سعر الدولار ٥.٢ ومتوقع ان يصل ال٧ جنيه

؟

الماسورة انحلجت

ده لو في بلف اصلا

لو لا ثورة الإنقاذ لاوصلت الاحزاب الدولار الي خمس وعشرين جنيها

اخجل يازول

ياخي هسع دي الرئيس عمر البشير سمع اضاني وشوف عيني طلع بي نفسو في كل القنوات الحكومية وشبه الحكومية في برنامج المذيع والصحفي والكاتب الخطير الطاهر ساتي وقال إنو بعد 22 سنة من حكم الإنقاذ إن شاء الله إن شاء الله كل المشاكل حتنحل خلال هذه السنة بس الناس يصبرو شوية ويربطوا الحزام لمدة سنة واحدة بس

بعدين قال مافي أي فساد في الإنقاذ وأي زول عندو دليل يجي يقدمو ليهو هو شخصيا أو لي وزير العدل أو للنائب العام

يعني لو أنا مثلا مقتنع أنو عمر البشير فاسد وعمل انقلاب على سلطة شرعية وديمقراطية ومفروض يتم تقديمه لمحاكم عسكرية ويتم حل حزب المؤتمر الوطني لأنو حزب غير شرعي بس علي أجيب الأوراق البتثبت كلامي ده وأجي اقابل عمر البشير شخصيا أو وزير العدل أو النائب العام أو حتى الأمن الإقتصادي ويدوني كباية شاي وعصير ويستلموا مني الأوراق ويوصلوني لحدي بيتنا وإن شاء الله ينظروا في الموضوع ده وعمر البشير قال وده سمع أضاني دي: ما ما في زول كبير.

فإن شاء الله إن شاء الله بعد سنة واحدة بس الدولار حيكون بي جنيه بس وبالقديم كمان وكل السلع الأساسية حتكون متوفرة والعلاج والدراسة تكون مجاني ومافي زول حيكون عاطل وما حتكون في أي مشاكل في السودان وابشرك كل المغتربين حيعودوا عودة طوعية بما فيهم رئيس جهاز المغتربين الذي حيخلي السفر لأن كل المغتربين حيكونوا رجعوا

وأنا حاليا بعد ما حضرت برنامج المذيع والصحفي والكاتب الخطير الطاهر ساتي والرئيس البشير شخصيا اقتنعت انو عمر البشير ده ياخي زول مسكين ساكت وقالوا حج وعمل عمرة كم مرة وساكن في بيت طين وما عندو التكتحو وبمشي القصر الجمهوري كداري مع عامة الناس وانو هو فعلا كما قال ذلك الشاب المتدين مقدم البرامج الدينية الشهير عمر البشير هو خادم القرآن الكريم وان كل صحابته رضوان الله عليهم هم ناس بعيدين عن الشبهات واي زول بيتكلم فيهم بدون دليل مادي ملموس وبدون مستندات أصلية هو زول عميل وخائن وكضاب بمن فيهم كاتب هذه السطور

وإنا لله وإنا إليه راجعون