أنا عشان عارف ده هيهسل بطَّلت أتفرَّج كورة من زمان ..

من زمان خالس خالس بقيت ما شغال بالكورة نهائي ..
.. لأنها ملطشة و وجع قلب ساي ..

زامبيا - السودان = ٣-٠

٣-٠ عديل؟!!! .. أنا الشلاقة العلي الخلتني الليلة أتفرٌّج شنو ؟؟!!


لكين الواحد يسوي شنو ؟؟!! تقرأ عناوين المنبر ، تجي تاني يوم تلقي الصفحة زاتها قاعدة زي الموية الراكدة ..

..
..

اللعيبة ديل قالوا ليهم إحتفظوا بالكورة أكبر فترة ممكنة قعدوا يتباصوها قدام قونهم واللاَّ شنو ؟؟..
أنا ما حضرت الشوط الأول .. لكين شفت ليك الجماعة السنة كلها ماسكين الكورة ويتباصوها في نص ملعبهم .. ولعيبة زامبيا قاعدين مرتاحين في نص ملعبهم ومخلين أولادنا يتفسحوا بالكورة قدام قونهم .. ولسان حالهم يقول - أها خليناها ليكم إتهنوا بيها ..

الكورة تكون قرّبت لقون زامبيا يقوم اللاعب السوداني يلعب باص للخلف ويقوم التاني يباصيها لوراء تاني لغاية ما ترجع لحارس المرمي ويقعدوا يسوطوا فيها قدام القون لغاية ما يقوم واحد فيهم يلعبها كورة طويلة في ملعب الخصم.. يستلمها الدفاع بسهولة ويعملها هجمة مرتدة ونقعد في المساككة ..