Post: #1
Title: رسم دمغة مشترك حكومية و كمان سنوية يا MTN؟
Author: saadeldin abdelrahman
Date: 01-30-2012, 03:43 PM
أنا مالي و مال دمغاتكم؟
ما تدفعوها من ارباحكم و لا ضيفوها لقيمة الشريحة من الاول؟
و منو القال ليكم حيعمل رصيد و منو العايز اشتراك معاكم زاتو؟
مش كفاية رادمننا برسائلكم الكتيرة و بايخة دي؟
غايتو الما عندو رصيد ما حيعمل
و انا عندي و حاكملوا و الغي الشريحة و اشوف خدمة تانية!
وهذا رأيي و قراري كزبون
سلام عليكم!
|
Post: #2
Title: Re: رسم دمغة مشترك حكومية و كمان سنوية يا MTN؟
Author: ود الخليفه
Date: 01-30-2012, 04:41 PM
Parent: #1
| Quote: و انا عندي و حاكملوا و الغي الشريحة و اشوف خدمة تانية! |
اينما تذهب ياتي خراجك
وهي للاسف دمغة اجيزت بقانون من الهيئة القومية للاتصالات ولا ادري مدى قانونيتها واستمرارها سنويا؟
عزيزنا مشترك زين (ذات العالم الشين)
|
Post: #3
Title: Re: رسم دمغة مشترك حكومية و كمان سنوية يا MTN؟
Author: Hani Arabi Mohamed
Date: 01-30-2012, 05:04 PM
Parent: #2
كتر خير إم تي إن كلمتك قبل تخصم
في شركات بتخصم ساي
طبعاً الدمغة هي للهيئة القومية للاتصالات.
كان ممكن الشركات تصل لاتفاق معاها أو تتحمل الدمغة بدل تحملها للمشترك.
---
مسألة رسائل ام تي إن حقيقي مزعجة وبايخة
وياريت لو في واحد من ناس الشركة سامعننا يوقفوا الرسائل اللي ما عندها معنى دي اللي بتجيك ليل نهار
بالذات الرسالة بتاعة الساعة اربعة صباحاً اللي بتكون دعوة لزيارة موقع انترنت.
طبعاً حالياً المشترك ممكن يتصل 111 ويطلب الغا الرسائل كلها .
لكن برضو يا ناس اريبا ما عزبتونا لمو رسايلكم دي
|
Post: #5
Title: Re: رسم دمغة مشترك حكومية و كمان سنوية يا MTN؟
Author: saadeldin abdelrahman
Date: 03-05-2012, 01:58 PM
Parent: #3
سلام يا هانيء
و بعتذر منك خالص على الرد المتأخر
جزء من فوضانا السودانية الما قادرين نتخلص منها،
قبل شوبة ضربت على الرقم 111، و بعد انتظار و بري
بالدعايات، جاني موظف روحو محرقاهو و طلبت منو يوقفوا
رسائلهم و الرسائل عندي زاتا يشيلوها!
قال لي خيار انو يوقفوا الرسائل الدعائية دي ما متوفر حاليا
و انه ما علي الا أن امسحها، سعادتو بنظر!
قلت ليهو يعني الواحد يلغي الشريحة؟ زبون يقول ليك ما عايز حاجة
تقول ليهو لا لازم تشيلا؟
المهم عندهم زي نتيجة بتاعة اداء الموظف في المكالمة، اديتو فيها 5 و هي الاسوأ!
ان شاء الله ما تكون حركات منهم ساي!
تحياتي
|
Post: #4
Title: Re: رسم دمغة مشترك حكومية و كمان سنوية يا MTN؟
Author: saadeldin abdelrahman
Date: 01-30-2012, 05:09 PM
Parent: #2
سلام ود الخليفة،
الله يطمنك يا اخوي، غايتو عنادا كدا حيتضرروا، و حتأثر على مبيعاتهم شاؤوا ام ابوا
كان يتصرفوا مع الحكومة ، مش يجوا يرموا بلاهم على زبائنهم!
الحكومة تقوم بالجنيه و الزبائن يحردوا ليهم !
|
|