Post: #1
Title: قالت شبعت خلاس الحمد لله غسلت يديها وشربت الشاهي
Author: عبدالله ود البوش
Date: 01-31-2012, 10:05 AM
Parent: #0
شربت الدمعة وغيرت بالروب خلتنا في حيرة نبلع في اللالوب
قالت شبعت خلااااااس الحمد لله غسلت يديها وشربت الشااااهي
.
.
.
المنلوج ذلك الشعر الشعبي الظريف خلاص راح شمار في مرقة جداد ؟
والحاوي برضو اختفى
الحاجات دي بتمشي وين ؟
|
Post: #2
Title: Re: قالت شبعت خلاس الحمد لله غسلت يديها وشربت الشاهي
Author: علي الكرار هاشم
Date: 01-31-2012, 11:48 AM
Parent: #1
الاخ الكريم ود البوش
تشرفت بلقايك الاسبوع الماضي
عبر فعاليات عكس الريح
وجوائز بورداب سودانيزاونلاين
وصدقني اعتز جدا بمعرفتك وأدام الله الود بين الناس
...
..
.
اها يا طويل العمر
المنلوج دا ثقافة قديمة ايام عبد الله ود البوش وابو جهينه
الآن الفن كلو علي بعضه منلوجات
وردحي
فقط تمعن واسمع سوف تجد أنهم يعملون من الفسيخ شربات
تحياتي
|
Post: #3
Title: Re: قالت شبعت خلاس الحمد لله غسلت يديها وشربت الشاهي
Author: عبدالله ود البوش
Date: 01-31-2012, 12:38 PM
Parent: #2
Quote: وصدقني اعتز جدا بمعرفتك وأدام الله الود بين الناس
|
أخي علي الكرار
سلام وتحية
أشكرك اخي على هذا الشعور الطيب واتمنى ان اكون عند حسن ظنك
.
.
Quote: الآن الفن كلو علي بعضه منلوجات
|
لكن الشئ البعرفوا عن المنلوج قالوا هو فن مسرحي فردي
فهل كل الفن الان مسرحي فردي
يا ريت محمد السني اورينا حاجة في النقطة دي
.
.
شكرا جزيلا اخي علي ونلتقي ليدوم الود بيننا
|
Post: #4
Title: Re: قالت شبعت خلاس الحمد لله غسلت يديها وشربت الشاهي
Author: عبدالله ود البوش
Date: 01-31-2012, 12:42 PM
Parent: #3
أيام الجمعيات الادبية في المدارس
كنت احفظ منلوج بدايتو
الحظ بطال يا سادة زرعت المنقة قامت مكادة
ولكن طار راح
وبقي العنوان في الذاكرة والباقي اتفرمط
|
|