Post: #1
Title: فلنضحك مما نسمع !
Author: محمد حيدر المشرف
Date: 02-03-2012, 09:11 PM
Parent: #0
الدولار سيتراجع الى 3000 الف جنيه فقط فى سنة 2013؟!
شكرا ثورة الانقاذ !!
|
Post: #2
Title: Re: فلنضحك مما نسمع !
Author: محمد حيدر المشرف
Date: 02-03-2012, 09:15 PM
Parent: #1
وبمنتهى الفخر تم ابلاغنا أن صادرات السودان من غير المواد البترولية كانت فى حدود 300 مليون دولار ..
لكن الدهب براهو حيجيب أكتر من 2 مليار دولار ونص هذا العام !!
بشراكم يا شعب وقولو الحمدلله ..
|
Post: #3
Title: Re: فلنضحك مما نسمع !
Author: محمد حيدر المشرف
Date: 02-03-2012, 09:21 PM
Parent: #2
فى والى اسمو عبدالحميد موسي كاشا عين ليهو 70 دستورى من عضوية المؤتمر الوطنى فى نيالا ..
ومصالح هؤلاء مرتبطة بكاشا ..
وبعد ما يمشى حيفقدو وظائفهم ..
وده سبب الاحتجاجات فى جنوب دارفور !!
|
Post: #4
Title: Re: فلنضحك مما نسمع !
Author: ibrahim alnimma
Date: 02-03-2012, 09:25 PM
Parent: #3
Quote: فى والى اسمو عبدالحميد موسي كاشا عين ليهو 70 دستورى من عضوية المؤتمر الوطنى فى نيالا ..
ومصالح هؤلاء مرتبطة بكاشا .. |
دكتور المشرف تحياتي وسلامي
اذن اليس هذا كافٍ لمحاكمته؟ اليس هذا هو الفساد الذي تتحدث عنه؟ اذن لماذا لا تحاكموه ؟
|
Post: #6
Title: Re: فلنضحك مما نسمع !
Author: محمد حيدر المشرف
Date: 02-03-2012, 09:41 PM
Parent: #4
النعمة سلامات ..
70 دستورى يتم تعيينهم فى نيالا ولا يوجد فساد ولا يحزنون ..
لم يرد ذلك فى تقرير المراجع العام فى الفترة من 31اغسطس 2010 وحتى 1 سبتمبر 2011
ما ورد 37 حالة فساد بمبالغ فى تقدر بآلاف الجنيهات فقط وتم ذكرها بالتفصيل ..
اللذيذة فى واحد من ال 37 هرب بمبلغ حوالى 120 الف جنية سودانى ..
ولم تتم محاكمتة ..
أقترح على منظمة تنادينا بسودانيزاونلاين ان تحل مشكلة هذا الهارب بالمال العام ..
وتدفع ليهو ال 120 الف جنية دى ..
والله صحى ؟!!
|
Post: #7
Title: Re: فلنضحك مما نسمع !
Author: محمد حيدر المشرف
Date: 02-03-2012, 09:44 PM
Parent: #6
قفل آبار البترول دى عملية ########ة وحارقانا وكل حاجة ولكن ..
رب ضارة نافعة لانو نحنا تراخينا شوية فى مجال الزراعة ..
وحانزرع ونزرع ونزرع .. والعالم كلو حيسمع
هاك النفرة الزراعية الجديدة دى ؟!!
|
Post: #5
Title: Re: فلنضحك مما نسمع !
Author: محمد حيدر المشرف
Date: 02-03-2012, 09:27 PM
Parent: #3
عضوية المؤتمر الوطنى التى حضرت مؤتمرات الحزب ومسجلة بالاسم أكثر من 5 مليون ..
والله صحى !!!!!!!
الا ما عارف بالجديد ولا القديم ..
عموما ديل غير المامسجلين بالاسم والذين لم تسعهم قاعات المؤتمرات الحزبية ..
5 مليون مبروك والله !
|
Post: #8
Title: Re: فلنضحك مما نسمع !
Author: محمد حيدر المشرف
Date: 02-03-2012, 09:51 PM
Parent: #5
الحكومة عملت خطة رهيبة لمعالجة الازمة الاقتصادية ..
حيقللو الوارد وحيزيدو الصادر ..
لك الشكر والحمد يا الله ..
|
Post: #9
Title: Re: فلنضحك مما نسمع !
Author: عاطف مكاوى
Date: 02-03-2012, 09:52 PM
Parent: #5
لقد بعثنا الشيخ (عبدالحي يوسف) ليتحاور مع الشباب المتطرفين
وقد نجح وأقنع الكثيرين منهم ....
عبدالحي يوسف ضد المتطرفين يا دكتور !
|
Post: #10
Title: Re: فلنضحك مما نسمع !
Author: محمد حيدر المشرف
Date: 02-03-2012, 09:57 PM
Parent: #9
دى زى يقولو ليك بعث المسلمون فى العام الثالث للرسالة المحمدية
عم الرسول أبولهب لاقناع كفار قريش بالدين الجديد يا عاطف ؟!..
ما أقل من كده ؟!!!!
|
Post: #11
Title: Re: فلنضحك مما نسمع !
Author: محمد حيدر المشرف
Date: 02-03-2012, 10:01 PM
Parent: #10
المناصير ديل جاتم ليلة القدر ..
وما يحدث منهم هو ما يحدث لاى زول جاتو ليلة القدر ..
يشيلو ويتمنو ؟!
خليهم يتمنو كمان وكمان ..
قدها وقدود يا ريس !!
|
Post: #13
Title: Re: فلنضحك مما نسمع !
Author: محمد حيدر المشرف
Date: 02-03-2012, 10:06 PM
Parent: #11
للقطن ثلاثة فوائد ..
والله صحى !!
واحد بيتصدر ..
اتنين بيتعصر كزيت طعام ..
ثلاثة يستخدم ك أمباز
وهذا هو الامر الذى لم يفقهه الانجليز لما عملوا زمااااااان مشروع الجزيرة !!
|
Post: #15
Title: Re: فلنضحك مما نسمع !
Author: الامين محمد علي
Date: 02-03-2012, 10:18 PM
Parent: #11
سلام يا اخي محمد:
حديث الرئيس اليوم كان هذيان وهرف،،مغالطات،،
وحديثه عن قضية المناصير كان فضيحه
وكلامه عن الاقتصاد كان (ونسه) وامنيات ..لا قيمة له..
وثالثة الاثافي :::تبشيره للناس بالحرب مع الجنوب...وهو التصريح الذي تحول الى ماده رئسيه في اخبار الجزيره،،
والذي سيلهب نار الدولار والاسعار،،،والاقتصاد حساسيته بالغه تجاه التوقع والتصريح والاشاعه...
|
Post: #12
Title: Re: فلنضحك مما نسمع !
Author: ALazhary2
Date: 02-03-2012, 10:04 PM
Parent: #10
.
.
تحياتي يامحمد حيدر
مَولانا الطّاعِنُ في الجِبْتِ
عادَ لِيُفتي:
هَتْكُ نِساءِ الأرضِ حَلالٌ
إلاّ الأَربعَ مِمّا يأتي:
أُمّي، أُختي، امرأتي، بنتي!
كُلُّ الإرهابِ (مُقاومَةٌ)
إلاّ إن قادَ إلى مَوتي!
نَسْفُ بُيوتِ النّاسِ (جِهادٌ)
إن لَمْ يُنسَفْ مَعَها بَيتي!
التقوى عِندي تَتلوّى
ما بينَ البَلوى والبَلوى
حَسَبَ البَخْتِ
إن نَزلَتْ تِلَكَ على غَيري
خَنَقَتْ صَمْتي.
وإذا تِلكَ دَنَتْ مِن ظَهْري
زَرعَتْ إعصاراً في صَوْتي!
وعلى مَهْوى تِلكَ التّقوى
أَبصُقُ يومَ الجُمعةِ فَتوى
فإذا مَسَّتْ نَعْلَ الأَقوى
أَلحسُها في يومِ السَّبتِ!
الوسَطِيَّةُ: فِفْتي .. فِفْتي.
أعمالُ الإجرامِ حَرامٌ
وَحَلالٌ
في نَفْسِ الوَقْتِ!
هِيَ كُفرٌ إن نَزَلَتْ فَوقي
وَهُدىً إن مَرّتْ مِن تَحتي!
***
هُوَ قد أَفتى..
وأنا أُفتي:
العلَّةُ في سُوءِ البذْرةِ
العِلّةُ لَيسَتْ في النَّبْتِ.
وَالقُبْحُ بِأخْيلَةِ الناحِتِ
لَيسَ القُبحُ بطينِ النَّحتِ.
وَالقاتِلُ مَن يَضَعُ الفَتوى
بالقَتْلِ..
وَليسَ المُستفتي.
وَعَلَيهِ.. سَنَغدو أنعاماً
بَينَ سواطيرِ الأَحكامِ
وَبينَ بَساطيرِ الحُكّامْ.
وَسَيكفُرُ حتّى الإسلامْ
إن لَمْ يُلجَمْ هذا المُفتي!
.
.
|
Post: #14
Title: Re: فلنضحك مما نسمع !
Author: محمد حيدر المشرف
Date: 02-03-2012, 10:15 PM
Parent: #12
مية فى المية يا حبيبنا الازهرى ..
لا فيفتى فيفتى كما يقال..
عليك الله يا الازهرى ..
هسع الواحد يعمل شنو ؟!
..
الكلام ده بتاعك يا أزهرى ؟!!
يشبه مطر !!
ولن أعجب أبدا ان كنت انت كاتبه ؟!
|
Post: #16
Title: Re: فلنضحك مما نسمع !
Author: محمد حيدر المشرف
Date: 02-03-2012, 10:20 PM
Parent: #14
مشكلة المناصير عندها أصول نباتية ..
فشجرة الجوافة بتشيل كل 7 شهور ..
بينما تستغرق المنقة اربعة سنين !!!!
|
Post: #17
Title: Re: فلنضحك مما نسمع !
Author: نادر
Date: 02-03-2012, 10:20 PM
Parent: #14
ماف أي فساد بالتضخيم الحاصل ده،
حالات استثنائية محدودة جداً وتمت معالجتها،
وخلال هذا العام سيتم حل مشكلة الاقتصاد بصورة تامة، وستتوفر جميع السلع، وسنركز على التصدير أكثر من الاستيراد من الخارج،
إنتو يا المشرف مش صابرين 23 سنة، أصبروا لينا بس باقي 2012 دي وسيعم الخير ك السودان وتتحل جميع مشاكلكم،
والله صحي
|
Post: #18
Title: Re: فلنضحك مما نسمع !
Author: محمد حيدر المشرف
Date: 02-03-2012, 10:29 PM
Parent: #17
الحمدلله يا نادر شعارنا العالى حيرفع ..
وفى السنة الاربعة والعشرين انشاء الله سنتوقف عن استيراد السكر ؟!
وسنمزق سنة 24 انقاذ فاتورة الزيت وعدد من الفواتير ..
الحلم سيصبح حقيقة ..
اصبروا مع الصابرين وخلو 2012 تعدى على خير ..
فى كم دولة وعدتنا تسد الفجوة الاقتصادية ..
ومن يملك قوته يملك قرارو يا نادر ..
أركز ..
|
Post: #19
Title: Re: فلنضحك مما نسمع !
Author: معاوية المدير
Date: 02-03-2012, 10:36 PM
Parent: #17
(لا يزال هذا الرجل يكذب ويتحرى الكذب حتى يكتب عند الله كذابا )
الزول دا كُتب كذآب من زمن عيييييييييك قفا نبكي.
والله صحي.
يا ود المشرف،
سلآمات.
الزول دا خلوهو الينضم في عقاب الزمن الفضلوا
دا. النضمي بقروش؟؟؟
|
Post: #20
Title: Re: فلنضحك مما نسمع !
Author: محمد حيدر المشرف
Date: 02-03-2012, 10:46 PM
Parent: #19
ود المدير ..
أتفق معاك لكن عليك الله فى داعى هسع لتمزيق كل تلك الفواتير فى يوم واحد؟!!
ثم ثانيا يا معاوية ! ..
هل كانت فى حاجة اسمها الاتفاقية الاقتصادية بين الشمال والجنوب
وتنص على تعويض الشمال عن تنمية الجنوب فى اطار السودان الواحد الزمان ؟!
|
Post: #21
Title: Re: فلنضحك مما نسمع !
Author: ALazhary2
Date: 02-03-2012, 10:50 PM
Parent: #20
.
.
محمد حيدر
أنى للازهري أن يكتب مثل هذه الكلمات ياسيدي
إنها للشاعر الرافضي أحمد مطر دام ظله الشريف ، وقد أدرجتها ضمن ردي السابق بمناسبة ذكر عبد الحي يوسف .
تقبل خالص التحاياأيها الكريم المفضال
.
.
|
Post: #22
Title: Re: فلنضحك مما نسمع !
Author: محمد حيدر المشرف
Date: 02-03-2012, 10:54 PM
Parent: #20
يا جماعة البوست مفتوح لكتابة أطرف ما سمعتم الليلة ..
غير أن أكثر ما آلمنى حديثه عن شهداء آمرى الثلاثة وقد جائتهم الانقاذ بليلة القدر !!
|
Post: #23
Title: Re: فلنضحك مما نسمع !
Author: محمد حيدر المشرف
Date: 02-04-2012, 06:43 PM
Parent: #22
يا الازهرى ..
اللغة التى تكتب بها ..
شعر ما عند الناس رقبه ليهو ..
تعرف !!
قال سنمزق فاتورة السكر السنة الجاية !!
ويعنى 2013
وكذلك فاتورة الزيوت النباتية ..
وتقريبا فاتورة القمح وفواتير عددا ..
المشكلة كانت انو فى شوية تراخى ..
تراخى مصطفى ؟!
..
تراجى والله جات معاى كده ..
|
|