ليكم الله يا طيابه

ليكــم الله يا طيـابه
يا مساكيــن يا غلابه
بالصبر بتعوسو عوسكم
الوجع اليوت بكوسكـم
ما سلب عزة نفوسكـم
إلا بس زادكـم صلابه

بالصبـر بتقضّـو يومكم
ما حصـل تميتو نومكـم
من دُغـش فوق المعايش
و الفلـس في القلب رايش
العدم في الجوف هو عايش
و الجيـوب صبحت خرابه

كم عزيز في الحال يكابس
وشو من مُـر حالو عابس
بين لُجج في الدين مكتّـف
و القلـب بالهـم مستّـف
في المجنّّـح و في المنتّّف
في الصغير و احزانو غابه

كم هميم في الهـم بعافِـر
دمو فاير و سمـو كافِـر
في الألم طـوّّل مسافِـر
كيلو طافح و حزنو دافِـر
و الهموم كامِـل نِصـابه

العبـاد الضـاوي نـورُن
يا كريـم هـوِّن أمـورُن
صبّو خيرك و أروي بورن
خلي طعـم الفـال يزورُن
سهِّـل الحـاله و صعـابه

ليكم


الله