Post: #1 Title: بقوليها ما سجمان أنا# Author: زهير عثمان حمد Date: 01-31-2012, 11:42 PM
بقوليها بطول حسي أنا مكسر فيك ومجنونك لا جرستي حلتني ولا حنك سنين بالحيل قربني منك بودعك..الليله يا ترباس قلبي يااغلى حاجه في دنياي بودعك ما كنت متعة نظر وخفة روح وزوله تسوي حريم حلتنا والحله الجبناها يماانت بالامل صبرتي وعشمتي وبوهم الوعود اطمنتي لي ..كنت في كل ليله بتنومي في احضان السراب.. ومعي دقستي ...وانا سبب كل العذاب.. ....أخ بس أمسح دموعي وأقول أصلي طامع وأناني ولا أوطاقك وغير محتمل .. واودعك وأقوليك شنو ؟ بس عمايلي شينه وفعايلي قبيحه والله يا ست البنات أتمنيت أخسر عيوني ولا أفقدك بس دايمةمع العيان اللي زي معاناة ومشاكل بس والله كنت عايز أحرق مراحل عواطفي في ثواني وأخير أفارق ما زولك نفسو صغيرة وشحاد وعديم طبع خربت أخلاقو العوالمة بس حنين وأنسان أمين ما كان لغيرك أبدأ ....والله عاشق ليك صميم ... ما الليله ريدتنا بتموت وحبي ليك بيحتضر وجعا شديد ما شيلهو براك وكمان بتوجع أنا مهما ح أقول أحساسي بيك في لحظة يتمدد وتبقي أنت الاناوأنت قولتي( اللى يوعد زول لما يوعده..لازم يبقى عارف انه قادر يسعده..) ما عرفت أعمل شنو كملت الاعذر كضاب أنا مهووس أنا ... بالله اديك شنو ؟..ولا أسوي كيف ولا شنو خليني أشق صدري عشان تعرفي أنت في قلبي متربعه وكل دقيقه تفوت بعد ما تمشي بشتاقليك شديد...وافضل اسأل نفسي ليه حبيت.. وألوم نفسى..ليه عملت كدا أنا ..وياريت ارمى في حضنك همى ونفسى..وامسح من خدودك دموعك.. عارف بتبكي علي السنين الضاعت ساكت يااغلى حاجه في عمري راحت من عمايلي وطفاستي أسوي شنو ماح أتغير كل ساعه بكون بحال وكل مرة بكرر غلطتي.. وأنا أنشالله أموت أنا.. ( أخ بقوليك بكل صراحة أنا ما سجمان أنا اللي بضيع شراكة عمر عشان متعة ثواني مش سجمان ......!) معليش لازم كان أعترف ليها وبقوليها سجمان أناوأمشي يا حلوة ممكن غيري يكون أنسان معك وألحقي باقي العمر . *وهذه بكل أسف كانت أخر كارثة من أعمال المدعو أبو الزهراء أدعو له بالهداية
انت في الدهب البصدأ، ولّ في مخاتلة المصطلح اتسلف!! قيمة القفص فايدتا شنو لمن هو جوة الجك!؟ مش كان احسن يكلموهو عن "السقف" و لو كان القفص من حديدن خردة ذاتو .. دا البهم .. دا المهم و انت المهم ذاتو ياخي!!
لوووووووب
ابو الزهور ياخي و الله مضيع موهبتك ساي انت .. ركز في الشعر و الغنا .. بجي منها
كمان لو داير تبقى فيلسوف .. واصل في دربك دا تمد ساي
تواتر في الاثر الما شريف .. انو جا رجل لفيلسوف و شاورو في امر زواجه .. فقال الحكيم : تزوج يا بني، فربما تحصل على السعادة، هذا والا .. ستصبح فيلسوفاً بامتياااااااااز!! المافي شنو!؟
(و العبارة الاخيرة من عند الراوي)
Post: #8 Title: Re: بقوليها ما سجمان أنا# Author: محمد البشرى الخضر Date: 02-01-2012, 11:18 AM Parent: #7
هسي يا ابو الزهور انا وعمك رغيم و آخرين ما فاهمين الوضع كيف كدي اشرح لينا المنظر الباع منو و الشحد منو و النتيجة شنو
Post: #9 Title: Re: بقوليها ما سجمان أنا# Author: وضاحة Date: 02-01-2012, 11:35 AM Parent: #8
انت يا ابو الزوز
البنات ديل مالن معاك ياخى
حيرتنا
خليك وووواضح
Post: #19 Title: Re: بقوليها ما سجمان أنا# Author: زهير عثمان حمد Date: 02-01-2012, 09:23 PM Parent: #9
وضاحه تحياتي أنت برضو مالك مع أبوالزوز بالله تعالي نفهم حاجه !؟
Post: #10 Title: Re: بقوليها ما سجمان أنا# Author: Salah Abdulla Date: 02-01-2012, 11:38 AM Parent: #8
يا ودالبشرى ورغيم، ياخ القصة واضحة الجكس قبض أبوالزوز بالثابتة.
دي المرة التانية يا ابوالزوز تزعلني منك!! مرة ضيّعت رزق جا لحدي عندك والتانية دي لعبت وما أمنّت الملعب، فقبضوك بالثابتة!!
Post: #11 Title: Re: بقوليها ما سجمان أنا# Author: وضاحة Date: 02-01-2012, 11:58 AM Parent: #10
أو شيلو السقف بره وخلو الزول دا يبدا فى الدور التانى!!! إن شاء الله عقد زاتو ما كعب...
أو خذوا ابوزهوركم هذا وأذهبوا به لمكان يرفه فيه عن نفسه.. ويروّح عنها ,,,فحالو اصبح يغنى عن سؤالو الو الو الو,,
أبوالزهور الكلام دا كان الساعة كم؟؟؟
Post: #13 Title: Re: بقوليها ما سجمان أنا# Author: عبدالعزيز حسين عبدالرحيم Date: 02-01-2012, 04:28 PM Parent: #12
كاااااااااااااااااااااك ككو
أبوشنب قبضو بالثابته
الكبير ابورغيم قال خشو بوستات زهير دي بالكاتلوج الله لينا ابورغيم زاتو بقى طاشي
حليل الكان بهدي الغير صبح محتار وآسفاي
من الخالده ريفي ابوظبي يهدي الاغنية عبدالعزيز حسين للأخوان صلاح ابوشنب بقطر والاخ محمد البشرى بمدينة العين والأخ عثمان رغيم بدبي وللنديد قيقراوي بالمملكة العربيةالسعودية وأهداء خاص للأخ زهير عثمان حمد بمناسبة فهم البوست
لنا وللكم يغنينا الفنان محمد وردي من كلمات الشاعر إسماعيل حسن أغنية وآسفاي
Post: #14 Title: Re: بقوليها ما سجمان أنا# Author: محمد البشرى الخضر Date: 02-01-2012, 04:53 PM Parent: #13
Quote: ابو شنب جاوب السؤال دا!!!
يجاوب وييين يا معلم أب شنب اسي كان قريب بكون في تخوم الفور أول وتاني رجلو ما بتعتب هنا
Post: #15 Title: Re: بقوليها ما سجمان أنا# Author: محمد البشرى الخضر Date: 02-01-2012, 05:41 PM Parent: #14
بعدين تعال يا ابو الزهور شنو قصة متعة ثواني دي الأخ ود ابرك !! إمّهل ياخ و بطل الشفقة
Post: #24 Title: Re: بقوليها ما سجمان أنا# Author: زهير عثمان حمد Date: 02-01-2012, 10:10 PM Parent: #13
أخي عبد العزيز حسين تحياتي أنا حزنان أنت لما تجينا هناعشان تواسيني تقوم تجيب ليك أغنيه كمان بس ألله يسامحك
Post: #23 Title: Re: بقوليها ما سجمان أنا# Author: زهير عثمان حمد Date: 02-01-2012, 09:59 PM Parent: #12
أيمن أزيك كان هذا الامر في منتصف الليل ياصديقي
Post: #22 Title: Re: بقوليها ما سجمان أنا# Author: زهير عثمان حمد Date: 02-01-2012, 09:49 PM Parent: #11
وضاحه يابت ما تلعبي مع أبا شنب دا أمشي نومي خلاص الوقت أتاخر شديد
Post: #20 Title: Re: بقوليها ما سجمان أنا# Author: زهير عثمان حمد Date: 02-01-2012, 09:31 PM Parent: #10
العزيز صلاح عبدالله كيفك شنو الثابتة دي وبعدين معاك ياخي أنا بعد مرات بكون زي المجنون مخي نيام لكين أنا صاحي عرفت كلامي دا
Post: #21 Title: Re: بقوليها ما سجمان أنا# Author: زهير عثمان حمد Date: 02-01-2012, 09:33 PM Parent: #10
العزيز صلاح عبدالله كيفك شنو الثابتة دي وبعدين معاك ياخي أنا بعد مرات بكون زي المجنون مخي نيام لكين أنا صاحي عرفت كلامي دا
Post: #17 Title: Re: بقوليها ما سجمان أنا# Author: زهير عثمان حمد Date: 02-01-2012, 05:54 PM Parent: #7
الرهيب قيقا تحياتي
أنت تقول الما في شنو أنا فاقد حنان عديل كدا يا قيقا فهمتني عايز دلقان مرة وبس
Post: #16 Title: Re: بقوليها ما سجمان أنا# Author: زهير عثمان حمد Date: 02-01-2012, 05:43 PM Parent: #6
أستاذي عثمان رغيم متعه ربي بالعافية تحياتي
أنت`بالله أنت ما عرفت أبو الزهراء هبب شنو (قبضو بالجرم المشهود) ما في طريقة جفله المهم أدعو لي بالهداية والاستقامة ياكبير
معليش برضو نحن في الهواء سوا
Post: #18 Title: Re: بقوليها ما سجمان أنا# Author: Salah Abdulla Date: 02-01-2012, 07:05 PM Parent: #16
Quote: أب شنب اسي كان قريب بكون في تخوم الفور أول
صحي والله يا أبوحتوت أسئلة وضاحة التعسفية دي ح تشردني من هنا !!
--------- أشرح ليهم يا محمد ، أنا عندي مشوار صغير كده.
Post: #25 Title: Re: بقوليها ما سجمان أنا# Author: osman righeem Date: 02-01-2012, 10:20 PM Parent: #18
Quote: قبضو بالجرم المشهود
يا عزيزنا من زمان انا شغال معاك الغبيان في ذمة (الوعيان)
يعني قيضوك زروك في بطانية لفوك ابلد محامي يطلعك براءة
و قاعدة الشربنجية تقول الحرام ماب يحرم مرتين
اركز يا عاملات بتاع الصقرية الرئاسية
Post: #26 Title: Re: بقوليها ما سجمان أنا# Author: زهير عثمان حمد Date: 02-01-2012, 10:21 PM Parent: #18