أهم وثيقة سودانية (الرقم الوطني) بدون فضيحة (توجد صورة)

Uploaded with ImageShack.us


وكما يظهر في الصورة بوضوح عبارة headquarter مكتوبة بشكل صحيح

في توصيف الخطأ في الوثيقة التى اوردها الاخ وائل قالوا ده :

(انجليزي عساكر)

اها الوثيقة الجبتها دي كاتبه دكتور وال شنو

Quote: اها الوثيقة الجبتها دي كاتبه دكتور وال شنو

والله دي لو كاتبة دكتور تكون الفضيحة اتدبلت اخير ليك في العساكر :)

هل الصحيح The sudan ولا the sudan ام OF SUDAN ?????

Quote: وكما يظهر في الصورة بوضوح عبارة headquarter مكتوبة بشكل صحيح

برضو غلط يا جنابو فالصواب Headquarters إذ إنّ Headquarter فعل وليس اسماً.

مع التحايا والتقدير

وهل الصح :
CORPORATION ولا AUTHORITY ولا DEPARTMENT???
,ولا شنو الحنك يعني ؟
يعني وزارة الداخلية وزعوها شركات ولا كيف ؟؟؟

الأخ العزيز عمر عثمان

للأسف الوثيقة مليئة بالأخطاء اللغوية ومن ضمنها الـHeadquarter والتي إذا ما حذف منها حرف s فإنها تتحول إلى فعل يعني بناء أو إنشاء الـ headquarters .

هناك بالطبع أخطاء أخرى، فعلى سبيل المثال، هل يقصد بالـ Civil Registration السجل المدني؟ لأنه في هذا الحالة يجب أن يطلق عليه Civil Registry أو Civil Register

الكلمة الصحيحة (headquarters) يعني + s ومعناها (مركز رئيسي)

غايتو الملكية حجتكم كتيرة خلاس

جبناها ليكم بي R واحدة قلتو برضو غلط مفروض يكون اخره S

طيب ح انزل الترويسة كاملة وعاوزين زول يترجمه ترجمه رسمية

وليكم علي اوصله لكبار المسئولين في السجل المدني



Uploaded with ImageShack.us

يا جنابو عمر سلامات ..

غايتو معنى كده انو ناس السجل المدني ديل شغالين بي عدة انظمة وبدون تنسيق لانو الوثيقة النزلتها انا دي كانت بتاعت الرقم الوطني بتاعي الاستخرجتو قبل اسبوعين تقريبا ...
فضيحة في أهم وثيقة سيادية سودانية (الرقم الوطني)..!!
فهل الوثيقة الجبتها انت دي تم تصحيحها بعد ذلك ام ان هناك عدة اصدارات من الوثيقة ؟
لو الاحتمال الاخير (عدة اصدارات) معناها دي مشكلة فعلا .... عدم تنسيق وعدم مركزية لنظام الفكرة الاساسية منه هي مركزية حفظ البيانات .

Quote: ايتو معنى كده انو ناس السجل المدني ديل شغالين بي عدة انظمة وبدون تنسيق لانو الوثيقة النزلتها انا دي كانت بتاعت الرقم الوطني بتاعي الاستخرجتو قبل اسبوعين تقريبا ...

هلا ياوائل ......

الغريبة انا وثيقتي اقدم فهي صادرة بتاريخ 31 مايو 2011م

يعني بدل ماكانت ناقصة S زادوها R لمن الدور جاء عليكم

غايتو ياناس البوليس يوم بتشردونا من المنبر ده

Quote: يعني بدل ماكانت ناقصة S زادوها R لمن الدور جاء عليكم

مع زيادة الاسعار دي لازم الــ headquarters دي برضو تزيد ..!

يا جنابو سلام

السجل المدني فوق كتبوه registration
وتحت كتبوه rolls ليه؟


والله الليلة جنس غلاط لمن تآمن




كدي ودي ليهم دي


Republic of Sudan
Ministry of Interior
Police Forces Headquarters
Passport and Civil Registry Authority
Public Department of Civil Registry


Civil Registry Certificate

بس أنتظر شوية نشوف أراء الناس فيها

جنابو سلامات

كده ووب وكدة ووبين....

تطفي نار تجيك نارين ...

و ....

الني مصيروا النار...!!

احترنا كيف نعمل معاك ........يارقم..!!

_____________________

قالوا الشقي ..........!!

وجاء يكحلا.............!!

والمافي.............!!

والامثله كتيرة..!!

تحياتي جنابو
ولعل الاولاد بالف خير
انت رجعت تاني (تنفي ) ولا شنو لووووول
الشباب ما قصرو كدي نستفيد من بوستك ده وندي الرمية دي
headquarters تستخدم عادة مع اداة المفرد او الجمع (is ,are, have,has ..etc) في حالة الاشارة للموقع الجغرافي يفضل استخدامها مع اداة الجمع are
(Sudan’s Police Headquarters are in Khartoum )
اما عند الاشارة لسلطة ما ودون ان تقصد تحديدا موقعها الجغرافي فيفضل استخدامها في صيغة المفرد مثلا
(Sudan’s Police Headquarters hasdenied the news about that incident)
وهنا في وثيقة السجل المدني الاشارة لسلطة ودون الاشارة لموقعها الجغرافي
ولكن في جميع الاحوال الكلمة هي Headquarters

The
Republic of Sudan
Ministry of Interior
Police Forces Headquarters
Passport and Civil Registry Authority
Public Department of Civil Registry


Civil Registry Certificate

أخونا عمر
جيت تكحلها عميتها مره واحده
أحسن كان تخلي الطاجن مستور

Quote: أخونا عمر جيت تكحلها عميتها مره واحده أحسن كان تخلي الطاجن مستور

والني للنار...!!


المشكله يا(عمر) مشكلة سيستم بحالو....!!

Quote: انت رجعت تاني (تنفي ) ولا شنو لووووول

جنابو عمر النفي وراهو وراهو ..طلع بالباب .. ناس مولانا رجعوهوا بالشباك

Quote: Police Forces Headquarters

كلمة FORCE ما عندها معنى
لانها معلوم بالضرورة
البوليس قوة شبة عسكرية
دا وصف زائد
و يبدو انه ترجمة حرفية
ل(قوات الشرطة)
Police Headquarters تكفي

تحياتي

جنابو عمر والمتداخلين ..سلام

مشينا اليوم نستخرج شهادة حسن سير وسلوك (فيش ) بغرض السفر ... الفي بري داك .

لقيت ليك اللافتة الرئيسية مكتوبة (ادارة تحقيق الشخصية ) وقفت مسافة افكر يا ربي الصاح تحقيق الشخصية ولا التحقق من الشخصية ؟؟؟

لحد قبل افتح بوستك دا كنت محتار which is which ؟؟؟

ناس اللغة رجاء الإفادة ...

مع ودي

توجد عدّة إصدارات من الوثيقة.

إن شاء الله ، حأنزل إصدار تاني لمن أصل المكتب.

جنابو عمر كيف حالك
ياخي والله ما في مشكلة إنك تتعصب للشرطة
بس خليك مع الجوانب المضيئة فقط فانت مضيء

اقتراح الترجمة الفوق ممتاز بس شوية تعديل

Republic of Sudan
Ministry of Interior Affairs
Police Headquarters
Authority of Passports and Civil Registry
General Directorate of Civil Registry

سلام يا جنابو

اميل الى ترجمة الاخ جعفر مع تعديل طفيف

Quote: الحالة يجب أن يطلق عليه Civil Registry

واميل كغيري, الي ترجمة الاخ جعفر. مع عدم الاشارة ل كلمة FORCE
ذكرني الامر, باليافطة الاشهر في قشلاق البوليس ببحري
علي منزل جاويش, حيث كتب التالي: محمد احمد يشتغل بالبوليس السري
وفنان شعبي.
الزمان داك الجاويش بعذره, لكن ماعذر العاقب والهاشم.


لك الود عمر

Quote: غايتو ياناس البوليس يوم بتشردونا من المنبر ده

مكرر

Republic of Sudan
Ministry of Interior Affairs
Police Headquarters
Passports and Civil Registry Authority
Directorate of Civil Registry

تعديل طفيف لمقترح الاخوين حسن مكاوي وجعفر

جنابو عمر والأخوة الكرام
كدي بعيدا عن الترجمة
هل الصحيح ان يسمى الرقم الوطني
ام الرقم المدني
في تقديري ان الرقم المدني هو الأصح والأشمل فالسجل المدني يعبر عما يسمى في القانون بحالة الشخص
وهذه الحالة تعرف بالحالة المدنية للشخص وهي تشمل كافة بياناته الشخصية واهليته
وهذا الرقم يحصل عليه حتى الأجانب المقيمين في الدولة اقامة شرعية وصحيحة وبالتالي
الرقم ليس مربوطا بالمواطنة بقدر ما مرتبط بالحالة المدنية للشخص

Republic of Sudan
Ministry of Interior Affairs
Police Headquarters
Passports and Civil Registry Authority
Directorate of Civil Registry

تعديل طفيف لمقترح الاخوين حسن مكاوي وجعفر

Quote: Republic of Sudan Ministry of Interior Affairs Police Headquarters Passports and Civil Registry Authority Directorate of Civil Registry ;

مع الترجمة الاخيرة
الأصح رسميا REPUBLIC OF THE SUDAN بأضافة الـــــTHE
والأصح رسميا MINISTRY OF INTERIOR من غير Affairs

جنابو ازيك..

لعيون الوطن والقومة ليك يا وطني...

لعيونك يا جنابو عمر..





وهذا جهد المُقِلْ..

العبد الفقير إلى الله الراجي عطفه محمود بن مصطفى محمود دفع الله الجعلي

Quote: الأصح رسميا REPUBLIC OF THE SUDAN بأضافة الـــــTHE

الاخ شمس

اضافة the هذه تفكير باللغة العربية اثناء التحدث بالإنجليزية.. اقرب لترجمة اخوانا المصريين.

بالانجريزية البلد اسمها Sudan وتقول I came from Sudan, or I born in Sudan, or Sudan is in Africa ...الخ

كل وثائق الدولة تحتاج مراجعة وازالة اداة التعريف العربية المترجمة جزافا للإنجليزية

الترجمة تعنى اكثر من تبديل الكلمات والحروف


.

سلامات ياجنابو ,, اخبار المريخ شنو؟ ياخ انت صحيفة الصدي دي الحاصل ليها شنو؟ نلقاها وين؟

Quote: يعني وزارة الداخلية وزعوها شركات ولا كيف ؟؟؟

اضحك الله سنك يادغيس غايتو دغمست البوست جنس دغمسة ـ ـ في انتظار ودالقاضي يتم الناقصة.

Quote: مع زيادة الاسعار دي لازم الــ هآادقوارتآرس دي برضو تزيد ..!

قالوا في زيادات متوقعة في جداول الضرب.

السجل فيهو عشرة خانات يا جنابو عمر؟؟؟

أرجو أن يكون كذلك..

..

أزيك يا ابو الريش
الأسم الرسمي لجمهورية السودان في المحافل الدولية هو REPUBLIC OF THE SUDAN بأضافة الـ the

هنا اسم السودان الرسمي كما في الامم المتحدة :

http://www.un.int/wcm/content/site/sudan


ويمكنك مراجعة مكتبة الكونغرس هنا :
http://lcweb2.loc.gov/frd/cs/profiles/Sudan.pdf

وبعدين يا جنابو عمر عثمان عليك الله ما تشرد تخلى البوست دا للملكية لانهم بنضموا ساكت وما في زول يقدر يحل لينا مشاكلنا مع ناسك ديل (ناس البوليس والقضائية)
الوثيقة التحت دي قسيمة زواج ( مسحت الرقم المتسلسل واسماء الاشخاص)
ما تتخيل يا جنابو الوثيقة دي مبهدلة السودانيين هنا قدر شنو..
المواطن أعلاه تزوج في يوم الخميس 29 ذو القعدة 1432 الموافق 27 اكتوبر 2011
بينما ختم الهيئة القضائية - محكمة الخرطوم شرق في الركن الايسر أعلى الصفحة بتاريخ 18 يوليو 2011
يجب ان أوكد ان الوثيقة حقيقية وغير مزورة وعليها كل التوثيقات (القضائية ووزارة الخارجية)
تفسير ذلك ان المأذون المسجل رسميا لدي الدوائر الرسمية عندما يذهب لاستلام الدفتر الذي سيجري عليه عقودات الزواج لاحقا, تختم كل صفحات الدفتر الخالية وبهذا يصبح ختم السلطة القضائية متقدما علي تاريخ الزواج!!
يعني ان المأذون في الوثيقة اعلاه استلم الدفتر يوم 18 يوليو 2011 وبعد ثلاثة شهور رزقه الله بتزويج تعيس الحظ والذي من أجل ان تلحق به زوجته بكندا لا بد ان يحلف بكل كتب السماء بان الوثيقة غير مزورة
جماعتنا هنا طبعا ما ممكن يفهموا الحاصل دا بغير انو تزوير في اوراق رسمية خاصة وانو القضائية الموقرة مصرة تكتب كل شئ بالعربي ألا الختم بالانجليزي (كيية لناس برا)
اتكلمنا ورسلنا ايميلات وخطابات ولكن لا حياة لمن تنادي فعليك الله وانت في طريقك لـ Headquarter بالـS (وجه مبتسم) ممكن تخشى لينا القضائية معاك
يعني الناس البرا بقي عليهم دفع المهر ومعاه غلاط لسلطات البلد العايش فيها عشان يعترفوا بيهو متزوج
وجاييك لموضوع جواز السفر الجديد (ودا طبعا حيكون مع ناس الـHeadquarters)

نسيت اشير
الخالاها Force
ما forces شنو؟
بالعربي قوات
و الانجليزي قوة واحدة!
الترجمة بتصرف اسمها enforcement.


الكلام دا كلو بيعبر عن العقلية البيروقراطية للدولة
انت ما محتاج لخمسة سطور توصيف. بضيع مساحة و حبر
دي قروش طبعا
ببساطة ممكن يكون كدا:
جمهورية السودان
ادرارة السجل المدني او الرقم الوطني او اي كان اسمه.
سطرين فقط.

ملاحظة اولية:
الرقم الامني او التاميني او الاجتماعي او اصلا ما عنده علاقة بالبوليس و البوليسية
عشان يكون تابع ل Police headquarters
لكن في ظل دولة بوليسية متعسفة المحتمل استخدامه للكنترول على المجتمع بالشكل السلبي
و استخدامه كاداة للسلطة العارية و التلصص على الناس.

بخصوص الجواز الجديد يا جنابو عمر
كنا في أمان الله مع الجواز القديم ومن غير أي مشاكل لحدى ما ناسك قرروا وفكروا في الجواز الحالى
اولا: الجواز طفرة متقدمة لمواكبة تكنلوجيا الجوازات في العالم
ثانيا: يعتبر جيد شكلا
بس المضمون فيهو مشكلة كبيرة خلاص ولايضاح ذلك اسمح لي استلف اسمك من البروفايل فقط لتسهيل المتابعة والشرح
اسمك في الجواز القديم كان يكتب هكذا عمر محمد عثمان عبد الحليم
ويترجم للانجليزية تحت الي: Omer Mohamed Osman Abdelhaleem

الجواز الجديد
لم يتغير كتابة الاسم بالعربي حيث بقي كما هو في خانة الاسم: عمر محمد عثمان عبدالحليم
ولكن المشكلة جاءت عندما ارادوا كتابة هذا الاسم للانجليزية
في الفترة الاولي لاستخراج الجواز كانو يكتبونه كلاتي
First Name: Omer Last Name: Abelhaleem
هذه الطريقة خلقت مشكلة مع بعض السفارت لدرجة ان بعضهم رفض التعامل مع الجواز الجديد بحجة ان الاسم بالعربي لا يتطابق مع الاسم بالانجليزي
طبعا جماعتك بتاعين الـHeadquarters فكروا وقدروا وجو بفكرة جديدة وهي كتابة الاسم كالاتي:
First Name: Omer Last Name: Mohamed Osman Abdelhaleem
كتابة الــlast name لا تتحمل الكتابة بالطريقة الاخيرة وانت تتعامل بهذا الجواز في الخارج وذلك للاسباب التالية:
اسم العائلة (Family Name) , الاسم الاخير (Last Name) او الــ Surname دائما وفي الغالب اسم وحيد ومميز ولا يتحمل خانة اسم العائلة كل هذه المظاهرات
بينما الاسم الأول يتحمل ذلك فقط باضافة الـS لكلمة Name لتصبح Names وعلية يصبح كتابة الاسم كالاتي:
First Name/s: Omer Mohamed Osman Last Name: Abdelhaleem

الطريقة الاخيرة عملية وواقعية
عملية لانها تتحمل لاحقا كتابة الاسم او الاسماء الاولي باختصا رات لا تخل بتركيبة الاسم .. وواقعية لان كمبيوترات هذه البلاد غير مبرمجة لعدد احرف فوق الخمسة عشر حرف في خانة الــFamily Name مما يعني في كثير من الحالات استقطاع الجزء الاخير من الاسم مما يخلق كثير من المشاكل
بعض الدول الغير ناطقة بالانجليزية لمعالجة هذا الاشكال يضيفون الاسم الاوسط او الــMiddle Name ليصير اسمك في الجواز كالاتي:
First Name: Omer Middle Name: Mohamed Osman Family/Last Name: Abdelhaleem
هي مشكلة قد تراها ادارة الجوازات بسيطة ولكنها تخلق كثير من التعقيد والمشاكل التي لا يتصورها عقل للسودانيين المقمين بهذه البلاد
طبعا وجدت فرصة انك اتبرعت تمر على ناس الـHeadquarters فقلت ألحقك رسالتي دي وهي امانة السودانيين الفي بلاد برا
مع عميق تقديري ايها العزيز

Quote: بخصوص الجواز الجديد يا جنابو عمر كنا في أمان الله مع الجواز القديم ومن غير أي مشاكل لحدى ما ناسك قرروا وفكروا في الجواز الحالى اولا: الجواز طفرة متقدمة لمواكبة تكنلوجيا الجوازات في العالم ثانيا: يعتبر جيد شكلا بس المضمون فيهو مشكلة كبيرة خلاص ولايضاح ذلك اسمح لي استلف اسمك من البروفايل فقط لتسهيل المتابعة والشرح اسمك في الجواز القديم كان يكتب هكذا عمر محمد عثمان عبد الحليم ويترجم للانجليزية تحت الي: Omer Mohamed Osman Abdelhaleem الجواز الجديد لم يتغير كتابة الاسم بالعربي حيث بقي كما هو في خانة الاسم: عمر محمد عثمان عبدالحليم ولكن المشكلة جاءت عندما ارادوا كتابة هذا الاسم للانجليزية في الفترة الاولي لاستخراج الجواز كانو يكتبونه كلاتي First Name: Omer Last Name: Abelhaleem هذه الطريقة خلقت مشكلة مع بعض السفارت لدرجة ان بعضهم رفض التعامل مع الجواز الجديد بحجة ان الاسم بالعربي لا يتطابق مع الاسم بالانجليزي طبعا جماعتك بتاعين الـHeadquarters فكروا وقدروا وجو بفكرة جديدة وهي كتابة الاسم كالاتي: First Name: Omer Last Name: Mohamed Osman Abdelhaleem كتابة الــlast name لا تتحمل الكتابة بالطريقة الاخيرة وانت تتعامل بهذا الجواز في الخارج وذلك للاسباب التالية: اسم العائلة (Family Name) , الاسم الاخير (Last Name) او الــ Surname دائما وفي الغالب اسم وحيد ومميز ولا يتحمل خانة اسم العائلة كل هذه المظاهرات بينما الاسم الأول يتحمل ذلك فقط باضافة الـS لكلمة Name لتصبح Names وعلية يصبح كتابة الاسم كالاتي: First Name/s: Omer Mohamed Osman Last Name: Abdelhaleem الطريقة الاخيرة عملية وواقعية عملية لانها تتحمل لاحقا كتابة الاسم او الاسماء الاولي باختصا رات لا تخل بتركيبة الاسم .. وواقعية لان كمبيوترات هذه البلاد غير مبرمجة لعدد احرف فوق الخمسة عشر حرف في خانة الــFamily Name مما يعني في كثير من الحالات استقطاع الجزء الاخير من الاسم مما يخلق كثير من المشاكل بعض الدول الغير ناطقة بالانجليزية لمعالجة هذا الاشكال يضيفون الاسم الاوسط او الــMiddle Name ليصير اسمك في الجواز كالاتي: First Name: Omer Middle Name: Mohamed Osman Family/Last Name: Abdelhaleem هي مشكلة قد تراها ادارة الجوازات بسيطة ولكنها تخلق كثير من التعقيد والمشاكل التي لا يتصورها عقل للسودانيين المقمين بهذه البلاد طبعا وجدت فرصة انك اتبرعت تمر على ناس الـHeadquarters فقلت ألحقك رسالتي دي وهي امانة السودانيين الفي بلاد برا مع عميق تقديري ايها العزيز

وازيدك من الشعر بيت ياشمس الدين

(محمد عثمان) اسم واحد وهو اسم ابوي

لمن جو يكتبوه بالانجليزي قالوا الحتة المخصصة للاسم الثاني مابتشيل

فكتبوه بدون سبيس بين محمد و عثمان وبقي مكتوب كده MOHAMEDOSMAN

والمشكلة الاكبر حتحصل مع ولدي الاسمو (محمد عثمان) حالياً بفكر في

حذف اسم عثمان منه اسمه والابقاء على اسمه (محمد عمر محمد عثمان)

الأخ شمس الدين السنوسي

تحية طيبة،

ممكن زولك - صاحب القسيمة - يمشي القضائية الخرطوم بالوثيقة دي (مكتب التوثيقات الاتحادي - جوار دار الهاتف).

يدفع 2 جنيه ويطلب قسيمة مطبوعة بالكمبيوتر (بالعربية أو بالانجليزية) ويستلمها خلال نصف ساعة ويمشي يختمها من الخارجية والسفارة

وتكون مشكلته اتحلت.

العزيز هاني
تحياتي

المشكلة في القسيمة المستخرجة من القضائية انها لا تحتوى كل التفاصيل الدقيقة وهي ( مختصر) لقسيمة الزواج الاصلية
والكنديين يطلبون الوثيقة المستخرجة بواسطة المأذون مع وثيقة القضائية وذلك في حالات الكفالة العائلية
انا لا أري ان هناك مشكلة في محتوي الوثيقة المستخرجة من المأذون غير هذا الختم المقدم علي تاريخ الزواج
مع خالص تقديري

ممكن زولك - صاحب القسيمة - يمشي القضائية الخرطوم بالوثيقة دي
(مكتب التوثيقات الاتحادي - جوار دار الهاتف).

يدفع 2 جنيه ويطلب قسيمة مطبوعة بالكمبيوتر (بالعربية أو بالانجليزية)
ويستلمها خلال نصف ساعة ويمشي يختمها من الخارجية والسفارة

وتكون مشكلته اتحلت.

وبرجعوا ليه الدفعن لي المأذون؟

ولو جاء أبو العروس أو وكيلا ونكر توقيعو؟

الأخطاء كثيرة ياجنابو ليس على مستوى الشرطة
بل في كل أجهزة الدولة
ولكن الخطأ ليس خطأهم
بل خطأ الذين يستلمون الوثائق او الايصالات
شخصياً لا أخرج الا بعد أن اراجع الوثيقة أو اي ايصال أستلمه من مؤسساتنا
أراك وكأنك ترى ان مؤسسات الشرطة مؤسسات قديسين أو أولياء
فهم كغيرهم يخطأوون بل ويخطأأون كثيرا
وعلينا جميعاً أن نقوم بتصحيح هذه الأخطاء في سبيل وطننا
ومن أجل تقديم خدمة جيدة للمواطنين
ولكي نمهد خارطة طريق جديدة للأجيال التي تأتي من بعدنا
زوجتي حينما ذهبت لتجديد جوازها بجوازات مدني قلت لها قبل كل شيء تأكدي من معلومات الجواز الجديد
وطلبت منها أن تراجعه صفحة صفحة
والأدهى قلت لها بعد ان تستلمي الجواز لابد ان تتصلي بي
وحيث أن والدها ضابط شرطة سابق
فالاجراءات تمت بأسرع مايكون
والزولة فرحانة ومبسوطة حينما استلمت الجواز 00 اها ياست النفر راجعتي الجواز
فقالت لي كلو تمام
أتت للسعودية لنجد أن التجديد ناقص سنة كاملة 00 آآآآآآآي والله ليس شهر ولاشهرين بل سنة
طبعاً صريت وشي يوم كامل وما اتكلمت معاها

عندنا بت صغيرة عقدتنا مع ناس الجوازات
والسب أن اسمها { مآآآآآآآآآآآآآآآآآآآرب } !!!
والله كل مرة نرجع لناس الجوازات عشان تصليح الاسم
والمشكلة هنا كتبوا اسمها صاح 100% بالانجليزي
ولكن تبقت المشكلة في الإسم العربي
مرة نلقاها بالهمزة وكأنها سد مأرب
ومرة لاهمزة ولا مدة ولاشولة يخلوها ليك سليقةساكت
لدرجة فكرنا نغير اسمها 00

واحدة صغيرة اسمها { طواف } كنا عاوزين نضيفها
كاجراء طبيعي الجوازات طلب وا من والدتها موافقة الوالد على الاضافة
قوم يا ابوحراز سافر 500 كيلو الى جدة وليس لي اي فرصة الا يوم الخميس
فجأة وجدنا السفارة مغلقة ابوابها وتم تغييرها الى موقع آخر
رجعت بخفي حنين لأخذ إذن من مديري
وبالفعل ذهبت يوم الأحد صباحاً ورجعت في نفس اليوم
واستلمت الورقة من السفارة وموقعة من أعلى جهة بالقنصلية وهو القنصل
وبعد هذه الانبساطة مباشرة للكرنتينة لتناول وجبة سودانية
وارسلت الورقة بالفاكس
لأتفاجأ في اليوم الثاني أن مديرة الجوازات رفضت هذه الوثيقة
واصرت على أن يقوم بتوقيعها مدير الجوازات بالقنصلية
وذلك رغم توقيع القنصل
قوم سافر تاني 500 كيلو ذهابا وبالطبع مثلها 500 في العودة
وكل من قابلتهم من الموظفين بالقنصلية يقول ان الاجراء سليم والوثيقة رسمية
وطلبت مقابلة مدير الجوازات
وتم ذلك بصعوبة من قبل الاستقبال والذي قال لي تجيب لينا ورقة من الموظف القال ليك تقابل الجوازات
رجعت وأنا اضحك من حديث الموظف بالاستقبال
وقابلت الموظف مرة ثانية وقلت ليهو عاوزين ورقة
فرد علي يا اخي انا أحب أرشدك للطريق الصحيح تجي تقول ورقة
المهم رغم ذلك خدمني واتصل على الاستقبال
المهم رجعت وزولي الكعب في الاستقبال لم أجده ووجدت واحد تاني
دخلت واذا بي افاجأ بالموظف اللئيم وهو يتناول سانتدوتش
طوالي بدأ يتفاصح 00 يازول انت دخلت هنا كيف ؟؟
فقلت له بعد ما تكون قاعد في مكانك وماتعديها اكل فول ان شاء الله حاتعرف كيف دخلت روح بلا لخمة معاك
دخلت الى مدير الجوازات رجل خلوق جدا ومرح
وقال لي الوثيقة دي رسمية ولاتحتاج الى تصديق من الجوازات
المهم اصريت على التصديق حتى لا ارجع مرة أخرى للقنصلية
وبالفعل تم ذلك وتم اضافة البنت

فالجوازات تحتاج الى الكثير من الغربلة والفلترة
ولكن شيء خير من لاشيء


شوت ضفاري :
صديقي اقامته عامل تربية مواشي ايام الدفتر الأخضر
فكتبوا له : كالتالي : المهنة : عامل تربية مواشي
: الجنسية : عامل تربية مواشي 00 الراجل زعلان يومين ما اكل لحدت ما مشى الجوازات وتم تغيير الجنسية !!!