ولعيبتو مهمومين..المشكل الاقتصادي لا يتجزأ..
انا ما مستغرب هزايم الاتيام.. السودانية بقدر ما مستغرب الآمال العراض وكروت الجزيرة وونسة الصوالين الرايحة فيما حول الكور دي؟؟
هل تصدق انا اخر كورة كنتا مأمل ومنها طلقتا القصص دي مبارة للهلال كان الحارس فيها واحد اسمو يور..
ياخ بلا كورة بلا حمام ميت....اللوتري بس يامعلم...
______________________________
صقر الجديان ده وين في ياتو حتة من سماوات السودان بتلقي؟؟
هو الجدي ده ذاتو بنبح ولا بطير؟
|
Post: #4
Title: Re: صقـور الإيه ؟
Author: عمران حسن صالح
Date: 02-05-2012, 06:43 AM
Parent: #2
| Quote: هو الجدي ده ذاتو بنبح ولا بطير؟ |
وسبحان الخالق ده لامي الإتنين
بينبح في كل الميديا الحايمة ، وشي شكل صحفيين مقرف بين لعيبتي ولعيبتكـ ومانشيتات بالأحمر
ودراهم الغلابى ضايعة بين أكشاكـ بيع المطبوعات وبطاقات البث وونسة الصوالين
وبيطير بختام لا علاقة له بالبداية دون أن يجد غير التطبيل الأجوف وعبارات الإحتكاكـ ستظهر نتيجته في 2014 :)
وفشفاشنه يتهرد بين التنظير والتهليل دون خطط مستدامة أو حتى مؤقتة
وشيل حال مستمر وسط خلايق الله البقت تعرف الكورة وتاريخه كلو مكتوب في صفحات لا تتعدي عدد صفحات ميكي الجيب
|
Post: #3
Title: Re: صقـور الإيه ؟
Author: Mohamad Shamseldin
Date: 02-04-2012, 09:01 PM
Parent: #1
Quote: سيقتلني الحزن والغبن والهزيمة الآن ، وحُزن أكثر على زمني الضيعتوا في الإنتظار والأمل القالو عليهو ( فُسحة ) !! زمان رميت طوبتي واتحسبت فيكـ الله يا بلد
ولولا العيب " فالعييييييييييييييييكـ " مالي سماء بلدي وما بتفشه في حوش بكري ده .
أفيقوا يا ناس .
ما عندكم التكتح |
عمران... نعم شئ محزن... رغم ما حصل... شرفونا فقد جعلو من الفسيخ شربات... و في ظل عدم توفر أي شي.. و عدم إلاهتمام.. هذا كثير منهم...2008 وصلو النهائيات.. 2012 وصلو دور الثمانيه..2014 خليهم يصلو دور الاربعه...
الاصابات في الفريق الدفاع كله مصاب.....
البركه في أن تسنح فرصه إحتراف لاي من اللعيبه.. و قد تردد أن سيف و علاء الدين و أكرم لهم قرصه
|
Post: #5
Title: Re: صقـور الإيه ؟
Author: حمزاوي
Date: 02-05-2012, 06:58 AM
Parent: #3
يا اللوري عليك الله يا اللوري
المرا الما بتعرف الدخان بتحرق شنو ...
هيا وسنكات طرق وعرة
|
Post: #8
Title: Re: صقـور الإيه ؟
Author: عمران حسن صالح
Date: 02-05-2012, 12:43 PM
Parent: #5
البتحرق قلبنا يا حمزاوي
قلبنا الخلاص وصل حدو ، لا إبتسامة تلوح يا خال
والكورة آخر الهم فقط هي كانت متنفس خدعنا أنفسنا بوجود نفاج فيها
وطلع خازوق آخر جديد
|
Post: #6
Title: Re: صقـور الإيه ؟
Author: عمران حسن صالح
Date: 02-05-2012, 10:33 AM
Parent: #3
| Quote: تردد أن سيف و علاء الدين و أكرم لهم قرصه |
وقرصة في كل حتة كمان يا محمد شمس الدين :)
فرصة شنو يا حبيب
والله فرنسا دي برد ساي توديهم التوج
|
Post: #7
Title: Re: صقـور الإيه ؟
Author: طلحة عبدالله
Date: 02-05-2012, 10:48 AM
Parent: #6
سلامات يا عمران
والله البسمع تأوهاتكم على الكورة يقول خلاص المشكلة كلها التيوة دي
ياخ في السودان محل ما تقبل تصدر منك آهة وآهات وأخ وأخات ..
وفروا آهاتكم لسياسة اللعب لعب القالبة البلد دي ..
يعني هي بقت على كورة المساكين دي ؟
|
Post: #9
Title: Re: صقـور الإيه ؟
Author: عمران حسن صالح
Date: 02-05-2012, 12:53 PM
Parent: #7
Quote: والله البسمع تأوهاتكم على الكورة يقول خلاص المشكلة كلها التيوة دي
ياخ في السودان محل ما تقبل تصدر منك آهة وآهات وأخ وأخات .. |
سلام يا طلحة
ملخص كلامي الفوق يا طلحة بيقول كدي :)
يعني القرف يشمل كل مناحي حياتنا وحياة أهلنا
ما بقت على الكورة
بالتالي مسألة الأمل وبكرة أحلى بتبدأ من الصينية القدام الناس وبعديها يأتي ارتفاع المباني وشكلها ، شكل الأسفلت ، رشاقة مهند الطاهر وزهور شارع النيل
الناس جيعانة يا طلحة باعتبار السياسات الوســـخة والتخطيط البعتمد على القراءة من النصوص المكتوبة وما لها علاقة بالتنفيذ
يعني تكرار نشرة أخبار التاسعة خلال تلاتين سنة وأكتر لذات العناوين يؤكد أن الموضوع تنظير في تنظير ونحن بنوجع قلبنا ساي في بلد بنحبها أكثر من العاملين فيها أسيادة
غصباً عننا
|
|