Post: #1 Title: من الله خلقنا ياها دي كورة سيف مساوي.. الجديد شنو ؟؟ Author: Elhadi Date: 02-04-2012, 06:08 PM
ياها كورتو من الله خلقو
دائماً يرتكب ضربات الجزاء بنفس الطريقة..
وتوقعت ارتكابه لضربة جزاء منذ أول مباراة للسودان ضد ساحل العاج فلم يخذلني
Post: #2 Title: Re: من الله خلقنا ياها دي كورة سيف مساوي.. الجديد شنو ؟؟ Author: Elhadi Date: 02-04-2012, 06:11 PM Parent: #1
أوعا يا جمال الوالي تفكر مجرد تفكير في تسجيل هذا اللاعب
انحنا ما ناقصين والله
Post: #3 Title: Re: من الله خلقنا ياها دي كورة سيف مساوي.. الجديد شنو ؟؟ Author: Elhadi Date: 02-04-2012, 06:20 PM Parent: #2
معاوية فداسي كويس وبيجي منو..
وما عارف أين كشافي المريخ من هذا اللاعب في خانة الطرف الشمال والتي ظل الفريق يعاني منها لفترة طويلة
مفروض يكون أول لاعب يدخل كشف المريخ خلال التسجيلات في يونيو القادم بديلاً لمصعب..
ومصعب حرام انو يكون قاعد في كشف المريخ لحدي أسي كان يجب شطبه بعد مباراة الترجي في تونس
ما عندو التكتح
Post: #4 Title: Re: من الله خلقنا ياها دي كورة سيف مساوي.. الجديد شنو ؟؟ Author: Elhadi Date: 02-04-2012, 06:36 PM Parent: #3
ضربة جزاء سيف مساوي
بالله عاينوا الزول ده خما المهاجم ده كيف !!
ياخ انت قايل نفسك لاعب وين
Post: #5 Title: Re: من الله خلقنا ياها دي كورة سيف مساوي.. الجديد شنو ؟؟ Author: Elhadi Date: 02-04-2012, 06:44 PM Parent: #4
أكرم الهادي كان يستحق الطرد هو أيضاً بعد الاعتداء المشين على مهاجم المنتخب الزامبي Christopher Katongo
والحكم مشاها...
ما فعله أكرم الهادي هو تكرار لسلوك سابق أيضاً عندما اعتدى على مهاجم زيسكو الزامبي في أمدرمان فتلقى البطاقة الحمراء
العالم دي حا تتعلم متين ؟؟
Post: #7 Title: Re: من الله خلقنا ياها دي كورة سيف مساوي.. الجديد شنو ؟؟ Author: Elhadi Date: 02-04-2012, 07:03 PM Parent: #5
المنتخب الزامبي بأقل مجهود لصقوا لينا تلاتة..
ويبدو أنو عينهم كانت على مواجهة غانا أو تونس في نصف النهائي..
عشان كده لعبوا معانا نص كلتش على قدر كورتنا الحبة :)
وبعد ده رشونا ليك تلاتة زي الترتيب
ما عارف لو لاعبين بجهدهم وطاقتهم القصوى كان أدونا كم يعني ؟؟؟
Post: #6 Title: Re: من الله خلقنا ياها دي كورة سيف مساوي.. الجديد شنو ؟؟ Author: نيازي مصطفى Date: 02-04-2012, 07:01 PM Parent: #4
اكرم صداها وكاد ان يصد الاخرى ياخ الود دا قرب يحاكي حامد بريمة في مباراة المريخ مع الاهلى المصري زماااان مساوي للاسف تصرفه يدل على انه ما بيلعب بدماغه ومتاثر بالدافوري. سلااااااااااامات يالهادي
Post: #8 Title: Re: من الله خلقنا ياها دي كورة سيف مساوي.. الجديد شنو ؟؟ Author: Elhadi Date: 02-05-2012, 07:57 AM Parent: #6
Quote: مساوي للاسف تصرفه يدل على انه ما بيلعب بدماغه ومتاثر بالدافوري.
نيازي.. سلام
ياخ انت في مساوي ولا التاني الاسمو خليفة
ياخ ده زاتو شكلو ما شكل لاعب كورة عامل راسو المطفق ده
ومساوي من يوم كورة ساحل العاج كنت متأكد انو حا يعمل بلنتي، وقد كان..
Post: #9 Title: Re: من الله خلقنا ياها دي كورة سيف مساوي.. الجديد شنو ؟؟ Author: Saifelyazal Elmaki Date: 02-05-2012, 08:26 AM Parent: #8
سلام يا الهادي ياخي والله فشفاشنا مورم من مباراة امس هيثم مصطفى لا يستحى من مستواه المنتهي ياخي الزول ده مفروض يعتزل زماااااااااااان لكن نحن ناسنا ديل عندهم قوة راس عجيبة وما عارف ليه مازدا مصر عليهو ؟؟؟؟؟؟؟؟؟ مستواهو في الحضيض وبرضو فاقع مرارتنا .... الزول الاسمو خليفة ده لا لاعب كورة ولا اي حاجة بس مرات الظروف بتخدم الزول ونصيبو يكون لاعب في المنتخب القومي حكمة والله الزول المرخرخ الاسمو مهند الطاهر ياخي ده كان لاعب خماسي دفاع مع الفريق الزامبي فقعوا مرارتنا ياااااااااااااخ
Post: #10 Title: Re: من الله خلقنا ياها دي كورة سيف مساوي.. الجديد شنو ؟؟ Author: Saifelyazal Elmaki Date: 02-05-2012, 08:29 AM Parent: #9
Quote: ياخ ده زاتو شكلو ما شكل لاعب كورة عامل راسو المطفق ده
مبااااااااااااااالغة الله يقطع مصارينك بالضحك زي ما قطعت مصاريني كل ما اتذكر صورة هليفة اموت من الضحك
Post: #11 Title: Re: من الله خلقنا ياها دي كورة سيف مساوي.. الجديد شنو ؟؟ Author: khaleel Date: 02-05-2012, 02:39 PM Parent: #10
بالمناسبة يا هادي
كمال شداد جاء الدوحة قبل اربعة سنوات
وقال لينا عشرين سنة نبحث عن ثيردباك
السودان فيه اربعين مليون نسمة ومافيه ثيردباك
المريخ يستعين بباسكال والهلال ديمبا
لو عندك ثيردباك جيبو لينا
ونحن زاتنا محتاجين لمساوي السيف الضاوي في الارتكاز
Post: #12 Title: Re: من الله خلقنا ياها دي كورة سيف مساوي.. الجديد شنو ؟؟ Author: محمد البشرى الخضر Date: 02-05-2012, 06:28 PM Parent: #11