الرشيد المهدية يهدي تأهل منتخبنا للبشير

شكر امير دولة قطر لمكرمته

وشكر مكتب فخامة رئيس الجمهورية للتنسيق والاتصالات التي توجت بمعسكر الدوحة الناجح

ثم من باب لايعرف قدر الرجال الا الرجال عرج الرشيد علي فخامة رئيس الجمهورية الذي اولي المنتخب اهتماما

ورعاية خاصة ووجه الجهات ذات الاختصاص بتسخير كافة الامكانات لصقور الجديان.

امر طبيعي بروتوكليا
ياكافي البشير حياتو كلها هزائم ما يلقى ليهو ولا انتصار واحد ولو على بوركينا فاسو!
شكلك مريخابي مؤتمرجي داير تشكر البشير وتكره الناس فى الرشيد
عصفورين بي حجر وكدة
جني

Quote: امر طبيعي بروتوكليا ياكافي البشير حياتو كلها هزائم ما يلقى ليهو ولا انتصار واحد ولو على بوركينا فاسو! شكلك مريخابي مؤتمرجي داير تشكر البشير وتكره الناس فى الرشيد عصفورين بي حجر وكدة جني

لا يا جني

انا بقول ما كل الناس بعرفوا او يقدروا الحاجات دي

فالتاريخ سيحفظ في سجله ان هذا المنتخب الذي غاب 42 عاما وفي عهد انظمة عديدة عسكرية او ديمقراطية

لم يصل الي هذا الدور المتقدم من ثالث اهم بطولة في العالم الا في عهد هذا الرئيس المبروك .

اهداء من لايملك لمن لا يستحق

مبروك للسودان

بيكون حاريلو شي









تليشة:
بالله ما تجيروا الانتصار دة للبشير
مرة واحدة خلونا نفرح لي الله كدة

Quote: لا يا جني انا بقول ما كل الناس بعرفوا او يقدروا الحاجات دي فالتاريخ سيحفظ في سجله ان هذا المنتخب الذي غاب 42 عاما وفي عهد انظمة عديدة عسكرية او ديمقراطية لم يصل الي هذا الدور المتقدم من ثالث اهم بطولة في العالم الا في عهد هذا الرئيس المبروك .

عبداللطيف كيفنك،
اللتنين واربعين سنه بداية حسابا 1970.. صاح؟
سنة 70 نظاما كان عسكري متل اللسع دا، واستمر سطاشر سنه إللا أيام إن شئنا الدقه.. صاح؟
بعدو جات فترة ديمقراطيتنا الما اتهنينابا تلاته سنه.. صاح؟
ثم، جانا العميد وطغمتو من 89 ولا حينو.. صاح؟

الخلاصه:
عليك الله لوك كلامي الفوق ده بي رواقه وقارنو بي ردك الفي الكوت عاليهو
-
حيدر معليش غسباً عني نطيتلك فيما يخصك..

Quote: الا في عهد هذا الرئيس المبروك

بطــّل نفاق,آســـــــkisser !!

يا السيدح الصباح دا جميل ما تعكروا علينا بهذا الاسم التعيس !!!!

و الله لو الشباب ديل عارفين الرشيد حيشكر الرئيس علي الفوز صدقني

كانو اتهزموا ؟ يا حبيبي البشير انقسام اهل السودان و دمار اهل السودان

من غوغائية البشير و جهله في الحكم و عنصريته هي السبب الرئيسي لكل

البلاوي تقول لي البشير قال !!!!

بالله عليك افرح و دع الشعب السوداني يفرح مره يوم طول عمرو ناسوه الفرح ...

دع البشير من الفوز و خلي يقرع الباقيات من ربوع البلد .

فتك بعافية و الدنيا صباح سعدت صباح والمجد للسودان والمنتخب القومي

هدية من ابطال افريقيا الى اسد اسود افريقيا والعرب


التحية للرشيد المهدية


وتحية لك اخي المجاهد السيدح


اردم

اللاعب الفنان والموهبة الفذة والمحلل القدير كابتن الرشيد المهدية الآن ليس لاعباً في فريقنا القومي ولاعضو في جهازه الفني يعني ماعنده حق اهداء النصر لاي شخص
نشوف كابتن ماذدا عايز يهدي الفوز لي منو؟؟؟

يا سيد (ح)
42 سنة تتحمل الإنقاذ منها منفردة 23 سنة .
فعلا من لا يملك لمن لا يستحق ..
الشفيع

Quote: كابتن الرشيد المهدية الآن ليس لاعباً في فريقنا القومي ولاعضو في جهازه الفني يعني ماعنده حق اهداء النصر لاي شخص

شكرا ابو يسرا.المسألة ببساطة هى كدة وفلستوب.

مكافآت وحوافز قيمة في انتظار الابطال

الذين رفعوا اسم السودان عالياً

مبروك للسودان، و مبروك للفتية الربنا جعلهم ينجوا من مزابح البشير بفضل نشاتهم فى الخرطوم و ليس و سط أصولهم فى مدن و قرى و أرياف الهامش ليهدوا لنا هذا الفرح، و بالمناسبة لو خيروا الجماعة ديل من تهدون هذا الإنتصار لأختاروا السيد "أوكامبوا " لانه الوحيد الرجل البستحق هذا الإنجاز و الفرح تقول لى القتلنجى البشير؟؟

مبرووك للسودان
مبرووك للسودانيين
وبئس وبئس وبئس ما قال الرشيد؟

أها كدا طلعت المنتخب من نفسنا
ومسخت علينا التأهل

محللا الجزيرة الرياضية

الكابتن مصطفي النقر

والكابتن الرشيد المهدية

نتفاءل بوجودكما في الاستديو التحليلي

Quote: عليك الله لوك كلامي الفوق ده بي رواقه وقارنو بي ردك الفي الكوت عاليهو

بقالك حنضل قيزان؟